She Loves The Gloves

11/08/2025

🇬🇪 World MMA Awards-ის ყველაზე პრესტიჟულ ჯილდოზე ნომინირებული 5 მებრძოლიდან 2 ქართველია!

MMA სამყაროს ყველაზე დიდ დამოუკიდებელ ჯილდოზე წარდგენილი ათლეტების ვინაობა რამდენიმე წუთის წინ გახდა ცნობილი, Merab "The Machine" Dvalishvili და Ilia Topuria კი წლის საუკეთესო მებრძოლის ნომინაციაში მოხვდნენ.

Fighters Only World MMA Awards, რომელსაც ასევე “MMA-ს ოსკარს” უწოდებენ, უკვე 16 წელია, შერეული ორთაბრძოლების საუკეთესო სპორტსმენებს და ინდუსტრიის გამორჩეულ წევრებს აჯილდოებს. წლევანდელი, რიგით მე-17 დაჯილდოება 2024 წლის 1 ივლისიდან 2025 წლის 30 ივნისის ჩათვლით მოპოვებულ წარმატებას აღნიშნავს და ამ პერიოდის მიღწევებით განისაზღვრება...

რომლებიც ორივე ქართველის შემთხვევაში უაღრესად შთამბეჭდავია:

🦾 მერაბ დვალიშვილის ამ პერიოდში მოპოვებული მიღწევები მოიცავს UFC-ის სუპერმსუბუქი წონის ტიტულის მოგებას (გასული წლის სექტემბერში, UFC 306-ზე, შონ ო'მალის წინააღმდეგ) და იმავე ტიტულის ორ წარმატებულ დაცვას (2025 წლის იანვარში, UFC 311-ზე, დაუმარცხებელ უმარ ნურმაგომედოვთან და ივნისში, UFC 316-ზე, ო'მალისთან რემატჩში).

🌹 რაც შეეხება ილია თოფურიას, საუბარი გვაქვს ქვემსუბუქი წონის ტიტულის ერთ წარმატებულ დაცვაზე (2024 წლის ოქტომბერში, UFC 308-ზე, მაქს ჰოლოუეის წინააღმდეგ) და მსუბუქი წონის ტიტულის მოპოვებაზე (ამ წლის ივნისში, UFC 317-ზე, ჩარლზ ოლივეირას წინააღმდეგ). აღსანიშნავია, რომ "მატადორი" გახდა პირველი დაუმარცხებელი მებრძოლი ისტორიაში, რომელმაც UFC-ში ორი ტიტულის მოპოვება მოახერხა.

ოფიციალური კრიტერიუმის მიხედვით, ჩარლზ ლიუისის სახელობის წლის მებრძოლის ჯილდო "გადაეცემა შერეული ორთაბრძოლების დარგის წამყვან წარმომადგენელს სპორტში შეტანილი წვლილისთვის - როგორც რინგის/ოქტაგონის შიგნით, ასევე მის გარეთ." დვალიშვილის და თოფურიას გარდა ნომინაციაში ასევე მოხვდნენ UFC-ის ქვემძიმე წონის ჩემპიონი მაგომედ ანკალაევი, UFC-ის უმსუბუქესი წონის ჩემპიონი ალეშანდრე პანტოჟა და PFL-ის 2024 წლის მსუბუქი წონის ჩემპიონი, გაჯი რაბადანოვი.

🤘 ხმის მიცემა ნებისმიერ მსურველს აქ შეუძლია: https://www.worldmmaawards.com/votenow/

11/08/2025

🫡 ცალკე სტატიად გაგიწერეთ ყველაფერი, რაც ამ მომენტისთვის ვიცით და რატომ უნდა გვადარდებდეს ქართველ მაყურებლებს ის, რაც, ერთი შეხედვით, მხოლოდ დასავლეთში მცხოვრებ MMA ფანს ეხება 👇

მოლოდინების საპირისპიროდ, ორგანიზაციამ ESPN-თან 2019 წელს დადებული ხელშეკრულება აღარ გააგრძელა.

11/08/2025

🚨 2026 წლიდან UFC-ის ტრანსლაციების ახალი პარტნიორი ეყოლება.

ორგანიზაციამ ESPN-თან კონტრაქტი აღარ გააგრძელა და იანვრიდან ამერიკული მედია გიგანტთან Paramount+/CBS თანამშრომლობას დაიწყებს.

🥊 გთავაზობთ ახალი შეთანხმების მთავარ დეტალებს:

- $7.7 მილიარდი, 7 წლის მანძილზე (დაახლ. $1.1 მილიარდი წელიწადში)
– 43 ღონისძიება წელიწადში (13 დიდი ქარდი და 30 Fight Night-ი)
- ე.წ. PPV, ანუ pay-per-view ტურნირები აღარ იარსებებს. ყველაფერი Paramount+/CBS ქსელში გადაინაცვლებს და ამ პლატფორმის მომხმარებლებისთვის ცალკე გადასახადის გარეშე იქნება ხელმისაწვდომი.

მოგეხსენებათ, ESPN-თან 2018 წელს გაფორმებული კონტრაქტი წელიწადში $550 მილიონს ითვალისწინებდა და MMA-სთვის უდიდესი წინ გადადგმული ნაბიჯი იყო, რომელმაც მთლიანად სპორტის პრესტიჟი გაზარდა, თუმცა, საგრძნობლად აისახა UFC-ის ტურნირების რაოდენობასა და ხარისხზე. ჯერ-ჯერობით რთულია იმის ვარაუდი, თუ როგორ შეიცვლება შერეული ორთაბრძოლების რეგულარული მაყურებლების ცხოვრება ამ შეთანხმების გაფორმების შედეგად და რამდენად იქნება ეს სიახლე დადებითი გრძელვადიან პერსპექტივაში.

