Агазеҭ «Аԥсны»

Агазеҭ «Аԥсны» Contact information, map and directions, contact form, opening hours, services, ratings, photos, videos and announcements from Агазеҭ «Аԥсны», Newspaper, Званба 9, Sukhumi.

09/10/2025

Аԥсны аҵара аминистр Хана Гәынба аҵарадырра асистема аусзуҩцәа дрыдныҳәалеит.

«Иахьа ҳара иҭабуп ҳәа раҳҳәоит зыԥсҭазаара зегьы иуадаҩу, аха илашоу, аԥхарра зцу аус иазызкыз, еиҵагыло аҿар рааӡареи аҵара дырҵареи знапы иану арҵаҩцәа. Ари азанааҭ гәыкала уазымнеир алҵшәа бзиақәа аиуӡом. Шәара аҿар аҵара дшәырҵоит, ишәааӡоит, аԥеиԥш лашазы агәыӷра рышәҭоит.
Ҳҳәынҭқарра аԥеиԥш шәнапы иануп, уи ԥхьаҟа аҿиаразы ауасхыр азышьҭашәҵоит. Иалышәхыз шәзанааҭ иадҳәалан ахаангьы агәыҩбара шәымамызааит», - лҳәеит Хана Гәынба.

Аминистр арҵаҩцәа ирзеиӷьалшьеит агәабзиара, аҭынчра, аманшәалара, ақәҿиарақәа.

Аҧсны Аҳәынҭқарра Ахада Гәынба Бадра Арҵаҩы имш иазкыз аныҳәатә усмҩаҧгатә аҟны ареспублика арҵаҩцәа дрыдныҳәалеит. ▫️ «...
09/10/2025

Аҧсны Аҳәынҭқарра Ахада Гәынба Бадра Арҵаҩы имш иазкыз аныҳәатә усмҩаҧгатә аҟны ареспублика арҵаҩцәа дрыдныҳәалеит.

▫️ «Ҳаҭыр зқәу арҵаҩцәа!

▫️ Гәык-ҧсыкала ишәыдысныҳәалоит шәзанааҭтә ныҳәа.
▫️ Шәнапы злаку аус иацу аҭакҧхықәреи, аҿар реиҵааӡараҿы ишәбо аџьабааи рзы аҳәынҭқарра анапхгара рыхьӡала ҭабуп ҳәа шәасҳәоит. Шәара шәоуп изыбзоуроу уаҵәтәи аҳәынҭқарра аҧеиҧш.
▫️ Избанзар аҵарадырра инаваргыланы шәҵаҩцәа ирылашәааӡоит Аҧсадгьыл абзиабара, амилаҭтә хдырра аизырҳара, аҧсуара аиқәырхара. Шәара ишәааӡаз Аҧсны аҵеицәа роуп Аҧсадгьыл ахьчара анаҭахха зхы иамеигӡакәан Аиааира ҳзаазгаз. Шәара шәоуп изыбзоуроу аибашьра ашьҭахь ҳашколқәа рышә ахьамкыз. Аамҭа шыуадаҩызгьы, уаҵәтәи аҧеиҧш шәазхәыцны шәазыхынҳәит шәзаанаҭ.
▫️ Аҵарадырра аусхк иахьа аҳәынҭқарра лымкаала ахаҵгылара знаҭо ахырхарҭақәа ируакыуп. Аҧсуа ҳәынҭқарра ҿиаларц азы иҳамазароуп аҵара бзиа змоу, змилаҭтә хдырра ҳаракыу, зыҧсадгьыл бзиа избо аспециалистцәа. Иахьа иҳарҿыцуеит ашколқәа, иахәҭоу амыругақәа рыла еиқәҳаршәоит, иааҳартуеит аспорт иазкыу аҽазыҟаҵарҭақәа. Ари аус есааира иацҵахоит.
▫️ Ҳаҭыр зқәу арҵаҩцәа, ааӡаҩцәа!
Даҽазныкгьы ишәыдысныҳәалоит шәзанааҭтә мшы.
▫️ Ишәзеиӷьасшьоит агәабзиара, ақәҿиарақәа, алҵшәа бзиақәа шәнапы злаку аусаҿы».

