10/04/2025
📣🙋♂️ბესიკ ფირცხელანი - ხეზე კვეთის ოსტატი და მომღერალი ოჯახის წარმომადგენელი ლატალის თემიდან, რომელმაც ევროკავშირის ENPARD პროგრამის საგრანტო კონკურსის ფარგლებში შექმნა და აღჭურვა ხის საამქრო დაზგა-დანადგარებით.
🔹️ბესიკი რომეო ფირცხელანის მრავალშვილიანი ოჯახის წევრია, რომლებმაც სვანური ფოლკლორის ავთენტურად შენარჩუნების პროცესში ლომის წილი გასწიეს.
მათთვის არც ხეზე კვეთა ყოფილა უცხო, დღემდე აგრძელებენ მამაპაპიესულ ტრადიციას და საყოფაცხოვრებო ნივთებთან ერთად, პროფესიონალურად, ამზადებენ სვანურ საკრავებს ჭუნირსა და ჩანგს.
🗣“ამ პროექტის ფარგლებში მოვახერხე ისეთი დაზგა დანადგარების შეძენა თანადაფინანსებით, რომელსაც მარტო ჩემი ბიუჯეტით უფრო დიდხანს მოვანდომებდი, ალბათ, წლები და ესე მალე ვერ მოვაწყობდი ამ სივრცეს, როგორი სივრცეც დღევანდელ დღეზე უკვე მოწყობილი მაქვს“
🔹️როგორც იგი საუბარში აღნიშნავს, მიუხედავად დაახლოებით 20 წლიანი სვანეთიდან განშორებისა ის დაუბრუნდა თავის კუთხეს და აძლიერებს მას, რაც გამოიხატება იმაშიც, რომ, ბესიკი, როგორც ლოტბარი, ლატალისა და ბეჩოს სალოტბარო სკოლებში, მომავალ თაობას, შეასწავლის ქართულ ფოლკლორსა და მრავალხმიამობას.
🗣„ევროკავშირის სამეზობლო პროგრამა, ის პროგრამები რაც აქ განხორციელდა CARE Austria-ისა და LAG-ის მხარდაჭერით მნიშვნელოვანია იმ თვალსაზრისით, რომ ის უფრო გათვლილია და ეხმარება იმ ძირითად ფენას, რომელსაც კონკრეტულად ამ კუთხით სჭირდება მხარდაჭერა და თავისი შესაძლებლობების გამოვლინება, რაც სხვა შემთხვევაში ნაკლებად ექნებათ და ნაკლებად არის.“
🔹️ვიდეო რგოლი მომზადებულია 2022 წელს.
🇪🇺პროექტი მიმდინარეობდა ევროკავშირის და ავსტრიის განვითარების თანამშრომლობის მხარდაჭერით და განხორციელდა ქეასა (CARE) და PMC კვლევითი ცენტრის მიერ ადგილობრივი განვითარების ჯგუფთან (LAG) ერთად.
CARE Caucasus
European Union in Georgia
_______________________________________________
www.radiolile.ge
სოციალური ქსელები:
Instagram:
Facebook: სვანეთის სათემო რადიო / Svaneti Community Radio
Youtube : https://www.youtube.com/channel/UCu1OIW__eCUQkOmpdIfk_GA
