ქართლის ამბები / Qartli.ge

ქართლის ამბები / Qartli.ge Qartli.ge - ახალი ამბები შიდა ქართლიდან

10/06/2025

✔ ,,ხელთუპყარი /უქნარა/ ქალი არ ვარ, მთელი ცხოვრება ვშრომობდი, მაგრამ ვერ ამოვისუნთქე. ამათაც დამაჭირეს წიხლი''

✔ ,,გადადებული მყავდა შვილი. სწორედ მაშინ მომიხსნეს დახმარება. სხვისთვის 50 ლარი თუ არაფერია, ჩემთვის არის!''

🎥 დოდო ბაცანკალაშვილი კასპთან ახლოს, ,,კარიერის დასახლებაში'' ცხოვრობს. აქ ,,კასპიცემენტის'' თანამშრომლები 1980-იანი წლებში დაასახლეს. დოდოს მეუღლე და შვილი დაღუპული ჰყავს და ცხოვრობს მარტო

👉 ამბობს, რომ სოციალურ სააგენტოს 4-ჯერ მიმართა, თუმცა უშედეგოდ. აინტერესებს, რატომ ჩაგრავენ ადგილობრივი ხელისუფლების წარმომადგენლები.

📌 ,,ქართლის ამბები'' დაუკავშირდა სოციალური მომსახურების სააგენტოს, სადაც გვითხრეს, რომ ინტერვიუს თანხმობის მისაღებად წერილობითი მიმართვაა საჭირო. წერილობით მიმართვას გავუგზავნით კასპის მერიასაც.

✔,,აპრილში გარდამეცვალა შვილიშვილი. ჯერ კიდევ ცხედარი იყო, როდასაც სოციალური სააგენტოდან დამირეკეს, უნდა გადაგამოწმოთო''...
10/06/2025

✔,,აპრილში გარდამეცვალა შვილიშვილი. ჯერ კიდევ ცხედარი იყო, როდასაც სოციალური სააგენტოდან დამირეკეს, უნდა გადაგამოწმოთო''

✔ ,,მე ვუთხარი, ჯერ ისევ მიცვალებული მყავს სახლში, როგორ უნდა გადამამოწმოთ-მეთქი? გაუგიათ, რომ ოჯახის ერთი წევრი მომაკლდა''

✔ ,,მე მხოლოდ ის მაინტერესებს, რატომ მომიხსნეს დახმარება? არ მინდა, არც მაგათი დახმარება, არაფერი! გამცეს პასუხი ზაქარაშვილმა, სოციალურ სააგენტოში რომ მუშაობს. პენსიაც დაყადაღებული მაქვს და ნაკვეთიც'' - ამბობს კასპის სოფელ კარიერის დასახლებაში მცხოვრები ქეთევან (დოდო) ბაცანკალაშვილი.

📌 დღეს კარიერის დასახლებას ესტუმრა კასპელი სამოქალაქო აქტივისტი ირაკლი მილაძე, რომელმაც ქეთევან ბაცანკალაშვილის მდგომარეობის შესახებ ვიდეო გაავრცელა. მილაძე მოუწოდებს უფლებადამცველებს და ადვოკატებს, რომ სასამართლოში დაიცვან ხანდაზმულის და თანაც მარტოხელა ქალის ინტერესები.

📌 ,,ქართლის ამბები'' დაუკავშირდა სოციალური მომსახურების სააგენტოს, რომლებმაც პერსონალური ინფორმაციის გაცემის მიზეზით, სატელეფონო ინტერვიუზე უარი განაცხადეს:

✔ ,,მოგვმართეთ წერილობით და ან მოგცემთ თანხმობას ინტერვიუზე, ან არა. ჯერ მოგვწერეთ'' - გვითხრეს სოციალური მომსახურების სააგენტოში.

📌 წელს გორის უნივერსიტეტს 90 წელი უსრულდება. ამ დღის აღსანიშნავად, ადმინისტრაცია ღონისძიებისთვის ემზადება.✔ ,,უახლოეს ერ...
10/06/2025

📌 წელს გორის უნივერსიტეტს 90 წელი უსრულდება. ამ დღის აღსანიშნავად, ადმინისტრაცია ღონისძიებისთვის ემზადება.

✔ ,,უახლოეს ერთ კვირაში გვეცოდინება, კონკრეტულად, როდის და რა ღონისძიება გაიმართება'' - გვითხრეს უნივერსიტეტში.

