بلوچستان نیوز (2025)

17/09/2025

تربت: دشت کھڈان میں سیکیورٹی کمپنی کی وین سے 22 کروڑ روپے لوٹ لیے گئے

بلوچستان کے ضلع کیچ میں ایم-8 شاہراہ پر دشت کھڈان کراس کے مقام پر نامعلوم مسلح افراد نے سیکیورٹی کمپنی ایس او ایس کی کیش وین کو لوٹ لیا۔ سرکاری ذرائع کے مطابق ڈاکوؤں نے اسلحے کے زور پر عملے کو یرغمال بنایا اور 22 کروڑ روپے نقدی لے کر فرار ہوگئے۔

ذرائع کے مطابق لوٹی گئی رقم میں میزان بینک تربت برانچ کے 14 کروڑ 55 لاکھ روپے اور بینک الفلاح کے 7 کروڑ 50 لاکھ روپے شامل ہیں۔ واردات اس وقت پیش آئی جب کیش وین تربت سے کراچی جا رہی تھی۔ موٹر سائیکلوں پر سوار حملہ آوروں نے وین کو روک کر کارروائی کی اور چند منٹوں میں فرار ہوگئے۔

انتظامیہ نے واقعے کی تصدیق کرتے ہوئے بتایا ہے کہ علاقے میں فوری ناکہ بندی کر دی گئی ہے اور ملزمان کی تلاش جاری ہے۔

17/09/2025

بلوچستان میں ٹریفک حادثات، 5 سال میں 1,743 ہلاک اور 1 لاکھ 3 ہزار سے زائد زخمی

بلوچستان نیوز

بلوچستان بھر میں ٹریفک حادثات میں خطرناک اضافہ دیکھنے میں آ رہا ہے جس سے انسانی جانوں کا ضیاع اور ہزاروں خاندان ذہنی، جسمانی اور مالی مشکلات کا شکار ہو گئے ہیں۔

ریسکیو 1122 کے جاری کردہ اعداد و شمار کے مطابق گزشتہ پانچ سالوں (22 اکتوبر 2019 تا 12 ستمبر 2025) کے دوران بلوچستان کی شاہراہوں پر 77 ہزار 826 حادثات رپورٹ ہوئے جن میں 1,743 افراد ہلاک جبکہ 1 لاکھ 3 ہزار 902 افراد زخمی ہوئے۔

رواں سال جنوری سے جون 2025 کے دوران ہی 12 ہزار 110 حادثات رونما ہوئے جن میں 239 افراد زندگی کی بازی ہار گئے جبکہ 15 ہزار 690 زخمی ہوئے۔ 2024 کے اعداد و شمار کے مطابق بھی صورتحال تشویشناک رہی جہاں 20 ہزار 300 حادثات میں 471 اموات اور 17 ہزار 500 سے زائد افراد زخمی یا مستقل معذور ہوئے۔

ماہرین کے مطابق حادثات کی بڑی وجوہات میں تیز رفتاری، خستہ حال سڑکیں، ٹریفک قوانین کی خلاف ورزی، اور ٹریفک کنٹرول کی ناکامی شامل ہیں۔ دوسری جانب شہری اور انسانی حقوق کے کارکنان کا کہنا ہے کہ سرکاری دعوؤں کے باوجود سڑکوں کی مرمت، ٹریفک کنٹرول اور ریسکیو سہولیات میں کوئی نمایاں بہتری نہیں آئی۔

عوامی حلقوں نے حکومت سے مطالبہ کیا ہے کہ بلوچستان کی سڑکوں کو محفوظ بنانے کے لیے فوری اور عملی اقدامات کیے جائیں، بصورت دیگر احتجاجی تحریکیں اور عوامی غم و غصہ مزید بڑھنے کا خدشہ ہے۔

10/09/2025

*🔴کراچی میں سیلابی صورتحال، ملیر اور لیاری کی ندیاں دریاؤں میں تبدیل، اسکولوں میں تعطیل، فوج طلب*

*🌼مسلسل بارش سے ڈیم بھر گئے، ملیر، ایم نائن، خمیسو گوٹھ، مچھر کالونی اور دیگر علاقے ڈوب گئے، اسکیم 33 میں پانی داخل، سیکڑوں افراد محفوظ مقامات پر منتقل، آج موسلا دھار بارش کی پیشگوئی*

