მოზაიკა/Mozaika

19/10/2025

🔻 მოქალაქეები აცხადებენ, რომ გორი-თბილისის სამარშრუტო ტაქსები დღის მეორე ნახევარში აღარ დადიან.

🔻 მათი თქმით, აღნიშნული პრობლემა განსაკუთრებით აწუხებთ სტუდენტებს და იმ მოქალაქეებს, რომლებიც სამსახურში ყოველდღიურად გორიდან თბილისის მიმართულებით უწევთ სიარული.

🔊 "7 საათზე თბილისიდან ხალხი რომ ვეღარ ბრუნდება რას გავს ?! რას მიკეთებთ საერთოდ ?! რაიმე პრობლემის გადაჭრა ხომ უნდა შეგეძლოთ ?! ასეთი უპატრონობა როგორ შეიძლება ?! სტუდენტები ქირას რომ ვერ იხდიან მაგიტომ დადიან სახლიდან !!! 200 კაცი ელოდება ტრანსპორტს!!! ტაქსები მოვლენ ცოტახანში და 15 ლარად წაყვანას შემოგვთავაზებენ. ამის საშუალება კი, ყველას არ აქვს", - წერს ერთ-ერთი მოქალაქე სოციალურ ქსელში.

18/10/2025

🔻 სამოქალაქო აქტივისტი მარიამ მეყანწიშვილი, რომელიც გუშინ, 17 ოქტომბერს დააკავეს, 10 000 ლარის გირაოს სანაცვლოდ გათავისუფლდა. თანხა რამდნიმე საათში აგროვდა.

🔻 მისი დაკავება უკავშირდებოდა 4 ოქტომბრის მოვლენებს. მისი უფლებადამცველის ინფორმაციით, პოლიციელემბა მისი სახლში ჩხრეკა ჩაატარეს და ამოიღეს ქურთუკი, რომელიც მეყანწიშვილს 4 ოქტომბრის საღამოს ეცვა.

🔻 მარიამ მეყანწიშვილს ბრალი საქართველოს სისხლის სამართლის კოდექსის 226-ე მუხლით წარუდგინეს, რაც ჯგუფური მოქმედების ორგანიზებას გულისხმობს.

🔻 ცნობისთვის, მარიამ მეყანწიშვილი ერთ-ერთია იმ აქტივისტებიდან, ვინც ყოველ საღამოს რუსთაველის გამზირზე უწყვეტ პროტესტში მონაწილეობს.

18/10/2025

🔻 კაცი, რომელიც დედას და დეიდას ახრჩობდა გორის სასამართლომ პირობითი სასჯელით გაათავისუფლა, თუმცა სააპელაციო სასამართლომ შეცვალა გორის რაიონული სასამართლოს აღნიშნული გადაწყვეტილება და კაცს 2 წლით თავისუფლების აღკვეთა მიუსაჯა.

🔻 სააპელაციო სასამართლოს ეს განაჩენი ბრალდებულის ადვოკატმა გაასაჩივრა და საქმემ უზენაეს სასამართლოში გადაინაცვლა. ფაქტი კასპში მოხდა.

🔊 „ს. ხ–მ, საყოფაცხოვრებო კონფლიქტის საფუძველზე, საკუთარ საცხოვრებელ სახლში, დედას - მ. ხ–ს და წინასწარი შეცნობით შეზღუდული შესაძლებლობის მქონე დეიდას - დ. ხ–ს, რომელთან ერთადაც ეწევა ერთიან საოჯახო მეურნეობას, მიაყენა ფიზიკური შეურაცხყოფა, კერძოდ, ორივე მათგანს ხელი ძლიერად მოუჭირა ყელზე, რა დროსაც მ. ხ–მა და დ. ხ–მა განიცადეს ფიზიკური ტკივილი", - წერია საქმის მასალებში.

🔻 პროკურორის ინფორმაციით, აღნიშნული პიროვნება სიცოცხლის მოსპობით დაემუქრა დედას და დეიდას. გორის რაიონული სასამართლოს გადაწყვეტილებით, კაცს 2-წლიანი პირობითი მსჯავრი შეეფარდა.

🔻 პროკურორმა ანა ცაგურიამ ეს გადაწყვეტილება გაასაჩივრა. სააპელაციო სასამართლომ პირობითი სასჯელით გათავისუფლებული კაცი ციხეში დააბრუნა, რის შემდეგაც უკვე ბრალდებულის ადვოკატმა გაასაჩივრა აღნიშნული ვერდიქტი.

🔻 უზენაესმა სასამართლომ განხილვის შემდეგ, გადაწყვიტა რომ ძალაში დაეტოვა სააპელაციო სასამართლოს განაჩენი.

