North News Weekly

11/07/2025

𝐋𝐚𝐧𝐝𝐬𝐥𝐢𝐝𝐞𝐬, 𝐛𝐮𝐦𝐚𝐫𝐚 𝐬𝐚 𝐤𝐚𝐥𝐬𝐚𝐝𝐚 𝐬𝐚 𝐊𝐚𝐲𝐚𝐩𝐚, 𝐍𝐮𝐞𝐯𝐚 𝐕𝐢𝐳𝐜𝐚𝐲𝐚

Landslides, bumara sa kalsada sa bahagi ng Nueva Vizcaya-Benguet road sa Sitio Pucgong, Barangay Pangawan, Kayapa, Nueva Vizcaya kaninang 2:25 ng hapon, July 6, kaya pansamantala na sarado sa motorista ngayong oras.

Kasalukuyan na ngayon ang clearing operations habang pinayuhan ang mga motorista na umikot muna sa mga alternatibong ruta habang kasalukuyan ang clearing operations.

Patuloy ang monitoring ng awtoridad sa lugar. #

11/07/2025

𝐊𝐚𝐥𝐬𝐚𝐝𝐚 𝐬𝐚 𝐇𝐮𝐧𝐠𝐝𝐮𝐚𝐧, 𝐈𝐟𝐮𝐠𝐚𝐨, 𝐧𝐚𝐝𝐚𝐝𝐚𝐚𝐧𝐚𝐧 𝐧𝐚 𝐦𝐚𝐭𝐚𝐩𝐨𝐬 𝐚𝐧𝐠 𝐥𝐚𝐧𝐝𝐬𝐥𝐢𝐝𝐞𝐬

Kalsada sa bahagi ng national road sa Hapao, Hungduan, Ifugao, nadadaanan na ngayon matapos ang landslides sa nakaraang mga araw.

Nagsagawa ng clearing operations sa lugar lalo pa at pangunahin raw itong daanan ng mga residente, kabilang na ang mga estudyanteng nag-aaral sa Hapao Elementary School sa naturang lugar.

Dahil maayos na, ligtas na raw ang mga motorista lalo na ang mga bata na dumadaan sa lugar. #

11/07/2025

𝐁𝐚𝐭𝐚𝐧𝐞𝐬 𝐏𝐃𝐑𝐑𝐌𝐂, 𝐧𝐚𝐠𝐩𝐮𝐥𝐨𝐧𝐠 𝐩𝐚𝐫𝐚 𝐬𝐚 𝐛𝐚𝐠𝐲𝐨𝐧𝐠 𝐁𝐢𝐬𝐢𝐧𝐠

Mga kasapi ng Batanes Provincial Disaster Risk-Reduction Management Council, nagpulong para bilang paghahanda sa bagyong Bising.

Bagaman at di direktang tatama sa gitna ng Batanes, nakararanas naman ngayon ng pag-uulan, kulog at kidlat ang lalawigan pero naihanda na raw ang mga search and rescue equipment maliban sa mga nakaantabay na mga kawani.

Sa miting, sinabi ni Governor Jun Aguto na tiyaking "pro-active" ang preparasyon at aksyon daw kaya may 24/7 Operations Center na nakahimpil sa kapitolyo. #

11/07/2025

𝐌𝐠𝐚 𝐤𝐚𝐚𝐧𝐚𝐤 𝐧𝐠 𝐦𝐠𝐚 𝐧𝐚𝐦𝐚𝐭𝐚𝐲 𝐚𝐭 𝐦𝐠𝐚 𝐫𝐞𝐬𝐜𝐮𝐞𝐫 𝐬𝐚 𝐢𝐥𝐞𝐠𝐚𝐥 𝐧𝐚 𝐩𝐚𝐠𝐦𝐢𝐦𝐢𝐧𝐚 𝐬𝐚 𝐍𝐮𝐞𝐯𝐚 𝐕𝐢𝐳𝐜𝐚𝐲𝐚, 𝐛𝐢𝐧𝐢𝐠𝐲𝐚𝐧 𝐧𝐠 𝐚𝐲𝐮𝐝𝐚

NUEVA VIZCAYA-Ibinigay ng Department of Social Welfare and Development (DSWD) nitong Miyerkules ng tig-P50,000 cash at P20,000 cash assistance sa mga pamilya ng apat na small-scale miners na namatay sa hinukay na mining hole sa Sitio Capitol, Runruno, Quezon, Nueva Vizcaya.

