31/01/2025
,,გამარჯობა,
ერთადერთი, რის გამოც ამ პოსტს ანონიმურად ვდებ არის ის, რომ მამაჩემმა არ მინდა ნახოს, იმიტომ რომ ჩემს ჩანაფიქრს მიუხვდეს.
დარწმუნებული ვარ ჩემი “ბრწყინვალე” გამოცდილებით ვერავის გაგაკვირვებთ, რადგან არ მგონია მსგავსი რეპლიკების მოსმენის პირველი მსხვერპლი ვიყო, თუმცა…
მამაჩემის 50 წლის იუბილესთვის მინდოდა შემეძინა ოქროს სამკაული (ბეჭედი). ვარ 20 წლის სტუდენტი, შემოსავალზე მეტი, რა თქმა უნდა გასავალი მაქვს და არც ამ მხრივ ვარ გამონაკლისი. შევედი ცენტრალში, მონიშნულ “22” ნომერ მაგიდას მივადექი, იჯდა ასე 60 წლის ულვაშებიანი “კაცი”, მოვახსენე ჩემი ბიუჯეტი, 1000-1200 ლარის ფარგლებში ვეძებ მამაკაცისთვის ბეჭედსთქო. მგონი არც გასაკვირი ან გასაბრაზებელი ფასი მითქვამს, მინახავს ამ ბიუჯეტში აქ ატვირთული უამრავი ბეჭედი თუ სხვა ტიპის სამკაული. მესმის ისიც, რომ არც თუ ისე დიდი თანხაა ოქროსთვის, თუმცა მაგის ჩამოშლაც შეიძლება სხვადასხვა კრიტერიუმებად. ბევრი რომ არ გამიგრძელდეს, იმის ნაცვლად რომ ეთქვა, უბრალოდ “არ მაქვს” და გავეტარებინე, დაიწყო დამცინავი რეპლიკით, რომ “ 1000 ლარი ბეჭდისთვის რა არის”, სანამ პასუხს გავცემდი, გამოესარჩლა “229”-ე მაგიდაზე მჯდომი “ქალბატონი”, საკმაოდ აგრესიული ტონით, რომ “ეს მაგარი იციან ამ ბოლო დროს, მოვლენ და 1000 ლარში ეძებენ ოქროს, რამდენის უნდა იყოს? 1 გრამი? გაიმეტეთ ცოტა ფული”…
ოღონდ ამ ყველაფერს მეუბნება სრული აგრესიით. ვერ გეტყვით, რა დამემართა. ზოგადად ძალიან ემოციური ვარ, იმისთვის რომ ეს ვისთვის “მინიმალური” და ჩემთვის “ბევრი” დამეგროვებინა, ბევრი შრომა მომიწია. ძალიან გავბრაზდი, გავწბილდი, ძალიან მეწყინა, მეტკინა და მოკლედ. სულ ცოტაც და ავტირდებოდი, თუმცა ჩემმა სიამაყემ ამის საშუალება არ მომცა და მივუბრუნდი
“აქვს კი ბევრი ყველას, რომ გაიმეტოს?” იმ “კაცს” გადმოლაგებულ ნივთებზე უარი ვუთხარი, რა თქმა უნდა და წამოვედი, ამ ქალბატონმა, რომელიც ფოტოზე რა თქმა უნდა ნახევრი ტანით ჩანს და თავს არ მივეცი უფლება გადამეღო, უკან რაღაც მომაძახა რაც, ჩემდა სამწუხაროდ, ვერ გავიგე, ან რაღა აზრი ჰქონდა. ისევ მე მეტკინებოდა გული. არც რამის შერჩევის სურვილი მქონდა, იმდენად იმოქმედა ჩემზე რომ გაწბილებული გამოვბრუნდი სამსახურში.
პირველ რიგში, ამხელა პოსტი იმიტომ დავწერე რომ იცნობდეთ ასეთ უკულტურო, უზნეო ადამიანებს.
და მეორე რიგში, არასდროს, არავის არ მიმართოთ ასე🙏🏻არავინ არ იცით, ვის რის ფასად უჯდება თქვენთვის “დასაცინი” შემოსავლის შოვნა სულ მცირე. რამხელა ენერგიის, ნერვების, რამდენი ნათენები ღამის ფასად. “ - წერს ერ-ერთი მომხარებელი სოციალურ ქსელში.
