Info Time

Info Time دنیا بھر کی خبریں اور معلومات جو آپ کو آگاہی دیں

News and information around the world.

25/02/2026

بھکر میں خودکش حملہ: کیا خیبر پختونخوا کے بعد پنجاب میں بھی شدت پسندوں کا خطرہ بڑھ گیا ہے

فغانستان کے ساتھ کشیدہ حالات کے بعد پاکستان کے صوبہ خیبر پختونخوا میں حملوں میں اضافہ تو دیکھا ہی گیا تاہم ایک عرصے بعد صوبہ پنجاب میں بھی خود کش حملہ ہوا۔ اس سے پہلے پاکستان کے وفاقی دارالحکومت اسلام آباد میں بھی حالیہ عرصے میں دو بڑے حملے ہو چکے ہیں۔
صوبہ پنجاب کے شہر بھکر میں منگل کی شام ایک چیک پوسٹ پر خود کش حملہ بظاہر خیبر پختونخوا کے جنوبی اضلاع میں ہونے والے حالیہ حملوں کا تسلسل ہے۔ گذشتہ روز خیبر پختونخوا کے ضلع کوہاٹ اور بھکر کے حملوں میں ایک ڈی ایس پی سمیت 9 پولیس اہلکار اور ایک راہگیر ہلاک ہوئے ہیں۔
ان حالیہ حملوں میں شدت پسندوں کی جانب سے زیادہ جانی نقصان کے لیے مختلف منصوبہ بندی نظر آئی، جس میں ایک دھماکے کے بعد ایمبولینس اور زخمیوں کو لے جانے والی گاڑیوں پر حملے کیے گئے۔
اگر ہم خیبر پختونخوا میں گذشتہ چند روز یعنی 16 فروری سے 24 فروری تک ہونے والے حملوں کو دیکھیں تو یہ تواتر سے کیے جا رہے ہیں۔ باجوڑ میں ملنگی چیک پوسٹ پر حملہ، اس کے بعد بنوں میں لیفٹیننٹ کرنل کے قافلے پر حملہ، کرک میں کواڈ کاپٹر سے فیڈرل کانسٹبلیری کے قلعے پر حملہ، کوہاٹ میں تحصیل لاچی کے علاقے شکر درہ میں پولیس پر حملہ اور بھکر میں داجل چیک پوسٹ پر حملہ شامل ہیں۔

( )
• #دہشتگردی ( )
• #پنجابسیکیورٹی ( )
• #خیبرپختونخوا ( )
• ( )
•
• ( )
• ( )
• ( )
• ( )

سٹاک مارکیٹ میں مسلسل مندی کا رجحان جاری: گذشتہ ایک ماہ میں 100 انڈیکس میں 21000 پوائنٹس سے زائد کی کمی پاکستان سٹاک ایک...
23/02/2026

سٹاک مارکیٹ میں مسلسل مندی کا رجحان جاری: گذشتہ ایک ماہ میں 100 انڈیکس میں 21000 پوائنٹس سے زائد کی کمی