🔊 „დაუშვებლად იქნეს ცნობილი მსჯავრდებულ ს. ხ–ის ინტერესების დამცველი ადვოკატის გ. ჯ–ს საკასაციო საჩივარი თბილისის სააპელაციო სასამართლოს განაჩენზე; განჩინება საბოლოოა და არ გასაჩივრდება", - წერს სააპელაციო სასამართლოს სისხლის სამართლის საქმეთა პალატა.

18/10/2025

👉 განახლება: გირაოს თანხა უკვე შეგროვდა.

📣მარიამ მეყანწიშვილისთვის გირაოს თანხის აგროვება უკვე დაიწყო.

🔻 მსურველებს ჩარიცხვა შეუძლიათ ანგარიშის ნომრებზე: 👇





მიმღები მარიამის და: ნინო მეყანწიშვილი

🔻 აქტივისტი მარიამ მეყანწიშვილი გუშინ, 17 ოქტომბერს, 4 ოქტომბრის მოვლენების გამოძიების ფარლგებში დააკავეს.

🔻 მას ბრალი სსკ-ს 226-ე მუხლით წარუდგინეს, რაც ჯგუფური მოქმედების ორგანიზებას გულისხმობს და 3 წლამდე პატიმრობას ითვალისწინებს.

🔻 პროკურატურის ცნობით, სხვადასხვა გარემოებების გამო, სასამართლოს მეყანწიშვილის მიმართ გირაოს გამოყენების შუამდგომლობით მიმართავს. გირაოს თანხა 10 000 ლარია.

👉 შეგახსნებთ, რომ გუშინ, 4 ოქტომბრის მოვლენების გამოძიების ფარგლებში 15 პირი დააკავეს. მათი სასამართლო პროცესები დღის განმავლობაში გაიმართება.

17/10/2025

🔻 სომხეთმა გაათავისუფლა ქართველი მებრძოლი, გორელი ჯარისკაცი ვანო საბაშვილი, რომლის ექსტრადიციასაც რუსეთი ითხოვდა. ინფორმაციას გიორგი ტუმასიანი ავრცელებს.

🔊 "სომხეთმა ვანო საბაშვილიც გაათავისუფლა გიორგი კინოიანის მსგავსად!" - წერს ტუმასიანი.

🔻 ვანო საბაშვილი სომხეთში 8 სექტემბერს დააკავეს. არსებული ინფორმაციით, მან არ იცოდა, რომ რუსეთის საერთაშორისო ძებნილთა სიაში იყო, მან საზღვრის საქართველოს კონტროლირებადი ნაწილი უპრობლემოდ გადაკვეთა, სომხეთის მხარეს კი აიყვანეს. ის
სომხეთში სამსახურეობრივი მივლინებით მიემგზავრებოდა.

🔻 ვანო საბაშვილი გორის მუნიციპალიტეტის სოფელ ხიდისთავიდანაა. ის საქართველოს შეიარაღებულ ძალებში 8 წელი მსახურობდა, უკრაინაში რუსეთის ომის დაწყების პირველ ეტაპზე წავიდა, ირიცხებოდა ინტერნაციონალური ლეგიონის რიგებში, კონტრაქტის დასრულების შემდეგ კი სამშობლოში დაბრუნდა. საბაშვილი ე.წ. დონეცკის სახალხო რესპუბლიკის სასამართლომ უკრაინის მხარეს ბრძოლისთვის გაასამართლა და დაუსწრებლად პატიმრობა მიუსაჯა.

17/10/2025

🔻 გორში მცხოვრებ დედა-შვილს უკანონოდ ჩამორთმეული დევნილის სტატუსი აღუდგა, - ამ ინფორმაციის მათი უფლებადამცველი ლექსო მერებაშვილი ადვრცელებს.

🔻 "ადამიანის უფლებათა ცენტრის" იურისტის თქმით, მოგებული სასამართლო დავის საფუძველზე, ოჯახი დვენილებისთვის განკუთვნილ იმ სოციალურ დახმარებასაც მიიღებს, რომელიც ამ წლების განმავლობაში შეჩერებული ჰქონდა.

🔊 “ვაგრძელებთ სახელმწიფოს წინააღმდეგ "საბოტაჟს". სააპელაციო სასამართლოშიც მოვუგეთ დევნილთა სააგენტოს დავა. დედას და მის მცირეწლოვან ბავშვს აღუდგებათ უკანონოდ ჩამორთმეული დევნილის სტატუსი და მთელი ამ პერიოდის მანძილზე შეწყვეტილი დევნილის შემწეობა”, - აღნიშნავს იურისტი.

