What are the opening hours?

Monday 10:00 - 19:00 Tuesday 10:00 - 19:00 Wednesday 10:00 - 19:00 Thursday 10:00 - 19:00 Friday 10:00 - 19:00

გამომცემლობა ინტელექტი • Intelekti Publishing

Home
Georgia
Tbilisi
გამომცემლობა ინტელექტი • Intelekti Publishing

Intelekti Publishers was founded in 1994.
(1)

გამომცემლობა „ინტელექტი“ დაარსდა 1994 წელს. მას შემდეგ გამომცემლობა გამოსცემს სახელმძღვანელოებს ქართულენოვანი და არაქართულენოვანი სკოლებისთვის, თანამედროვე და კლასიკურ პოეზიას, პროზას, თარგმანებსა და ლექსიკონებს.

ამას გარდა, გამომცემლობა „ინტელექტს“ განსაკუთრებით პოპულარული რამდენიმე საავტორო სერია აქვს, მათ შორის: „აკრძალული წიგნების თარო“, „Magnum Opus“, „გაკვეთილების შემდეგ საკითხავი“, „ინტელ

ექტი 25 წლისაა“ და ა.შ. Since then our publishing house has been publishing text-books for schools and Universities for Georgian and non Georgian schools, poetry, prose, translations and vocabulary. Apart from this, Intelekti Publishers has several exceptionally popular author series, such as: „The Banned Books Shelf“, „Magnum Opus“, „Home Reading Books“, „Intelekti Is 25 Years Old“, etc.

12/08/2025

💬 სარა მესა თანამედროვე ესპანური ლიტერატურის გამორჩეული მწერალია, მისი წიგნი „ნაიარევი“ მოგვითხრობს ორი ადამიანის რთული და წინააღმდეგობრივი ურთიერთობის შესახებ.

⬛️ რომანის სიუჟეტური ქარგა მხოლოდ საბაბია იმისათვის, რომ მწერალმა ასახოს პიროვნული გაორების, მარტოსულობის, სამყაროში დაკარგულობის, მრუდე სარკეებში არეკლილი რეალობის ტკივილამდე განცდილი ფსიქოლოგიური დრამა.

⬛️ „ნაიარევის“ გზამკვლევი უნივერსალური ლიტერატურაა, შეიძლება ითქვას, რომ ის პალიმფსესტური წიგნია – სხვა ტექსტებზე გადაწერილი ტექსტი, რომლის შრეებშიც ჩვენთვის ნაცნობი და ძვირფასი ლიტერატურული სახეები ილანდებიან. – ლანა კალანდია | მთარგმნელი.

📘 სარა მესას „ნაიარევის“ შეძენა შეგიძლიათ როგორც წიგნის მაღაზიებში, ისე ონლაინ, ბმულზე 👉 https://shorturl.at/f3Oii

#ინტელექტი #ლანაკალანდია #ნაიარევი #სარამესა

11/08/2025

❓ იცი ვინ არიან ლომგულები? 🦁

✍️ გამოგვიგზავნე კომენტარებში შენი თვალით დანახული ლომგულების ისტორია.
წესები ძალიან მარტივია:

✅ დაწერე პატარა ამბავი, რომელიც არ აღემატება 20 წინადადებას;
✅გამოიყენე ნაწერში შემდეგი სიტყვები: ლომგული, სიკეთე, სამყარო, ზრუნვა, ცხოველები, უფლებები, დაცვა;
✅ 15 აგვისტოს ჩათვლით ატვირთე აქვე, პოსტის ქვეშ.

📜💡 გამომცემლობა „ინტელექტი“ შეარჩევს 2 საუკეთესო წერილის ავტორს და საჩუქრად გადასცემს ნინო ხარატიშვილის პიესას „ლომგულები” .

🏆 📚📖წიგნის მისაღებად გვეწვიე გამომცემლობა „ინტელექტის” ოფისში.

👉 20 აგვისტოს, 10-დან 18:00 საათამდე.
ჭავჭავაძის #5

#ინტელექტი #ნინოხარატიშვილი

07/08/2025

☀️ ზაფხულს განსაკუთრებით უხდება ფერები — „ინტელექტი.კლასიკა“, ჩვენი ახალი, ფერადი და გამორჩეული სერიაა, რომელიც მსოფლიო ლიტერატურის უკვე კლასიკად ქცეულ ნაწარმოებებს აერთიანებს.

📖 სერიის ფარგლებში მკითხველს საშუალება აქვს გაეცნოს ნიკოს კაზანძაკისის, ჯონ სტაინბეკის, ადამ მიცკევიჩის, არტულ
მილერის, ელზა მორანტეს, ნათანიელ ჰოთორნის, ოლდოს ჰაქსლის, ედგარ ლი მასტერსის და სხვა ავტორების შედევრებს, რომლებიც ორიგინალის ენიდან პირველად ითარგმნა ქართულად.