پاکستان سٹاک ایکسچینج میں سوموار کے روز بھی شدید مندی کا رجحان ریکارڈ کی گیا ہے اور کاروبار کے اختتام تک 100 انڈیکس میں مجموعی طور پر 5478 پوائنٹس تک کمی ریکارڈ کی گئی ہے۔
مارکیٹ میں سرمایہ کاروں کی جانب سے حصص کی فروخت کے رجحان کی وجہ سے پیر کے روز 100 انڈیکس 167691 پوانٹس کی سطح پر بند ہوا۔
یاد رہے کہ پاکستان سٹاک ایکسچینج میں گذشتہ کئی روز سے مسلسل مندی کار جحان ریکارڈ کیا جا رہا ہے اور تجزیہ کاروں کے مطابق اس کی وجہ جیو پولیٹیکل صورتحال کے علاوہ لسٹڈ کمپنیوں کی جانب سے اعلان کیے جانے والے مالیاتی نتائج میں توقع سے کم گروتھ اور منافع ہے جس میں تیل و گیس کے شعبے کی کمپنیوں کے نتائج اہم ہیں اور ان کے توقع سے کم منافع کی وجہ سے مارکیٹ پر ان کا کافی منفی اثر ہوا ہے۔
واضح رہے کہ سٹاک مارکیٹ اب تک ایک مہینے سے کم عرصے میں اپنی بلند ترین سطح پر جانے کے بعد اب تک 10 فیصد سے زائد تک پوائٹس کھو چکی ہے۔
ایک ماہ قبل23 جنوری 2026 کو سٹاک مارکیٹ کا 100 انڈیکس 189166 پوائنٹس کی بلند ترین سطح پر بند ہوا تھا اور گذشتہ ایک ماہ کے دوران 100 انڈیکس میں مجموعی طور پر 21475 پوائنٹس کی کمی ریکارڈ کی گئی ہے۔
تجزیہ کار شہر یار بٹ نے پاکستان سٹاک ایکسچینج میں مندی کے رجحان کے بارے میں بات کرتے ہوئے بتایا کہ اس کی سب سے بڑی وجہ ایران اور امریکہ کے درمیان کشیدگی ہے جس کی وجہ سے مارکیٹ میں رجحان گذشتہ کئی روز سے منفی ہے۔
انھوں نے کہا کافی دن سے یہ کشیدگی چل رہی ہے جس سے سرمایہ کاروں کے اعتماد میں کمی ہوئی ہے۔
شہر یار نے بتایا کہ خطے میں کشیدگی کی وجہ سے پاکستان سٹاک مارکیٹ سے غیر ملی سرمایہ کار نکل رہے ہیں۔
انھوں نے بتایا کہ صرف جمعہ کے روز غیر ملکی سرمایہ کاروں نے ملکی مارکیٹ سے 19 کروڑ ڈالر سے زائد کے حصص فروخت کیے تھے۔
شہریار نے کہا جب تک امریکہ اور ایران کے درمیان تناو کی صورتحال برقرار رہتی ہے مارکیٹ دباو کا شکار رہے گی۔
شہر یار نے کہا جیو پولیٹیکل صورتحال کے علاوہ لسٹڈ کمپنیوں کی جانب سے جو مالیاتی نتائج آئے ہیں وہ اتنے اچھے نہیں رہے جس کی وجہ سے بھی مارکیٹ میں کمی ریکارڈ کی گئی ہے۔
تجزیہ کار کے مطابق اس وقت کوئی ایسا ٹریگر نہیں کہ جو مارکیٹ کو سپورٹ کرے۔
تجزیہ کار احسن محنتی نے بی بی سی کو بتایا کہ جیو پولیٹیکل صورتحال نے مارکیٹ میں کاروبار پر منفی اثر ڈالا ہے تاہم اس کے ساتھ ساتھ ملک میں شرح سود کے دوبارہ بڑھنے کے امکان نے بھی سٹاک مارکیٹ کو بری طرح متاثر کیا ہے۔
محنتی نے کہا سٹیٹ بینک کی جانب سے ایک سال کے بانڈ کے گذشتہ آکشن میں صورتحال شرح سود کے بڑھنے کے امکان کا ظاہر کرتی ہے۔
انھوں نے کہا رمضان کی وجہ سے مہنگائی میں اضافہ ہوا ہے جس کی وجہ سے مہنگائی کا منظر نامہ متاثر ہو سکتا ہے اور مرکزی بینک شرح سود میں اضافہ کر سکتا ہے جو مارکیٹ کے لیے بہت منفی ہے۔










ننگرہار میں گھر پر حملے میں ہلاک ہونے والوں میں 11 بچے شامل، طالبان حکام کا دعویٰ سنیچر اور اتوار کی درمیانی شب افغانستا...
22/02/2026

ننگرہار میں گھر پر حملے میں ہلاک ہونے والوں میں 11 بچے شامل، طالبان حکام کا دعویٰ