ПРЕЗИДЕНТ АБХАЗИИ

Аҳәынҭқарра Ахада Бадра Гәынба дырԥылеит Урыстәылатәи Афедерациа асенатор, Аолимпиатә еицлабрақәа хынтә ирчемпионхаз Але...
09/10/2025

Аҳәынҭқарра Ахада Бадра Гәынба дырԥылеит Урыстәылатәи Афедерациа асенатор, Аолимпиатә еицлабрақәа хынтә ирчемпионхаз Александр Карелини Аҳәынҭқарратә Дума адепутат, Жәларбжьаратәи аусқәа рзы Аҳәынҭқарратә Дума Аилак ахантәаҩы актәи ихаҭыԥуаҩ Светлана Журовеи.

Аиԥылара иалахәын Аҳәынҭқарра Ахада ихаҭыԥуаҩ Беслан Бигәаа, Аҳәынҭқарра Ахада Иусбарҭа анапхгаҩы Беслан Ешба, аԥыза-министр ихаҭыԥуаҩ инапынҵақәа назыгӡо, аҿари аспорти русқәа рзы Аҳәынҭқарратә еилакы ахантәаҩы Ҭарашь Ҳагба.

«Аԥсны шәбара даара ҳаигәырӷьоит, ҳтәыла шәаҩызцәоуп, изныкымкәагьы шәаҭаахьеит. Урыстәылатәи Афедерациа иҳанаҭо адгылара хәы амаӡам, еснагь аиашара аган ааннакылоит, иҳашәҭо адгылара есқьынагь иаҳныруеит. Ҳтәылақәа рпарламенттә еизыҟазаашьақәа есымшагьы аԥхарра рыҵан. Апартиа “Иаку Аԥсны” аизарахь ҳаҭыр зқәу асасцәа раҳасабала шәахьаҭааз даҽзныкгьы иарҵабыргуеит ҳаиҩызара, ҳауаажәларра реизҳазыӷьаразы аусеицура ҳшазыхио», – иҳәеит аҳәынҭқарра ахада.

«Аԥсны аҭаареи апартиа “Иаку Аԥсны” аизара аҽалархәреи ишьақәдырӷәӷәоит ҳпартиақәа реиҩызара, реизааигәара. Қәҿиарала аҿиаразы аусеицура ҳазыхиоуп», — иҳәеит Александр Карелин.

«Акультуратә, адоуҳатә еимадара, аҵарадырраҿы аусеицуреи рыбзоурала ҳтәылақәа рхаҿра еиқәдырхоит, иҿиоит. Арҭ аизыҟазаашьақәа наҟ-ааҟ аицхыраареи аиҩызареи рышьақәыргылара алзыршо ҿырԥштәы бзиоуп», — лҳәеит Светлана Журова.

Жәандәрыԥшь – Владислав Арӡынба ибаҟа аартра...Сынтәа, 2025 шықәсазы, «Владислав Арӡынба ишықәс ауп!» ҳәа, Аҧсны зехьынџ...
09/10/2025

Жәандәрыԥшь – Владислав Арӡынба ибаҟа аартра...

Сынтәа, 2025 шықәсазы, «Владислав Арӡынба ишықәс ауп!» ҳәа, Аҧсны зехьынџьара иҳаларҳәеит. Аҧсны Аҳәынҭқарра Ахада Бадра Гәынба ус еиҧш иҟаз Аусҧҟа инапы аҵаиҩит!..