*🔴کراچی: بارش اور تھڈو ڈیم بھرنےکے بعد ملیر اور لیاری ندیاں بپھر گئیں، پانی رہائشی علاقوں میں داخل*

کراچی میں بارش ، تھڈو ڈیم بھرنے اور لٹھ ندی میں طغیانی کے بعد ملیر اور لیاری ندیاں بپھر گئیں، پانی اطراف کی آبادیوں میں داخل ہوگیا۔

تھڈو ڈیم بھرنے کے بعد اسپل وے سے آنے والے پانی نے ندی کی سطح اور بہاؤ میں مزید اضافہ کردیا جس کے بعد تھڈو ڈیم کا سیلابی پانی اسکیم 33 کے رہائشی علاقوں میں داخل ہوگیا، جمالی پل کے قریب ایم 9 بھی سیلابی پانی سےبھر گیا۔

ترجمان وزیراعلیٰ سندھ کے مطابق سندھ حکومت نے ایم 9 کی بیچ کی دیوار توڑ کر پانی کو راستہ دینے کا فیصلہ کیا۔

جام گوٹھ ملیر کےمقام پرشاہراہ بھٹو سیلاب میں بہہ گئی، پانی ملیر ندی کے درمیان تعمیر ہونے والی شاہراہ بھٹو کو کاٹ کر دوسری جانب نکل گیا۔

لیاری ندی میں بھی طغیانی آگئی، ایف بی ایریا، شفیق کالونی،گلشن اقبال یوسی 1،گوہر آباد، حسن نعمانی کالونی سہراب گوٹھ، لیاری بکرا پیڑی کےقریب بھی ندی کاپانی گھروں میں داخل ہوگیا، کئی فٹ پانی جمع ہونے سے شہری گھروں میں محصور ہوکر رہ گئے۔

اس کے علاوہ مچھر کالونی، نشربستی، عیسیٰ نگری کے اطراف بھی لیاری ندی کا پانی گھروں میں داخل ہوگیا۔

سیلابی ریلوں سے متاثرہ علاقو ں میں ریسکیو آپریشن
سیلابی ریلوں سے متاثرہ علاقو ں میں ریسکیو آپریشن جاری ہے، ترجمان ریسکیو 1122 کے مطابق لاسی پاڑہ سے 15 بچے، ایک بزرگ شہری اور 4 خواتین کو ریسکیو کرلیا گیا جبکہ نشربستی سے 8 اور شہبازگوٹھ میں 9 بچوں سمیت 12افراد محفوظ مقام پر منتقل کردیے گئے۔

پاک فوج اور ریسکیو 1122 نے سعدی ٹاؤن کے قریب ریسکیو آپریشن کرتے ہوئے 10 افراد کو بحفاظت محفوظ مقام پر منتقل کیا۔

ایم 9 پرآنے والاپانی تھڈوڈیم کا نہیں، معاون خصوصی وزیراعلی سندھ
دوسری جانب وزیراعلیٰ سندھ کے معاون خصوصی سلیم بلوچ نے دعویٰ کیا کہ ایم 9 پر آنے والا پانی تھڈوڈیم کا نہیں بلکہ لٹھ ندی کا ہے۔

انہوں نے کہا کہ کراچی کی ندیوں میں کیرتھررینج سے ریلا آرہا ہے، سندھ میں تمام ڈیم بھرنےکے بعد پانی ملیرندی سے سمندر میں جارہاہے۔

ان کا کہنا تھا کہ شہری آبادیاں محفوظ ہیں، ندیوں میں جہاں تجاوزات بنائی گئیں وہاں مسئلہ ہے

07/09/2025

*نوشکی پولیس نے اندھے قتل کا سراغ لگا لیا، مقتول کا بیٹا قاتل نکلا۔*

*نوشکی(پکار نیوز)نوشکی پولیس نے پیشہ ورانہ مہارت کا مظاہرہ کرتے ہوئے تبلیغی رہنما حاجی کریم شاہ کے اندھے قتل کا معمہ چند ہفتوں میں حل کر لیا۔ اس واردات میں مقتول کا اپنا بیٹا ملوث نکلا، جس نے اپنے ساتھی کے ہمراہ والد کو موت کے گھاٹ اتارا۔*

*تفصیلات کے مطابق، حاجی کریم شاہ کو جون 2025 میں اس وقت قتل کر دیا گیا تھا جب وہ فجر کی نماز کے لیے مسجد جا رہے تھے۔ واردات کے بعد ملزمان نامعلوم تھے، جس کے باعث یہ کیس ایک اندھے قتل کی صورت اختیار کر گیا تھا۔*