Sinabi ni Kapitan John Babli-ing ng Barangay Runruno na ang 68 miner-rescuers na tumulong sa rescue and retrieval operations ay nakatanggap din ng tig-P3,000 bilang tulong para sa pagtulong sa pagkuha ng bangkay ng tatlong minero at isang rescuer na namatay dahil sa kakulangan ng oxygen at pagkakaroon ng nakalalasong gas matapos maipit sa loob ng butas. Tinanggap ng mga kaanak ng napatay na mga minero na sina Daniel Segundo, 47; Florencio Indopia, 63; at Lipihon Ayudan, 56, at ang patay na rescuer na si John Philip Guinihid, ang tulong.

Naibigay naman ang P15,000 tulong para sa naospital na si rescuer Johnny Ayudan, kapatid ng isa sa mga nasawi na si Lipihon Ayudan.Gayunman, namatay ngayon Hulyo 4 si Johnny. Pinuri rin ng pamahalaang bayan ng Quezon ang mga minero-rescuer sa kanilang “katapangan at kabayanihan, at itinaya ang kanilang buhay upang kunin ang mga biktimang una nang nahihirapang huminga dahil sa kakulangan ng hangin at nakakalasong gas.

Bukod sa mga minero, tumulong din ang mga manggagawa ng mining companies na FCF Minerals, OceanaGold, at Lepanto Mines hanggang sa makuha ang lahat ng bangkay mula sa lalim na 400-700-meter sa ilalim ng lupa noong Hunyo 26 ng hatinggabi. Bukod sa mga lokal na minero, tumulong din ang mga minero mula sa FCF minerals, Oceana gold at Lepanto Mines hanggang sa ma-pull out ang lahat ng biktima noong Hunyo 26. Narekober ang mga ito sa lalim na 300-700 metro. Noong Sabado, Hunyo 28, inilibing ang dalawa sa mga namatay at kahapon, Hulyo 2, inilibing din ang ikatlong nasawi. Isa sa nasawi ang naibalik sa kanilang probinsya sa Barangay Cudog, Lagawe, Ifugao. #

11/07/2025

𝐑𝐞𝐬𝐜𝐮𝐞𝐫 𝐬𝐚 𝐍𝐮𝐞𝐯𝐚 𝐕𝐢𝐳𝐜𝐚𝐲𝐚, 𝐧𝐚𝐦𝐚𝐭𝐚𝐲

NUEVA VIZCAYA-Umakyat na sa lima ang bilang ng mga namatay sa insidente ng mga natrap na minero sa ilegal na 700-meter lalim na mining tunnel sa Sitio Capitol, Barangay Runruno, Quezon, Nueva Vizcaya matapos yumao ang ikalawang rescuer kaninang madaling araw, July 4.

Ang namatay ay ang 38-anyos na rescuer na si Johnny Ayudan. Siya ang bunsong kapatid ng isa sa mga minerong unang namatay na si na Lipihon Ayudan. Unang natrap sa 700 metrong lalim na butas na pinagmiminahan ng mga biktima si Lipihon at tumulong si Johnny upang ilabas ang kanyang kapatid kasama ang dalawang iba pa subalit nawalan siya ng malay habang nasa ilalim ng butas.

Idineklarang patay ang isa niyang kasamang rescuer nang marekober sila noong Hunyo 26. Buhay pa naman nang mailabas si Johnny subalit mahina ang katawan matapos himatayin dahil sa kawalan ng hangin. Agad na isinugod noon si Johnny Ayudan ang rescuer at nanatili roon hanggang sa yumao kaninang madaling araw habang nakaconfine sa hospital. Iuuwi umano si Johnny Ayudan na rescuer sa kanilang lugar sa Communal, Solano, Nueva Vizcaya.

