აჭარის ა.რ სავაჭრო-სამრეწველო პალატა Ajara Chamber of Commerce and Industry

29/10/2025

🔷აჭარისა და პოლტავის სავაჭრო-სამრეწველო პალატებს შორის თანამშრომლობის მემორანდუმი გაფორმდა.

🔷დოკუმენტს ხელი მოაწერეს აჭარის სავაჭრო-სამრეწველო პალატის თავმჯდომარემ გიორგი რომანაძემ და პოლტავის სავაჭრო-სამრეწველო პალატის პრეზიდენტმა ვლადიმირ ბორისენკომ.

🔷მემორანდუმი ითვალისწინებს ორმხრივ თანამშრომლობას მეწარმეთა შორის სავაჭრო-ეკონომიკური ურთიერთობების გაღრმავების, საინვესტიციო გარემოს ხელშეწყობის, ერთობლივი პროექტებისა და ინიციატივების განვითარებისთვის.
პარტნიორობა მოიცავს ინფორმაციასა და გამოცდილების გაზიარებას, ბიზნეს-დელეგაციების გაცვლას, გამოფენებსა და ფორუმებში მონაწილეობას, მცირე და საშუალო ბიზნესის მხარდაჭერას, ასევე სამეწარმეო განათლებისა და ინოვაციების წახალისებას.

🔷აღნიშნული თანამშრომლობა ხელს შეუწყობს უკრაინასა და საქართველოს შორის ეკონომიკური და ბიზნესკავშირების გამყარებას და ორ რეგიონს შორის ახალი შესაძლებლობების შექმნას.

28/10/2025

🔷პალატას ეწვივნენ MÜSİAD ალბანეთის ფილიალის თავმჯდომარე მუჰამედ იშლერი და მისი დელეგაცია, ასევე MÜSİAD სივასის ფილიალის თავმჯდომარე უგურ გორგენი თანმხლები წევრებით.

🔷შეხვედრაზე განხილულ იქნა სამმხრივი თანამშრომლობის შესაძლებლობები აჭარას, თურქეთსა და ალბანეთს შორის, საინვესტიციო პოტენციალი, სავაჭრო ურთიერთობების გაღრმავება და ერთობლივი ბიზნეს ინიციატივების განვითარების გზები.

🔷აჭარის სავაჭრო-სამრეწველო პალატა აგრძელებს აქტიურ თანამშრომლობას საერთაშორისო პარტნიორებთან, რაც ხელს უწყობს რეგიონის მეწარმეებისთვის ახალი შესაძლებლობების შექმნას.

27/10/2025

🔷სამხრეთ ჩინეთის გუანდუნის პროვინციის დედაქალაქ გუანჯოუში, მსოფლიოში ერთ-ერთ ყველაზე მასშტაბურ სავაჭრო ღონისძიებაში — 138-ე კანტონის გამოფენაში, აჭარის სავაჭრო პალატის თავმჯდომარე გიორგი რომანაძე და თავმჯდომარის მოადგილე ნუგზარ მიქელაძე მონაწილეობდნენ.
🔷კანტონის გამოფენა, რომელიც ასევე ცნობილია როგორც “ჩინეთის იმპორტისა და ექსპორტის გამოფენა”, არის უძველესი, ყველაზე მასშტაბური და წარმომადგენლობითი სავაჭრო გამოფენა ჩინეთში, რომელიც 1957 წლიდან იღებს სათავეს. მთავარ როლს თამაშობს ჩინეთის საგარეო ვაჭრობის განვითარებაში, ჩინეთსა და დანარჩენ მსოფლიოს შორის ეკონომიკური და სავაჭრო თანამშრომლობის წინსვლაში.
🔷გამოფენაში 30 000-ზე მეტმა მწარმოებელმა წარმოადგინა პროდუქცია სხვადასხვა კატეგორიაში: სამომხმარებლო ელექტრონიკა და საინფორმაციო პროდუქტები, საყოფაცხოვრებო ელექტრომოწყობილობები, განათების აღჭურვილობა, ზოგადი დანადგარები და მექანიკური საბაზისო ნაწილები, ელექტრო დანადგარები და ელექტროენერგია, დამამუშავებელი დანადგარები, ტექნიკა, სამუშაოები ტექნიკა, ელექტროტექნიკა, ელექტრული კონსტრუქციები, აპარატურა და ხელსაწყოები. ღონისძიებას 222 ქვეყნისა და რეგიონის დაახლოებით 157 000 უცხოელი მყიდველი ესწრებოდა.
🔷ვიზიტის ფარგლებში პალატის დელეგაცია გაეცნო გლობალურ ბაზარზე არსებულ ახალ ტექნოლოგიურ და სამრეწველო ტენდენციებს, ინოვაციურ გადაწყვეტილებებსა და წარმოების თანამედროვე სტანდარტებს. მიღებული ინფორმაცია და გამოცდილება დაეხმარება აჭარის ბიზნესის წარმომადგენლებს, უკეთ შეაფასონ საერთაშორისო მოთხოვნები, განავითარონ საკუთარი წარმოება და გააძლიერონ კონკურენტუნარიანობა როგორც ადგილობრივ, ისე საგარეო ბაზრებზე.
🔷აჭარის სავაჭრო-სამრეწველო პალატა გეგმავს მიღებული გამოცდილება გაუზიაროს რეგიონის მეწარმეებს, რათა ხელი შეუწყოს მათ განვითარებასა და ახალი შესაძლებლობების გამოყენებას საერთაშორისო ბაზრებზე.

