20/07/2025
✍️მიმართვა თეა წულუკიანს!
ქალბატონო თეა, თქვენ ამბობთ, რომ საბჭოთა მოსამართლე ასრულებდა საბჭოთა კანონს.
თქვენ იცით, რომ იმ კანონის მიხედვით ხალხი აწამეს, დახვრიტეს და გადაასახლეს.
ახლა თქვენ, მათი შთამომავლები გვეუბნებით, რომ "ეს იყო სამართალი."
შესაძლოა, რომელიმე მათგანი მართლაც სერიული მკვლელი ან მკვლელები იყვნენ და ადამიანებს ანაკუწებდნენ, ბავშვებს ჭამდნენ. გარკვეული შემთხვევები კი არაა სადავო, არამედ ის სისტემა, რომელიც კლავდა მოწინააღმდეგეს, განსხვავებულად მოაზროვნეს და ამას რეჟიმი მოსამართლეების ხელით აკეთებდა.
პარტიის მითითებით, თავისუფლად შეიძლებოდა აღმოჩენილიყო და აღმოჩენილან კიდეც ამ " სამართლის" ქვეშ უდანაშაულო ადამიანები და ეს პრეტენზიაა საბჭოთა სისტემის ყველა ე.წ. მოსამართლესთან თეა წულუკიანი Thea Tsulukiani
„მამაჩემი უბრალოდ კანონს ასრულებდა.“
ეს ფრაზა ბევრს ახსოვს სხვადასხვა ეპოქიდან — როცა ჯალათები და მოსამართლეები საკუთარ პასუხისმგებლობას აბათილებდნენ იმით, რომ თურმე ისინი „მხოლოდ სისტემას ემსახურებოდნენ.“
მაგრამ რეალობაში, სისტემა მარტო არ კლავს. ადამიანები კლავენ!
ადამიანები ხელს აწერენ განაჩენებს. ადამიანები ხდებიან სისტემის სახელით უსამართლობის შემსრულებლები. და მერე, წლების შემდეგ, ზოგიერთი შვილი ამბობს:
„ დრო იყო ისეთი.“, ზოგს გააზრებული აქვს და უნდა, რომ გარკვეულწილად გამოისყიდოს მამის დანაშაული.
დიახ. მაშინ დრო იყო სასტიკი, რეპრესიული, უთანასწორო, უსამართლო... ახლა, ამ ყველაფრის სწორად შეფასების და პასუხის გაცემის დროა — არა კანონის წინაშე, არამედ მეხსიერების და ადამიანობის წინაშე.
ეს ბრალდება ყოველთვის გაჟღერდება, ამ კითხვებს ყოველთვის დაგისვამენ, ამ ჩრდილქვეშიდან ვერასოდეს გამოხვალთ და ერთადერთი გაკვეთილი, რაც უნდა გესწავლათ ამ ყველაფრიდან, იყო ის, რომ თავად არ შეგექმნათ ასეთი "ჩრდილი' და "ლაქა" საკუთარი შვილისთვის.
თუმცა, ვერ გამოიტანეთ დასკვნა და იგივეს აკეთებთ ზუსტად, როცა რეპრესიული კანონი ჯერ მიიღეთ და მერე ამით ამართლებთ დღეს ოპონენტის დევნას, ფსიქოლოგიურ და ფიზიკურ ტერორს, ძალაუფლების გამოყენებით ჯაბნით ოპონენტს, არჩევნების გაყალბებით იტაცებთ ძალაუფლებას და იგნორირებას უკეთებთ ხალხის დიდი ნაწილის ნებას - იცხოვრონ დემოკრატიულ სახელმწიფოში.
"ჯიბის სასამართლოს" მიმართავთ გაამართლოს მამა, რომლის " ღვაწლიც" ისტორიას უკვე გამტყუნებული აქვს.
რაც არ უნდა ეცადოთ, სისტემის.მოსამართლეს ვერ გაათეთრებთ იმით, რომ ის მხოლიდ მძიმე დამნაშავეებს სჯიდა დახვრეტით.
ასეთივე "წარმატებით" იხვრიტებოდნენ იმ დროს დისიდენტები, თავისუფალი ადამიანები, სისტემის მოწინააღმდეგეები, მოაზროვნეები, ვინც მამაცად შეეწირა იდეას.
არ მოაწერდა ასეთ განაჩენებს ხელს ავთანდილ წულუკიანი? ისტორიას დაუმტკიცე ეს, თეა და საკუთარი შვილი დაინდე, ბაბუამ თუ არ დაინდო.
‐----‐---
თავისუფლება რეჟიმის ტყვეებს!
თავისუფლება მზია ამაღლობელს!
თავისუფლება რუსული რეჟიმისგან!
პატივისცემა ყველა საბჭოთა რეპრესირებულს!
(C)Eliso Janashia
ელისო ჯანაშია
