Yatra, Manchester (2026)

15/02/2026

उज्यालो नेपाल पार्टीका राजेश रावलले अछाम-२ मा उम्मेदवारी फिर्ता लिदै राष्ट्रिय स्वतन्त्र पार्टीका उम्मेदवार भूपदेव शाहलाई जिताउने घोषणा गरेका छन् । अछाम-२ मा उनेपाका उम्मेदवार राजेश रावलले उम्मेदवारी फिर्ता लिएसँगै रास्वपाको घण्टी बज्ने सम्भावना बढेको छ ।

13/02/2026

अर्बपति विनोद चौधरीले सडकमै पिए चिया !

अर्बपति विनोद चौधरीले सडकमै बसेर सबैभन्दा सस्तो २५ रुपैयाँ पर्ने चिया पिएका छन् । भन्छिन् नि, समय र पस्थिति बलवान हुन्छ । विनोद चौधरीको जीवनमा पनि त्यस्तै भएको छ । अर्बपति भएपनि कांग्रेस नवलपरासी-१ बाट सांसदको उम्मेदवार बनेका विनोदले सडककै किनारामा बसेर दूध चियाको चुस्की लिएका हुन् । चुनाव प्रचार प्रसारको क्रममा अहिले उनी अर्बपति भन्दा पनि सर्वसाधरण जसरी नै हिँडिरहेका छन् ।

13/02/2026

सुशीला कार्कीलाई मैले प्रधानमन्त्री बनाएको हुँः ऋषि धमला

पत्रकारिता छाडेर रौतहट४ बा सांसदको उम्मेदवार बनेका ऋषि धमलाले आफूले सुदन गुरुङसँग ७ घण्टा वार्ता गरेर सुशीला कार्कीलाई प्रधानमन्त्री बनाएको खुलासा गरेका छन् । जेनजी आन्दोलनपछि जेनजी अगुवा सुदनसँग आफूले ७ घण्टा वार्ता गरेको र आफूले दिएको सुझाव अनुसार नै सुशीला कार्कीलाई प्रधानमन्त्री बनाइएको ऋषिले दाबी गरेका छन् । त्यस्तै पहिल्यै आफूले उठाएको एजेण्डालाई जेनजीहरुले आफ्नो एजेण्डा बनाएको समेत दाबी गरेका छन् ।

12/02/2026

मतदाताले प्रश्नको वर्षा गरेपछि झापा छाडेर केपी ओली फर्किए काठमाडौं

भोट माग्न जाँदा प्रत्येक घरका मतदाताहरुले प्रश्नको वर्षा गर्न थालेपछि केपी शर्मा ओली झापाबाट काठमाडौं फर्किएका छन् । बालेन शाह उम्मेदवार बनेर प्रतिस्पर्धामा आएसँगै पहिलो पटक भोट माग्न मतदाताको घरमा जाँदा ओलीले कडा प्रश्नको सामना गर्नु परेको छ । ओलीले धेरै प्रश्नको जवाफ दिन सकेका छैनन् । मतदाताको प्रश्नको उल्टोपाल्टो जवाफ दिएर पन्छिन् खोजेपनि ओली उम्कन सकेका छैनन् । चुनाव जित्न भोट माग्न जाँदा कडा प्रश्नको सामना गरिरहेका ओलीलाई भोट दिन्छु भन्ने भन्दा पनि पुरानो प्रतिबद्धता पुरा नगरेको भन्दै आलोचित भइरहेका छन् ।

10/02/2026

मधेशमा बालेन शाहको पक्षमा उत्रियो हजारौं समर्थक

भावी प्रधानमन्त्रीको उम्मेदवार बालेन शाह चुनाव प्रचारप्रसारका लागि मधेश प्रदेशमा प्रवेश गर्दा स्वागत र समर्थन गर्नेहरुको ठूलो भिड लागेको छ । रास्वपाबाट भावी प्रधानमन्त्रीको उम्मेदवार बन्दै झापा-५ मा सांसदको उम्मेदवार बनेका बालेन भोट माग्न सप्तरीमा प्रवेश गर्दा भव्य स्वागत गरिएको छ । बालेनको आगमनले गर्दा मधेश प्रदेश नै घण्टीमय बनेको छ । फागुन २१ गते हुने निर्वाचनमा रास्वपालाई सके बहुमत नभए कम्त्तिमा एकल बहुमत ल्याएर प्रधानमन्त्री बन्ने दौउड बालेन शाह रहेका छन् ।

10/02/2026

बालेन शाहले झापा-५ मा घण्टी बजाएपछि केपी ओली ठूलो तनावमा !

