27/05/2026
პირველად BDC-ის სცენაზე ჯგუფი REGGAEON
31 მაისს BDC-ში კონცერტების სეზონს ჯგუფი REGGAEON გახსნის, რომელიც კულტურული ჰაბის სცენაზე პირველად წარდგება და საღამოს რეგის ენერგიით, თავისუფლების ატმოსფეროთი და მსმენელისთვის საყვარელი ჰიტებით აავსებს.
საღამოს განმავლობაში შესრულდება ჯგუფის ყველაზე ცნობილი სიმღერები, რომლებმაც REGGAEON-ს წლების განმავლობაში ერთგული აუდიტორია და განსაკუთრებული ადგილი შეუქმნა ქართულ მუსიკალურ სივრცეში.
REGGAEON ერთ-ერთი პირველი რეგი ჯგუფია საქართველოში, რომელიც 2008 წელს, ქალაქ რუსთავში ჩამოყალიბდა. ჯგუფის მუსიკა აერთიანებს რეგის ჟღერადობას, ქართულ მელოდიებსა და თავისუფლების იდეას.
კონცერტი გაიმართება BDC-ში — ახალ მრავალფუნქციურ კულტურულ ჰაბში, რომელიც აერთიანებს თანამედროვე სცენას, პროფესიონალურ ტექნიკურ ინფრასტრუქტურას, ხმის ჩამწერ სტუდიას, სარეპეტიციო სივრცეებსა და სხვადასხვა ფორმატის კულტურულ პროექტებს.
კონცერტის დასრულების შემდეგ საღამოს გააგრძელებს BDC Folk Modern Band სპეციალური live პროგრამით.
ღონისძიების განმავლობაში იმუშავებს BDC ბარი მრავალფეროვანი სასმელების მენიუთი და სპეციალურად შექმნილი ქართული კოქტეილებით.
სივრცეში გათვალისწინებულია როგორც დასაჯდომი, ასევე დასადგომი ადგილები.
მისამართი: გურამ ფანჯიკიძის 1 (ყოფილი ბუდაპეშტის ქუჩა)
კარის გახსნა: 20:00
ბილეთები: tkt.ge
BDC.Stage
REGGAEON | რეგიონი
