ქობულეთი Page

08/11/2025

დავეხმაროთ მეგობრებო ვარჯანაულის დედათა მონასტერს❤️❤️❤️

13/10/2025

ჭახათლები ახორხოცდა

ჭახათლები ახირხიცდა,
ქაქუთს მივლიან ქორწილზე,
ცეკვა-თამაში სწადიან,
თოფის სროლა ხის ფურცელზე;
დავლი ხელში გამოშლიჭეს,
კიღამ გასკტკლიცეს მუცელზე;
გამჩენმა ღმერთმა დაგასწროს ხიხალ-ოღლი ჭამაზე,
დედეი ცეცხლაძე ყამაზე.



გოლიაძის ქორწილი

გოლიაძეს ქორწილი აქვს,
კარს დოუჯორგვენ სიზმარში,
მანათს აძლევენ გუდაში —
თითო დავლზურნის დაკვრაში.
ფენჯერაში მიძრებოდენ,
ულვაშ ათრევდენ ფუნაში.

ძაღლის ლექსი

ადე, ზეზე, ყემბერა,
ჩვენი ძაღლი გეიბერა.
ქოთაურზე მუსტაფამ
ვერაფერი უშველა.
ზოვლად უჭამია ფაფა,
სიზმრებს ნახავს გლახა.



მთქმელი ე. თხილაიშვილი ( ს. ხუცუბანი) ჩაწერილია 1959 წლის 12 ივლისს

ინდაურის ლექსი

მამობილო, შენ იცოცხლე,
რამდონიც გინდა, იმდონი,
ძალიანი კი მეწყინა,
რომ დაგეკარგა ინდოური,
სახლის მცველები სტირიან,
რაღა ვუთხრათ ნენესაო,
ბეღელთან რომ მიათრია,
მაშინ უთხრა ელესაო...

მთქმელი ო. ხაბაზი ( აჭყვისთავი) ჩაწერილია 1954 წლის 5 მაისსა.

20/09/2025

ქობულეთი ჩოხატაური - ლელოს ფინალი
ლელოში 1950 წლის საქართველოს ჩემპიონატის ფინალში თბილისის „დინამოს“ სტადიონზე ჩოხატაურის და ქობულეთის გუნდები შეხვედრიან ერთმანეთს. თითოეულ გუნდში 15 კაცი თამაშობდა, თამაში მიმდინარეობდა ორ ტაიმად თითოეული 30 წუთი. 16-10 გაუმარჯვია ქობულეთის გუნდს, რომელიც 1950 წლის ჩემპიონიც გახდა.
გაზეთი Советский спорт - 19.10.1950 г. №124

📸: კახა ჩავლეიშვილი

15/09/2025

სასიამოვნო სიახლე ქობულეთში!

2025 წლის 20 სექტემბრიდან ჩვენს ქალაქში იხსნება პირველი საკვირაო სკოლა – ჰუმანიტარული ცენტრი „ალტერა“.

„ალტერა“ არის სივრცე, სადაც ბავშვები და ახალგაზრდები შაბათ-კვირას საინტერესოდ და ნაყოფიერად გაატარებენ, ფორმალური და არაფორმალური განათლების მეთოდებით.

☎️ დაინტერესებისა და კითხვების შემთხვევაში დაუკავშირდით ნომერზე - 577 01 89 82

📌 ფეისბუკ გვერდი - https://www.facebook.com/share/1DvmKBcNhY/

📍 მისამართი: ქობულეთი, რუსთაველის 140ა

📅 სწავლა იწყება 20 სექტემბერს და ჩატარდება შაბათ-კვირას.

საკვირაო სკოლა - "ალტერა" - ეს არის განათლების, აზროვნების და ღირებულებების ადგილი. ალტერა ქმნის სივრცეს, სადაც ცოდნა აზროვნებაში გადადის, ღირებულებები ქცევაში. აქ ბავშვებს ვასწავლით, რომ ფიქრი არის თავისუფლება და ცოდნა- პასუხისმგებლობა.

