27/08/2025
وزیراعظم محمد شہباز شریف کا دریائے چناب، دریائے ستلج اور دریائے راوی میں شدید سیلاب کے خطرات کے پیش نظر وفاقی وزراء کو خصوصی ہدایات
وزیراعظم نے وفاقی وزراء کو صوبہ پنجاب کے سیلاب سے متاثرہ علاقوں کا فوری دورہ کرنے اور امدادی کارروائیوں کی نگرانی کرنے کی ہدایت کی۔
وزیرِ اعظم نے چیئرمین NDMA کو PDMA کے ساتھ رابطے میں رہنے اور مکمل معاونت فراہم کرتے ہوئے متعلقہ علاقوں میں لوگوں کو پیشگی اطلاع دینے اور انہیں فوری طور پر محفوظ مقامات پر پہنچانے کے احکامات جاری کر دیئے۔
"امدادی کارروائیاں مزید تیز کی جائیں اور اداروں کے آپس کے روابط بڑھائے جائیں۔ دریائی گزرگاہوں کے کنارے آباد افراد کو فوری طور پر محفوظ مقامات پر منتقل کرنے کے عمل کو مزید مؤثر اور تیز بنایا جائے۔"
~ وزیراعظم
