04/07/2025
🥀
You’ll never EVER walk alone Diogo Jota.
“Bug, სადაც არ უნდა იყო, ვიცი, რომ ამას წაიკითხავ.
ჩვენ არასდროს ვყოფილვართ ასეთი სენტიმენტალურები და შეიძლება ახლა ეს ცოტა ვინანო კიდეც, მაგრამ შენ ზუსტად იცი, რამდენს ნიშნავ ჩემთვის, ისევე როგორც მე ვიცი, ვინ ვარ შენთვის. ეს მეგობრობაზე ბევრად მეტია, ჩვენ ოჯახი ვართ.
როდესაც ნაკრებში ჩამოვალ, შენ ისევ ჩემს გვერდით იჯდები მაგიდასთან, ავტობუსში, თვითმფრინავში… შენ ყოველთვის ჩემს გვერდით იქნები. მოდი, გავაგრძელოთ სიცილი, გეგმების შედგენა, ჩვენი ცხოვრების გაზიარება. გპირდები, რომ ყოველთვის შენს გვერდით ვიქნები და ვიზრუნებ იმ ადამიანებზე, ვინც შენ გიყვარს, რომ არაფერი მოაკლდეთ იმ დროს, როცა შენ შორს იქნები.
ცხოვრებამ ერთად მოგვიყვანა და ახლა ვეღარაფერი დაგვაშორებს. უკვე ბევრს მივაღწიეთ, მაგრამ წინ კიდევ დიდი გზაა ამის მჯერა. დღევანდელი დღიდან მოედანზე ერთად გამოვალთ და გავაგრძელებთ ჩვენს გზას იმ სცენაზე, სადაც ოდესღაც პირველად შევხვდით.
“ამბობენ ადამიანებს მხოლოდ მაშინ ვკარგავთ, როცა მათ ვივიწყებთ. მე შენ არასდროს დაგივიწყებ”
✍️ Ruben.
“თანაგუნდელები მოდიან და მიდიან მაგრამ არა ასე.
ძალიან ძნელი იქნება შეგუება იმ აზრთან, რომ როცა დავბრუნდებით, დიოგო ჩვენთან აღარ იქნება.”
✍️ Mo.
“ვაფასებ იმ მოგონებებს, რაც შენთან მაკავშირებს, იმ განსაკუთრებულ ადამიანად მემახსოვრები, როგორიც იყავი.”
მიყვარხარ, Jots!
✍️ J. Gomez.
“ძალიან რთულია სწორი სიტყვების პოვნა, როცა გონება და გული ცდილობს მიიღოს ის ფაქტი, რომ ვიღაც, ვინც ასე ძალიან გიყვარს, აღარ არის შენს გვერდით.”
✍️ Trent
“შოკში ვარ და სულიერად გატეხილი.
რა ადამიანი იყავი, რა მოთამაშე მაგრამ, უპირველესად, რა საოცარი ოჯახის კაცი.
ძალიან ბევრს ნიშნავდი თითოეული ჩვენგანისთვის და ყოველთვის იარსებებ ჩვენს გულებში.
სამუდამოდ ჩემპიონი. სამუდამოდ ნომერი 20.
ჩემთვის პატივი იყო შენთან ერთად მოედანზე დგომა და მოედნის მიღმა შენი მეგობრობა.
შენი ისტორია აქ არ დასრულდება - ჩვენ ამას გავაგრძელებთ.”
✍️ Virgil.
“ნამდვილი სიხარული იყო მის გვერდით გასახდელში ყოფნა სიცილი, მუდმივი ხუმრობები და ერთმანეთის ჯიუტი ხასიათების გამო წაკინკლავება და რა თქმა უნდა, აღფრთოვანება იმით, რასაც ის მოედანზე აკეთებდა”
✍️ J. Milner
“ის არასდროს ეძებდა პოპულარობას, მაგრამ ის თავისთავად მოდიოდა მასთან. არ იყო მხოლოდ ორი ადამიანის მეგობარი ის ყველას მეგობარი იყო.
