17/09/2022
🎤ახალ ამბებს ვიწყებთ ცნობილი თურქი მომღერალი ჰადისეს გახმაურებული ქორწინება-განქორწინებით.
❤️ჰადისეს პირადი ცხოვრება ყოველთვის განსაკუთრებული ყურადღების ცენტრში იყო. როგორც ცნობილია მას ორი მეგობარი მამაკაცი ჰყავდა, ხოლო დანარჩენზე გავრცელებული ინფორმაცია მხოლოდ ჭორის დონეზე დარჩა.
💍 2021 წელს მსახიობ ქაან ილდირიმთან წელიწად ნახევრიანი ურთიერთობის დასრულების შემდეგ ურთიერთობა დაიწყო თურქ ბიზნესმენ მეჰმეთ დინჩერლერთან, წყვილი მალევე დაინიშნა, დინჩერლერმა ჰადისეს სამი მილიონი თურქული ლირის ღირებულების ნიშნობის ბეჭედი აჩუქა.
რამდენიმე თვის შემდეგ კი გავრცელდა ინფორმაცია რომ წყვილმა ოჯახის წევრების წრეში იქორწინა, თუმცა ქორწილის ფოტოები დღემდე არ გავრცელებულა. წყვილი საერთო ფოტოებით და ერთობლივი გამოჩენით ისედაც არ გვანებივრებდა, თუმცა საზოგადოების ყურადღება პირველად მეჰმეთ დინჩერლერმა მიიქცია, რომელსაც თავისი რესტორნების ქსელის ერთ-ერთი ფილიალის გახსნისას თითზე ბეჭედი არ ეკეთა! ასევე ჰადისემაც კონცერტებზე 3 მილიონიანი ბეჭდის გარეშე დაიწყო გამოსვლები, ერთ-ერთ კონცერტზე კი “Küçük Bir Yol “-ის შესრულებისას ცრემლებისგან თავი ვერ შეიკავა, ხოლო ბოლოს გამართულ კონცერტზე კი მაყურებლებს შემდეგი სიტყვებით მიმართა: “ნულოვანი ტოლერანტობა მათ, ვინც თავისუფლებას გიზღუდავთ, იცხოვრეთ თქვენი ცხოვრებით, არ გაჩერდეთ”.
⚖️ ამავე კონცერტიდან მალევე გავრცელდა ამბავი, რომ ჰადისემ განქორწინების საქმის წარმოება წამოიწყო შემდეგი მიზეზებით: მეჰმეთ დინჩერლერმა გამოავლინა შემზღუდველი დამოკიდებულება მისი სახელოვნებო ცხოვრების მიმართ, რამაც ფსიქოლოგიურ ზეწოლამდე მიაღწია! რაც ყველაზე საინტერესოა დინჩერლერმა ყველა ნაჩუქარი ოქროულის, მათ შორის ნიშნობის ბეჭდის უკან დაბრუნება მოითხოვა.
🤔რა თქმა უნდა, ამ ყველაფერს გულშემატკივრების მხრიდან დიდი გამოხმაურება მოჰყვა, ზოგი ფიქრობს რომ ჰადისემ ძალიან იჩქარა ქორწინების გადაწყვეტილების მიღებისას, ზოგიერთი კი ფიქრობს რომ მეჰმეთ დინჩერლერმა იგი თავის ახლადგახსნილი კაფეების სარეკლამოდ გამოიყენა.
👑 ვიმედოვნებ ჰადისე იპოვის ღირსეულ ადამიანს, თუმცაღა მარტოც მშვენივრად ბრწყინავს .
📽️ვიდეო აღებულია ჰადისეს ოფიციალური ტიკ-ტოკ გვერდიდან.