16/08/2025

ქვემო გურიის ( ქობულეთის) თავადაზნაურები
ქველი ჩხატარაშვილის ნაშრომში “გურიის თავადთა და აზნაურთა ოჯახები“, ავტორი უთითებს ქვემო გურიის თავად-აზნაურთა გვარების არასრულ ჩამონათვალს, ესენია:
"ხინოს თემში: ცეცხლაძე და ქათამიძე (ქათამიძეებს XIX ს-ში გამოეყო შტო - კაიკაციშვილი);
ქობულეთის თემში: თავადები: თავდგირიძე (XVII ს-ში სამცხიდან მოსული) და გუგუნავა (XVI ს-ში ერისთავად მჯდომი), მაჭუტაძე, მახაძე, კობალაძე, ართომელაძე (ეს ოთხი გვარი XVII ს-ში უკვე დამცრობილია); აზნაურები – მანელიშვილი, ცივაძე, გოგიტიძე, შაქარაშვილი, ჯაში, ჭყონია (XIX ს-ში ლანჩხუთიდან გადასული), წილოსანი, გიორგაძე, კომახიძე, პაპუნაიშვილი, თამაზაიშვილი, გოგოლიშვილი, ბოლქვაძე, ქარცივაძე, ბერიძე, ჯიჯავაძე (ჩიჯავაძე), ნაკაიძე, წუწუნავა, შარაშიძე (აჭარის სოფ. ალიქოღლებიდან გადმოსული). ადრინდელი (XVI-XVII სს.) დოკუმენტებით ამავე მხარის აზნაურები იყვნენ: ფარხანაძე, იაშვილი (იმერეთიდან), მელიმონაძე, ქობულია (ერთი ცნობით იგივე, ფარიჯანიანი; ეს გვარი იყო საჯავახოშიაც). შესაძლოა, რომ აზნაურები იყვნენ თურქეთის ბატონობის დროს აღებად წოდებულნი: ინაიშვილი, დავითელაშვილი, ბაჟუნაიშვილი...
ჩაქვის თემში: ბეჟანიშვილი (პირმსახურიძე), თურქეთის ბატონობის დროს აჭარის სოფელ ზენდიდიდან გადმოსახლებული, ბეგი (გურიის თავადი, ცხადია, არ ყოფილა), კირისილოღლი (ახვლედიანი), ჩიჯავაძე (ჩელებაღისშვილი), ხალვაში...
ბათომისა და კახაბერის თემებში: აზნაურები: ცინცაძე, ბიბინეიშვილი, ქიქავა, ლომყრუიშვილი, ბატატუნაშვილი, ზვამბაია (აფხაზეთიდან), შარაბიძე, სურმანიძე (აჭარის სოფელ ძენწმანიდან). სია არასრულია.”
- ქველი ჩატარაშივილი “გურიის თავადთა და აზნაურთა ოჯახები“ (1993)
- ნახატი - ქობულეთელი ჰუსეინ-ბეი და ახალგარზდა ისაიმ-ბეი - ილუსტრაცია 1854 წლის ფრანგული ილუსტრირებული ჟურნალიდან (L' illustration: journal universel)

📸: კახა ჩავლეიშვილი

08/08/2025

ჩემი სპრინტერი შენ სპრინტერზე ,,ერი მტკაველაით" გრძელია😂😂😂

📸: ლაშა ხახუტაიშვილი

03/08/2025

მოგესალმებით მეგობრებო❤️

მოგეხსენებათ შარშან გელაურში, ავტობანის მიმდებარედ გაიხსნა იოვანე ხინოწმინდელის ძეგლი, სადაც კვარცხლბეკზე ამოტვიფრული იყო ყველა ის გვარი რომელიც ქობულეთში ცხოვრობს, ბევრმა ვერ იპოვა თავისი გვარი და განაწყენებული დარჩა, ზოგს სხვა კითხვები ჰქონდა. ასე რომ, კარგად წაიკითხეთ ტექსტი და ვფიქრობ ყველა კითხვა პასუხგაცემული დარჩება❤️