Маи 14 аҽны, Владислав иҧсы ҭазҭгьы – 80 шықәса ихыҵуазаарын! Аҧсуа ишықәсрацәа анҵыра иадыукылозар, уи ашықәс акры ыҟахыума: «аҧсуа – иҭәымҭа данҭагылоу!» - аамҭоуп...
Араҟа, иалкаатәу, ари амшныҳәа ҳажәлар ишрыдыркылаз ауп! «Аҧсны Аҳәынҭқарра Ахада Иусҧҟа уалс иҳаднаҵоит, инагӡатәуп!» ҳәа, уалшәагас акәымкәан, агәаҵантә иаауо аҧхарра, агәыблара дуӡӡа рыҵаҵаны, Аҧснаа зехьынџьара ари аус ҧшьа - ишахаҵгылаз ауп!.. Ҧшра ҟамҵакәан, Владислав Арӡынба 80 шықәса ихыҵра иазкны, игәалашәара иадҳәалоу аиҧыларақәа, аиқәшәарақәа, акультуратә хҭысқәа, акьыҧхьтә статиақәа, изкыу ашәҟәы ҷыдақәа рҭыжьра уҳәа, Аҧсны ахышәара-ҵышәара иқәынхо ҳауаажәлар зегьы, гәык-ҧсыкала имҩыҧырго, ихацдыркуа рҿынархеит…
Ас еиҧш гәыҳалалла Аҧсны ҳажәлар рхымҩаҧгашьа ҵаҵҕәыс ирымоугьы ҳәатәуп араҟа! Урҭ уасхырс ирымоу - Владислав Арӡынба изы ргәаҵантә иаауо, изыркыз, иахьагьы изырҳәо иҧшьоу ражәақәа роуп! Иара изы гәрагара ҕәҕәала ирымоу, изырчаҧаз ргәаанагарақәа роуп!.. Цқьа шәазхәыц, рҵакы зеиҧшроу, абраҟа искьыҧхьо, ҳаҧсуа жәлар рҧа хазына, рҵеи лаша изыркыз ражәа лыҧшаахқәа…

https://gazeta-apsny.info/h-is/s-i/item/2550-z-nd-ri-shi-vl-disl-v-r-inb-ib-r-r

Аԥсны артиллериатә ҟәша аҽазыҟаҵарақәа ирхысуеит Арратә зыҟаҵара анапхгаҩы, аполковник Андреи Лиубовски иажәақәа рыла а...
08/10/2025

Аԥсны артиллериатә ҟәша аҽазыҟаҵарақәа ирхысуеит

Арратә зыҟаҵара анапхгаҩы, аполковник Андреи Лиубовски иажәақәа рыла артиллериа арратә зыҟаҵара аҩаӡара аизырҳара ахықәкы хадақәа иреиуоуп. Аҟәшақәа еиуеиԥшым аибашьратә ҭагылазаашьақәа раан аӷа мцала иҭархаразы рҽазыҟарҵоит.

Ҷыдала ахшыҩзышьҭра аҭоуп акоманда ҟаҵаҩцәа ахьынӡазыҟаҵо агәаҭара, арратә усмҩаԥгатәқәа рынагӡаразы аплан ашьақәыргылара, иааиԥмырҟьаӡакәа ажәылара, арратә хәҭақәа аус рыцура.

Аҵаратә план инақәыршәаны аҽазыҟаҵарақәа мҩаԥысуеит жьҭаарамза 7-18, 2025 шықәсазы.

08/10/2025

Аԥсны акультура Аминистрреи икоммерциатәым автономтә еиҿкаара «Иласу аԥшьгарақәа рмаҵзураеи» аусеицуразы Амеморандум рнапы аҵарҩит
Санкт-Петербург имҩаԥысуа акреативтә економиказы жәларбжьаратәи аконференциа аҳәаақәа ирҭагӡаны Аԥсны акультура Аминистрреи икоммерциатәым автономтә еиҿкаареи «Иласу аԥшьгарақәа рмаҵзуреи» рыбжьара аусеицуразы Амеморандум рыбжьарҵеит.
Рнапы аҵарҩит акультура аминистр Даур Ақаҩбеи «Иласу аԥшьгарақәа рмаҵзура» адиректор хада Светлана Чупшевеи.
Аиқәышаҳаҭра иабзоураны акультуратә еимадара ӷәӷәахоит, арҿиаратә еимадаразы иҿыцу алшарақәа раԥҵара алыршахоит.