27/10/2025

27/10/2025

✨გვინდა გაგაცნოთ ჩვენი განახლებული ბრენდის სახე, რომელიც ასახავს აჭარის სავაჭრო-სამრეწველო პალატის ისტორიას, ღირებულებებს და მომავალზე ორიენტირებულ ხედვას — ვიყოთ ბიზნესის სანდო პარტნიორი შესაძლებლობების გზაჯვარედინზე.
💼ჩვენი განახლებული ბრენდი აერთიანებს ახალ ლოგოს, თანამედროვე ვიზუალურ სტილსა და სტრატეგიულ ხედვას, რათა უკეთ წარმოვაჩინოთ პალატის ღირებულებები და პარტნიორული მიდგომა.
🚀ამ ცვლილებებით ვიწყებთ ახალ ეტაპს — უფრო ინოვაციურს, გამჭვირვალეს და პარტნიორობაზე დაფუძნებულს.

23/10/2025

🔷აჭარის სავაჭრო-სამრეწველო პალატას ესტუმრნენ კავკასიის ბიზნესის სკოლის მე-10 –11 კლასის მოსწავლეები, რომლებმაც არჩევითი საგნებად მეწარმეობის საფუძვლები და ეკონომიკა და სახელმწიფო აირჩიეს.
🔷შეხვედრის ფარგლებში პალატის თავმჯდომარემ ახალგაზრდებს გააცნო პალატის საქმიანობა, მისი როლი კერძო სექტორის მხარდაჭერასა და რეგიონის ეკონომიკური განვითარების პროცესში. მოსწავლეებმა მიიღეს ინფორმაცია იმ პროგრამებისა და ინიციატივების შესახებ, რომლებიც პალატა ბიზნესის ზრდისა და ინოვაციების ხელშეწყობის მიზნით ახორციელებს.
🔷შეხვედრა მიმდინარეობდა მეგობრულ და ღია ატმოსფეროში —მოსწავლეებს ჰქონდათ შესაძლებლობა დაესვათ შეკითხვები და მიეღოთ პასუხები მათთვის საინტერესო თემებზე.
🔷აჭარის სავაჭრო-სამრეწველო პალატა მუდმივად მხარს უჭერს ახალგაზრდების ჩართულობას ეკონომიკურ პროცესებში და მზად არის გაუზიაროს გამოცდილება მომავალ პროფესიონალებს.