📕 მიუხედავად იმისა, რომ სერია ჯერ ახალია, მკითხველების დიდი სიყვარული უკვე დაიმსახურა. სერიის წიგნებს მარტივად გამოარჩევთ, რადგან თითოეული გამოცემა განსაკუთრებული დიზაინით იქმნება.

📗 ასე რომ, ზაფხულის ბოლო, ცხელი დღეები, „ინტელექტი.კლასიკის“ წიგნებით შეგიძლიათ გაიფერადოთ!

📚 „ინტელექტი.კლასიკა“ სერიის ყველა წიგნი შეგიძლიათ იხილოთ ბმულზე 👉 https://rb.gy/5r5u41

#ინტელექტი #ინტელექტიკლასიკა

06/08/2025

💬 „რომანს სამი წელი და ოთხი სხვადასხვა ვერსიის მოცვლა დაჭირდა, თუმცა პირველივე წუთიდან ვიცოდი – „სევდაპიცას“ აუცილებლად დავასრულებდი და იქნებოდა ზუსტად ისეთი, როგორიც უნდა ყოფილიყო. ისეთი სიამოვნება წერისგან და ზოგადად პროცესისგან, რაც „სევდაპიცაზე“ მუშაობისას მივიღე, მანამდე არაფრისგან არ მიმიღია. სიამოვნება კი სადომაზოხისტური გზებითაც შეგიძლია განიცადო. სწორედ ეს შემთხვევა იყო – სამი წლის განმავლობაში ვგრძნობდი, როგორ მხრავდა შიგნიდან „სევდაპიცა“ ნელ-ნელა და რომანიც უფრო და უფრო მძიმდებოდა, ანუ ხდებოდა ისეთი, როგორიც ჩაფიქრებული მქონდა და ამის გააზრება, ამის დანახვა კიდევ უფრო მეტ საწვავს მაძლევდა, თუნდაც საკუთარი ფიზიკური, თუ მენტალური ჯანმრთელობა დაუფიქრებლად შემომედო სასწორზე…

▪️ ხშირად მქონდა ფრუსტრაციის და აპათიის ეპიზოდებიც, როცა ბევრჯერ დაწერა-წაშლა-რედაქტირება-წაშლა-დაწერა-რედაქტირების შემდეგ ესა თუ ის თავი მაინც არ გამოდიოდა ისეთი, როგორიც მინდოდა… თუმცა, არცერთხელ არ მიფიქრია თავის დანებებაზე და როცა სამწლიანი წერის შემდეგ ბოლო წერტილი დავსვი და მთელი წიგნი ახლიდან გადავიკითხე, ვიცოდი, რომ იმ აბსტრაქტულ შედეგს, თავში და გულში დაწესებულ რაღაც ნიშნულს მივაღწიე, რაც მიზნად მქონდა…

▪️ ფილმის იდეა, რომლის სცენარის ფრაგმენტებიც რომანშია ჩართული, წიგნზე მუშაობის დროს გამიჩნდა. ჩემი რომელიმე ძველი სცენარი არ გამომიყენებია. ეს სცენარიც თავიდან ბოლომდე დავწერე, რომ მერე ნაწილებად დამეშალა და მხოლოდ ის ფრაგმენტები გამომეყენებინა, რომლებიც რომანს ჭირდებოდა. იგივე ითქმის „სევდაპიცაზეც“ – მიუხედავად იმისა, რომ თხრობა არალინეარულია და ერთგვარი ქრესტომათიის სახითაა მოწოდებული, ჯერ, რა თქმა უნდა, მთელი ამბის მოფიქრება და ლინეარულად დალაგება იყო საჭირო, რომ შემდეგ ჩემ გემოზე დამეჩეხა და ზედმეტი ამომეღო. გავმეროდები და ასეთი სადომაზოხისტური სიამოვნება აქამდე ცხოვრებაში არ მქონდა განცდილი. არაერთხელ მიფიქრია, რომ მარტო ეს პროცესიც საკმარისი იქნებოდა, შედეგის მიუხედავად. საკმარისი რისთვის – კარგად არ ვიცი. ალბათ, არსებობის გასამართლებლად…

▪️ „სევდაპიცას“ წერა ბარსელონაში დავასრულე. იმ საღამოს პლაჟზე ჩავედი. მარტო ვიჯექი, ირგვლივ კაციშვილი არ იყო. ჩამავალი მზის წინ მფრინავი თოლიების სილუეტებს ვუყურებდი, არ გავურბოდი კმაყოფილების შეგრძნებას, რომელიც სამი წლის შემდეგ რომანის დასრულებამ მომიტანა და მახსოვს, გავიფიქრე, რომ ახლა უკვე მზად ვიყავი, თუნდაც იმავე წამს მთელი სამყაროს აღსასრული მენახა“, – ლაშა მილორავა.