Nailibing na rin ang lahat ng mga namatay na minerong yumao. Una nang nagbigay ng tulong pinansiyal ang lokal na pamahalaan ng Barangay Runruno at munisipyo ng Quezon sa mga rescuer at kapamilya ng mga namatay na minero. Kinilala rin ng lokal na pamahalaan sa katapangan at kabayanihan ng mga local miner na tumulong sa pagliligtas sa mga minero. #

11/07/2025

𝐏𝐚𝐠𝐡𝐚𝐡𝐚𝐧𝐝𝐚 𝐬𝐚 𝐩𝐚𝐠𝐝𝐚𝐭𝐚𝐥 𝐧𝐠 𝐋𝐨𝐰 𝐏𝐫𝐞𝐬𝐬𝐮𝐫𝐞 𝐀𝐫𝐞𝐚 𝐧𝐚 𝐧𝐚𝐠𝐝𝐮𝐝𝐮𝐥𝐨𝐭 𝐧𝐠 𝐦𝐚𝐥𝐚𝐥𝐚𝐤𝐚𝐬 𝐧𝐚 𝐮𝐥𝐚𝐧, 𝐭𝐢𝐧𝐚𝐥𝐚𝐤𝐚𝐲 𝐬𝐚 𝐩𝐫𝐞-𝐝𝐢𝐬𝐚𝐬𝐭𝐞𝐫 𝐚𝐬𝐬𝐞𝐬𝐬𝐦𝐞𝐧𝐭 𝐦𝐞𝐞𝐭𝐢𝐧𝐠 𝐬𝐚 𝐂𝐚𝐠𝐚𝐲𝐚𝐧

Paghahanda sa pagdatal ng Low Pressure Area na nagdudulot ng malalakas na ulan, tinalakay sa pre-disaster assessment meeting sa Cagayan ngayong araw. Pangunahing tinatalakay pagpupulong ang mga hakbang upang makontrol ang epekto ng LPA.

Nanguna si Gob. Edgar Aglipay bilang chairman ng Provincial Disaster Risk Reduction and Management Council ang Pre-disaster Assessment meeting kaugnay sa kasalukuyang nararanasang sama ng panahon. #

11/07/2025

𝐃𝐚𝐡𝐢𝐥 𝐬𝐚 𝐩𝐚𝐠-𝐮𝐮𝐥𝐚𝐧, 𝐧𝐚𝐛𝐚𝐡𝐚 𝐚𝐧𝐠 𝐛𝐚𝐡𝐚𝐠𝐢 𝐧𝐠 𝐬𝐜𝐡𝐨𝐨𝐥 𝐠𝐫𝐨𝐮𝐧𝐝𝐬 𝐧𝐠 𝐒𝐚𝐧 𝐕𝐢𝐜𝐞𝐧𝐭𝐞 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥 𝐬𝐚 𝐆𝐚𝐭𝐭𝐚𝐫𝐚𝐧 𝐚𝐭 𝐚𝐧𝐠 𝐌𝐚𝐛𝐚𝐧𝐠𝐮𝐜 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥 𝐬𝐚 𝐀𝐩𝐚𝐫𝐫𝐢, 𝐂𝐚𝐠𝐚𝐲𝐚𝐧

Dahil sa pag-uulan, nabaha ang bahagi ng school grounds ng San Vicente Elementary School sa Gattaran,Cagayan at ang Mabanguc Elementary School sa Aparri, Cagayan.

Walang puknat at sobrang lakas ng ulan kaya pinatila muna ang ulan bago pinauwi sa kani-kanilang mga bahay ang mga mag-aaral. Agad namang iniakyat ng mga g**o ang mga kagamitan sa mas mataas na bahagi ng silid-aralan upang maiwasan na mabasa kapag pasukin ng tubig-baha ang loob ng mga kuwarto. #

11/07/2025

𝐓𝐮𝐠𝐮𝐞𝐠𝐚𝐫𝐚𝐨 𝐂𝐢𝐭𝐲 𝐌𝐚𝐲𝐨𝐫 𝐌𝐚𝐢𝐥𝐚 𝐓𝐢𝐧𝐠-𝐐𝐮𝐞, 𝐧𝐚𝐧𝐮𝐦𝐩𝐚 𝐧𝐚 𝐤𝐚𝐬𝐚𝐦𝐚 𝐚𝐧𝐠 𝐢𝐛𝐚 𝐩𝐚𝐧𝐠 𝐦𝐠𝐚 𝐨𝐩𝐢𝐬𝐲𝐚𝐥 𝐧𝐠 𝐬𝐢𝐲𝐮𝐝𝐚𝐝

TUGUEGARAO CITY-Opisyal na nanumpa sa tungkulin si City Mayor Maila Rosario Ting-Que kasama ang mga bagong halal na miyembro ng 10th City Council, sa pangunguna ni Vice Mayor Rosauro Rodrigo “Ross” Resuello, sa isang oath-taking ceremony na ginanap nng hapon hanggang gabi ng Hunyo 30, 2025, sa Tuguegarao City People’s Gymnasium.

