Euronews Georgia

16/10/2025

🔹 „უნდა მივხვდეთ, რომ აღარ უნდა ველოდოთ მითიურ ლიდერებს. ამ ქვეყნის მომავალი ყველა ჩვენგანი პასუხისმგებლობაა“, - მოქალაქეებმა წარადგინეს „ანტიკრიზისული პლატფორმა“.

🔹 საინიციატივო ჯგუფის წევრთა თქმით, პოლიტიკური კრიზისის დასაძლევად მათ შეიმუშავეს საერთაშორისო გამოცდილებაზე დაფუძნებული გეგმა.

🔹 მათივე განმარტებით, ხედვაში გათავლისწინებულია საქართველოს ეროვნული ინტერესები და ქართველი ხალხის მისწრაფება - ქვეყანა გახდეს ევროპული და ევროატლანტიკური სივრცის სრულფასოვანი წევრი.

16/10/2025

🔹 ევროპული საბჭო „ევროპის თავდაცვითი მზაობის საგზაო რუკის" დასამტკიცებლად ემზადება.

🔹 ევროკავშირის წევრი სახელმწიფოების თავდაცვის მინისტრებმა ბრიუსელში უკვე განიხილეს და დაამტკიცეს გეგმა, რომელმაც 2030 წლისთვის ევროპა შესაძლო აგრესიისთვის უნდა მოამზადოს.

🔹 რუსული საფრთხე უკრაინის ომის დასრულების შემთხვევაშიც შენარჩუნდება - თვლიან ბრიუსელში.

🔗 ვიდეო სრულად იხილეთ ჩვენს YouTube არხზე : https://youtu.be/dseulMTDY1g

16/10/2025

აშშ-ის პრეზიდენტის განცხადებით, ვლადიმერ პუტინს ბუდაპეშტში შეხვდება.

🔹 პლატფორმა Truth Social-ზე დონალდ ტრამპმა დაწერა, რომ რუსეთის პრეზიდენტთან სატელეფონო საუბარი „ძალიან პროდუქტიული იყო“, სადაც მხარეებმა მომავალ კვირას, ორი ქვეყნის მაღალი დონის მრჩევლების შეხვედრა და უკრაინაში კრემლის ომის დასრულების შემდეგ, აშშ-რუსეთის ვაჭრობის საკითხები განიხილეს.

🔹 ბუდაპეშტში შეხვედრის ორგანიზებისთვის მზად არის უნგრეთის პრემიერ-მინისტრი. პლატფორმა X-ზე ვიქტორ ორბანმა დაწერა, რომ „აშშ-სა და რუსეთის პრეზიდენტების შეხვედრა არის გასაოცარი ამბავი მშვიდობისმოყვარე ადამიანებისთვის“.

16/10/2025

🔹 პრემიერ-მინისტრმა, ირაკლი კობახიძემ, განათლების რეფორმის პრეზენტაცია გამართა და ისაუბრა იმ მთავარ გამოწვევებზე, რომლებსაც დღეს ქვეყნის უმაღლესი განათლების სისტემა აწყდება.

🔹 ირაკლი კობახიძემ საზოგადოებას შესთავაზა ის ნაბიჯები, რაც მისი მოსაზრებით, ამ პრობლემებს მოაგვარებს და გამოასწორებს იმ ხარვეზებს, რის გამოც, ხშირად ახალგაზრდები სხვა ქვეყნების უნივერსიტეტებში მიდიან.

🔹 მისი თქმით, უნდა დამტკიცდეს „ერთი ძალიან მკაფიო პრინციპი: ერთი ქალაქი - ერთი ფაკულტეტი”

ირაკლი კობახიძემ საზოგადოებას შეთავაზა ის ნაბიჯები, რაც მისი მოზარებით ამ პრობლემებს მოაგვარებს და გამოასწორე....

16/10/2025

🔹 ვენეციის კომისია „აგენტების კანონთან“ დაკავშირებით სტრასბურგის სასამართლოში შეტანილი სარჩელის განხილვაში მესამე მხარედ ჩაერთო და სასამართლოს მეგობრის მოსაზრება წარადგინა.

🔹 ქართული არასამთავრობო და მედიაორგანიზაციების სარჩელი ადამიანის უფლებათა ევროპულ სასმართლოში გასული წლის 13 ნოემბერს დარეგისტრირდა.

🔹 16 მედიაორგანიზაცია, 120 სამოქალაქო საზოგადოების ორგანიზაცია და 4 ფიზიკური პირი სტრასბურგის სასამართლოში ადამიანის უფლებათა ევროპული კონვენციით დაცული რამდენიმე უფლების, მათ შორის, შეკრებისა და გაერთიანების თავისუფლების, გამოხატვის თავისუფლების, პირადი და ოჯახური ცხოვრების დაცულობის უფლების დარღვევებზე დავობს.