თავისი უბრალო ყოფნითაც კი ახერხებდა ადამიანების გვერდში დგომას. უსაზღვროდ ზრუნავდა საკუთარ ოჯახზე.
ბოლო საუბარში დიოგოს უეფას ერთა ლიგის მოგებას ვულოცავდი და მომავალ ქორწილში წარმატებას ვუსურვებდი.
ეს ზაფხული მისთვის და მისი ოჯახისთვის ოცნების ზაფხული უნდა ყოფილიყო.
ამიტომ არის კიდევ უფრო აუტანელი, რომ ყველაფერი ასე დასრულდა.”
✍️ Arne
“შენ ყოველთვის იქნები ამ გუნდის ნაწილი, ლივერპულის ოჯახის ნაწილი. ჩვენ არასოდეს, არასოდეს დაგივიწყებთ.
✍️ Harvey.
“დიოგო არამხოლოდ ბრწყინვალე მოთამაშე იყო, არამედ შესანიშნავი მეგობარი, მზრუნველი მეუღლე და მამა! ძალიან დაგვაკლდები!
✍️ Jurgen.
“სიტყვებით ვერ გადმოვცემ, რამდენად გატეხილები და დაცლილები ვართ.
შენი ღიმილი, შენი სიყვარული ფეხბურთის მიმართ არასოდეს დაგვავიწყდება.
ძალიან მოგვენატრები.”
✍️ Dominik.
მინდა ვისაუბრო ჩემს მეგობარზე. ჩემს პარტნიორზე. ადამიანზე, რომელიც მიყვარდა და საშინლად მომენატრება.
შეიძლება საათობით ლაპარაკი მის როგორც ფეხბურთელზე, მაგრამ ახლა ამას მნიშვნელობა აღარ აქვს. მისი პიროვნება. ის იყო ძალიან კარგი ადამიანი. საუკეთესო. ნამდვილი, უბრალო, გულწრფელი. სავსე სიყვარულით იმ ადამიანების მიმართ, ვინც მისთვის მნიშვნელოვანი იყო. სავსე მხიარულებით.
ის იყო ყველაზე „ბრიტანელი უცხოელი“, ვინც ოდესმე მინახავს. ვხუმრობდით, რომ მასში ბევრი ირლანდიური თვისება იყო, მაგრამ მე ყოველთვის ვცდილობდი შოტლანდიელად ჩამეთვალა. მე მას “დიოგუ მაკჟოტას“ ვეძახდი.
ერთად ვუყურებდით დარტს, დავდიოდით ცხენების რბოლებზე. ჩელტენჰემის რბოლაზე წასვლა ამ სეზონში ერთ-ერთი საუკეთესო დღე იყო ჩემთვის.
ბოლოს რომ ვნახე, მისი ცხოვრების ყველაზე ბედნიერი დღე იყო მისი ქორწილის დღე. მინდა ასეთი დამამახსოვრდეს, არცერთი წამით რომ არ შეწყვეტილა მისი ღიმილი იმ ჯადოსნურ დღეს. ის იყო სავსე სიყვარულით თავისი ცოლისა და ოჯახის მიმართ.
გმადლობ, მეგობარო, რომ ჩემს ცხოვრებაში იყავი. გმადლობ, რომ უკეთესს ხდიდი მას.
მიყვარხარ, დიოგუ.“
✍️ Andrew.
“როდესაც სიტყვებს აღარ აქვს ძალა, მხოლოდ გამოუთქმელი ტკივილი რჩება.
ამიტომ მუხლებზე ვდგავარ და ვლოცულობ, რომ წმინდა სულმა ნუგეში მიანიჭოს რუთეს, მათ ოჯახსა და ყველა მეგობარს.
ჩემთვის პატივი და ბედნიერება იყო შენი გაცნობა და ერთად ასეთი განსაკუთრებული მომენტების განცდა.
RIP ძმებო, ჟოტა და ანდრე.“
✍️ Bobby.