იოვანე ხინოწმინდელი კრებითი სახელია ხინოწმინდის მღვდლმთავართა IX საუკუნიდან დღემდე. ს. ჯანაშია, ნ. ბერძენიშვილი, ი. ჯავახიშვილი არიან ქართული ისტორიის, საქართველოს წარსულის ობიექტური, მიუკერძოებული გადმომცემნი, მათი განმარტებით: პეტრას საეპისკოპოსო ცენტრი, ბიზანტიის იმპერიაში, შავ ზღვაზე ყველაზე გავლენიანი კათედრა იყო, როცა ეს კათედრა გაუქმდა პოლიტიკური მოვლენების შედეგად, სამღვდელმთავრო კათედრა გადავიდა ხინოწმინდაში. ხინოწმინდის იოვანე ნათლისმცემლის მონასტერი, დღესაც ითვლება საქართველოში ყველაზე რთულად მისასვლელ მონასტრად და წარმოიდგინეთ IX საუკუნე... VI საუკუნიდან ხინოწმინდაში სამონასტრო ცხოვრებაა. ხინოწმინდა არის სასიცოცხლო არტერია ქობულეთის ყველა ძირძველი გვარისა, რომელნიც თავის პირველ საცხოვრისად ხინოწმინდას აღიარებენ, ამ ფენომენს საქართველოში ანალოგი არა აქვს, რომ ერთი დასახლებული პუნქტი- სოფელი იყოს ყველას სამშობლო მთელი რაიონის მაშტაბით, ასეთი ფაქტი არ მეორდება საქართველოში. უშუალოდ ხინოწმინდაში დაიბადა გვარები ცეცხლაძე, რომანაძე, ხინიკაძე და ა.შ იოვანე ხინოწმინდელი არის სულიერი მწყემსი მთელი ქობულეთისა, ეს ძეგლი თავისი შინაარსით დასრულებული არაა. ძეგლის გვერდით უნდა დაიდგას სტელა, რომელზეც იმ გვარების გარდა რომელიც უშუალოდ ხინოწმინდიდანაა ( ამ ძეგლზე ყველა ძირძველი გვარი ანბანის მიხედვითაა ამოტვიფრული, უნდა მოძებნოთ და იპოვით) ყველა ქობულეთში მცხოვრებთა გვარებიც იქნება ამოტვიფრული, ამავდროულად აქ განთავსდება სკვერი, რომელიც შინაარსობრივად გააერთიანებს ჩვენს წარსულს მომავალთან აწმყოში. ამ ძეგლის დაფინანსებაში მერიის ხელშეწყობით ,,არქი ჯგუფმა'' მიიღო მონაწილეობა. ეს ძეგლი თავისი შინა არსით სკვერთან ერთად იქნება სავიზიტო ბარათი ქობულეთისა და ყველა ქობულეთელის( ჩამოსული სტუმარი- სად შევხვდეთ? ძეგლთან, გელოდები ძეგლთან და ა.შ), როგორც ყაზბეგში პატრიარქის მიერ შექმნილი ვახტანგ გორგასლის ძეგლი, თბილისში ქართლის დედა და ა.შ. საინიციატივო ჯგუფი ამ ძეგლის შექმნისა და მის ირგვლივ სკვერის მოწყობისა არის ხინოწმინდის უხუცესთა საბჭო. ძეგლის ავტორია დავით ტაკიძე.
შეგვეწიოს ყოვლადწმინდა, ყველაწმინდა, დიდაჭარა და ხინოწმინდა! ამინ.
ყოვლადწმინდა ესაა საქართველოს მფარველი ყოვლადწმინდა დედა ღვთისა, ყველა წმინდა - ესაა ჩვენი სალოცავები მთელ საქართველოში, დიდაჭარა - ესაა აკვანი ქრისტიანობისა და ხინოწმინდა სამყაროს გულია და რომ დარწმუნდეთ ამაში, ჩაწვდეთ სრულყოფილად ამ ძეგლის არს და შინაარსს უნდა ახვიდეთ ხინოწმინდაში.