🔗 ვრცლად : https://euronewsgeorgia.com/2025/10/16/veneciis-komisia-mesame-mxared-chaerto-evrosasamartloshi-agentebis-kanonis-sakmeze/

16/10/2025

🔴 პირდაპირი ეთერი: ამბები ამ საღამოს

16/10/2025

🔹 ეუთოს თავმჯდომარისა და ფინეთის საგარეო საქმეთა მინისტრის, ელინა ვალტონენის საქართველოში ვიზიტს, პოლიტიკური და დიპლომატიური დაძაბულობა მოჰყვა.

🔹 მის კრიტიკულ განცხადებებს „ქართულ ოცნებაში” რადიკალიზმის თანადგომად აფასებენ.

🔹 თავად ვალტონენი კი პრემიერს, ირაკლი კობახიძეს, ფინეთში იწვევს „დემოკრატიის საჩვენებლად”.

მთავრობის ადმინისტრაციაში კი აცხადებენ, რომ შეხვედრზე თავად ირაკლი კობახიძემ თქვა აუარი. ის, თუ რატომ ჩაიშალა და...

16/10/2025

🔹 „რუსეთი უკრაინის ომის შემდეგ ნატოსთვის რეალურ საფრთხეს წარმოადგენს.“ - ამბობს ანტი ჰაკანენი, ფინეთის თავდაცვის მინისტრი.

🔹 ფინეთის თავდაცვის სისტემა ათწლეულების განმავლობაში რუსეთის მხრიდან მძიმე სცენარების მოლოდინში იქმნებოდა.

🔹 ახლა ჰელსინკი 2030-იანი წლებისთვის, სამხედრო შეიარაღების მნიშვნელოვან შესყიდვებს გეგმავს.

16/10/2025

🔹 დაჩქარებული წესით მიღებული საკანონმდებლო ცვლილებების თანახმად, თუკი საკონსტიტუციო სასამართლო პარტიას რეგისტრაციას გაუუქმებს, მასთან დაკავშირებულ პოლიტიკოსებს აეკრძალებათ პარტიის ხელმძღვანელობა, წევრობა, თანამდებობის დაკავება, არჩევნებში მონაწილეობა.

🔹 ასევე, აკრძალვის შემთხვევაში, პოლიტიკოსებს შეეზღუდებათ სხვა პარტიებში გაწევრება და მათ საარჩევნო სიებში ჩაწერაც.

16/10/2025

🔹 „ქართულმა ოცნებამ“ მესამე მოსმენით მიიღო ცვლილებები ადმინისტრაციულ სამართალდარღვევათა და სისხლის სამართლის კოდექსებში, რომელთა თანახმადაც, მკაცრდება შეკრება-მანიფესტაციების სამართლებრივი ადმინისტრირება.

🔹 ჯარიმის ნაცვლად, გზის ხელოვნურად გადაკეტვა დაისჯება ადმინისტრაციული პატიმრობით 15 დღემდე ვადით. ასევე, ადმინისტრაციული პატიმრობით დაისჯება პირი, ვინც სახეს დაიფარავს, განზრახ შექმნის დაბრკოლებას ხალხის ან/და ტრანსპორტის გადაადგილების კუთხით, ასევე პირი, ვისაც აქციაზე თან ექნება ცრემლდენი ან მომწამვლელი ნივთიერება.

🔹 კანონპროექტის მეორე მოსმენით განხილვის ფარგლებში, დამატებით განისაზღვრა არასრულწლოვანთა პასუხისმგებლობის საკითხი. თუკი არასრწულოვანი პირი დაარღვევს შეკრება-მანიფესტაციების წესებს, მას დაეკისრება სისხლის სამართლებრივი ჯარიმა ან გამასწორებელი სამუშაოები ვადით 1 წლამდე ან თავისუფლების აღკვეთა ასევე 1 წლამდე ვადით.

16/10/2025

🔹საფრანგეთის პარლამენტში პრემიერ-მინისტრისთვის უნდობლობის გამოცხადებასთან დაკავშირებით ორივე კენჭისყრა ჩავარდა.

🔹მემარცხენე „დაუმორჩილებელი საფრანგეთის“ წინადადებას მხარი 271 დეპუტატმა დაუჭირა, ხოლო მარინ ლე პენის ულტრამემარჯვენე „ეროვნული გაერთიანების“ შუამდგომლობას 144 დეპუტატი მიემხრო.

🔹ლეკორნუს მთავრობისთვის უნდობლობის გამოცხადებისთვის ეროვნული ასამბლეის დეპუტატების 289 ხმა იყო საჭირო.

🔹კენჭისყრამდე სებასტიან ლეკორნუმ მაკრონის პრეზიდენტობის განმავლობაში ერთ-ერთ ყველაზე სადავო და არაპოპულარული საპენსიო რეფორმის შეჩერების შესახებ განაცხადა, რითაც ზოგიერთი ოპოზიციონერი დეპუტატი დააწრმუნა, რომ ამ ეტაპზე მაინც შეეკავებინათ თავი მისი ხელისუფლებიდან ჩამოშორების მცდელობის მხარდაჭერისგან .

🔗თემაზე ვრცლად: https://euronewsgeorgia.com/2025/10/16/safrangetis-paarlamentshi-mtavrobistvis-undobdolobis-gamockhadebis-ori-iniciativa-chavarda/

📷 AP