17/10/2025

🔻 სამოქალაქო აქტივისტი მარიამის მეყანწიშვილი, ადვოკატის ვარაუდით, 4 ოქტომბრის მოვლენების გამოძიების ფარგლებშია დაკავებული.

🔊 "ჩვენ ვვარაუდობთ, რომ 4 ოქტომბრის მოვლენებს უკავშირდება მისი დაკავებაც. თუმცა როგორც მარიამი ამბობს ამ დღეს, პრეზიდენტის სასახლესთან არ იმყოფებოდა, რადგან აქციაზე მისვლა დააგვიანა", - განაცხადა ადვოკატმა.

🔻 როგორ ანა ბერაია ამბობს, მარიამის სახლში პოლიციელებმა ჩხრეკა ჩაატარეს და ამოიღეს ქურთუკი, რომელიც 4 ოქტომბრის აქციაზე ეცვა.

🔊 "მარიამს უჩვენეს ერთ-ერთი ვიდეოდან კადრი, სადაც მარიამ აღნიშნული ქურთუკითაა და სთხოვეს ამ ქურთუკის ჩვენება. მარიამმა თავისი ხელით აჩვენა, მათ წაიღეს ეს ქურთუკი, ასევე წაიღეს მარიამის მობილური ტელეფონი."

🔻 ადვოკატის თქმით, მარიამ მეყანწიშვილს ჯერ ბრალი ოფიციალურად წარდგენილი არ აქვს.

🔊 "როგორც მარიამმა მითხრა, უხსენეს სსკ-ს 226 -ე მუხლი, რაც გულისხმობს ჯგუფური მოქმედების ორგანიზებას და ითვალისწინებს 3 წლამდე თავისუფლების აღკვეთას. ჯერჯერობით, მხოლოდ ეს ინფორმაცია გვაქვს, ველოდებით ბრალის წარდგენას".

🔻 აქტივისტი მარიამ მეყანწიშვილი დღეს, 17 ოქტომბრის დილას დააკავეს. ის ამჟამად წინასწარი დაკავების იზოლატორში იმყოფება.

17/10/2025

🔊 "ამ ვიზიტთან დაკავშირებით არაფერი ვიცოდი, რადგან შვებულების დროს იყო", - ამბობს გორის N8 საჯარო სკოლის დირექტორი მასწავლებლების სასწავლო ვიზიტზე რუსეთში.

🔻 გორის N8 საჯარო სკოლის მასწავლებელი ერთ-ერთია, ვინც 11-24 აგვისტოს, სანკტ-პეტერბურგის უნივერსისტეტში 114-სათიანი სასწავლო კურსი გაიარა.

🔊 "რომ დაბრუნდნენ, შემდეგ გავიგე. რა ტრენინგი და რა პროგრამა იყო, ინფორმირებული არ ვარ, როგორც ვიცი საერთაშორისო ტრენინგი იყო და საქართველოს გარდა, სხვა ევროპული ქვეყნის წარმომადგენლებიც იყვნენ", - ამბობს ნანა ედიშერაშვილი, სკოლის დირექტორი.

🔻 ედიშერაშვილის თქმით, სასწავლო კურსის მონაწილე მასწავლებელი საკუთარი საქმის პროფესიონალია.

🔊 "ის ჩართულია ასევე ე-თვინინგის პროგრამაში, კეცხოველის პრემიაზე ფინალშია გასული.. რატომ ატყდა ამხელა აჟიოტაჟი, არ მესმის, ასე რომ მოხდა ცოტა გული მწყდება", - ამბობს დირექტორი.

🔻 რუსეთში ვიზიტის და იქ მიღებული ცოდნის შესახებ ინფორმაცია მასწავლებელმა, ნინო ილურიძემ სოციალურ ქსელში დაწერა.

🔊 "კურსს უძღვებოდნენ პეტერბურგის უნივერსიტეტის ლექტორები, მეთოდისტები, ლინგვისტები და ენის ტესტირების ცენტრი. უმაღლესი დონის სპეციალისტები, რომლებმაც საკუთარ კვალიფიკაციაზე დაყრდნობით, შეგვასწავლეს ბილინგვ ბავშვებთან კომუნიკაციის და მოტივაციის განვითარების გზები", - წერს ილურიძე.

17/10/2025

🔊 "მე არაფერი ვიცი" - ასეთია გორის საგანმანათლებლო რესურსცენტრის ხელმძღვანელის პოზიცია გორელი მასწავლებლების სასწავლო ვიზიტზე რუსეთში.

