მაუწყებელი • Mautskebeli

23/09/2025

პროტესტის მე-300 დღე

23/09/2025

🔗ეთერში ვართ!

🎙რას მოუტანს კონსერვატიული შემოტრიალება მსოფლიოს?

📍ყოველ სამშაბათს, 21:00 საათზე, უყურეთ “მაუწყებლის პოდკასტს” YouTube-ზე.

🎙️რას მოუტანს კონსერვატიული შემოტრიალება მსოფლიოს?📍ყოველ სამშაბათს, 21:00 საათზე, უყურეთ “მაუწყებლის პოდკასტს” You...

23/09/2025

პროტესტის 300 დღე - მსვლელობა სამასი არაგველის მემორიალიდან რუსთაველის გამზირამდე

23/09/2025

გაეროს შტაბ-ბინაში ათეულობით ქვეყანამ პალესტინის სახელმწიფოს აღიარებას დაუჭირა მხარი. ეს მნიშვნელოვანი ნაბიჯი, რომლის ინიციატორი საფრანგეთი და საუდის არაბეთია, საერთაშორისო საზოგადოების მზარდ ზეწოლას ასახავს.

მიუხედავად იმისა, რომ აშშ და ისრაელი სხდომას არ ესწრებოდნენ, ბევრმა ევროპულმა ქვეყანამ პალესტინას მხარდაჭერა გამოუცხადა.

23/09/2025

🎙️რას მოუტანს კონსერვატიული შემოტრიალება მსოფლიოს?

📍დღეს, 21:00 საათზე, უყურეთ “მაუწყებლის პოდკასტს”YouTube-ზე.

23/09/2025

იტალიაში პროფკავშირების მიერ ორგანიზებული მასშტაბური საყოველთაო გაფიცვა მიმდინარეობს ღაზის მხარდასაჭერად. აქციაში ჩართულია მრავალი სექტორი, მათ შორის რკინიგზა, პორტები, საზოგადოებრივი ტრანსპორტი, სკოლები და საჯარო სერვისები.

გაფიცულებმა მუშაობა კვირას, 21 სექტემბერს, შუაღამისას შეაჩერეს და აქცია ორშაბათს, საღამოს 11 საათამდე გაგრძელდა.

აქციის ინიციატორი პროფკავშირი USB (Unione Sindacale di Base) ითხოვს „ტერორისტულ სახელმწიფოსთან, ისრაელთან, ურთიერთობების დაუყოვნებლივ გაწყვეტას. ეს არის კონკრეტული გზა, რომლითაც იტალიას შეუძლია და უნდა, უპასუხოს მიმდინარე გენოციდს“.

USB-ის განცხადებით, ორშაბათისთვის 60-ზე მეტი საპროტესტო აქცია დაიგეგმა, რაც, მათი თქმით, „იტალიისთვის უპრეცედენტოა“. აქციები მიმდინარეობდა რომში, მილანში, ბოლონიაში, ნეაპოლსა და გენუაში. დამატებითი დემონსტრაციები და საპროტესტო ჯდომითი აქციები დაიგეგმა ტურინში, ფლორენციაში, ანკონაში, ბარსა და პალერმოში.

ადგილობრივი მედიის ცნობით, გენუასა და ლივორნოს პორტებში პალესტინის მხარდამჭერმა მომიტინგეებმა შეზღუდეს გადაადგილება, რამაც რიგები გამოიწვია. რომში გაუქმდა ან მნიშვნელოვანი შეფერხებით მოძრაობდა რეგიონული მატარებლები, ხოლო მილანში M4 მეტროს ხაზი დაიხურა. ბოლონიაში, სტუდენტებმა უნივერსიტეტის აუდიტორიების შესასვლელების ბლოკირებით შეაჩერეს სასწავლო პროცესი.

„საბაზისო პროფკავშირების კავშირმა“ განაცხადა: „22 სექტემბერს ყველას შეეძლება ქუჩაში გასვლა, რათა შეწყვიტოს ყოველგვარი თანამშრომლობა ისრაელის სახელმწიფოსთან, დაიცვას ღაზა და შეაჩეროს გენოციდი, უარი თქვას შეიარაღების რბოლასა და ომზე, „გლობალური სუმუდის ფლოტილიის“ გვერდით, რომელიც ამ საათებში დაიწყო. დავბლოკოთ ყველაფერი, პალესტინით გულში“.

„გლობალური სუმუდის ფლოტილია“, რომლის შემადგენლობაშიც არიან შვედი კლიმატის აქტივისტი გრეტა ტუნბერგი და „ნოვარა მედიის“ წარმომადგენელი კიერან ანდრიე, ამჟამად ღაზისკენ მიემართება, რათა შეეცადოს ისრაელის მიერ ტერიტორიის უკანონო ბლოკადის გარღვევას. ფლოტილიას გადააქვს აუცილებელი ჰუმანიტარული ტვირთი, მათ შორის ბავშვის საკვები ფორმულა და ფქვილი.

