19/04/2026
احباب کی بصارتوں کی نذر
غزل 🌹
فلک پر چاند تارے جاگتے ہیں
کہ شب بھر غم کے مارے جاگتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابھی تک دل تُجھے بُھولا نہیں ہے
ابھی تک زخم سارے جاگتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ جب سے شہر میں آیا ہوا ہے
جِدھر دیکھوں نظارے جاگتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سمندر میں رہے گی ناؤ کب تک
ترے کب تک اِشارے جاگتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابھی جیون میں کُچھ بدلا نہیں ہے
ابھی تک سب خسارے جاگتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہانی تب تلک چلتی رہے گی
تِرے جب تک ستارے جاگتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چراغوں تک ہوا آتی رہے گی
یہ جب تک بخت ہارے جاگتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلِ مُضطر بہت روتا ہے مانی
کہ جب سپنے تمہارے جاگتے ہیں
✍️ ع۔ ن مانی