“ჯერ კიდევ ვერ ვიჯერებ ამას, შოკირებული და გატეხილი ვარ. ყოველთვის სითბოთი გავიხსენებ იმ დროს, როდესაც ერთად ვთამაშობდით.
ძალიან დაგვაკლდები, პირველ რიგში იმიტომ, რომ საოცარი ადამიანი იყავი.
✍️ Ryan.
“დღეს ყველაფერი უაზროდ მეჩვენება…
კვლავ ჩემსა და საყვარელი ადამიანის გაცილებას შორის ოკეანეა. ეს ძალიან რთულია.
მაგრამ ვიცი, ჩემი თანაგუნდელები ღირსეულად წარმოადგენენ ჩემს გრძნობებს.
ძვირფასო რუთე, უბრალოდ იცოდე მარტო არ ხარ. ჩვენ შენთან ვართ და რაც შეიძლება მალე შენს გვერდით ვიქნებით.
ასეთ მომენტებში მხოლოდ ღმერთის ნებაზე დამორჩილება გვრჩება და ნუგეშისა და ძალის ძიება მისი მადლით.
მე ყოველთვის მემახსოვრება დიოგუ როგორც შესანიშნავი მეგობარი, მამა და მეუღლე.”
✍️ Becker
“თავს ძალიან იღბლიანად ვგრძნობ, რომ რამდენიმე წელი შენთან ერთად გავატარე.
ყოველთვის მემახსოვრება, პირველად რომ მიმიწვიე შენს ოთახში FIFA-ს სათამაშოდ, მგონი ყველას ეცინება, როგორ გაგრძელდა ეს ისტორია. ვთამაშობდით და ტაიმის ბოლოს უკვე 5-0-ს მიგებდი. ეს იყო უკანასკნელი შემთხვევა, როცა ამ ხაფანგში გავები.
როცა აკადემიიდან პირველ გუნდში გადმოვედი, შენ მუდამ ჩემს გვერდით იყავი და დამეხმარე ბიჭებთან შეგუებაში, რაც სამუდამოდ დამამახსოვრდება.
მიყვარხარ ჯოტს და დარწმუნებული ვარ, ოდესმე ისევ შევხვდებით”
✍️ Conor.
“არ მჯერა, რომ ახლა ამას ვწერ და სიტყვების პოვნაც კი მიჭირს. განადგურებული ვარ ამ ამბით.
შენ ერთ-ერთი ჩემი ყველაზე ახლო მეგობარი გახდი. ყველაფერზე ვსაუბრობდით, რაც სპორტს ეხებოდა ვუყურებდით ნებისმიერ ფეხბურთის მატჩს, რომელიც შეგვეძლო გვენახა, ხშირად შენი ძმა ანდრეს თამაშს IPad-ზე.
გამიკვირდა, რომ პორტუგალიელი ბიჭი უყურებდა სპორტებს, როგორიცაა დარტსი, სნუკერი და ცხენოსნობა. ჩემი საუკეთესო მოგონებებია, როგორ ვხალისობდით ერთად ყურებისას.
შენ იყავი ძალიან მხიარული, გულწრფელი, მიწიერად უბრალო და სიყვარულით სავსე ოჯახის ადამიანი. ყოველთვის ძალიან კონკურენტული, საშინლად მომენატრება ჩვენი წინასამატჩო ვიქტორინა
ძალიან მადლობელი და ბედნიერი ვარ, რომ შევძელი შენი ბედნიერების დღეს, შენს ქორწილში ყოფნა და ამ განსაკუთრებულ დღეს შენთან ერთად გაზიარება. ამას არასდროს დავივიწყებ.
ეს ტკივილი დიდხანს არ გაივლის და საშინლად მომენატრები, მაგრამ თავს ძალიან იღბლიანად ვთვლი, რომ შენი გაცნობა მოვახერხე და ასეთი კარგი მეგობარი მყავდა.
მიყვარხარ დიოგო.”
✍️ Kelleher.
“რა დაუჯერებელია, Jots… ჯერ კიდევ არ მინდა, დავიჯერო ეს ამბავი.
შენ დიდი მოთამაშე და საოცარი ადამიანი იყავი.