22/09/2025

ხვიჩა კვარაცხელიამ თავისივე მიღწევა გააუმჯობესა და ოქროს ბურთის ნომინანტთა სიაში მე-12 ადგილი დაიკავა - ქართველ ფეხბურთელებს შორის(დამოუკიდებელი საქართველოს ისტორიაში), ეს საუკეთესო შედეგია 🇬🇪⭐

კვარა გასულ სეზონში :

🏆 ჩემპიონთა ლიგა
🏆 ლიგა 1
🏆 სერია ა
🏆 საფრანგეთის თასი
🏟️ 44 თამაში
⚽ 12 გოლი
🅰️ 8 ასისტი

#ნაკრები

22/09/2025

არასამთავრობო ორგანიზაციების განცხადებით, ქართულმა ოცნებამ რაჟდენ კუპრაშვილის ანტიკორუფციული ბიუროს გამოყენებით დაიწყო სამოქალაქო საზოგადოების წინააღმდეგ რეპრესიული კანონების აღსრულების ახალი ეტაპი.

30-მდე ორგანიზაცია მიუთითებს, რომ ბიურო მათგან ითხოვს მოცულობით ინფორმაციას „გრანტების შესახებ“ კანონის საფუძველზე, თუმცა პროცედურა არც ფორმალურად იცავს კანონის მოთხოვნებს და მოიცავს პერიოდსაც, როცა ცვლილებები ძალაში ჯერ არ იყო. მიუხედავად იმისა, რომ ორგანიზაციებმა ბიუროს აუწყეს ახალი საგრანტო ხელშეკრულებების არქონის შესახებ, თბილისის საქალაქო სასამართლომ უკვე დააკმაყოფილა ბიუროს შუამდგომლობა ცხრა ორგანიზაციის წინააღმდეგ.

22 სექტემბერს წერილი მიიღო „კავკასიურმა სახლმაც“. უწყება ითხოვს ორგანიზაციასა და დონორებს შორის გაფორმებულ კონტრაქტებს, შრომით ხელშეკრულებებსა და შესყიდვების დოკუმენტაციას.

„არსებობის მრავალი ათეული წლის განმავლობაში არასდროს არაფერი გვქონია დასამალი, აუდიტის დასკვნებს ყოველწლიურად ვასაჯაროებთ,“ — აცხადებს ორგანიზაცია.

„კავკასიური სახლი“ ასევე დასძენს: „ვფიქრობთ, რომ უკანასკნელი ორი წლის განმავლობაში ხელისუფლების მიერ არასამთავრობო ორგანიზაციების რეგულირების მიზნით შექმნილი კანონების ამოცანა გამჭვირვალობის უზრუნველყოფა არ არის.“
„გაოცებასა და საშინელი უსამართლობის განცდას იწვევს ისიც, რომ კორუფციაში ჩაფლული ქვეყნის ... ანტიკორუფციული ბიურო თავის დროსა და რესურსებს ხარჯავს „კავკასიური სახლის“ მსგავსი, ხელმოკლე კულტურულ-საგანმანათლებლო, სამშვიდობო და გარემოსდაცვითი ორგანიზაციის ფინანსების მიკროსკოპული სიზუსტით შემოწმებაში.“

სამოქალაქო ორგანიზაციები აცხადებენ, რომ სამართლებრივი გზებით შეეწინააღმდეგებიან უკანონო მონიტორინგსა და ხელისუფლების მცდელობას შეასუსტოს მათი საქმიანობა.

22/09/2025

Mətnin azərbaycanca versiyası aşağıdadır - აზერბაიჯანულ ენაზე წასაკითხად იხილეთ მეტი: ⬇️

სამგორის იგივე ნავთლუღის ბაზარი თბილისის ერთ-ერთი უმსხვილესი და უძველესი აგრარული ბაზარია. ის ცნობილია, როგორც ადგილი, სადაც პროდუქციის შეძენა შედარებით დაბალ ფასად არის შესაძლებელი. აქ მოვაჭრეები მუშაობას დილის 3-4 საათიდან იწყებენ. ამ დროს ძირითადად საბითუმო ვაჭრობა მიმდინარეობს, საცალო მომხმარებლებისთვის კი აქტიური სავაჭრო პროცესი დილის 7-8 საათიდან იწყება.