बालेन शाह भावी प्रधानमन्त्रीको रुपमा अघि बढ्दै उम्मेदवार भन्दा झापा५ घण्टीमय बनेको छ । बालेन शाह उम्मेदवार बन्दा झापा५ मा रास्वपाको चुनाव चिन्ह्र घण्टीमय बनेसँगै केपी शर्मा ओली ठूलो तनावमा परेका छन् । राजनीतिक जीवनकै सबैभन्दा ठूलो चुनावी चुनौती सामना गर्न लागेका ओलीलाई हराउन भन्दै एमालेकै धेरै नेता कार्यकर्ताहरुले बालेनलाई जिताउने घोषणा गर्दै रास्वपा प्रवेश गरिरहेका छन् । एमालेकै स्थानीय नेता तथा कार्यकर्ताहरुले बालेनलाई जिताउन रास्वपाको घण्टी समातेपछि ओली झनै ठुलो तनावमा परेका हुन् । ओलीले सकेको गरेको र अब उनले गर्न केही बाँकी नरहेको भन्दै स्थानीयहरुले पनि नयाँबाट ठूलो आशा गरेको भन्दै मत परिवर्तन गर्ने बताइरहेका छन् । फागुन २१ गते हुने निर्वाचनको केन्द्रबिन्दु झापा५ बनेको छ ।

09/02/2026

चुनावपछि रास्वपाको सरकार, बालेन शाह प्रधानमन्त्री!

चुनावमा सकेसम्म बहुमत नभए स्पष्ट एकल बहुमत ल्याएर राष्ट्रिय स्वतन्त्र पार्टीले सरकार बनाउने सभापति रवि लामिछानेले उद्घोष गरेका छन् । अहिलेसम्मको सबै भ्रष्टाचार अन्त्य गर्न सबै भोट रास्वामा हाल्न आग्रह समेत गरेका छन् । अन्य पुराना दललाई पनि भोट दिए भ्रष्टाचारका अन्त्य नहुने तर्क गर्दै प्रत्यक्ष र समानुपातिक सबै भोट रास्वपालाई हाल्न आग्रह गरेका छन् । रास्वपाको सरकार बनेपछि सुकुम्बासीको बस्तीमा नभएर भ्रष्टाचारीहरुको महल ढल्ने रविले बताएका छन् ।

06/02/2026

केपी ओली जनतालाई उल्लु बनाएर चुनाव जित्न फ्याके अस्त्र!

जेनजी आन्दोलनमा हेलिकप्टरबाट लखेटिएका केपी शर्मा ओली फेरि पुरानै फममा फर्किएका छन् । गफाडीको नाम पाएका केपीले आफू प्रधानमन्त्री बने ६ महिना भित्र जनताको घरघरमा ग्यास पुर्याउने घोषणा गर्दै फेरि पुरानै गफ दिने फममा फर्किएका छन् । पहिलो पटक प्रधानमन्त्री हुँदै जनताको घरघरमा ग्यासको पाइप पुर्याइदिने घोषणा गरेका ओलीले ४ पटक प्रधानमन्त्री हुँदा समेत आफूले दिएको गफलाई व्यवहारमा देखाउन सकेका छैनन् । तर, चुनाव जित्न ओलीले फेरि पुरानै शैलीमा जनतालाई उल्लु बनाउँन ग्यासको गफ दिन थालेका छन् ।

05/02/2026

रास्वपाले ज्ञानेन्द्र शाहीलाई टिकट दिन गरेको थियो अस्वीकार !

राष्ट्रिय प्रजातन्त्र पार्टीबाट जुम्ला उम्मेदवार बनेका ज्ञानेन्द्र शाहीले राष्ट्रिय स्वतन्त्र पार्टीबाट चुनाव लड्न टिकट मागेको खुलासा भएको छ । रास्वपाबाट जुम्ला उम्मेदवार रहेकी विनिता कठायतले नै पत्रकार सम्मेलन गर्दै ज्ञानेन्द्रले जुम्लामा उम्मेदवार दर्ता गर्नु १ घण्टा अघिसम्म पनि रास्वपाबाट चुनाव लड्न टिकटका लागि लविङ गरेको खुलासा गरेकी छन् । ज्ञानेन्द्र आफैंले रास्वपाको घण्टी चिन्ह्रबाट सुर्खेतमा चुनाव लड्नका लागि कुराकानी गरेको र त्यसमा आफूले पनि लविङ गरिदिएको तर रास्वपाले नपत्याएको खुलासा गरेकी छन् ।

केही समय अघि ज्ञानेन्द्र रास्वपामा प्रवेश गर्ने चर्चा समेत भएको थियो । आफ्नो कुनै एजेण्डा नभएपछि जुम्लामा ज्ञानेन्द्रले प्रत्यक्षमा आफू र समानुपातिकमा घण्टीलाई भोट मागेर अनैतिक कार्य गर्न थालेको भन्दै विनिताले आपत्ति जनाएकी छन् । बालेन शाह प्रधानमन्त्री बन्ने भन्दै झुट बोलेर ज्ञानेन्द्रले आफ्नो लागि भोट मागिरहेकोमा पनि विनिताले गम्भीर आरोप लगाउँदै आपत्ति जनाएकी छन् ।

04/02/2026

सूर्य थापाको स्टन्ट- भोट माग्न बने नक्कली जेनजी !