👉 სასწავლებელი, ინსტიტუტის სახით, 1935 წელს გაიხსნა. პირველ დირექტორად გაბო (გაბრიელ) თათარაშვილი დანიშნეს. ის 1937 წელს, მშენებლობის გაჭიანურების მიზეზით, დააპატიმრეს, 1938 წელს კი დახვრიტეს. მის შემდეგ რექტორად გიორგი ხარაული დანიშნეს.

📌 საბჭოთა პერიოდში, უნივერსიტეტის პირველ რექტორად, გიორგი ხარაულს მიიჩნევდნენ, თუმცა, აწ გარდაცვლილმა პროფესორმა იოსებ ალიმბარაშვილმა შეისწავლა სასწავლებლის წინა პერიოდი, მოიკვლია მასალები და საზოგადოებას გაბო თათარაშვილის ამბავიც გააცნო.

📖 ვრცლად: ,,დაიხვრიტოს'' - გაბო თათარაშვილი https://t.ly/8A9Pp

10/06/2025

📌 სურამში, სლოვაკეთის დახმარებით, პლასტმასის ბოთლებისთვის განკუთვნილი ნაგვის ურნები დაიდგა.

👉 ბოთლებს გადამამუშავებელ საწარმოს მიჰყიდიან, შემოსავალი კი სურამის განვითრებას მოხმარდება.

📌 გორის სოფელ მეჯვრისხევში 46 წლის ასაკის მამაკაცი მოკლეს. შემთხვევა 9 ივნისს საღამოს მოხდა👉 შს სამინისტროს ცნობით, დაკა...
10/06/2025

📌 გორის სოფელ მეჯვრისხევში 46 წლის ასაკის მამაკაცი მოკლეს. შემთხვევა 9 ივნისს საღამოს მოხდა

👉 შს სამინისტროს ცნობით, დაკავებულია ამავე ასაკის მამაკაცი. პრესსამსახურის განცხადებაში აღნიშნულია, რომ კონფლიქტი წარსულში მომხდარ უთანხმოებას უკავშირდება.

📌 ადგილობრივების ცნობით, ბრალდებული 2008 წლის აგვისტოს ომის დევნილია. დევნილი იყო გარდაცვლილიც. სოფელში მათ სახლები შეიძინეს დევნილთა განსახლების პროგრამის ფარგლებში.

📌 გამოძიება განზრახ მკვლელობის მუხლით მიმდინარეობს.

📌 შს სამინისტროს ცნობით, შიდა ქართლში პოლიციის უფროსად კახაბერ მურადაშვილი დაინიშნა. 📌 მურადაშვილი, შს სამინისტროს ვებ-გ...
10/06/2025

📌 შს სამინისტროს ცნობით, შიდა ქართლში პოლიციის უფროსად კახაბერ მურადაშვილი დაინიშნა.

📌 მურადაშვილი, შს სამინისტროს ვებ-გვერდის მიხედვით, პოლიციის რიგებში 2008 წლიდან გამოჩნდა.

👉 მანამდე, იგი შიდა ქართლის პროკურატურის პროკურორ-გამომძიებელი იყო.

📷 ფოტოები ძლევიჯვრიდან✔ ,,ეს შენობა? მაგას ჩვენი სლავა შერაზადაშვილი აშენებს. მაგ შენობაში ექნება ბიზნეს ცენტრი'' - გვით...
09/06/2025

📷 ფოტოები ძლევიჯვრიდან

✔ ,,ეს შენობა? მაგას ჩვენი სლავა შერაზადაშვილი აშენებს. მაგ შენობაში ექნება ბიზნეს ცენტრი'' - გვითხრეს ადგილობრივებმა სოფელ ძლევიჯვარში.

📌 ქარელის მუნიციპალიტეტის ამ სოფელში ბიზნესმენი სლავა შერაზადაშვილი ცხოვრობს. მის მამულს წინასაარჩევნო პერიოდში პირადად ესტუმრა პრემიერ მინისტრი ირაკლი კობახიძე. სოფლის ყველა მხარეს გაშენებულია ხეხილისა და ბოსტნეულის ბაღები.

📌 შერაზადაშვილის კომპანიას, შპს “საბა კონსტრაქშენს”, 2013 წლიდან 2023 წლამდე, ,,აი ფაქტის'' ცნობით, სახელმწიფო ორგანიზაციებიდან 1.6 მილიარდი ლარის ღირებულების კონტრაქტები აქვს მიღებული. აღნიშნული კომპანია ,,განახლებული რეგიონების პროექტის'' ძირითადი კონტრაქტორიც იყო.