سنیچر اور اتوار کی درمیانی شب افغانستان کے مشرقی صوبے ننگرہار کے ضلع بہسود میں ایک مکان پر پاکستانی فضائی حملے میں کم از کم 17 افراد کے ہلاک ہونے کی اطلاعات ہیں۔
صوبہ ننگرہار میں طالبان حکومت کے وزارتِ اطلاعات اور ثقافت کے سربراہ امر قریشی بدان نے دعویٰ کیا ہے کہ ہلاک ہونے والوں میں 11 بچے شامل ہیں جبکہ باقی چھ خواتین اور مرد تھے۔
بتایا جا رہا ہے کہ حملے کے نتیجے میں مکان مکمل طور پر تباہ ہو گیا ہے اور لاشوں کو نکالنے کی کوششیں جاری ہیں۔

•
• #افغانستان
•
•
•
•
•
•
• #طالبان
•

•
•
•
•
•
•
•
•

ٹی 20 ورلڈ کپ: کیا پاکستان اور انڈیا سیمی فائنل اور فائنل میں مدِمقابل آ سکتے ہیں؟ی ٹوئنٹی ورلڈ کپ میں سپر ایٹ کی تصویر ...
22/02/2026

ٹی 20 ورلڈ کپ: کیا پاکستان اور انڈیا سیمی فائنل اور فائنل میں مدِمقابل آ سکتے ہیں؟

ی ٹوئنٹی ورلڈ کپ میں سپر ایٹ کی تصویر تو واضح ہو گئی ہے لیکن سوال یہ ہے کہ کیا میگا ایونٹ میں انڈیا اور پاکستان ایک بار پھر آمنے سامنے آ سکتے ہیں۔
جی ہاں، دونوں ٹیمیں سیمی فائنل یا فائنل میں مدِمقابل آ سکتی ہیں لیکن اس کے لیے سپر ایٹ مرحلے میں دونوں ٹیموں کی کارکردگی کا عمل دخل ہو گا۔
سپر ایٹ مرحلے کے میچز کا آغاز 21 فروری یعنی آج ہو رہا ہے، جس کے پہلے میچ میں پاکستان اور نیوزی لینڈ مدِمقابل ہوں گی۔ سپر ایٹ میں لیگ میچز کی ٹاپ آٹھ ٹیمیں شامل ہیں، ان آٹھ ٹیموں کو چار، چار کے دو گروپس میں تقسیم کیا گیا ہے، جو ایک دوسرے کے خلاف تین، تین میچز کھیلیں گی۔
سپر ایٹ کے گروپ ون میں انڈیا، زمبابوے، ویسٹ انڈیز اور جنوبی افریقہ کی ٹیمیں شامل ہیں جبکہ گروپ ٹو میں پاکستان، سری لنکا، نیوزی لینڈ اور انگلینڈ مدِمقابل ہوں گی۔

•
•
•
•
•
•
•
•
•
•
•
•
•
•
•
•
•
•
•
•

ٹرمپ کے عالمی ٹیرف کالعدم قرار- امریکی سپریم کورٹ کا فیصلہ-امریکی سپریم کورٹ کی جانب سے ٹرمپ کے عالمی ٹیرف کالعدم قرار د...
20/02/2026

ٹرمپ کے عالمی ٹیرف کالعدم قرار- امریکی سپریم کورٹ کا فیصلہ-

امریکی سپریم کورٹ کی جانب سے ٹرمپ کے عالمی
ٹیرف کالعدم قرار دیے جانے کے بعد عالمی تجارت اور امریکی معیشت پر اس کے اثرات پر بحث شروع ہو گئی ہے۔

ممکنہ نتائج میں:
• عالمی منڈیوں میں اتار چڑھاؤ
• امریکہ اور چین سمیت دیگر ممالک کے ساتھ تجارتی تعلقات میں تبدیلی
• درآمدی اشیا کی قیمتوں میں کمی یا استحکام
• امریکی صنعتی شعبے پر دباؤ

