ისლამ ინფო

20/09/2025

18/09/2025

ოთხშაბათს ევროკავშირის საგარეო პოლიტიკის მესვეურმა კაია კალასმა მოუწოდა 27 წევრ ქვეყანას, გაზარდონ ტარიფები ზო.....

17/09/2025

UFC-ის მსუბუქი წონის ქართველმა ჩემპიონმა, ილია თოფურიამ, ღაზას მოსახლეობის მიმართ მხარდაჭერა გამოხატა

მადრიდში გამართულ ეკონომიკურ ფორუმზე თოფურიამ აღნიშნა:

„შეუძლებელია მსგავს მოვლენას უჭერდე მხარს. მსოფლიოში არცერთი ადამიანის სიკვდილი არ გვსურს, პირიქით. ყველა ადამიანს უნდა ჰქონდეს ის, რაც აუცილებელია - სასმელი წყალი და საკვები. ჩვენ მხარს ვუჭერთ ოჯახებს ღაზაში. ჩვენ თქვენ გვერდით ვართ.

რომ შემეძლოს ამ ომს დაუყოვნებლივ შევაჩერებდი, რადგან ეს აუტანელია.”

16/09/2025

⭕ გაეროს ეგიდით შექმნილი დამოუკიდებელი საერთაშორისო საგამოძიებო კომისიის ანგარიშის თანახმად, ისრაელმა ღაზაში გენოციდი ჩაიდინა.

„კომისია მიიჩნევს, რომ ისრაელი პასუხისმგებელია გენოციდის ჩადენაზე ღაზაში. აშკარაა, რომ არსებობს განზრახვა, გაანადგურონ პალესტინელები ღაზაში იმ ქმედებების საშუალებით, რომლებიც აკმაყოფილებს გენოციდის კონვენციით განსაზღვრულ კრიტერიუმებს“, — განაცხადა კომისიის თავმჯდომარემ ნავი პილაიმ.

🟥 კომისიამ, რომლის წევრები გაეროს თანამშრომლები არ არიან, არამედ დანიშნულნი არიან ადამიანის უფლებათა საბჭოს 47 წევრი სახელმწიფოს მიერ, დაასკვნა, რომ ისრაელის ხელისუფლებამ და უსაფრთხოების ძალებმა ჩაიდინეს კონვენციით განსაზღვრული გენოციდის ხუთი დანაშაულიდან ოთხი: მკვლელობები, სერიოზული ფიზიკური ან მენტალური ზიანის მიყენება, ცხოვრების ისეთი პირობების განზრახ შექმნა, რომლებიც მიმართულია პალესტინელთა განადგურებისკენ და ზომების მიღება, რომლებიც მიზნად ისახავს შობადობის პრევენციას.

🔻ისრაელის შეფასებით, კომისიის ანგარიში ყალბია და „ავრცელებს ნარატივს, რომელიც ჰამასსა და მის მხარდამჭერებს ისრაელის დელეგიტიმაციისა და დემონიზაციის მცდელობაში ეხმარება“.

03/09/2025

იტალიის ერთ-ერთი უმსხვილესი პროფკავშირის, Unione Sindacale di Base-ის (USB) წევრმა ნავსადგურის მუშებმა განაცხადეს, რომ „მთელ ევროპას ჩაკეტავენ“ და ისრაელისკენ მიმავალ ყველა ტვირთს დაბლოკავენ, თუ ღაზის სექტორისკენ მიმავალ ჰუმანიტარული დახმარების ფლოტილიასთან კავშირი გაწყდება. ეს განცხადება პალესტინის მიმართ სოლიდარობის ნიშნად მოწყობილი საპროტესტო აქციების მნიშვნელოვან ეტაპს წარმოადგენს.

გენუის პორტიდან, საიდანაც ისრაელის მიმართულებით წელიწადში 14,000-მდე კონტეინერი იგზავნება, ნავსადგურის მუშების წარმომადგენელმა განაცხადა: „თუ ჩვენს გემებთან და ამხანაგებთან კავშირს დავკარგავთ, თუნდაც 20 წუთით, მთელ ევროპას გავაჩერებთ... ერთი ლურსმანიც კი აღარ გაიგზავნება“.

„გლობალური სუმუდის ფლოტილია“, რომელიც 20 გემისგან შედგება და ბორტზე 44 ქვეყნის წარმომადგენელი ჰყავს, ისრაელის მიერ ღაზის ბლოკადის გარღვევისა და ჰუმანიტარული დახმარების ჩატანის ყველაზე მასშტაბური მცდელობაა.

ფლოტილიის ბორტზე იმყოფებიან ცნობილი აქტივისტები, მათ შორის გრეტა ტუნბერგი და ბარსელონის ყოფილი მერი ადა კოლაუ.
იტალიელმა მუშებმა გენუაში 250 ტონაზე მეტი ჰუმანიტარული დახმარება შეაგროვეს. გემების გასაცილებლად ქალაქის ქუჩებში 40,000-მდე ადამიანი გამოვიდა.