✍️ ინტერვიუს სრული ვერსია შეგიძლიათ იხილოთ ჟურნალ „ქართულ მწერლობის“ ივლის-აგვისტოს ნომერში.

📓 ლაშა მილორავა, „სევდაპიცა“ | შეძენა შეგიძლიათ როგორც წიგნის მაღაზიებში, ისე ონლაინ, ბმულზე 👉 https://tinyurl.com/43vjb9ma

#ინტელექტი #ლაშამილორავა #სევდაპიცა #ქართულიმწერლობა

05/08/2025

💬 „ლიტერატურაშიც და კინოშიც შეჩვეულები ვართ, რომ ნაწარმოებს ერთი მთავარი გმირი ჰყავს – გმირი, რომელმაც დაბრკოლებებით სავსე გზა უნდა გაიაროს, ეს დაბრკოლებები გადალახოს, გაიმარჯვოს, დამარცხდეს, საკუთარი თავი შეიცნოს, ტრანსფორმაცია განიცადოს... ასეთია თამაშის წესი.

▪️ მაგრამ შოთა იათაშვილის ახალი რომანი ამ წესს არღვევს. „ბედნიერებას“ მთავარი გმირი არ ჰყავს. აქ უამრავი პერსონაჟი დაგხვდებათ, რომლებიც, თავიანთი მსოფლმხედველობითა და ცხოვრების სტილით, ერთმანეთისგან რადიკალურად განსხვავდებიან, თუმცა, ყველას ერთი საერთო აქვს: ბედნიერებას ეძებენ, ან მასზე ფიქრობენ მაინც.

▪️ მარკეტში მომუშავე, სტუდენტი ანა, რომელსაც თავისი ყოველდღიურობა ძალიან ღლის და ასევდიანებს. ქმართან გაშორების პროცესში მყოფი ლალი, რომელიც ოდესღაც ლექსებს წერდა და ახლა, საგანგებოდ გამოპრანჭული დაიარება წიგნების პრეზენტაციებზე. ცოცხალ გვამად ქცეული მანუჩარი, რომელსაც ყველაფერზე ხელი ჩაუქნევია და თვითმკვლელობაც კი არ გამოსდის. ნოდარი, რომელიც ბედნიერების შესახებ პასუხს წიგნებში ეძებს და ვერაფრით იჯერებს, რომ ადამიანს, შეიძლება, ბედნიერება აშინებდეს... ეს პერსონაჟები ქალაქის ერთი კორპუსის მაცხოვრებლები და მათთან დაკავშირებული ადამიანები არიან. თუმცა, მათ კიდევ ერთი რამ, უფრო სწორად, ერთი ვინმე აკავშირებთ: კარლო, რომელიც, გაზის ინკასატორის სახელით, კარდაკარ დადის და კორპუსის ბინადართა ბინებში ჩუმად ტოვებს ბედნიერების ბურთულებს.

▪️ პერსონაჟები ერთმანეთის ცხოვრებაში მონაწილეობენ, ერთმანეთის მეშვეობით რეფლექსირებენ და ზოგჯერ, ერთმანეთის გაბედნიერებასაც ცდილობენ. ფაქტობრივად, არ არსებობს მკითხველი, რომელსაც ეს წიგნი არ შეეხება. „ბედნიერების“ გმირები, მთლიანობაში, მთელ თანამედროვე საზოგადოებას წარმოადგენენ.

▪️ მოკლედ, ყველა აქაა, თავისი დრამებით და კომედიებით, ცხოვრებაზე ბრაზით და ცხოვრებისგან დაღლილობით, ხალისით, სევდით, ოცნებებით, და ყველა თავისებურად ცდილობს, ბედნიერების წამები განიცადოს: სიყვარულით, სექსით, ახალი ნაცნობობით, ცეკვით, ლოცვით. წიგნის ავტორიც ერთ-ერთ პერსონაჟად გვევლინება და სინამდვილეში, სხვა პერსონაჟთა მეშვეობით, თავად იკვლევს ბედნიერებას. ხოლო თუ ერთმნიშვნელოვან პასუხს არ გვცემს, კითხვებს მაინც გვიტოვებს. კითხვის დასმა კი უკვე დიდი საქმეა“, – მარი ბექაური.

✍️ სტატია სრულად შეგიძლიათ იხილოთ ჟურნალ „ქართული მწერლობის“ ივლის-აგვისტოს ნომერში.