Pinangunahan ni Regional Trial Court Executive Judge Jezarene Aquino ang panunumpa ni Mayor Ting-Que at sinaksihan ng mga pamilya, kaibigan, supporters, at constituent ng mga halal na opisyal.

Sa kanyang talumpati, binigyang-diin ni Mayor Ting-Que ang mga pangunahing tagumpay ng kanyang unang termino at muling pinagtibay ang kanyang pangako sa pagpapabuti ng paghahatid ng serbisyo publiko na may matinding pagtuon sa edukasyon, pangangalagang pangkalusugan, agrikultura, at mga programang pangkabuhayan.

"Iaangat pa natin ang kalidad ng serbisyo publiko. Ihahatid natin sa bawat Tuguegaraoeño ang serbisyo ng mas nakikita, nadarama ng masa, at mas maaasahan."

Sa kabilang banda, nangako si Vice Mayor Resuello na pamunuan ang Konseho ng Lungsod nang may transparency, integridad, at pagkakaisa. Nanawagan siya sa mga miyembro ng 10th City Council na unahin ang kapakanan ng mga tao higit sa lahat.

"Itaas natin ang pulitika at personal na interes, at tumuon sa kung ano ang tunay na mahalaga: ang kapakanan ng ating mga tao. Magsabatas tayo hindi para alalahanin, kundi para gumawa ng pagbabago," dagdag niya. #

Idinaos ang Misa bago ang seremonya na pinangunahan ni Rev. Fr. Franklin Manibog, Parish Priest ng St. Paul Metropolitan Cathedral sa Tuguegarao. #

11/07/2025

𝐃𝐚𝐭𝐢𝐧𝐠 𝐏𝐍𝐏 𝐂𝐡𝐢𝐞𝐟 𝐄𝐝𝐠𝐚𝐫 𝐀𝐠𝐥𝐢𝐩𝐚𝐲, 𝐧𝐚𝐧𝐮𝐦𝐩𝐚 𝐧𝐚 𝐛𝐢𝐥𝐚𝐧𝐠 𝐡𝐚𝐡𝐚𝐥𝐢𝐥𝐢 𝐧𝐚 𝐛𝐚𝐠𝐨𝐧𝐠 𝐠𝐨𝐛𝐞𝐫𝐧𝐚𝐝𝐨𝐫 𝐬𝐚 𝐥𝐚𝐥𝐚𝐰𝐢𝐠𝐚𝐧 𝐧𝐠 𝐂𝐚𝐠𝐚𝐲𝐚𝐧

Dating PNP Chief Edgar Aglipay, nanumpa na bilang hahalili na bagong gobernador sa lalawigan ng Cagayan kaninang alas-dose ng tanghali, Hunyo 30.

Sa harap ni Justice Ramon Paul Hernando ng Korte Suprema bilang administering officer sa oath-taking sa Kapitolyo ng lalawigan, nangako si Aglipay na gagawin nya ang mga legal, makaDiyos at makatao na paraan para sa pag-unlad at kapayapaan sa Cagayan.

Isa raw sa tututukan nya ang pagpapatayo ng mga solar power projects lalo na sa northern Cagayan upang punan ang kakulangan ng tustos na kuryente para sa mga investments at industriya.

Pagkaraan nito, isinagawa agad ang pagsasalin ng katungkulan ni Outgoing Governor at bagong Bise Gobernador Manuel Mamba.

Nanindigan rin si Mamba na makikipatulungan ang lokal na lehislatura sa ehekutibo ng lalawigan na naaayon sa batas.