ეს არ არის პირველი შემთხვევა, როდესაც მუშები ისრაელის გენოციდური ომის წინააღმდეგ აქციას მართავენ. მსგავსი საპროტესტო მოძრაობები დაფიქსირდა საბერძნეთში, საფრანგეთში, მაროკოში, შვედეთში, კანადასა და აშშ-ში.

01/09/2025

01/09/2025

⭕ გენოციდის მკვლევართა ყველაზე დიდმა აკადემიურმა ასოციაციამ მსოფლიოში (IAGS) მიიღო რეზოლუცია, რომლის მიხედვით, სამართლებრივი კრიტერიუმებით დასტურდება, რომ ისრაელი ღაზაში გენოციდს სჩადის - ინფორმაციას სააგენტო Reuters ავრცელებს.

ასოციაციის 500 წევრიდან რეზოლუციას მხარი 86%-მა დაუჭირა. რეზოლუციაში წერია, რომ ისრაელის პოლიტიკამ და ქმედებებმა ღაზაში დააკმაყოფილა გენოციდის სამართლებრივი განსაზღვრება, რომელიც მოცემულია 1948 წლის გაეროს გენოციდის კონვენციის მე-2 მუხლში.

სამგვერდიანი რეზოლუციით მკვლევრები მოუწოდებენ ისრაელს, „დაუყოვნებლივ შეწყვიტოს ყველა ქმედება, რაც წარმოადგენს გენოციდს, ომის დანაშაულებსა და კაცობრიობის წინააღმდეგ მიმართულ დანაშაულებს პალესტინელების მიმართ ღაზაში, მათ შორის: სამოქალაქო პირებზე, ბავშვებზე. შეწყბიტოს მიზანმიმართული თავდასხმები და მკვლელობები; შიმშილით დასჯა; ჰუმანიტარული დახმარების, წყლის, საწვავისა და მოსახლეობის გადარჩენისთვის აუცილებელი სხვა რესურსების შეზღუდვა; სექსუალური და რეპროდუქციული ძალადობა; მოსახლეობის იძულებითი გადაადგილება“

რეზოლუციაში ასევე ნათქვამია, რომ ჰამასის თავდასხმა ისრაელზე, რომელმაც ომი გამოიწვია, წარმოადგენს საერთაშორისო დანაშაულს.

„ეს არის ერთმნიშვნელოვანი განცხადება გენოციდის კვლევის სფეროს ექსპერტებისგან, რომ რაც ღაზაში ხდება, გენოციდია,“ — განაცხადა ასოციაციის პრეზიდენტმა მელანი ო'ბრაიენმა, რომელიც დასავლეთ ავსტრალიის უნივერსიტეტის საერთაშორისო სამართლის პროფესორია და სპეციალიზდება გენოციდის საკითხებში.

„ომის დანაშაულების არანაირი გამართლება არ არსებობს, კაცობრიობის წინააღმდეგ მიმართულ დანაშაულების ან გენოციდის ჩადენისთვის - თვითდაცვაც კი არაა გამართლება,“ — დასძინა მან.

ისრაელის საგარეო საქმეთა სამინისტრომ ეს განცხადება შეაფასა, როგორც სამარცხვინო და განაცხადა, რომ ის "სრულად ეფუძნება ჰამასის ტყუილების კამპანიას".

01/09/2025

სხვადასხვა სახის დაზიანებები მიიღო დაახლოებით 500-მა ადამიანმა.

ვრცლად - https://rustavi2.ge/ka/news/323564

30/08/2025

ისრაელის სამხედროები ქალაქ ღაზას ასაღებად ემზადებიან. პალესტინური ანკლავის ყველაზე დიდ ურბანულ ცენტრს ნეთანი.....

30/08/2025

🔻 თურქეთმა ისრაელთან ყველანაირი ეკონომიკური და სავაჭრო ურთიერთობა გაწყვიტა და ისრაელის თვითმფრინავებისთვის საჰაერო სივრცე დახურა - განაცხადა თურქეთის საგარეო საქმეთა მინისტრმა ჰაკან ფიდანმა პარლამენტის რიგგარეშე სხდომაზე

💬 „თურქეთმა შეწყვიტა ისრაელთან ყველა სახის ვაჭრობა, არ უშვებს თურქულ გემებს ისრაელის პორტებში შესვლას და დახურა თავისი საჰაერო სივრცე ისრაელის თვითმფრინავებისთვის“, - თქვა ფიდანმა. მან ეს ქმედებები უფრო ფართო მორალურ და ისტორიულ კონტექსტში განიხილა და განაცხადა, რომ ღაზაში განვითარებული მოვლენები ღრმა ლაქას წარმოადგენს გლობალურ სინდისზე

28/08/2025

ახლო აღმოსავლეთში ომი გრძელდება. ღაზის ჯანდაცვის სამინისტროს ინფორმაციით, ისრაელის ბოლო თავდასხმას ანკლავში 76 ....

27/08/2025

დემონსტრანტები ისრაელის თავდაცვის შტაბ-ბინასთან მივიდნენ და პრემიერ-მინისტრს უმოკლეს ვადებში "ჰამასთან" შეთანხმების მიღწევისკენ მოუწოდეს.