Аԥсны аҳәса РеидгылаРацәак ҵуам ари ахеилак аԥырҵеижьҭеи, аамҭа кьаҿк иалагӡан имаҷым ирылдыршахьоу.Аԥсны анҭыҵгьы ирбах...
08/10/2025

Аԥсны аҳәса Реидгыла

Рацәак ҵуам ари ахеилак аԥырҵеижьҭеи, аамҭа кьаҿк иалагӡан имаҷым ирылдыршахьоу.

Аԥсны анҭыҵгьы ирбахьеит ҳтәыла хәыҷ ишамоу иаԥсоу аҭыԥҳацәа, ган рацәала здунеихәаԥшра ҭбаау Аԥсны аҳкәажәцәа. Уи аганахьала ҳтәыла жәынгьы-ҿангьы ихәыданы иҟамызт. Аиԥылара актәи амш аартуа, Аԥсны аҳәса рхеидкыла аиҳабы Викториа Хәырхәмал илҳәеит: «Ҳара ҳаидгыла аԥаҳҵеижьҭеи жәамз роуп иҵуа, аха ари аамҭа иҭагӡаны ҳцахьеит акырынтә Урыстәыла имҩаԥысуа аҳәса рхеидкылақәа рфорумқәа рышҟа. Дареи ҳареи аиҩызара цҳа ҳабжьаҳҵахьеит. Иахьатәи ҳаиԥыларагьы ҳара ҳтәыла ахьӡ аӡыргара иацхраауеит».

https://gazeta-apsny.info/h-is/s-i/item/2547-sni-s-r-idgil

Аԥсуа адыга фестивальРхнышьнак ааиҩызҵәаз аишьцәа еидызкыло шьарда ирацәоуп: агәыблыра, аидгылара, аҟазара.Кавказ аԥацә...
08/10/2025

Аԥсуа адыга фестиваль

Рхнышьнак ааиҩызҵәаз аишьцәа еидызкыло шьарда ирацәоуп: агәыблыра, аидгылара, аҟазара.
Кавказ аԥацәа иашақәа иҳамоуп ҟазшьа ҷыдарак, ҳашьха хьыҵәцарақәеи, ҳарҩаш ҭрысқәеи ирацлабуеит ҳҿар рҟыбаҩ, анцәа иҟынтәи ирылалаз аҟазара. Убри аҟазара, агәырҵҟәыл ҷыда злоу ирымҭоуп «Риҵатәи арифмақәа» зыхьӡу аԥсуа-адыга фестиваль.

https://gazeta-apsny.info/h-is/s-i/item/2546-su-dig-f-s-iv-li

07/10/2025

Аҳәынҭқарра Ахада Бадра Гәынба Ҭҟәарчал араион даҭааит

Жьҭаарамза 7 рзы, аиҭашьақәыргыларатә усурақәа ахьымҩаԥысуа аинфраструктуратә ҭыԥқәа ргәаҭаразы Аҳәынҭқарра Ахада усуратә визитла Ҭҟәарчал даҭааит.

Аусуратә визит иалагеит Аԥсны Аџьынџьтәылатә еибашьраҿы иҭахаз афырхацәа рбаҟа амҵан ашәҭ шьыҵәрақәа рышьҭаҵарала. Уи рхы аладырхәит, Аҳәынҭқарра Ахада Бадра Гәынба, Ахада ихаҭыԥуаҩ Беслан Бигәаа, Аҳәынҭқарра Ахада Иусбарҭа анапхгаҩы Беслан Ешба, атәылахьчара аминистр Владимир Ануа, Тҟәарчал араион ахада Исидор Дочиа, аветеранцәа, ауаажәларра.

Иара убас, ашәҭ шьыҵәрақәа шьҭаҵан Аԥсны раԥхьатәи Ахада Владислав Арӡынба ибаҟа амҵа.