🔻 სანკ-პეტერბურგის უნივერსიტეტში გავლილ სასწავლო კურსზე კომენტარს არც გორის N8 საჯარო სკოლის დირექტორი აკეთებს - ნანა ედიშერაშვილი "მოზაიკას" ზარებს არ პასუხობს.

🔻 რუსეთში ვიზიტის და იქ მიღებული ცოდნის შესახებ ინფორმაცია ერთ-ერთმა მასწავლებელმა, ნინო ილურიძემ სოციალურ ქსელში დაწერა.

🔊 "უპირობოდ მიხარია და მიველასმები ყველა იმ ადამიანის მონდომებას, შრომას და წარმატებას, ვინც მუდმივ განვითარების პროცესშია და ცდილობს იყოს თავისი საქმის პროფესიონალი. მადლობას ვუხდი იმ ადამიანებს ვისაც ჩემი წარმატება გაუხარდა", - წერს სანკ-პეტერგბურგიდან დაბრუნებული მასწავლებელი სოციალურ ქსელში.

🔻 ფეისბუქ-პოსტიდან ვიგებთ, რომ მან და მისმა კოლეგებმა 144-საათიანი სასწავლო კურსი გაიარეს, რომელსაც პეტერბურგის უნივერსიტეტის ლექტორები, მეთოდისტები და ლინგვისტები უძღვებოდნენ.

🔊 "კურსს უძღვებოდნენ პეტერბურგის უნივერსიტეტის ლექტორები, მეთოდისტები, ლინგვისტები და ენის ტესტირების ცენტრი. უმაღლესი დონის სპეციალისტები, რომლებმაც საკუთარ კვალიფიკაციაზე დაყრდნობით, შეგვასწავლეს ბილინგვ ბავშვებთან კომუნიკაციის და მოტივაციის განვითარების გზები".

🔻 ნინო ილურიძის ფეისბუქ-პოსტიდან ჩანს, რომ სასწავლო კურსს თან ახლდა კულტურული პროგრამა.

🔊 "კურსს თან ახლდა კულტურული პროგრამა: თეატრი, მუზეუმები, სასახლეები, ერმიტაჟი, ფაბერჟეს მუზეუმი, გემით გასეირნება და ხიდების გახსნას და სხვა უამრავი ისტორიული, თუ კულტურული ღირშესანიშნაობა. დიდი მადლობა ჩემს უსაყვარლესს ლექტორს, პროგრამის ხელმძღვანელს და უფროსს მეგობარს, ნათელა ხინჩეგაშვილს".

17/10/2025

🔻 როგორც მისი ახლობლები ამბობენ, დაკავების მომენტში შვილთან ერთად მარტო იმყოფებოდა.

🔉 "6 წლის შვილი ჰყავს და ერთადერთი პატრონია ამ ბავშვის. გთხოვთ, არ მოითხოვოთ მასზე პატიმრობა და გირაოს უფლება გამოიყენეთ", - მიმართვას ნანუკა ჟორჟოლიანი საქართველოს პროკურატურას.

🔻 უცნობია, რა მიზეზით დააკავეს მარიამ მეყანწიშვილი. ასევე უცნობია სად და რა ვითარებაში იმყოფება მისი შვილი.

16/10/2025

🔻 გორის N8 სკოლის მოსწავლე საქართველოს ბანკის სტიპენდიანტი გახდა. მე-9 კლასელი დავით ბასიშვილი "STEM სკოლაში" ისწავლის.

🔻 “STEM სკოლა” საქართველოს ბანკისა და კომაროვის სკოლის ერთობლივი საგანმანათლებლო პროექტია. მისი მიზანია, ხელი შეუწყოს საქართველოში ზუსტი და საბუნებისმეტყველო მეცნიერებების ხელმისაწვდომობასა და პოპულარიზაციას.

16/10/2025

🔊 “არავინ მასწავლიდა, როგორ გამეკეთებინა კერძი. მე თვითონ ვისწავლე."

🔊 “ძველი რეცეპტების ძებნა, განსაკუთრებით ისეთების, რომლებიც ყველამ მიივიწყა, ჩემს საყვარელ საქმედ იქცა."

🔻 27 წლის ჯაბა ჯიღლაძე ისევ ეძებს მივიწყებულ გემოებს, ისევ ამზადებს კერძებს და ამ ყველაფრის პარალელურად, როგორც თავად ამბობს, ახლა უკვე ახალი საფიქრალიც აქვს - მას თანამშრომლობას სხვადასხვა ქვეყნებიდან სთავაზობენ. 👇

| „ეს მხოლოდ საჭმელი არაა – ეს ჩემი სიტყვაა“| „მე არ ვიმეორებ, მე ვქმნი და ეს არის განსხვავება.“| "ყველაფერი გავიარე, ...