24/09/2025
💬 “მტკიცედ უარვყოფთ უსაფუძვლო და ზიანის მომტან ბრალდებებს საქართველოში ზოგიერთი დიპლომატიური მისიის როლისა და საქმიანობის შესახებ. ასეთ დეზინფორმაციას შეცდომაში შეჰყავს საზოგადოება და ძირს უთხრის ჩვენი დიპლომატიური მისიების მიერ მათი მოვალეობების შესრულების შესაძლებლობას”, — ვკითხულობთ 27 საელჩოს განცხადებაში.
🛑 აქვე ხაზგასმულია, რომ დიპლომატებისთვის მთავრობასთან, ოპოზიციასთან, სამოქალაქო საზოგადოებასთან და ზოგადად მოქალაქეებთან შეხვედრა მუშაობის ნაწილია და ვენის კონვენციას სრულად შეესაბამება. საელჩოები აცხადებენ, რომ არცერთ კონკრეტულ პოლიტიკურ პარტიას არ უჭერენ მხარს და ყველა აქტორს მოუწოდებენ, უარი თქვან ძალადობის ნებისმიერი ფორმაზე და დაგმონ ის.
💬 “მოვუწოდებთ ყველა პოლიტიკურ ლიდერს, თავი შეიკავონ დაპირისპირების გამომწვევი რიტორიკისგან და ძალისხმევა დაძაბულობის განმუხტვისკენ მიმართონ”, — აცხადებენ ავსტრიის, ბელგიის, ბულგარეთის, ხორვატიის, ჩეხეთის, კვიპროსის, დანიის, ესტონეთის, ევროკავშირის, ფინეთის, საფრანგეთის, გერმანიის, საბერძნეთის, ირლანდიის, იტალიის, ლატვიის, ლიეტუვის, ლუქსემბურგის, ნიდერლანდების, ნორვეგიის, პოლონეთის, პორტუგალიის, რუმინეთის, სლოვენიის, ესპანეთის, შვედეთის და დიდი ბრიტანეთის საელჩოები.
🛑 ქართული ოცნების ლიდერები საჯარო განცხადებებში ხშირად ამბობენ, რომ ევროკავშირიდან დაფინანსებული პროექტები, ან კონკრეტული საელჩოები ძაალადობას ახალისებენ.