*ایس پی نوشکی اللہ بخش بلوچ نے عہدہ سنبھالتے ہی اس کیس کو چیلنج کے طور پر لیا اور مختلف پہلوؤں سے تفتیش کا آغاز کیا۔ پولیس نے شواہد اور خفیہ معلومات کی روشنی میں مقتول کے بیٹے جہانزیب ولد حاجی کریم شاہ اور اس کے ساتھی علی حسن ولد محمد حسن، ساکن غریب آباد کو حراست میں لیا۔*

*دورانِ تفتیش دونوں ملزمان نے جرم کا اعتراف کر لیا، جس کی تصدیق جوڈیشل مجسٹریٹ کے سامنے دیے گئے بیانات سے بھی ہوئی۔ پولیس کے مطابق قتل کی وجوہات ذاتی نوعیت کی تھیں، تاہم مزید تفتیش جاری ہے۔*

*علاقے کے عوامی حلقوں نے نوشکی پولیس، بالخصوص ایس پی اللہ بخش بلوچ اور ان کی ٹیم کی کامیاب کارروائی پر اظہارِ تحسین کیا ہے۔ ان کا کہنا ہے کہ اس پیش رفت سے نہ صرف مقتول کے خاندان کو انصاف ملا بلکہ علاقے میں قانون کی بالادستی کا تاثر بھی مضبوط ہوا ہے۔*

*پولیس حکام کا کہنا ہے کہ ملزمان کو قانون کے مطابق سخت سزا دلوائی جائے گی تاکہ آئندہ ایسے واقعات کی روک تھام ممکن ہو سکے۔*

بلوچستان نیوز
#نوشکی

07/09/2025

See More
https://www.facebook.com/share/1NUEUHxz2W/
https://www.facebook.com/share/1NUEUHxz2W/
پنجگور بی این پی عوامی کے مرکزی کال پر پارٹی رہنماؤں کی پریس کانفرنس کے دوران پارٹی کے مرکزی صدر میر اسداللہ بلوچ کےگھر پر چھاپہ اور گرفتاری کے خلاف آنکھوں پر کالی پٹیاں باندھ کر احتجاج کیاگیا

07/09/2025

*خضدار انٹرنیٹ ڈیٹا سروس کی بندش شہریوں کی روزمرہ زندگی اور کاروباری سرگرمیاں متاثر

https://www.facebook.com/share/1NUEUHxz2W/
( سابقہ کونسلر شکیل مسیح)

(خضدار)
*خضدار میں انٹرنیٹ ڈیٹا سروس کی بندش کو چار ماہ ہونے کو ہے جبکہ پورے بلوچستان میں موبائل ڈیٹا اور انٹرنیٹ سروس بحال ہو چکی ہیں لیکن ضلع خضدار میں اب بھی انٹرنیٹ مکمل طور پر بند ہے انٹرنیٹ سروس کی بندش نے شہریوں کی روزمرہ زندگی اور کاروباری سرگرمیوں کو شدید متاثر کر دیا ہے انٹرنیٹ بندش کے باعث طلبہ، آن لائن کام کرنے والے افراد اور تاجروں کو بے حد پریشانی کا سامنا ہے جس سے معاشی مشکلات میں اضافہ ہو رہا ہے*

*شہریوں نے شکوہ کیا کہ انٹرنیٹ کے بغیر روزمرہ زندگی مفلوج ہو گئی ہے اور رابطوں سے کٹ جانے کے باعث انہیں شدید پریشانی کا سامنا ہے انٹرنیٹ ڈیٹا کی شدید بندش نے خضدار کے شہریوں کو روزگار، تعلیم اور دیگر ضروری معاملات میں شدید مشکلات سے دو چار کر دیا ہے نوجوان جو عالمی پلیٹ فارمز پر اپنی خدمات فراہم کرکے نہ صرف اپنے خاندان کی کفالت کرتے ہیں بلکہ ملکی معیشت میں بھی اپنا کردار ادا کرتے ہیں بین الاقوامی سطح پر انٹرنیٹ کو انسانی ترقی اور معشیت کا بنیادی ستون تصور کیا جاتا ہے وہی خضدار جیسے پسماندہ شہر میں انٹرنیٹ کی طویل بندش شہریوں کو ڈیجیٹل پسماندگی کی طرف دھکیل رہی ہے عالمی برادری جہاں ٹیکنالوجی اور ڈیجیٹل اکنامی کی جانب بڑھ رہی ہے وہاں خضدار کے عوام کو بنیادی سہولت سے محروم رکھنا تشویشناک ہے*