14/10/2025

09/09/2025

🔷დღეს, 9 სექტემბერს, ბათუმში ხელი მოეწერა თანამშრომლობის მემორანდუმს აჭარის სავაჭრო-სამრეწველო პალატასა და სლოვენიის პრიმორსკას სავაჭრო-სამრეწველო პალატას შორის.
🔷შეთანხმება მიზნად ისახავს ორ რეგიონს შორის ეკონომიკური ურთიერთობების გაღრმავებას, რომლის ფარგლებშიც განსაკუთრებული ყურადღება დაეთმო ბათუმისა და კოპერის პორტების თანამშრომლობას.
🔷დოკუმენტი ასევე ითვალისწინებს მწვანე და მდგრადი ტურიზმის განვითარებას, ორგანული სოფლის მეურნეობის პროდუქციის პოპულარიზაციას, საინვესტიციო შესაძლებლობების წახალისებას, უნივერსიტეტებს შორის გაცვლითი პროგრამების დანერგვას და პალატების წევრებისთვის ახალი ბიზნეს შესაძლებლობების შექმნას.
🔷მემორანდუმს ხელი მოაწერეს აჭარის სავაჭრო-სამრეწველო პალატის თავმჯდომარემ გიორგი რომანაძემ და სლოვენიის პრიმორსკას სავაჭრო-სამრეწველო პალატის გენერალურმა დირექტორმა რობერტ რაკარმა.
🔷დოკუმენტი ხაზს უსვამს საქართველოსა და სლოვენიას შორის მეგობრულ ურთიერთობებს და ემსახურება თანამშრომლობის გაღრმავებას როგორც ეკონომიკურ, ასევე საგანმანათლებლო და ტურიზმის სფეროებში.

31/07/2025

🔷აჭარის სავაჭრო-სამრეწველო პალატაში გაიმართა გაცნობითი ხასიათის შეხვედრა პალატის თავმჯდომარე გიორგი რომანაძესა და კორეის რესპუბლიკის საგანგებო და სრულუფლებიან ელჩს საქართველოში ჰიონ დუ კიმს შორის.

🔷შეხვედრას ასევე ესწრებოდნენ კორეის ვაჭრობისა და საინვესტიციო სააგენტოს (KOTRA) საქართველოს ოფისის ხელმძღვანელი სანგ მუნ ვუ, ელჩის თანაშემწე ანნა კოშაძე, პალატის თავმჯდომარის პირველი მოადგილე ნინო დოლიძე და აჭარის ლოჯისტიკის, ტრანსპორტისა და გადამზიდავთა ასოციაციის თავმჯდომარე თამაზ თურმანიძე.

🔷შეხვედრისას მხარეებმა ისაუბრეს საქართველო-კორეას შორის თავისუფალი ვაჭრობის შეთანხმების მნიშვნელობაზე, ლოჯისტიკისა და ტრანსპორტის სექტორში თანამშრომლობის შესაძლებლობებზე, ასევე აჭარის ბიზნეს გარემოს შესახებ.

🔷მხარეებმა გამოთქვეს მზადყოფნა სამომავლო თანამშრომლობის გასაღრმავებლად კორეულ და ქართულ ბიზნესებს შორის და დაგეგმეს ნაბიჯები პარტნიორული ურთიერთობების განსავითარებლად.

29/07/2025

🔷აჭარის სავაჭრო-სამრეწველო პალატის თავმჯდომარემ გიორგი რომანაძემ საქართველოში გაერთიანებული სამეფოს ელჩთან, გარეთ უორდთან შეხვედრა გამართა.

🔷შეხვედრაზე მხარეებმა განიხილეს აჭარის რეგიონის მაკროეკონომიკური ვითარება, პალატისა და საელჩოს შორის სამომავლო თანამშრომლობის პერსპექტივები, ასევე ის პრიორიტეტული მიმართულებები, რომელთაც გაერთიანებული სამეფოს საელჩო საქართველოში ავითარებს — მათ შორის ტურიზმი, განახლებადი ენერგეტიკა, განათლება, ინფრასტრუქტურა.

🔷პალატის თავმჯდომარემ ელჩს გააცნო ორგანიზაციის საქმიანობა და რეგიონში არსებული ბიზნესგარემო. თავის მხრივ, ელჩმა გამოთქვა ინტერესი იმ გამოწვევების მიმართ, რომლებსაც აჭარის სავაჭრო-სამრეწველო პალატის წევრი კომპანიები აწყდებიან ყოველდღიურ საქმიანობაში.

🔷შეხვედრას ასევე ესწრებოდნენ პალატის თავმჯდომარის პირველი მოადგილე ნინო დოლიძე და გაერთიანებული სამეფოს საელჩოს ეკონომიკური მრჩეველი ნინო გამხარაშვილი.