ბაზარში ვაჭრობენ როგორც ქალაქის მაცხოვრებლები, ისე საქართველოს სხვადასხვა რეგიონიდან ჩამოსული ფერმერები. აქ შეხვდებით გლეხებს, რომლებიც უშუალოდ თავიანთი ნაკვეთებიდან ჩამოტანილ პროდუქტს ყიდიან. განსაკუთრებით ბევრი გამყიდველი ჩამოდის კახეთიდან, ქვემო ქართლიდან და იმერეთიდან.

მოვაჭრეებისთვის შრომა რთულია - მძიმე ურიკებით, ტომრებითა და ყუთებით სხვადასხვა ტიპის პროდუქტებს ეზიდებიან. განსაკუთრებით მძიმე შრომაა გარემოვაჭრეებიისთვის, რომელთა უმრავლესობა მოხუცი ქალია და რომელთაც, გარდა უმძიმესი შრომისა ყველა ამინდსა და მდგომაროებაში, პერიოდულად მუნიციპალური ინსპექციაც ავიწროვებს და მწირი საქონლის გაყიდვის საშუალებასაც არ აძლევს.

📍დაელოდეთ ჩვენს ვიდეოს სამგორის ბაზრიდან.

Samqori, Navtluxi bazarı kimi tanınan məkan, Tbilisinin ən böyük və ən qədim aqrar bazarlarından biridir. O məhsulları nisbətən ucuz qiymətə almaq üçün məşhur yerdir. Burada satıcılar işə səhər saat 3-4-dən başlayırlar. Bu vaxt əsasən topdansatış aparılır, pərakəndə alıcılar üçün isə aktiv ticarət prosesi səhər saat 7-8-dən başlayır.

Bazarda həm paytaxt sakinləri, həm də Gürcüstanın müxtəlif bölgələrindən gəlmiş fermerlər al-ver edirlər. Burada öz sahəsindən yığdığı məhsulu birbaşa satan kəndlilərə də rast gələ bilərsiniz. Xüsusilə çoxlu satıcılar Kaxetidən, Kvemo Kartlidən və İmeretidən gəlirlər.

Satıcılar üçün iş çox çətindir – onlar ağır arabalarda, kisələrdə və yeşiklərdə müxtəlif məhsulları daşıyırlar. Ən ağır əmək isə küçə satıcılarının payına düşür. Onların əksəriyyəti yaşlı qadınlardır və onlar təkcə ağır fiziki işlə deyil, həm də hər cüe hava şəraitində işləmək məcburiyyətində qalırlar. Bundan əlavə, bəzən bələdiyyə inspektorları tərəfindən sıxışdırılır, məhdud mallarını satmağa da imkan verilmir.

📍Samqori bazarından videomuzu yaxında sizə təqdim edəcəyik.

22/09/2025

ხარაგაულის სოფლები უკვე სამი თვეა სტიქიური უბედურების ზონად არის გამოცხადებული. სოფელ ხემაღალში მთლიანი დასახლება ნაპრალებითა და ხრამებითაა დანაწევრებული და სახლები მასობრივად ინგრევა. ადგილობრივების თქმით, პრობლემა მას შემდეგ დაიწყო, რაც ჩინურმა კომპანიამ თბილისი-ბათუმის სარკინიგზო მაგისტრალის მშენებლობისას მთაზე აფეთქებითი სამუშაოები განახორციელა. მოსახლეობა დახმარებას ითხოვს.

📍 ვიდეოს სრულად სანახავად იხილეთ „მაუწყებლის“ YouTube არხი.

22/09/2025

პრეზიდენტმა დონალდ ტრამპმა, მოკლული კონსერვატორი აქტივისტის, ჩარლი კირკის ხსოვნისადმი მიძღვნილ ცერემონიაზე, ის „ამერიკული თავისუფლებისთვის წამებულად“ გამოაცხადა და მისი საქმის გაგრძელების პირობა დადო.

კვლავ „რადიკალურ მემარცხენეობას“ დაედო ბრალი მკვლელობაში, თუმცა ამის დამადასტურებელი არანაირი მტკიცებულება არ არსებობს.
„ძალადობა, დიდწილად, მემარცხენე ფლანგიდან მოდის,“ – განაცხადა ტრამპმა.

მისი გამოსვლა მკვეთრად განსხვავდებოდა სხვა მომხსენებლებისგან და პარტიზანული პოლიტიკური აქციის ელფერი დაჰკრავდა.
კირკის ხსოვნის ღონისძიება, რომელსაც მისი ორგანიზაცია „Turning Point USA“ ხელმძღვანელობდა, პოლიტიკური აქციისა და რელიგიური მსახურების ნაზავი იყო. სტადიონზე ათიათასობით ადამიანი იყო შეკრებილი, რომლებიც წითელ, თეთრ და ლურჯ ფერებში იყვნენ ჩაცმულნი.