შენს ხსოვნას მუდამ გავიხსენებთ და პატივს მივაგებთ.
ჩემი გულწრფელი სამძიმარი მეუღლეს, შვილებს, ოჯახსა და ყველა ახლობელს.
RIP დიოგო და ანდრე.”
✍️ Wataru.
“ჩემი თანადგომა რუტეს, მის შვილებს და მთელ ოჯახს.”
✍️ L. Diaz.
ჩვენ ერთ პერიოდში მოვედით კლუბში. ახალბედები ვიყავით ქალაქში. ერთად ვზეიმობდით ჩვენი კარიერის საუკეთესო მომენტებს. ერთ-ერთ ბოლო თამაშამდე მითხარი: „შენ ჩააწოდე, მე გავიტან“ და ზუსტად ასე მოხდა. ერთად ვიცინოდით და ბევრ რამეზე ვსაუბრობდით.
შენ განსაკუთრებული მოთამაშე იყავი, განსაკუთრებული ადამიანი, ნამდვილი ლეგენდა, დიოგო.
ჩემი გული და ლოცვები შენს რუტესთან, შენს ბიჭებთან, პატარა გოგონასთან, შენს ოჯახთან და ყველა იმ ადამიანთანაა, ვინც გელოდებოდათ სახლში დაბრუნებას.
ჩვენ გვიყვარხარ, დიოგო. YNWA
✍️ Tsimi.
“ძალიან რთულია სიტყვებით გადმოცემა, რას ვგრძნობ ახლა.
დაუჯერებელი მოთამაშე და საოცარი ადამიანი იყავი ყველასთვის.
ჩემი ლოცვები შენი ოჯახისკენ არის მიმართული.”
✍️ Curtis.
“მთელი დღეა იმაზე მეფიქრება, რაზე ფიქრობდა დიოგუ ჟოტა.
ალბათ იმაზე, რომ ძალიან იღბლიანი კაცია. საყვარელ ქალს თეთრი კაბა რომ ჩააცვა და ფოტოზე მიუწერა, ფორტუნა ჩემი მეგობარიაო...
ალბათ იმაზეც ფიქრობდა, როგორ ფასდება შრომა და როგორ სრულდება ოცნებები. რა შესანიშნავი სცენარია, აკეთო საყვარელი საქმე და ძილს ენფილდის მიერ შენთვის ნამღერი ტექსტები გიტკბობდეს.
მომდევნო სეზონის გეგმებზეც იფიქრებდა. სალაჰი დარჩა, ვირცი მოვიდა, ერთი საფეხურით მაღლა ავედით და მეც მაგარი უნდა ვიყოო. განა მაგარი არ იყო?! ნამდვილად იყო, ჯოკერივით საკვანძოც იყო, ოღონდ უფრო მეტს მოინდომებდა.
იმ შემთხვევამდე წუთებით ადრე ალბათ იმაზეც ფიქრობდა, ამ მზიანი ესპანეთიდან - იმ ნისლიან ინგლისში რა დაბრუნდებაო. ცოტა სინანული გაკრავდა, მაგრამ გაახსენდებოდა, რომ წვიმიან ცის ქვეშ მდგარი სახლიც - სახლია და მასზე მნიშვნელოვანი არაფერია. არაფერი ჯობია იმის ცოდნას, რომ სადღაც გელოდებიან...
და ზუსტად ვიცი, რაზე ფიქრობდა მანქანაში 25 წლის ძმის გვერდით მჯდარი. ფიქრობდა, რომ - "ჩვენ ეს შევძელით. რაც გვინატრია, რაც პატარა სახლის პატარა კვადრატებში გაგვითამაშებია, წარმოგვიდგენია და დაგვიდგამს, დიდ სცენებზეც გადაგვიტანია!".
მართლა შეძლეს. ერთმა ამ თამაშის ცენტრში, მეორემ - პერიფერიაში, თუმცა მაგას ვინ ჩივის?! ორ ძმას ფეხბურთელი ერქვა და ერთმანეთით სიამაყე ყველაფერს ერჩივნა.