नेकपा एमाले प्युठान उम्मदवार सूर्य थापाले आफू जेनजी भएको दाबी गरेका छन् । ७०,८०,९० वर्ष नपुगेको बरु आफू ५१ वर्षको भर्भराउँदो युवा भएकाले गर्दा जेनजी भएको भन्दै चुनाव प्रचार प्रसारको अभियानमा भोषण गरेका छन् । उक्त भाषण अहिले सामाजिक सञ्जालमा भाइरल हुँदा सूर्य थापाको आलोचनासँगै ट्रोल समेत भइरहेका छन् ।

जेनजी आन्दोलनपछि जेनजी शब्दले ठूलो प्रभाव राखेकोले गर्दा भोट बटुल्ने उदेश्यका साथ सूर्यले आफूलाई जेनजी भएको दाबी गरेका हुन् । उनले भनेका छन् मै जेनजी हो । प्युठानको कम्युनिस्ट आन्दोलनको नेतृत्वका हिसाबले जेनजी मै हो । नव युवा मै हो । म ९१ वर्ष पुगेको छैन्, म ८० वर्ष पुगेको छैन्, म ७० वर्ष पुगेको छैन्, म ६० वर्ष पुगेको छैन्, म ५१ वर्षको भर्भराउँदो युवा हो । जेनजी मै हो ।

03/02/2026

झापा-५ घण्टीमय बनेपछि हारगुहार माग्दै केपी ओली पुगे प्रचण्डको शरणमा !

नेकपा एमालेका अध्यक्ष केपी शर्मा ओली नेपाली कम्युनिस्ट पार्टीका संयोजक पुष्पकमल दाहाल 'प्रचण्ड'को शरणमा पुगेका छन् । झापा-५ मा बालेन शाह उम्मेदवार बनेसँगै घण्टीमय वातावरण बनेसँगै चुनाव हार्ने डरले केपी शर्मा ओलीले आफूलाई चुनावमा जिताउन सहयोग गर्न प्रचण्डलाई आग्रह गरेका छन् ।

आफूलाई झापा-५ मा र महासचिव शंकर पोखरेललाई दाङ२ मा सहयोग गरे प्रचण्डले भनेकै अन्य ४ ठाउँमा नेपाली कम्युनिस्ट पार्टीका उम्मेदवारलाई आफूहरुले सहयोग गर्ने ओलीले प्रस्ताव गरेका छन् । झापा-५ मा राजेन्द्र लिङदेनले पनि कुनै सहकार्य नगर्ने घोषणासहित लक्ष्मी संग्रौलालाई उम्मेदवार बनाएसँगै ओलीले चुनाव जित्ने सम्भावना घटेको छ । भावी प्रधानमन्त्रीको उम्मेदवार बन्दै झापा-५ मा बालेन शाह उम्मेदवार बनेसँगै एमालेका अगुवा नेता कार्यकर्ताहरु भटाभट रास्वपामा प्रवेश गरिरहेका छन् । झापा-५ रास्वपाको घण्टीमय बनेसँगै ओलीलाई चुनावमा पराजित हुने ठूलो तनाव थपिएको छ ।

03/02/2026

ओलीको झापामा बालेन शाहले बजाउने भए रास्वपाको घण्टी !

भावी प्रधानमन्त्रीको उम्मेदवार बनेर बालेन शाह चुनाव लड्न लागेको झापा५ मा राष्ट्रिय स्वतन्त्र पार्टीको घण्टी बज्ने सम्भावना ह्वात्तै बढेको छ । राप्रपाका अध्यक्ष राजेन्द्र लिङदेनले कुनै दलसँग सठबन्धन वा सहकार्य नगर्ने घोषणा गर्दै झापा५ मा लक्ष्मी संग्रौलालाई उम्मेदवार बनाएसँगै केपी शर्मा ओली ठूलो तनावमा परेका छन् ।

यसअघि राप्रपाकै सहयोगमा निर्णायक मत प्राप्त गर्दै सजिलै चुनाव जित्दै आएका ओली यस पटक भने एक्लिएका छन्। राप्रपाले लक्ष्मी संग्रौलालाई उम्मेदवार बनाएसँगै केपीविरुद्ध बालेन शाहलाई जित निकाल्न झनै सहज भएको छ । झापाको पछिल्लो वातावरण घण्टीमय बन्दै गइरहेको थाहा भएपछि ओली चुनाव हार्ने डरले झस्किएका छन् । आफूलाई जिताउन सबै किसिमको शक्ति प्रयोग गर्न झापाका एमाले नेता कार्यकताहरुलाई ओलीले निर्देशन दिइसकेका छन् ।

Yatra

15/02/2026

13/02/2026

13/02/2026

12/02/2026

10/02/2026

10/02/2026

09/02/2026

06/02/2026

05/02/2026

04/02/2026

03/02/2026

03/02/2026

Address

Website

Alerts

Shortcuts

Share

Category