یہ فیصلہ نہ صرف امریکی سیاست بلکہ عالمی معیشت پر بھی دور رس اثرات مرتب کر سکتا ہے















ایران پر ممکنہ امریکی حملے کا خدشہ، اسرائیل جنگ میں ’فعال کردار‘ ادا کرنے کی تیاری کر رہا ہے: اسرائیلی اخبار کا دعویٰاسر...
20/02/2026

ایران پر ممکنہ امریکی حملے کا خدشہ، اسرائیل جنگ میں ’فعال کردار‘ ادا کرنے کی تیاری کر رہا ہے: اسرائیلی اخبار کا دعویٰ

اسرائیلی میڈیا نے آج امریکہ کے ایران پر مُمکنہ حملے کے بڑھتے ہوئے خدشات کی جانب اشارے کو نمایاں طور پر خبروں میں جگہ دی ہے۔ ان خبروں میں دعویٰ کیا جا رہا ہے کہ اسرائیل نے محض تماشائی کے بجائے اب اس معاملے میں ایک فعال فریق کے طور پر شامل ہونے کی تیاری شروع کر دی ہے۔
تاہم دوسری جانب ایران، امریکہ اور اسرائیل کے درمیان حالیہ کشیدگی پر نظر رکھنے والے ماہرین ان خدشات کا اظہار کر چُکے ہیں کہ یہ جنگ طویل اور خطرناک ثابت ہو سکتی ہے۔
اہم اسرائیلی اخبارات میں شامل ’معاریو‘ نے اپنی رپورٹ میں کہا ہے کہ بڑھتی ہوئی کشیدگی کے پیش نظر اسرائیل ’ہر ممکن صورتحال کے لیے تیار‘ ہے۔ رپورٹ میں دعویٰ کیا گیا ہے کہ ایران اور اس کے حمایت یافتہ گروہوں کے ساتھ تناؤ میں اضافے کے باعث اسرائیلی قیادت تیار ہے۔
اخبار کی جانب سے اپنی رپورٹ میں اسرائیلی وزیر اعظم بنیامن نیتن یاہو کے اس انتباہ کا بھی حوالہ دیا گیا جس میں انھوں نے کہا تھا کہ کسی بھی حملے کی صورت میں ایسا جواب دیا جائے گا ’جس کا وہ (ایران) تصور بھی نہیں کر سکتے۔‘
رپورٹ میں مزید کہا گیا ہے کہ امریکہ اور ایران کے درمیان جاری تعطل ختم ہوتا دکھائی نہیں دے رہا اور صورتحال بدستور کشیدہ ہے۔
دوسری جانب ایک اور اخبار ’ہاریتز‘ نے دعویٰ کیا ہے کہ امریکہ ممکنہ حملے کی تیاریوں میں تیزی لا رہا ہے، جبکہ اسرائیل اس انداز میں اقدامات کر رہا ہے گویا وہ ان منصوبوں کا حصہ ہو۔ اخبار کے مطابق اسرائیل خود کو کسی ثانوی کردار میں نہیں دیکھتا بلکہ وہ جنگ کے آغاز سے ہی فعال طور پر اس میں شامل ہے۔

#ایران
#امریکہ
#اسرائیل











پاکستان میں غربت کی شرح 29 فیصد تک پہنچ گئی، دیہات میں سطح شہروں سے دوگنیپاکستان میں غربت کی شرح میں گذشتہ چھ برسوں کے د...
20/02/2026