შესაძლოა, ბავშვობაში ლამბორგინის საჭით სხვა მანქანების გადასწრებობანაც გაუთამაშებიათ და ყველა ჯერზე გამოსვლიათ. სინამდვილეში - არ გამოვიდა...
დიოგუ ჟოტას სახლში აღარ დაელოდებიან.”
✍️ Tabsona.
“შემაძრწუნებელი ამბავია…
2 თვის წინ, პრემიერ ლიგის ჩემპიონი გახდა, 2 კვირის წინ ერთა ლიგა მოიგო და თავისი ბავშვობის სიყვარულზე იქორწინა, რომელთან ერთადაც 3 შვილი ჰყავს…
და დღეს?
თავისი ცხოვრების ყველაზე ბედნიერ პერიოდში, უმცროს ძმასთან ერთად ავტოკატასტროფაში დაიღუპა.
უმძიმესი ტრაგედიაა და ვის უნდა დამართნოდა, გული საშინლად რომ არ დამწყვეტოდა, მაგრამ ჟოტა თან ძალიან სასიამოვნო ადამიანი იყო.
თავმდაბალი, მშრომელი ბიჭი… მაგიტომაც პორტუს ფეხბურთელს, ბენფიკას და სპორტინგის ფანებიც დადებითად აფასებდნენ.
მე წესიერად ვულვზში “გავიცანი”, თავი იმით დამამახსოვრა რომ მაგრად აპრესინგებდა და კომპიუტერული თამაშები, განსაკუთრებით ფიფა, კარგად გამოსდიოდა…
კოვიდის დროს პრემიერ ლიგის ფეხბურთელებს შორის ტურნირი რომ ჩაატარეს, ჩემპიონიც გახდა.
ლივერპულში როცა გადავიდა, მახსოვს გამიკვირდა, ამხელა თანხა მხოლოდ დაპრესინგებაში რატომ გადაიხადეს მეთქი…
მაგრამ ჟოტა ახალ გუნდს მშვენივრად მოერგო, უნივერსალურობის, მომენტების საიმედოდ დაგვირგვინების და თავისი ქაოსური დრიბლინგის გამო ფანებს თავი მალევე შეაყვარა, რის გამოც სქაუზერებისგან, ჩემი აზრით ყველაზე ლამაზი ჩენთი მიიღო საჩუქრად.
ეგ ჩენთი აღარასდროს მოკვდება და მჯერა, კოპი წლების მერეც დიოგუზე იმღერებს.
ჟოტაც სულ გვემახსოვრება, როგორც თავმდაბალი, ჩუმი, ღიმილიანი ბიჭი, რომელსაც რამდენიმე დღის წინ თავი სამყაროში ყველაზე იღბლიანი ადამიანი ეგონა.”
YNWA.
✍️ Andro.
“ბევრი წერს თითქოს ოჯახის წევრი დავკარგეთო და მართლა ეგრეა, ჩვენი დიდი ოჯახის, ლივერპულის და სკაუზერების წევრი დავკარგეთ. დიდი ფეხბურთელი და კიდევ უფრო დიდი ადამიანი. მისი გოლით დავიწყეთ 2024/25 საჩემპიონო გზა რომელმაც დიდი სიხარული მოგვიტანა და ბოლოს ასეთი ტრაგედიით დასრულდა.. “
✍️ B.Godabrelidze.
📌 ლივერპული დიოგო ჟოტას ოჯახისთვის კონტრაქტის ბოლო ორი წლის სრულად გადაცემასა და მისი შვილების სწავლის დაფინანსებას აპირებს.
📌 ლივერპულმა დიოგო ჟოტას საპატივსაცემოდ 20 ნომრიანი მაისური ხმარებიდან ამოიღო.
📌 პრემიერ ლიგაში დიოგუ ჟოტას არასოდეს წაუგია მატჩი როცა ის გოლს იტანდა..
❤️ სამუდამოდ ენფილდის ფავორიტი DIOGOAL JOTA!