📌 სლავა შერაზადაშვილი აფინანსებს მუნიციპალიტეტში თითქმის ყველა სოციალურ პროექტს, ასევე, მმართველი გუნდის, ,,ქართული ოცნების'' მხარდამჭერ ღონისძიებებს, როგორც კულტურულ, ასევე სპორტული მიმართულებით.

✔ ,,ჩემი ამერიკული ტური-კონცერტის ანალოგი დაიდგმება იმ ქალაქში და იმ სცენაზე, სადაც პირველად ავიდგი ფეხი. ნეტავ იცოდეთ, ...
09/06/2025

✔ ,,ჩემი ამერიკული ტური-კონცერტის ანალოგი დაიდგმება იმ ქალაქში და იმ სცენაზე, სადაც პირველად ავიდგი ფეხი. ნეტავ იცოდეთ, რას გიმზადებთ…!'' - ალექსანდრე ზაზარაშვილი.

📌 27 ივნისს გორის თეატრის სცენაზე ალექსანდრე ზაზარაშვილის კონცერტი გაიმართება.

📌 ალექსანდრემ სიმღერა 3 წლის ასაკიდან დაიწყო. დაამთავრა ქარელის მუნიციპალიტეტის სოფელ რუისის სამუსიკო სკოლა, სწავლა გააგრძელა გორში ვოკალის განხრით. საერთაშორისო კონკურსზე ,,ოქროს მუზა'' გრან-პრის მფლობელი გახდა. მონაწილეობდა ესპანეთსა და ბულგარეთში გამართულ კონკურსებზე, საიდანაც ოქროს მედლებით დაბრუნდა. 2019 წელს უკრაინული ,,ვოისის'' გამარჯვებული გახდა. 2019 წელს, 12 წლის ასაკში გაემგზავრა ამერიკაში. 2021 წელს ამერიკული ,,ნიჭიერის'' გამარჯვებული გახდა.

09/06/2025

✔,,ტილოზე გადმოვიტანე ჩემი ოცნებები და აუცილებლად მოვინახულებ ამ ადგილს. ეს არის სიცილია. მწერალს გავაცანი სწორედ ერთ-ერთი ჩემი ყველაზე დიდი ოცნების შესახებ, რაც იტალიაში მოგზაურობას უკავშირდება'' - ანა სირანაშვილი

📌 გორის სოფელ ქვახვრელის საჯარო სკოლაში მწერალ დავით ახლოურთან შეხვედრა გაიმართა.

09/06/2025

✔ ,,სულ მინდოდა გორში ყოფილიყო ჩემი საოცნებო სკოლა. ბავშვობაში რაც არ მომწონდა და რაზეც ვოცნებობდი, აი, იმ სკოლაში განმეხორციელებინა''

✔ ,,უსაფრთხოება არის გარემო. ბავშვი სკოლაში სიარულით უნდა იყოს ბედნიერი, მას უნდა უხაროდეს დილით ადგომა და სკოლაში წასვლა''

📌 გორის მეცნიერებათა სკოლამ, რომელიც 2020 წელს დაფუძნდა, წარმატებით გაიარა აკრედიტაცია და ამჯერად 9-წლიანი მუშაობის უფლება მოიპოვა:

✔ ,,დროთა განმავლობაში გამიჩნდა ის გამოცდილება, რაც სკოლას ეხება და სკოლამდე აღზრდის დაწესებულებებს, იმიტომ, რომ აბსოლუტურად განსხვავებული სპეციფიკაა''

📌 საუბრობს გორის მეცნიერებათა სკოლის დამფუძნებელი ეკა სუხიშვილი ,,ქართლის სტუდიაში''

🎥 ვრცლად გადაცემა https://t.ly/ZUAmc

📌 თანამედროვე ცნობილი ქართველი მხატვრის, გორელი კახაბერ თოფჩიშვილის მიერ შესრულებული 15 გრაფიკული ნახატი საქართველოს ხელ...
09/06/2025

📌 თანამედროვე ცნობილი ქართველი მხატვრის, გორელი კახაბერ თოფჩიშვილის მიერ შესრულებული 15 გრაფიკული ნახატი საქართველოს ხელოვნების სასახლეში - კულტურის ისტორიის მუზეუმში იქნება დაცული.

✔ ,,საქმე გვაქვს უდიდესი მხატვრის მიერ შესრულებულ ხელოვნების ნიმუშებთან'' - აღნიშნავენ ხელოვნების სასახლეში.

