20/07/2025
ტრამპს ქრონიკული ვენური დაავადების დიაგნოზი დაუსვეს, თუმცა თეთრი სახლი ირწმუნება, რომ პრეზიდენტი შესანიშნავ ფორმაშია. - ინფორმაციას Bild-ი ავრცელებს.
საუბარია ქრონიკულ ვენურ უკმარისობაზე, - გავრცელებულ დაავადებაზე, რომლის დროსაც, დაზიანებული ვენების ან ვენური სარქვლების გამო, სისხლი ფეხებში არ მოძრაობს. თუ დაავადება უგულებელყოფილი იქნება, ამან შეიძლება გამოიწვიოს შეშუპება, ვარიკოზული ვენები და წყლულებიც კი.
„ვენური უკმარისობა ქრონიკული დაავადებაა. ეს ნიშნავს, რომ თავად თერაპია არ იძლევა ხანგრძლივ გაუმჯობესებას, - ის ამსუბუქებს სიმპტომებს, მაგრამ ძირითადი დაავადება რჩება და, რა თქმა უნდა, შეიძლება, გაუარესდეს.“ - განუცხადა ექიმმა-ფლებოლოგმა გამოცემას.
დიაგნოზის მიუხედავად, თეთრი სახლი ამტკიცებს, რომ ტრამპი „ჯერ კიდევ შესანიშნავ ფორმაშია და 24 საათის განმავლობაში მუშაობს“. თეთრი სახლის პრეს-მდივნის, კეროლაინ ლივიტის თქმით, აშშ-ის პრეზიდენტს საერთოდ არ აქვს ჯანმრთელობის პრობლემები.
