17/06/2026
راولاکوٹ میں احتجاجی دھرنا جاری، عوام کہتی ہے جب تک مطالبات پورے نہیں ہوتے ڈٹے رہیں گے،
راولاکوٹ میں جاری احتجاجی دھرنے میں عوام کی بڑی تعداد شریک ہے اور مظاہرین اپنے مطالبات کے حق میں مسلسل دھرنا دیے ہوئے ہیں۔ اس دوران مذاکراتی ٹیم دھرنے کے مقام سے واپس مظفرآباد پہنچ گئی، جہاں انہوں نے پریس کانفرنس کرتے ہوئے مذاکرات کی صورتحال سے آگاہ کیا۔
دوسری جانب دھرنے میں شریک عوام کا کہنا ہے کہ جب تک ان کے مطالبات تسلیم نہیں کیے جاتے، احتجاج ختم نہیں کیا جائے گا۔ مظاہرین کا مؤقف ہے کہ وہ اپنے حقوق کے حصول کے لیے پرامن جدوجہد جاری رکھیں گے۔
اس وقت راولاکوٹ میں بڑی تعداد میں لوگ موجود ہیں اور احتجاجی شرکاء اپنے مطالبات کی منظوری تک دھرنا جاری رکھنے کے عزم کا اظہار کر رہے ہیں۔