03/08/2025

მოგესალმებით მეგობრებო❤️ პატარა მარიამს თქვენი დახმარება სჭირდება

-მარიამი დაიბადა 28 კვირის.1,250 გრამი.3 თვე იყო ინკუბატორში ჟანგბადზე შეერთებული😭მის გადარჩენას არავინ ელოდა. ინკუბატორში დაუდგინდა დღენაკლულთა რეთინოპათია 3 სტადია,მონაცვლეობით ორივე თვალში გაუკეთდა ნემსი ავასტინი. 2 ხარისხის ჩაქცევით და საშინელი ნერვოლოგიური მდოგამრეობით წამოვიყვანე სახლში😭დავატარებდი ექიმებში😭რადგან მარიამი აშკარად ჩამორჩებოდა და განვითარებასაც ვერ ვატყობდი და მართალიც აღმოვჩნდი😭😭მარიამს დაუდგინდა ცერემბრალური დამბლა 😭 ეპილეფსია,ვესტის სინდრომი😭😭რომელმაც მარიამის განვითარება შეაფერხა😭😭ნელ ნელა მდგომარეობა უარესდებოდა😭😭კვებაც კი შეწყვიტა😭ცოტა ცოტას შპრიცით ვაჭმევდი რადგან ვეღარ წოვდა😭😭 21 ივლისს მარიამი რეანიმაციაში დავაწვინეთ რადგან საკვების გადაცდენების გამო ორივე ფილტვის ანთება აღმოაჩნდა😭😭იკვებება ზონდით😭😭ახლაც რეანიმაციაში წევს მარტო ჩემს გარეშე😭😭😭მდგომარეობა მეტად რთულია😭😭😭სჭირდება თურქეთში რეანომობილით გადაყვანა,ჰოსპიტალიზაცია და ღეროვანი უჯრედების გადანერგვა😭😭ვარ მარტოხელა დედა😭ხალხის იმედი მაქვს😭მჯერა რომ არ გაგვწირავთ ჩემი გულიანი ქართველები😭😭😭

GE46BG0000000035191000GEL
საქართველო
GE93TB7657845064300105
თიბისი

39001039112 მიმღები:ლანა ხარებავა.

საკონტაქტო ნომერი: 575757687

05/07/2025

სასიამოვნო სიახლე ჩვენს ქალაქში❤️❤️❤️

გვინდა გაცნობოთ, რომ 2025 წლის 20 სექტემბრიდან ქობულეთში იხსნება პირველი საკვირაო სკოლა, ჰუმანიტარული ცენტრი - "ალტერა".

ცენტრი ახალგაზრდებს საშუალებას მისცემს საინტერესოდ და ნაყოფიერად გამოიყენონ შაბათი-კვირა, სასწავლო პროგრამის პარალელურად განავითარონ ის უნარები და შესაძლებლობები, რაც ხელს შეუწყობს მათ პროფესიულ და საზოგადოებრივ განვითარებას.

ცენტრის მოსწავლეები ისარგებლებენ მრავალფეროვანი და კომპლექსური საგანმანათლებლო პროგრამით, რომელიც ეფუძნება ჰუმანიტარული და კლასგარეშე აღზრდის პრინციპებს.

