27/12/2025
السي فوزي لقجع ..خلينا من التخمام داب ما غدي ينفع ..سمع هادي و فهمني
الكوت ديفوار كبلد منظم في كأس إفريقيا النسخة السابقة كانو ضعاف في دور المجموعات ناض الإتحاد الإيفواري جرا على المدرب الأول و حط فبلاصتو المساعد ديالو و في الأخير هوما للي ربحوا الكأس... علاش مانجيبوش طارق السكيتيوي دابا قبل ما يفوت الفوت....الجمهور كاعي مزياااااان و نهار اعلن اللايحة كان عليك تتدخل راه جايب غي المعطوبين (سايس..) و لمساليين و منتهي الصلاحية النصيري امرابط بنصغير رحيمي الياميق..ما نكروش قدمو بزاف للمنتخب الوطني و لكن كل وقت و رجالها ..و داب و قولي فين زابيري باعوف معما حريمات ..غي قضية حريمات مايسترو الشان و كأس العرب غدي نهمس لك ف وذنيك بلي شي حاجة ما راكباش..خلط المهني بالشخصي هذا غلط و ضد مصلحة منتخبنا...
ماتش مالي واش هاديك تغييرات كانت عشوائية بدون قراءة واقعية لمجريات اللعب، باش تخرج لاعبين دياز اوناحي الكعبي لي كنانو غدي اجيبو الحل ..دخل لاعبين كيجرو فقط و و خلا مالي تخرج بالهجمات المرتدة لي منها جابن ضربة جزاء باش تعادلت...
كنعرفوك مسؤول معقول بزاف و وكوايري ...هاني علمتك و دير قرار تاريخي ...سي الركراكي بهاد العقلية غدي احشمنا امام الغالم و مجهود سنوات غدي اضربو ف زيرو.و.لي نطولوه نقصروه👌
