18/06/2026
کالعدم ایکشن کمیٹی کے 154لیڈروں ،ممبران کیخلاف سخت ایکشن، بینک اکائونٹس، شناختی کارڈ منجمد
حکومت آزادکشمیر نے کالعدم جوائنٹ عوامی ایکشن کمیٹی (جے اے اے سی) کے رہنماؤں اور ارکان کے خلاف کریک ڈاؤن شروع کر دیا۔
ذرائع کے مطابق حکومت آزاد کشمیر کا عوامی ایکشن کے 154لیڈروں ،ممبران کیخلاف سخت ترین ایکشن، پاسپورٹ ،بینک اکاؤنٹ، شناختی کارڈ سب کچھ منجمد کردیا۔
ذرائع کے مطابق حکومت آزادکشمیر نے 154 کالعدم عوامی ایکشن کمیٹی ممبران اور لیڈران کے نام فورتھ شیڈول میں شامل کردیئے۔
ذرائع کے مطابق ان لیڈروں میں شوکت نواز میر، سردار عمر نذیر کشمیری، مجتبیٰ بانڈے، سردار امان خواجہ مہران سمیت ودیگر154 افراد کے نام شامل ہیں۔
ذرائع کے مطابق آزادکشمیر کابینہ کے اجلاس کے فیصلے کے مطابق صدر آزاد جموں و کشمیر نے سنٹرل پولیس آفس سے موصول ہونیوالی سفارشات کی بنیاد پر کالعدم عوامی ایکشن کمیٹی کے قائدین اور ممبران کو فورتھ شیڈول میں شامل کیا گیا ہے۔
ذرائع کے مطابق آزاد جموں و کشمیر انسداد دہشتگردی ایکٹ 2014 کے سیکشن 16 (1) کے تحت عطا کردہ اختیارات کو بروئے کار لاتے ہوئے صدر آزادکشمیر نے کالعدم عوامی ایکشن کمیٹی کے لیڈروں اور ممبران کو فورتھ شیڈول میں شامل کردیا۔
ذرائع کے مطابق کالعدم عوامی ایکشن کمیٹی کے قائدین میں شوکت نواز میر، راجہ امجد علی خان، انجم زمان اعوان، راجہ شعیب جاوید جہلم ویلی بھی شامل ہیں۔ حکومت آزادکشمیر نے نوٹیفکیشن جاری کردیا۔