پاکستان میں غربت کی شرح 29 فیصد تک پہنچ گئی، دیہات میں سطح شہروں سے دوگنی

پاکستان میں غربت کی شرح میں گذشتہ چھ برسوں کے دوران نمایاں اضافہ ریکارڈ کیا گیا ہے۔ پلاننگ کمیشن کی جانب سے جاری کردہ تازہ اعداد و شمار کے مطابق ملک میں غربت کی سطح 2018-19 میں 21.9 فیصد تھی جو 2024-25 میں بڑھ کر 28.9 فیصد تک پہنچ گئی۔
رپورٹ کے مطابق شہروں میں غربت کی شرح 11 فیصد سے بڑھ کر 17.4 فیصد ہو گئی، جبکہ دیہی علاقوں میں یہ سطح 28.2 فیصد سے بڑھ کر 36.2 فیصد تک جا پہنچی۔ صوبائی سطح پر پنجاب میں غربت 16.5 فیصد سے 23.3 فیصد، سندھ میں 24.5 فیصد سے 32.6 فیصد، خیبر پختونخوا میں 28.7 فیصد سے 35.3 فیصد اور بلوچستان میں 41.8 فیصد سے بڑھ کر 47 فیصد تک ریکارڈ کی گئی۔
رپورٹ میں بتایا گیا ہے کہ غربت میں اضافے کی بڑی وجوہات میں کورونا وبا کے معاشی اثرات، عالمی سطح پر اجناس اور توانائی کی قیمتوں میں اضافہ، ملک میں سیلابوں سے انفراسٹرکچر کی تباہی اور لیبر مارکیٹ کی مشکلات شامل ہیں۔ مالی سال 2024 میں اجناس اور توانائی کی قیمتیں بلند سطح پر پہنچیں، جس سے افراطِ زر اور اخراجات میں اضافہ ہوا۔
سابق وزیرِ خزانہ ڈاکٹر حفیظ پاشا نے حکومتی رپورٹ پر تنقید کرتے ہوئے کہا کہ یہ اعداد و شمار زمینی حقائق سے مطابقت نہیں رکھتے۔ ان کے مطابق عالمی بینک کی ریسرچ میں پاکستان میں غربت کی شرح 45 فیصد بتائی گئی ہے، جبکہ ان کی اپنی تحقیق کے مطابق یہ شرح 43 فیصد تک ہے۔ انھوں نے کہا کہ معاشی شرح نمو میں کمی، فی کس آمدنی میں گراوٹ اور خوراک و ایندھن کی قیمتوں میں اضافے نے غربت کو شدید متاثر کیا ہے۔
ڈاکٹر پاشا نے تجویز دی کہ غربت میں کمی کے لیے ضروری ہے کہ ملک میں معاشی ترقی کی شرح کم از کم 4.5 سے 5 فیصد تک ہو، تاکہ روزگار کے مواقع پیدا ہوں اور آمدنی میں اضافہ ممکن ہو سکے۔

#پاکستان
#غربت


#مہنگائی









گلف سٹریم لگژری طیارہ، پنجاب حکومت کی وضاحت اور نئے سوالپاکستانی ذرائع ابلاغ اور سوشل میڈیا پر پنجاب حکومت کی جانب سے ای...
20/02/2026

گلف سٹریم لگژری طیارہ، پنجاب حکومت کی وضاحت اور نئے سوال

پاکستانی ذرائع ابلاغ اور سوشل میڈیا پر پنجاب حکومت کی جانب سے ایک لگژری طیارے کی مبینہ خریداری کی اطلاعات کو اس وقت تقویت ملی جب اس معاملے پر حکومت کا موقف سامنے آیا۔
بدھ کی شام ایک پریس کانفرنس کے دوران پنجاب کی وزیر اطلاعات اعظمیٰ بخاری سے ایک صحافی کی جانب سے سوال پوچھا گیا کہ ’سوشل میڈیا پر پنجاب حکومت کی جانب سے اربوں روپے مالیت کا جہاز خریدنے سے متعلق بات کی جا رہی ہے، کیا پنجاب حکومت نے یہ جہاز خریدا ہے اور اگر خریدا تو اس کی مالیت کتنی ہے؟‘
اس پر اعظمیٰ بخاری نے جواب دیا کہ یہ ’ائیر پنجاب‘ بنانے کی ایک کڑی ہے۔ ’ایئر پنجاب کے لیے ہم مختلف جہاز خرید رہے ہیں اور کچھ ہم لیز پر لیں گے کیونکہ ہمیں ایک فلیٹ بنانا ہے جس میں ہر طرح کے جہاز ہوں گے اور یہ اُسی کی کڑی ہے۔ اس پر حتمی معاملات سے متعلق آگاہ کیا جائے گا۔‘
ان کا مزید کہنا تھا کہ اس سال ایئر پنجاب نے اپنی سروسز شروع کرنی ہیں اور ’اس کے لیے ہمیں جہاز یا تو خریدنے پڑیں گے یا لیز پر لینے پڑیں گے۔‘