Dumalo naman sa oath-taking ang dalawa sa tatlong kongresista, sina 1st District Rep. Ramon Nolasco Sr. at 2nd District Rep. Aline Vargas-Alfonso na parehong kalaban ng kanyang mga kaalyado noong nakaraang halalan. #

11/07/2025

𝐌𝐚𝐲𝐨𝐫 𝐉𝐨𝐬𝐞𝐦𝐚𝐫𝐢𝐞 𝐃𝐢𝐚𝐳 𝐚𝐭 𝐚𝐧𝐚𝐤 𝐧𝐚 𝐬𝐢 𝐉𝐚𝐲𝐯𝐞, 𝐧𝐚𝐧𝐮𝐦𝐩𝐚 𝐛𝐢𝐥𝐚𝐧𝐠 𝐚𝐥𝐤𝐚𝐥𝐝𝐞, 𝐛𝐢𝐬𝐞 𝐚𝐥𝐤𝐚𝐥𝐝𝐞 𝐬𝐚 𝐈𝐥𝐚𝐠𝐚𝐧 𝐂𝐢𝐭𝐲

LUNGSOD NG ILAGAN, Isabela-Pormal na iniluklok si Mayor Josemarie “Jay” Diaz sa pwesto ni Isabela Governor Rodolfo Albano III sa isinagawang oathtaking rites sa Capital Arena noong Hunyo 28 dito.

Inihayag ni Mayor Diaz na inaabot niya ang kanyang mga bisig “sa pagkakaibigan at hayaan ang lahat ng nakaraan ay ilibing na ngayon sa limot.”

“Ipinaabot ko ang aking mga kamay para sa tunay na pagkakasundo at pagkakaibigan…hayaan ang pagkakaisa sa puso ng bawat Ilagueno na lumago nang sama-sama,” dagdag niya.
Ang kanyang anak na si Jay Eveson “Jayve” Diaz naman ay nanumpa bilang bise alkalde sa harap ni LPGMA partylist Rep. Allan Ty.

“Sisiguraduhin ko sa iyo na magkakaroon ng konseho ng lungsod na may patas at pagkakapantay-pantay,” sabi ni Jayve.
Kalaunan ay nanumpa ang mga miyembro ng konseho ng lungsod sa harap ni Mayor Diaz. #

11/07/2025

𝐀𝐥𝐛𝐚𝐧𝐨, 𝐃𝐲 𝐧𝐚𝐧𝐮𝐦𝐩𝐚 𝐛𝐢𝐥𝐚𝐧𝐠 𝐠𝐨𝐛𝐞𝐫𝐧𝐚𝐝𝐨𝐫, 𝐛𝐢𝐬𝐞 𝐠𝐨𝐛𝐞𝐫𝐧𝐚𝐝𝐨𝐫 𝐬𝐚 𝐈𝐬𝐚𝐛𝐞𝐥𝐚

Sa harap ng napakaraming tao, nanumpa sina Isabela Governor Rodolfo “Rodito” Albano III at Vice Governor Francis Faustino “Kiko” A. Dy noong Hunyo 30, sa The Capital Arena sa Alibagu village dito.

Nanumpa si Gobernador Albano sa harap ni Executive Judge Grace Manaloto ng Regional Trial Court-Branch 18. Si Bise Gobernador Dy ay nanumpa kay Gobernador Albano.

Walang katunggali, nagsimulang magsilbi si Albano sa kanyang ikatlo at huling termino bilang gobernador. Si Dy, na nahalal din nang walang kalaban, ay nagsimula sa kanyang unang termino bilang bise gobernador pagkatapos ng kanyang panunungkulan bilang alkalde ng Echague.

Sa kanyang talumpati, kinilala ni Gobernador Albano ang papel ng mga lingkod-bayan at mamamayan sa paghubog ng kinabukasan ng lalawigan.

“Sa lahat ng Isabeleño, ang inyong katatagan, pag-asa, at aktibong pakikilahok ang siyang nagpapatibay sa ating lalawigan,” ayon sa kanya.

Pinuri ni Bise Gobernador Dy ang “transformative leadership” ng administrasyong Albano at ipinaabot ang kanyang optimismo para sa patuloy na pag-unlad ng Isabela sa ilalim ng kanilang administrasyon. #

30/06/2025