Karamara TV

25/06/2026

12ka Qodob Ee Kasoo Baxay Shirkii London, Tallaabada Xigta, Isbahaysiyada Itoobiya & Xasuuqa Ka Dhacay Gobolka Doollo

25/06/2026

Shirkii London, Qodobbada Lagaga Hadlay, Xaaladda Itoobiya, Dilka Doollo & Mustaqbalka DDS

XASAASI: Shirkii London, Qodobbada Lagaga Hadlay, Xaaladda Itoobiya...

25/06/2026

Shirkii muhiimka ahaa ee lagaga tashanayey aayaha iyo mustaqbalka DDS ee toddobaadkan ka qabsoomay London, waxa si weyn loogu lafo-guray xaaladda uu Deegaanka Soomaalidu ku jiro, dabaylaha siyaasadeed ee dalka ka socda iyo sida ay Soomaalidu u waajahayso, dhibaatooyinka nidaamka Abiy Ahmed iyo wakiilladiisa Jigjiga ay shacabka ku hayaan iyo arrimo kale.

Warbixino iyo waraysiyo ku saabsan shirkan, halkan kala soco

25/06/2026

Mustafe Oo Xasuuq Ku Sagootiyey Muddo-xileedkiisii 1aad ee La Doortay

Shan sannadood oo Mustafe Muxumed Cumar si sharci ah loogu doortay Madaxweynenimada DDS, ayaa kaga eg bisha foodda inagu soo haysa. Waa muddada sharciga Itoobiya uu aqoonsan yahay Madaxweynenimadiisa. Saddexdii sannadood ee ka horreeyey waxa uu ahaa ku-meelgaadh, kamana mid ahayn baarlamaanka Deegaanka, sharciga dalkuna waxa uu dhigayaa, in qofka Madaxweyne noqonaya uu ka mid ahaado xildhibaannada Deegaanka, taasi waxay ka dhigaysaa in waqtigiisii ku-meelgaadhka ahaa uu khilaafsanaa sharciga, balse kursiga loogu fadhiisiyey qaab jujuub ah.

Marka laga hadlayo muddo-xileedkiisa rasmiga ah ee hadda dhamaaday iyo intii uu ku-meelgaadhka ama ku-simaha ahaaba, waxa DDS ka dhacay xasuuqyo iyo dad siyaabo kala duwan ay ciidanku u dileen. Waxa ka mid ahaa:

1. Bambaas oo 12 qof oo odayaashii dhaqanka ee beesha Akisho hal goob lagu wada-dilay.
2. Weydkaal
3. Raaso oo carruur yaryar oo ciyaal iskuul ah ay ciidanku xabbad ku fureen, dhawr iyo tobanna ay halkaas ku dhinteen.
4. Awbarre
5. Lafaciise
6. Birqod
7. Dacawaley
8. Shilaabo
9. Qabridahar
10. Dhanaan
11. Qallaafe
12. Baarrey
13. Ceel-karri oo ay ciidanku ka geysteen xasuuqyo iyo tacaddiyo arxan-daran oo binu-aadannimada ka baxsan.
14. Garbo
15. Dhuxun
16. Wardheer
17. Danood
18. Jigjiga

Halka ugu dambaysay ee xasuuqa ay toddobaadkan ka geysatay dawladda Mustafe, waa gobolka Doollo oo dhawr jeer oo h**e dad lagu gumaaday. 24 qof ayaa Isniintii xabaal-wadareed lagu duugay qabalaha Qoriile, qof kalena waxa mar dambe meydkiisa laga helay meel cidlo ah taas oo tirada dadka Sabtidii oo kaliya ay dawladdu dishay ka dhigaysa 25 qof oo jifo-hoose kasoo wada-jeeda.

Tani waxay ka dhigan tahay in Madaxweyne Mustafe uu xasuuq ku sagootiyey muddo-xileedkiisa, waxaanay bahda Karamara TV dhowaan bilaabi doontaa baahinta dhacdooyinkii dadka lagu laayey muddadii uu Mustafe xilka hayey.

24/06/2026

Ciidanka DDS Oo Ugaadhsanaya Dumarka iyo odayaasha Doollo

Qabalaha Qoriile ee gobolka Doollo waxa shalay illaa maanta lagu xidh-xidhay dad badan oo ay ku jiraan hooyooyin umul ah iyo odayaal waayeel ah oo ay ehel yihiin odayaal laba maalmood ka hor ka hadlay xasuuq ay ciidanku ka geysteen qabalaha Bilcil-dheere, xilli ay qodayeen xabaal-wadareed lagu aasay 24 qof oo shacab ah.

Waxa shalay gellinkii dambe ay ciidanku ka qabteen Qoriile dhawr dumar ah oo ah xaasaska odayaashii hadlay, waxaana iyagoo si xun loo jidh-dilay loo qaaday magaalada Wardheer oo ay hadda ku xidhan yihiin. Sababta haweenkan loo xidhay ayaa ah, in odayaashooda oo hadlay ay ciidanku waayeen, sidaas daraadeedna ay iyaga cadhada kula dhacayaan.

Maantana, waxa la xidhay oday waayeel ah oo ka mid ahaa dadkii ka hadlay xasuuqa iyo xabaal-wadareedkaas.

Dadka xadhigga iyo jidh-dilka la iskugu daray ee loo qaaday Wardheer:
1. Xalimo Cabdullaahi Wayrax oo waayeel ah
2. Marxal Aadan Gaani oo umul ahayd, ilmaheediina oo dhawr bilood jirana laga tegay Qoriile.
3. Cabdi Qaldheer oo curyaan ah.
4. Cabdiqani Geesood
5. Cabdinaasir Foolley
6. Xasan Mataan
7. Wali Yuusuf Xakar
8. Maxamed Kayse

24/06/2026

Waxa maalintii saddexaad xidhan suuqa weyn ee Jigjiga, kaddib markii ay dawladdu kusoo rogtay cashuurta iibka oo noqonaysa 15%.

Ganacsatada oo h**e uga cabanayey cadaadis ay kala kulmayaan jibriga, dawladda hoose iyo cashuuro xad-dhaaf ah oo loo bixiyey magaca 'Dakhli' oo lagu amro ganacsatadu inay bixiyaan iyadoo aan qiimayn iyo xaqiijin dhab ah lagu samaynin ganacsiga ayaa hadda la kulmaya culaysyo kale oo sababay in uu xidhmo suuqii dharku.

24/06/2026

Ururka ONLF Oo War Kasoo Saaray Gumaadka Ay Ciidanka DDS Ka Geysteen Gobolka Doollo & Isku-dhaca Beelo Walaalo Ah

24/06/2026

Dagaalka Tigrayga Ee Dhinaca Canfarta, Weftiga Maraykanka Ee Mekelle & Wararkii U Dambeeyey

24/06/2026

Aas-wadareed Loo Sameeyey 21 Qof Oo Lagu Dilay Gobolka Sool

23/06/2026

WARKA: Dagaalka Tigray & Weftiga US, ONLF Oo War Kasoo Saartay Xasuuqa Gobolka Doolo, 21 Qof Oo Lagu Dilay Adhi-caddeeye, Jabuuti & Imaaraadka Oo Wada-hadlay

WARKA: Dagaalka Tigray & Weftiga US, ONLF Oo War Kasoo Saartay Xasu...