🤖🇮🇳 کانفرنس میں ’چینی ساختہ‘ روبوٹ کتے پر تنازعمصنوعی ذہانت کے اس اجلاس میں ایک روبوٹ کتا بھی رکھا گیا تھا۔سوشل میڈیا پر...
18/02/2026

🤖🇮🇳 کانفرنس میں ’چینی ساختہ‘ روبوٹ کتے پر تنازع

مصنوعی ذہانت کے اس اجلاس میں ایک روبوٹ کتا بھی رکھا گیا تھا۔
سوشل میڈیا پر سامنے آنے والی ایک ویڈیو میں انڈیا کی گلگوٹیا یونیورسٹی کی نمائندہ انٹرویو لینے والے کو اس کتے سے متعارف کرا رہی تھیں۔ انٹرویو کے دوران انھوں نے کہا ’آپ کو اورائن سے ملنا چاہیے۔ یہ گلگوٹیا یونیورسٹی کے سینٹر آف ایکسیلینس نے بنایا ہے۔‘
اور اسی دعوے نے ایسے تنازع کو جنم دیا جس پر ہر کوئی بات کر رہا ہے۔
انڈیا کے وزیر برائے ریلوے، اطلاعات و نشریات اور انفارمیشن ٹیکنالوجی اشونی وشنو نے ایکس پر ایک روبوٹ کتے کی تصویر پوسٹ کرتے ہوئے لکھا کہ ’انڈیا کے خود مختار اے آئی ماڈلز عالمی معیار پر اچھی کارکردگی دکھا رہے ہیں۔ یہ ہمارے انجینیئرز اور جدت کاروں کے لیے ایک اہم سنگ میل ہے۔

اسی پوسٹ کے نیچے صارفین کے رد عمل کی مدد سے ہی ایکس نے یہ سیاق و سباق مرتب کیا: ’یہ روبوٹ چین سے درآمد کیا گیا ہے، جس کی لاگت 2800 ڈالرز ہے۔‘
چائنہ پلس نامی ایک ایکس اکاؤنٹ سے پوسٹ کی گئی ’دہلی کی اے آئی سمٹ میں انڈیا کی ایک یونیورسٹی نے چینی روبوٹ کو اپنی تخلیق ظاہر کر کے پیش کیا ہے۔‘
اس کے بعد تنقید کا ایک طوفان اٹھ کھڑا ہوا۔

انڈیا کی اپوزیشن جماعت کانگریس نے ایکس پوسٹ میں لکھا ’مودی حکومت نے عالمی سطح پر انڈیا کو اے آئی کے معاملے میں مذاق بنا کر رکھ دیا ہے۔ اے آئی سمٹ میں چینی روبوٹوں کو ہمارا اپنا بتا کر پیش کیا جا رہا ہے۔ چینی میڈیا نے ہمارا مذاق اُڑایا ہے۔ یہ بھارت کے لیے واقعی شرم ناک ہے۔‘
واضح رہے کہ مذکورہ پوسٹ اب اشونی وشنو کے ایکس اکاؤنٹ پر موجود نہیں ہے۔
تنازع کے بعد گلگوٹیا یونیورسٹی نے بھی ایکس پر وضاحت جاری کی اور لکھا ’یہ روبوٹ کتا گلگوٹیا نے نہیں بنایا اور نہ ہی ہماری جانب سے ایسا دعویٰ کیا گیا۔‘
یونیورسٹی کی جانب سے یہ بھی کہا گیا کہ اس کے خلاف پروپیگنڈا کیا جا رہا ہے جس سے فیکلٹی اور طلبہ ’گہری تکلیف محسوس کر رہے ہیں۔‘












