17/07/2025
Ahmed al-Sharac: Waan Ka Adkaan Doonnaa Isku Dayga Yahuudda Ee Kala Qaybinta Dalka Suuriya.
Madaxweynaha Suuriya, Ahmed al-Sharac, wuxuu yiri:
Dadka Suuriya waxay taariikh dheer ku leeyihiin diidmada kala qaybsanaanta iyo burburinta midnimadooda.
Annagu waxaan nahay carruurta dhulkan, annagaa ugu awood badan in aan ka gudubno isku dayada Yahuudda ee kala firdhinta shacabka.
Yahuuddu waxay tan iyo markii uu dhacay nidaamkii h**e u ololeynayeen in ay dhulkeena ka dhigaan meel isku dhac ah, kuna guul-darreeysteen qaybinta midnimadeenna.
Suuriya ma aha goob lagu tijaabiyo shirqoollo shisheeye ama danaha cid kale.
Dib u dhiska Suuriyada cusub wuxuu u baahan yahay in dhammaanteen aan ka wada shaqeyno ilaalinta qarankeenna.
Dowladda Suuriya waxay si buuxda ugu hawlgashay in ay joojiso dagaalkii sokeeye ee ka dhacay magaalada Sweida, waxaana lagu guuleystay in la sugo amniga.
Dadka naga tirsan ee beesha Druze waa qayb muhiim ah oo ka mid ah shucuubta Suuriya, waxaana ilaalintooda la siiyay mudnaan gaar ah.
Waxaan u xilsaarnay kooxo maxalli ah iyo culimada Druze si ay gacan uga geystaan dib u soo celinta amniga.
Israel waxay isku dayday inay carqaladayso dadaallada dowladda ee lagu sugayo amniga Sweida, hase yeeshee waxaan ku guuleysanay inaan ka hortagno iyada oo ay jiraan dhexdhexaadin Maraykan, Carabta iyo mid Turkiga ah.
Waxaan u dhaxeynay labo doorasho: inaan la dagaallano Israel ama inaan siino fursad culimada Druze si ay xal u helaan arrinta – annaguna waxaan dooranay inaan difaacno waddankeena.
Ma jiri doono meel cid kale ku fuliso damaceeda dhulkeena. Suuriya waa in dib loogu soo celiyaa sharafteedii, waana in aan hormariyo danta guud ee qaranka.