კირკის მეუღლემ, ერიკამ, ემოციური სიტყვით მიმართა შეკრებილებს და თქვა, რომ მისი ქმარი სიკვდილისთვის მზად იყო. „მან დატოვა ეს სამყარო სინანულის გარეშე,“ – აღნიშნა მან და მკვლელსაც კი მიუტევა.

თუმცა, სხვა მომხსენებლები აგრესიულად მოუწოდებდნენ მომხრეებს, დაესრულებინათ კირკის საქმე. „თქვენ წარმოდგენა არ გაქვთ, როგორი დრაკონი გააღვიძეთ,“ – განაცხადა სტივენ მილერმა.

ტრამპის გამოსვლა ყველაზე გამყოფი იყო. მან განაცხადა: „მას არ სძულდა ოპონენტები. აი, სად არ ვეთანხმებოდი ჩარლის. მე მძულს ჩემი ოპონენტები.“
კირკის მკვლელობამ პოლიტიკური ნარატივის ცენტრში გადაინაცვლა.

მკვლელობის ბრალდების საფუძვლად წარმოდგენილი შეთქმულების თეორიები და მათზე აგებული პოლიტიკური გზავნილები, შესაძლოა, MAGA-ს მოძრაობისა და კონსერვატორების მხრიდან პოლიტიკური ოპონენტების დეჰუმანიზაციის მცდელობად ჩაითვალოს, რაც მათ ავტორიტარულ მიზნებს ემსახურება. ამგვარი რიტორიკა, სამოქალაქო თავისუფლებების შეზღუდვის და პოლიტიკური ძალადობის გამართლების რისკს ქმნის, რის შედეგადაც საზოგადოება კიდევ უფრო პოლარიზდება.

22/09/2025

ლევან ჯობავა: “”რა გინდოდა ყოფილიყავი შენთვის”

გეტყვის ნებისმიერი მდუმარე შენი გარემოცვიდან და თავის წილ ზიზღს გადაყლაპავს, რომელსაც იმის მიმართ განიცდის ვისაც ძალით უღიმის და ცრუ კომპლიმენტენს ეუბნება.

ხოდა მე მინდოდა მეკეთებინა ხობის საკვირაო სკოლა, სამეგრელოს რაგბის განვითარების გეგმა მინდოდა მეკეთებინა, ხობში მინდოდა ცხოვრება ოჯახთან ერთად, გარემოზე და გარშემომყოფებზე ზრუმვა მინდოდა.

არ გამოვიდა ეგ საქმე, რადგან თუ გინდა რამე აკეთო, თვალი უნდა დაუხუჭო სისტემას, მერე თავი უნდა დახარო, ძალით გაიღიმო და ცრუ კომპლიმენტები უთხრა “ბოსს”.

რას იზამენ ხვალ ქოცები არ ვიცი, არც ის ვიცი რას იზამენ ზეგ, მაგრამ ზუსტად ვიცი, რას შვებიან უსამართლობასთან მებრძოლი მოქალაქეები და დემეტრეს ვფიცავარ მრცხვენია კიდეც ამხელა სოლიდარობის.

მადლობა ყველას, სიტყვებით ძნელია იმის გადმოცემა რას ვგრძნიბ, როცა ერთ მხარეს გასუსული ექს კოლეგები, მეგობრები, ნათესავები დგანან პროპაგანდის სამსახურში და მეორე მხარეს ამდენი ადამიანის, ნაცნობის თუ უცნობის ასეთი სოლიდარობაა.

სიტყვებით მადლიერების გამოხატვა არ გამოვა, საქმით აუცილებლად “გადავიხდი”.

თავისუფლება რეჟიმის ტყვეებს !

ცეცხლი ოლიგარქიას!”

შეგახსენებთ, რომ 15 სექტემბერს, საზოგადოებრივი მაუწყებლის მარშის მონაწილეებსა და რამდენიმე პირს შორის დაპირისპირება მოხდა, რის დროსაც ერთ-ერთმა იარაღი ამოიღო. აქტივისტმა ლევან ჯობავამ მას იარაღი წაართვა და პოლიციას გადასცა, რის შემდეგაც პირი დააკავეს.

19 სექტემბერს დაკავებული არასრულწლოვანი აღკვეთის ღონისძიების გარეშე გაათავისუფლეს, რადგან ექსპერტიზის თანახმად, ამოღებული იარაღი არ იყო ცეცხლსასროლი, თუმცა გამოძიება ძალადობის მუხლით გრძელდება.

ლევან ჯობავა საქართველოში დღეს ბრუნდება და ადვოკატების თქმით, შესაძლოა ის დააკავონ.