*شہریوں نے حکومت پاکستان، وزیر اعلیٰ بلوچستان، کمشنر قلات ڈویژن ڈپٹی کمشنر خضدار، پی ٹی اے اور تمام متعلقہ اداروں سے اپیل کرتے ہوئے کہا کہ فوری نوٹس لیا جائے اور خضدار میں انٹرنیٹ سروس بحال کی جائے*
https://www.facebook.com/share/1NUEUHxz2W/

06/09/2025

کوئٹہ: بی این پی کے جلسے پر خودکش حملے کی ذمہ داری داعش نے قبول کرلی

(کوئٹہ)
اسلامک اسٹیٹ پاکستان صوبہ نے بلوچستان نیشنل پارٹی (بی این پی) کے جلسے پر ہونے والے خودکش حملے کی ذمہ داری قبول کرلی ہے۔ داعش کی جانب سے جاری بیان میں حملہ آور کی شناخت “علی المہاجر” کے نام سے کی گئی ہے۔ یہ دعویٰ تنظیم کے مرکزی میڈیا اداروں “اعماق” اور “خلافت نیوز” کے ذریعے سامنے آیا۔

یاد رہے کہ گزشتہ شب کوئٹہ کے شاہوانی اسٹیڈیم کے قریب بی این پی کے جلسے کے اختتام پر خودکش دھماکہ ہوا تھا، جس میں محکمہ صحت کے مطابق 15 افراد جاں بحق اور 30 سے زائد زخمی ہوئے۔

بلوچستان نیشنل پارٹی کے مطابق اس حملے کا اصل ہدف بی این پی کے سربراہ سردار اختر مینگل تھے، تاہم وہ محفوظ رہے۔

06/09/2025

*گوادر میں شراب خانوں کے خلاف مولانا ہدایت الرحمان بلوچ کی ہائی کورٹ میں پیٹیشن دائر ۔*
بلوچستان نیوز
#گوادر

Gwadar e tawar گوادر ءِ توار

(گوادر)
بلوچستان کے ساحلی شہر گوادر میں شراب خانوں کے خلاف جماعت اسلامی کے رکنِ اسمبلی مولانا ہدایت الرحمان بلوچ نے بڑا قانونی قدم اٹھاتے ہوئے عدالتِ عالیہ میں باضابطہ درخواست دائر کر دی ہے۔*

*درخواست میں مؤقف اختیار کیا گیا ہے کہ گوادر کی 95 فیصد آبادی مسلمانوں پر مشتمل ہے، اس کے باوجود شہر میں چار سے پانچ شراب خانے قائم ہیں، جو بظاہر اقلیتی برادری کے لیے کھولے گئے تھے۔ تاہم درخواست گزار کا کہنا ہے کہ ان شراب خانوں سے اقلیتوں کے بجائے مقامی مسلم آبادی کو شراب فروخت کی جا رہی ہے۔*

*مولانا ہدایت الرحمان نے پیٹیشن میں عدالت سے اپیل کی ہے کہ ان شراب خانوں کو فوری طور پر بند کرنے کے احکامات جاری کیے جائیں ان کا مزید کہنا تھا کہ خود اقلیتی برادری بھی ان شراب خانوں کے قیام پر نالاں ہے اور انہیں مقامی سماجی اقدار اور امن و امان کے لیے خطرہ تصور کیا جا رہا ہے۔*

*_تازہ ترین خبریں اور بلوچستان سے متعلق اپڈیٹس کے لیے ہمارا بلوچستان نیوز کے واٹس ایپ چینل پر فالو کرنے کے لیے لنک پر کلک کریں۔ *

03/09/2025

*وڈھ سردار اختر جان مینگل اور کارکنوں پر حملے کے خلاف تین روزہ سوگ، بازار مکمل بند رہیں گے۔*
بلوچستان نیوز
(وڈھ)
سردار اختر جان مینگل اور بی این پی کے دیگر کارکنوں پر حملے کے خلاف وڈھ میں شدید ردعمل سامنے آیا ہے۔ انجمن تاجران وڈھ نے واقعے کی سخت مذمت کرتے ہوئے تین روزہ سوگ کا اعلان کیا ہے۔*