ცენტრის პროგრამა მოიცავს როგორც სკოლამდელ, ისე მეორე და მესამე საფეხურებს, მუშაობა იწარმოებს შესაბამის ჯგუფებში, წინასწარ ჩამოყალიბებული გეგმებითა და პროგრამებით:

⚜️ II საფეხური ( 5-7 კლასი )
ქართული ენა (გრამატიკა და მართლმეტყველება)
ისტორია
სამოქალაქო განათლება
ხელოვნება
კინოხელოვნება
ფსიქოლოგის საათი
თავისუფალი საათი ( კინოჩვენება/ დებატები )

⚜️III საფეხური ( 8-11 კლასი )
ქართული ენა ( წერა და მართლმეტყველება)
ისტორია
მსოფლიო ცივილიზაცია
ფსიქოლოგია
ხელოვნება
კინოხელოვნება
ევროპისა და ამერიკის ქვეყნების უახლესი ისტორია
ფსიქოლოგის საათი
თავისუფალი საათი ( კინოჩვენება/ დებატები/ თემატური საუბრები ყოველთვიურად )

სკოლამდელი პროგრამა
📚 პროგრამის აღწერა:

✨ მეტყველება და კომუნიკაცია – ვსაუბრობთ, ვყვებით, ვხატავთ სიტყვებით
🎨 ხელოვნება და წარმოსახვა – ფერებით, ფორმებით და ისტორიებით ვსწავლობთ ფიქრს
🧠 აზროვნების განვითარება – ლოგიკური თამაშები, შედარებები, კითხვები
✍️ წერა-კითხვის საწყისი უნარები – ასოების ხალისიანი გაცნობა და სიუჟეტური წერა
🔢 მათემატიკური აზროვნება – რაოდენობები, მიმატება, ფორმები.
🎭 თამაშ-თეატრი და ემოციები – თამაში, იმპროვიზაცია და ემოციური ინტელექტი
📖 ზღაპრის გაკვეთილები – ტექსტთან ურთიერთობა, ილუსტრირება, იდეის განვითარება
🎨 არტთერაპია ბავშვებისთვის – თვითგამოხატვა და ემოციური განტვირთვა ფერებით
🌿 სოციუმი და გარემო – როგორ მოვექცეთ სხვებს? რა გვაცოცხლებს?

🔴 ცენტრის მისამართია: ქობულეთი, რუსთაველის 140 ა

🔴 დაინტერესებული პირები დაუკავშირდით ნომერზე: 577018982

🔴 მოსწავლეების მიღება იწარმოებს 10 სექტემბრის ჩათვლით.

🔴სწავლის დღეები - შაბათი-კვირა

ცენტრის გვერდი -
https://www.facebook.com/share/1B2zH2aTn5/

https://www.facebook.com/share/1B2zH2aTn5/

საკვირაო სკოლა - "ალტერა" - ეს არის განათლების, აზროვნების და ღირებულებების ადგილი. ალტერა ქმნის სივრცეს, სადაც ცოდნა აზროვნებაში გადადის, ღირებულებები ქცევაში. აქ ბავშვებს ვასწავლით, რომ ფიქრი არის თავისუფლება და ცოდნა- პასუხისმგებლობა.

04/07/2025

4 ივლისია ხალხო და როგორც ბებიაჩემი იტყოდა ,,არ გათფა ნევ ნამსხვანი".😂😂😂

03/07/2025

გუშინ ფადიკო გოგიტიძის საფლავი მოინახულა ფადიკოს შვილთაშვილებმა პეტერბურგიდან, დასაფასებელია რომ ეს ახალგაზრდები შორეული მხარიდან ჩამოდიან წინაპართა ფესვების სანახავად და პატივის მისაგებად.❤️

P.s ფადიკო გოგიტიძე პირველი მფრინავი ქალი იყო აჭარიდან, ის 1916 წელს ალამბარში დაიბადა. საფრენონსო სკოლა წარმატებით დაამთავრა 1936 წელს, ფადიკო პირველი მფრინავი ქალი იყო საქართველოს ისტორიაში ვინც თბილისიდან ბათუმამდე იფრინა.

27/06/2025

ჯანო ანანიძემ მსოფლიო ჩემპიონ ეთერ ლიპარტელიანს ქობულეთში, საკუთარ მშენებარე კორპუსში საჩუქრად ბინა გადასცა ✨❤️

მსოფლიო ჩემპიონს ჯანოს საჩუქრით სარგებლობა 2027 წლიდან შეეძლება.

წყარო: Geo Team