👉 კულტურის ისტორიის მუზეუმში წარდგენილია ბოლო ხუთ წელიწადში შესრულებული შემდეგი ნამუშევრები: ,„კოლხი მედეა“; „იასონი და არგონავტები“; ,„მედეა და იასონი“, „წყლის მედეა“; „მკურნალი მედეა“; ელისაბედ მეორე“; „პოსეიდონი“; ისიდა ოქროს ფრთებით“ ,„დიონისე“; „სეზარია ევორა“ ,„ფლორენას ნაითგეილი“ და ა.შ.

📌 კახაბერ თოფჩიშვილი ქ. გორის ანა ფერაძის სახელობის სამხატვრო სკოლის ხელმძღვანელია. 2020 წლიდან თანამშრომლობს ლიეტუვის სახელმწიფო ზარაფხანასთან საკოლექციო მონეტების დიზაინერად, რომელიც მზადდება დიდი ბრიტანეთის გაერთიანებული სამეფოს დაკვეთით. იგი წლების წინ რომის ნატიფი ხელოვნების აკადემიაში პედაგოგად მუშაობდა. ასპირანტობის დროს, აშშ-ში მსოფლიო ასპირანტთა კონკურსზე, მისი ნამუშევრები შეისყიდა ჰარვარდისა და ზიმერლის უნივერსიტეტის მუზეუმებმა.

🗞 ხაშურში გაზეთები დაარიგეს, სადაც სინდისის პატიმრების წერილებია გამოქვეყნებული. აქციას ორგანიზებას უწევდა კობა ნოზაძე,...
09/06/2025

🗞 ხაშურში გაზეთები დაარიგეს, სადაც სინდისის პატიმრების წერილებია გამოქვეყნებული. აქციას ორგანიზებას უწევდა კობა ნოზაძე, რომელიც გაოცებული დარჩა ხაშურელების დამოკიდებულებით:

✔ ,,დღეს ხაშურმა განსაკუთრებით გამაოცა და გაკვირვებული დავრჩი. მოსახლეობა ითხოვს ახალ არჩევნებს და რეჟიმის ტყვეების გათავისუფლებას'' - აცხადებს კობა ნოზაძე, რომელიც ,,ლელოს'' წარმომადგენელია ხაშურში

Address

Lermontovi Street: 9/19
Gori
1400

Telephone

+995593636347

Website

Alerts

Be the first to know and let us send you an email when ქართლის ამბები / Qartli.ge posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ქართლის ამბები / Qartli.ge:

Shortcuts

Share

Category

Qartli.ge

შიდა ქართლის საინფორმაციო ცენტრი - Qartli.ge 2011 წელს დაარსდა. ინტერნეტ საინფორმაციო სააგენტო შიდა ქართლის რეგიონში მიმდინარე მოვლენებს ყოველდღიურ რეჟიმში აშუქებს. გამომდინარე იქიდან, რომ შიდა ქართლი ოკუპირებული ცხინვალის რეგიონს ესაზღვრება, სადაც ეთნიკური ოსები ცხოვრობენ, 2015 წლიდან Qartli.ge პარტნიორი ორგანიზაცია „აირექსის“ დახმარებით მომხმარებელს ახალ ამბებს ოსურ და რუსულ ენებზეც სთავაზობს. Qartli.ge დაკომპლექტებულია ახალგაზრდა, მოტივირებული კადრებით, რომლებიც საიტის ვიზიტორებს

ახალი ამბების გარდა, საინტერესო ისტორიებს სთავაზობენ ვიდეორეპორტაჟების სახით. მუდმივად განახლებად რეჟიმში მუშაობს Qartli.ge-ს ფეისბუკ გვერდიც, სადაც მიდმინარე მოვლენები პირდაპირ ეთერში, შემთხვევის ადგილებიდან გადაიცემა. გარდა ამისა, მედიასაშუალება ამზადებს გადაცემა „ქართლის სტუდიას“, რომელიც ქართულ-ოსური ურთიერთობების აღდგენას ისახავს მიზნად. თოქ-შოუში როგორც ქართველების, ასევე ეთნიკური ოსებისთვის აქტუალურ საკითხებზე მიმდინარეობს დისკუსიები. შიდა ქართლის საინფორმაციო ცენტრი - Qartli.ge პარტნიორი ორგანიზაციების ,,აირექსის“, „ინტერნიუსის“ და „დოიჩე ველეს“ დახმარებით განაგრძობს მედიაპროდუქტის გამრავალფეროვნებას და ლიდერი პოზიციის შენარჩუნებას რეგიონის მეედიაბაზარზე.