*تاجروں کی تنظیم کے مطابق، اس دوران وڈھ بازار مکمل طور پر بند رہے گا انجمن تاجران نے کہا ہے کہ یہ حملہ نہ صرف سیاسی قیادت پر حملہ ہے بلکہ علاقے کے امن کو سبوتاژ کرنے کی سازش ہے، جس کے خلاف عوامی سطح پر بھرپور احتجاج کیا جائے گا۔*

*تاجروں کا کہنا ہے کہ سردار اختر جان مینگل پر حملے نے عوام کے دلوں کو دہلا دیا ہے اور وہ اس دکھ کی گھڑی میں بی این پی اور متاثرہ خاندانوں کے ساتھ مکمل یکجہتی کا اظہار کرتے ہیں۔ انجمن تاجران نے حکومت سے مطالبہ کیا ہے کہ حملے میں ملوث عناصر کو فی الفور گرفتار کر کے قرار واقعی سزا دی جائے۔*

03/09/2025

*شاہوانی اسٹیڈیم سانحہ: بی این پی کا تین روزہ سوگ کا اعلان، مشترکہ لائحہ عمل کا اعلان آج متوقع۔*
بلوچستان نیوز
(کوئٹہ)
بلوچستان نیشنل پارٹی (بی این پی) نے کوئٹہ کے شاہوانی اسٹیڈیم میں ہونے والے خودکش حملے کی شدید الفاظ میں مذمت کرتے ہوئے تین روزہ سوگ کا اعلان کر دیا ہے۔ یہ حملہ پارٹی کے بانی راہشون سردار عطاء اللہ مینگل کی چوتھی برسی کے موقع پر منعقدہ جلسے کے اختتام پر کیا گیا، جس میں 13 سے زائد سیاسی کارکن شہید جبکہ 70 سے زائد افراد زخمی ہوئے۔*

*بی این پی کے مرکزی اعلامیہ میں کہا گیا ہے کہ یہ واقعہ ایک انسانیت سوز اور وحشیانہ اقدام ہے، جس نے پارٹی اور بلوچستان کی سیاسی فضا کو سوگوار کر دیا ہے۔ پارٹی نے کہا ہے کہ تین روزہ سوگ کے دوران بی این پی کے دفاتر پر پارٹی پرچم سرنگوں رہے گا۔*

*اعلامیہ کے مطابق، اس سانحہ کے خلاف سیاسی سطح پر مشترکہ ردعمل اور آئندہ کا لائحہ عمل طے کرنے کے لیے آج، 3 ستمبر کو دوپہر ایک بجے پشتونخوا ملی عوامی پارٹی (پشتونخوامیپ) کے مرکزی سیکرٹریٹ میں ایک اہم اجلاس طلب کیا گیا ہے، جس میں مختلف سیاسی جماعتوں کے قائدین شرکت کریں گے۔*

*اس اجلاس میں شاہوانی سانحہ کے پس منظر میں پیدا ہونے والی صورت حال پر غور کرتے ہوئے آئندہ کا لائحہ عمل مرتب کیا جائے گا۔*

*_تازہ ترین خبریں اور بلوچستان سے متعلق اپڈیٹس کے لیے ہمارا بلوچستان نیوز کے واٹس ایپ چینل پر فالو کرنے کے لیے لنک پر کلک کریں۔ *

03/09/2025

*بلوچستان نیشنل پارٹی کے جلسے میں دھماکے کے خلاف وکلاء کا عدالتی کارروائی سے بائیکاٹ کا اعلان۔*
بلوچستان نیوز
(کوئٹہ)
بلوچستان نیشنل پارٹی (بی این پی) کے حالیہ جلسے میں ہونے والے بم دھماکے کے خلاف بلوچستان ہائی کورٹ بار ایسوسی ایشن نے شدید ردعمل دیتے ہوئے بدھ، 3 ستمبر 2025 کو بلوچستان بھر میں عدالتی کارروائی کے بائیکاٹ کا اعلان کر دیا ہے۔*

*بار ایسوسی ایشن کے صدر اور کابینہ کی جانب سے جاری کردہ مشترکہ بیان میں شاہوانی اسٹیڈیم کوئٹہ میں ہونے والے دھماکے کی شدید الفاظ میں مذمت کی گئی۔ بیان میں کہا گیا ہے کہ یہ بزدلانہ دہشت گردی نہ صرف بے گناہ انسانی جانوں کے ضیاع کا سبب بنی بلکہ یہ ایک منظم سازش ہے جو ملک کو عدم استحکام کی طرف دھکیلنے کی کوشش ہے۔*