🤘 აღსანიშნავია ასევე, რომ ESPN და Paramount-ის გარდა, მოლაპარაკებებში მონაწილეობდნენ ისეთი დიდი სტრიმინგ პლატფორმები, როგორიცაა Netflix და Amazon.

10/08/2025

რომან დოლიძის და ენტონი ერნანდესის ბრძოლამ გულშემატკივრებში არაერთგვაროვანი ემოციები გამოიწვია და დღევანდელი ლაივის გახსნაც ოდნავ განსხვავებულ ნოტაზე მომიწია… ზოგადი გზავნილი, მგონი, ამ სივრცესაც გამოადგება 🫰

10/08/2025

ერთადერთი ადამიანი, ვისაც Ilia Topuria-ს დამარცხება შეუძლია 🥹🫰

10/08/2025

ვიწყებთ ❤️‍🔥

შემოგვიერთდი 👇

10/08/2025

🫡 15:00-ზე გელით ტრადიციულ ლაივში, სადაც დოლიძე-ერნანდესის დღევანდელ ბრძოლაზე, DDP-ჩიმაევის სატიტულოზე და ბევრ სხვა რამეზეც ვისაუბრებთ 🤘

10/08/2025

"ფლაფი" ძალიან-ძალიან ბოროტი კაცია 😱

ენტონი ერნანდესმა რომან დოლიძე მე-4 რაუნდში მახრჩობელა ილეთით დაამარცხა. მანამდე კი, აბსოლუტურად დომინანტური პერფორმანსი აჩვენა და თავი საშუალო წონის ერთ-ერთ მთავარ კონტენდერად დაიმკვიდრა.

❌ აღსანიშნავია, რომ რეფერი ჰერბ დინმა დოლიძეს წესების არაერთხელ დარღვევისთვის ქულა დააკლო, თუმცა, საბოლოო ჯამში ამას შედეგზე გავლენა არ ჰქონია, რადგან მატჩის ბედი მსაჯების გადაწყვეტილებამდე არ მისულა.

10/08/2025

Merab "The Machine" Dvalishvili 🤜🤛 Roman Dolidze

სუპერმსუბუქი წონის ჩემპიონი ვეგასშია და დღევანდელ ბრძოლაში რომანის კუთხეში იქნება 🇬🇪

09/08/2025

🤘 მთავარი ბრძოლის მონაწილეები უკვე ადგილზე არიან. რომან დოლიძის და ენტონი ერნანდესის დაპირისპირებამდე (დაახლოებით) ორ საათამდე რჩება ❤️‍🔥

09/08/2025

🥊 დოლიძე VS. ერნანდესი - რას გვეუბნება სტატისტიკა?

რომან დოლიძის და ენტონი "ფლაფი" ერნანდესის ხვალინდელი ბრძოლა სტილისტურად ძალიან საინტერესო დაპირისპირებას წარმოადგენს. ორივე მებრძოლი კარგი გრეპლერია, თუმცა, შეიძლება ითქვას, რომ ერნანდესი ბრძოლის ვადამდე დასრულებისთვის ამ უნარს უფრო აქტიურად იყენებს: "ფლაფის" ანგარიშზეა 8 მოგება საბმიშენით. ამის გარდა, დღეს ერნანდესს საშუალო წონის აქტიური მებრძოლებიდან ყველაზე მეტი კონტროლის დრო (1:03:25 სთ) და საბმიშენების საშუალო მაჩვენებელი აქვს (1.95 საბი 15 წუთში). ამერიკელს ასევე ეკუთვნის დივიზიონის აბსოლუტური რეკორდი შესრულებულ გდებებში - 45 გდება 10 UFC ბრძოლაში. გდებების დაუღალავი მცდელობების და კარგი კარდიოს გამო, ერნანდესს ხშირად "საშუალოწონოსან მერაბს" უწოდებენ.

თუმცა, როგორც უკვე აღვნიშნე, გრეპლინგში "ფლაფის" არც რომან დოლიძე ჩამოუვარდება. ქართველს კარგი ჯიუ-ჯიცუ და უმძიმესი ground-and-pound აქვს - დოლიძის წარმატებას ხშირად სწორედ პოზიციური კონტროლის და მიწაზე დარტყმების კომბინაცია განაპირობებს. გრეპლინგის გარდა, აღსანიშნავია ბათუმელის ძალაც, რომელმაც მებრძოლს კარიერაში ნოკაუტით 8 გამარჯვება მოუტანა. ცალკე ყურადღებას იმსახურებს რომანის 8 ფინიში პირველივე რაუნდში - ეს აგრესიულობა და ბრძოლაში ეგრევე "ჩართვის" უნარი ერნანდესსთან დაპირისპირებაში შეიძლება ძალიანაც საინტერესო იარაღი აღმოჩნდეს: "ფლაფი" სწრაფი სტარტით არ გამოირჩევა, მას პირველ წუთებზე მეტოქის შესწავლა უყვარს და მხოლოდ ამის შემდეგ ამერიკელი აქტიურ, დაუსრულებელ პრესინგზე გადადის ხოლმე. თუმცა, ერნანდესის მოთმინებასაც თავისი პლუსები აქვს: "ფლაფის" დივიზიონში მნიშვნელოვანი დარტყმების ყველაზე მაღალი სიზუსტე აქვს (63%).

🗞 მთავარი ბრძოლის სრული პრევიუს წასაკითხად, გადადი აქ: http://bit.ly/45Ifbpx

09/08/2025

🐺 x 🐐 - ხამზატ ჩიმაევი ყველა დროის საუკეთესო საშუალოწონოსან, ანდერსონ სილვასთან 🤘