آسٹریلیا کے دورے کے دوران پاکستانی ہاکی ٹیم کے حالات پر سنسنی خیز انکشاف سامنے آیا ہے۔ ٹیم کے کپتان نے بیان دیا کہ “آسٹر...
18/02/2026

آسٹریلیا کے دورے کے دوران پاکستانی ہاکی ٹیم کے حالات پر سنسنی خیز انکشاف سامنے آیا ہے۔ ٹیم کے کپتان نے بیان دیا کہ “آسٹریلیا میں برتن دھونے اور صفائی کرنے کے بعد کھلاڑیوں نے کیا پرفارم کرنا تھا؟”

اس بیان نے کھیلوں کے حلقوں میں ہلچل مچا دی ہے۔ کپتان کے مطابق کھلاڑیوں کو غیر پیشہ ورانہ حالات کا سامنا کرنا پڑا، جس سے ان کی کارکردگی متاثر ہوئی۔ دوسری جانب کوچ نے اس معاملے کی مکمل تحقیقات کا مطالبہ کر دیا ہے تاکہ حقائق سامنے آ سکیں۔

یہ سوال بھی اٹھ رہا ہے کہ اگر قومی کھلاڑیوں کو بنیادی سہولیات ہی میسر نہ ہوں تو وہ بین الاقوامی سطح پر ملک کا نام کیسے روشن کریں گے؟ 🇵🇰

قومی کھیل ہاکی پہلے ہی مشکلات کا شکار ہے، ایسے میں یہ صورتحال تشویشناک ہے۔ کیا متعلقہ حکام اس معاملے کا نوٹس لیں گے؟

آپ کی رائے کیا ہے؟ کیا قومی کھلاڑیوں کو بہتر سہولیات فراہم کی جانی چاہئیں؟ 👇















محمد یونس کا الوداعی تقریر میں ’سیون سسٹرز‘ کا تذکرہ: سات ریاستوں کا ’حساس معاملہ‘ جو انڈیا کو ’بےچین‘ کر دیتا ہےبنگلہ د...
17/02/2026

محمد یونس کا الوداعی تقریر میں ’سیون سسٹرز‘ کا تذکرہ: سات ریاستوں کا ’حساس معاملہ‘ جو انڈیا کو ’بےچین‘ کر دیتا ہے

بنگلہ دیش کی عبوری حکومت کے سربراہ محمد یونس نے پیر کی شام اپنے عہدے سے استعفیٰ دے دیا ہے لیکن جاتے جاتے ایک بار پھر انھوں نے ایسا بیان دیا جس نے انڈیا میں بے چینی پیدا کر دی ہے۔
اپنی الوداعی تقریر میں محمد یونس نے کہا: ’ہمارا سمندر ناصرف بنگلہ دیش کی جغرافیائی سرحد ہے بلکہ عالمی معیشت سے رابطے کا ایک دروازہ بھی ہے۔ نیپال، بھوٹان اور سیون سسٹرز اس خطے میں بے پناہ معاشی صلاحیت رکھتے ہیں۔‘
یاد رہے کہ انڈیا کے شمال مشرق میں واقع سات انڈین ریاستوں اروناچل پردیش، آسام، منی پور، میگھالیہ، میزورام، ناگالینڈ اور تریپورہ کو ’سیون سسٹرز‘ (یعنی سات بہنیں) کہا جاتا ہے۔
اگرچہ محمد یونس نے ’سیون سسٹرز‘ کا ذکر کیا مگر انھوں نے انڈیا کا نام نہیں لیا۔










Address

Manchester

Website

Alerts

Be the first to know and let us send you an email when Info Time posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Info Time:

Shortcuts

Share

Category