*بیان میں شہداء کے درجات کی بلندی اور زخمیوں کی جلد صحتیابی کے لیے دعا کرتے ہوئے حکومت اور قانون نافذ کرنے والے اداروں سے مطالبہ کیا گیا ہے کہ واقعے میں ملوث دہشت گردوں اور ان کے سہولت کاروں کو فوری طور پر گرفتار کر کے قانون کے کٹہرے میں لایا جائے۔ ساتھ ہی شہریوں کے جان و مال کے تحفظ اور صوبے میں امن و امان کی بحالی کے لیے مؤثر اقدامات اٹھانے پر زور دیا گیا ہے۔*

*بلوچستان ہائی کورٹ بار ایسوسی ایشن کے پریس سیکرٹری عبدالقادر کاکڑ ایڈوکیٹ کے مطابق، اس سانحہ کے خلاف احتجاجاً وکلاء بدھ کے روز صوبہ بھر کی عدالتوں میں کسی قسم کی عدالتی کارروائی میں حصہ نہیں لیں گے۔*

*_تازہ ترین خبریں اور بلوچستان سے متعلق اپڈیٹس کے لیے ہمارا بلوچستان نیوز کے واٹس ایپ چینل پر فالو کرنے کے لیے لنک پر کلک کریں۔

03/09/2025

*کوئٹہ میں بی این پی کے جلسے کے بعد دھماکے میں 12 افراد ہلاک، 31 زخمی۔*
بلوچستان نیوز

(کوئٹہ)
بلوچستان کے دارالحکومت کوئٹہ میں بلوچستان نیشنل پارٹی کے جلسے کے بعد ایک بم دھماکے میں حکام کے مطابق کم از کم 12 افراد ہلاک اور 31 زخمی ہوگئے ہیں۔*

*بلوچستان کے وزیر صحت بخت محمد کاکڑ کے مطابق دھماکے میں کم از کم 12 افراد ہلاک اور 31 زخمی ہوئے ہیں جن میں سے بعض کی حالت تشویشناک ہے۔ دھماکے میں زخمی ہونے والے افراد کو طبی امداد کی فراہمی کے لیے سول ہسپتال کوئٹہ کے ٹراما سینٹر منتقل کیا گیا۔*

*دھماکے میں تمام جماعتوں کے مرکزی قائدین محفوظ رہے تاہم بلوچستان نیشنل پارٹی کے مرکزی رہنما اور سابق رکن بلوچستان اسمبلی میر احمد نواز بلوچ زخمی ہوئے ہیں۔*

*بلوچستان نیشنل پارٹی کے رہنما غلام نبی مری نے بتایا کہ یہ دھماکہ کوئٹہ کے علاقے سریاب میں واقع شاہوانی سٹیڈیم سے کچھ فاصلے پر اس مقام پر ہوا جہاں گاڑیوں کو پارک کیا جاتا ہے۔ ان کا کہنا تھا کہ یہ دھماکہ جلسے کے اختتام کے اندازاً دس سے پندرہ منٹ بعد ہوا ہے۔*

*انھوں نے بتایا کہ دھماکے کے وقت جلسہ گاہ سے نکلنے والے لوگوں کی ایک بڑی تعداد وہاں سے گزر رہی تھی۔ انھوں نے خودکش حملہ آور کا دعویٰ کیا جس کی تاحال سرکاری طور پر تصدیق نہیں کی گئی ہے۔ ایک سینیئر پولیس افسر نے نام نہ ظاہر کرنے کی شرط پر بی بی سی کو بتایا کہ یہ ایک خودکش حملہ تھا۔*

*_تازہ ترین خبریں اور بلوچستان سے متعلق اپڈیٹس کے لیے ہمارا بلوچستان نیوز کے واٹس ایپ چینل پر فالو کرنے کے لیے لنک پر کلک کریں

بلوچستان نیوز

17/09/2025

17/09/2025

10/09/2025

07/09/2025

07/09/2025

07/09/2025

06/09/2025

06/09/2025

03/09/2025

03/09/2025

03/09/2025

03/09/2025

Address

Website

Alerts

Shortcuts

Share