07/10/2025

Афорум «Аԥсны агәыԥ» – акрызҵазкуа азҵарақәа иахьрылацәажәо платформоуп. Абри атәы иҳәеит аԥыза-министр Владимир Делба, Аҟәа иаатыз афорум алахәылацәа бзиала шәаабеит ҳәа раҳәо.

«Аицлабраҿ аиааира згаз аҿар, ҳлахьынҵа знапы иану роуп. Урҭ рахьтә 46-ҩык аҭакзыԥхықәу аҳәынҭқарратә маҵурауақәа ааныркылоит. Аҵыхәтәантәи фымз рыҩнуҵҟа жәаҩык инареиҳаны амаҵуратә уалԥшьа ҿыцқәа рахь ииаган, ма русураҿы иҳаракын, – иҳәеит Делба. – Урҭ зегьы аусура згәы азыҳәо, зымч-зылша атәыла аизҳазыӷьара иазызкуа роуп».

Аҟәа иаатит афорум «Аԥсны агәыԥ».Афорум аусура рхы аладырхәит Аҳәынҭқарра Ахада Бадра Гәынба, аҳәынҭқарра анапхгара, ами...
07/10/2025

Аҟәа иаатит афорум «Аԥсны агәыԥ».

Афорум аусура рхы аладырхәит Аҳәынҭқарра Ахада Бадра Гәынба, аҳәынҭқарра анапхгара, аминистрра аилазаара, ақалақьқәеи араионқәеи рхадацәа, аицлабра афиналистцәа, ауаажәларра рхаҭарнакцәа.

Бадра Гәынба еизаз рҿаԥхьа дықәгылеит:

«Ҳаҭыр зқәу афорум алахәылацәа, асасцәа, акыр иаԥсоу аҩызцәа! Гәахәара дууп зымҽхак ҭбаау, аҵак ду змоу афорум «Аԥсны агәыԥ» аартруа шәԥылара. Ҳара зегьы иҳамоуп иаҳзеиԥшу ахықәкы, уи ҳҳәынҭқарра шәҭыкакаҷуа иӷәӷәаҟацаӡа аҟаҵароуп. Иахьа еизеит Аԥсны аԥеиԥш знапы иану – аиҳабыра, аекспертцәа, аҵарауаа, анаплакцәа, ауаажәларратә усзуҩцәа»

Аԥсны Ахада Иҳәынҭқарратәым автономтә еиҿкаара «Урыстәыла – алшарақәа иртәылоуп» адиректор хада диԥылеит. Аиԥылара иалах...
07/10/2025

Аԥсны Ахада Иҳәынҭқарратәым автономтә еиҿкаара «Урыстәыла – алшарақәа иртәылоуп» адиректор хада диԥылеит.

Аиԥылара иалахәын Аҳәынҭқарра Ахада Иусбарҭа анапхгаҩы Беслан Ешбеи Иҳәынҭқарратәым автономтә еиҿкаара «Урыстәыла – алшарақәа иртәылоуп» адиректор хада ихаҭыԥуаҩ Дмитрии Гужелиеи.

Аиԥылара мҩаԥысит афорум «Аԥсны агәыԥ» аламҭалазы. Ирылацәажәан анаҩстәи аусеицура, аԥышәеимдара, иара убас иазааҭгылан Аԥснынтәи аспециалистцәа Иҳәынҭқарратәым автономтә еиҿкаара «Урыстәыла – алшарақәа иртәылоуп» имҩаԥнаго арҵаратә программақәа ралахәхара иадҳәало азҵаарақәа. Ҷыдала ахшыҩзышьҭра аҭан Афорум аҿы ицәырго аҿыцаԥшьгарақәа.

Address

Званба 9
Sukhumi

Telephone

+78402261575

Website

Alerts

Be the first to know and let us send you an email when Агазеҭ «Аԥсны» posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Агазеҭ «Аԥсны»:

Shortcuts

Share

Category