📓 შოთა იათაშვილი, „ბედნიერება“ (სწრაფი რომანი) | შეძენა შეგიძლიათ როგორც წიგნის მაღაზიებში, ისე ონლაინ, ბმულზე 👉 https://rb.gy/46ijfl

#ინტელექტი #მარიბექაური #შოთაიათაშვილი #ბედნიერება #სწრაფირომანი

05/08/2025

💬 „თუ ვინმეს ჭეშმარიტი ზურაბ კიკნაძის ნახვა უნდოდა, უნდა ენახა უნივერსიტეტთან, ავტობუსის გაჩერებაზე მდგარი და მომლოდინე. მდგარი მრავალთა შორის და მსგავსი მრავალთა. მაგრამ ერთია – თუ იცოდი ვინ იყო, ეს მსგავსება ქრებოდა და იდგა კაცი, რომელიც არ იდგა, რადგან იმ კაცს იქაურობის არაფერი ეცხო – იმაზე შორს იყურებოდა, ვიდრე ნებისმიერ ავტობუსს შეუძლია წასვლა, ნებისმიერ მანქანას და მატარებელს. იყურებოდა შორს და უკან, უკან – შუამდინარეთში.

▪️ სამი წლის წინ, ზურაბ კიკნაძეს სოფელში ვეწვიე, სადაც აქაურ ყოფას განერიდა. ქურუმის გარეგნობის კაცი ისე დასახლდა, როგორც ქურუმს ეკადრება – შორს ხალხისგან და ახლოს საკუთარ თავთან.

▪️ „ზენ ბაცალიგოს თოვლსა თოვს,
ქვენ ბაცალიგოს შრებისა“, – მითხრა სალმის გამივრად.

▪️ მეტი აღარც მინახავს. ყველა სიტყვა მახსოვს, რაც ილაპარაკა და იმ სიტყვათაგან ყველაზე მეტად ეს – „მეტანოია!“.

▪️ აქ, მარტომყოფი, ძველ ცოდვებს ვიშინაურებო. განა, რა ცოდვა ჰქონდა ასეთი, მაგრამ ზუსტად იცოდა – ადამიანი განცდის და განსჯის არსებაა, განწმენდის და გარდასახვის. უფრო სწორედ, სჯობს რომ ასეთი იყოს და არა იმგვარი, ეს ზედაპირული ეპოქა რომ დაჟინებით გვაძალებს. „მეტანოია!“ – ეს მითხრა გამოსამშვიდობებლად, როცა გამომაცილა. ჭიშკარს რომ გავხედე მიმავალმა, ჭიშკართან იდგა და ჭიშკარი გვშორდებოდა და გვშორდებოდა ადამიანიც, ჭიშკართან მდგარი. მაგრამ იმ სიშორიდან, კაცი აღარ ჩანდა და სიტყვა ძალიან ახლოს მესმოდა – „მეტანოია!“.

▪️ „ამარგი“ არის მეტანოია. ადამიანად ყოფნის გააზრება და მონანიება. ოღონდ მონანიება და არა – სინანული. თუმცა ამასაც წერს: „მხოლოდ სინანული რჩება წასულებთან ჩვენი ურთიერთობის ენად“.

▪️ იწყება ტექსტი ისე, როგორც გენიოსს შეშვენის. ყველა წინადადება თითო რომანია. Pro domo sua. ავტობიოგრაფია შვიდი წინადადებით. ველოსიპედი. ტვირთი და მტვირთველი. ორი სიზმარი. ერთი გამოცდა. მეორე ვიღაცის ლოდინი სახლში. ამას რომ ვკითხულობდი, უცებ შერიფის ფინალური მონოლოგი გამახსენდა კოენების ფილმიდან „მოხუცების ადგილი აქ არ არის“. და საერთოდ, იმათი ფილმი და ზურაბის წიგნი რაღაცით ჰგავს ერთმანეთს – ცოტა ირონიული ჭიდილი სიკვდილის და სიცოცხლის – „დავწერდი, რომ ყველაფერი სიცოცხლესთან ერთად დასრულდა“.

▪️ მგონი მოცულობით დიდ წიგნებს დღეს აღარ კითხულობენ და ბევრსაც კარგავენ. მაგრამ „ამარგის“ წაუკითხაობა ბევრზე უფრო ბევრს დაგაკარგვინებთ. მაგიური წიგნია, უწუნო და ზუსტი, გამოთლილი და გათვლილი წინადადებით, სუნთქვისდამხშობი სიღრმით და სივცრით, სუნთქვისმომნიჭებლით.

▪️ რადგან კინო ვახსენეთ, ჰგავს ცოტათი „ამარკორდსაც“ – ერთდროულად ფრაგმენტულია, თითქოს უსიუჟეტო და ამავდროულად – მთლიანი.

▪️ „გზა ყველაფერია. გზა უნდა გიყვარდეს უფრო მეტად, ვიდრე მისაღწევი ადგილი“. მისაღწევი ადგილი, საბოლოო და გარდაუვალი – სიკვდილია. ამიტომაც არის არჩევანი – სიცოცხლე. ოღონდ სიცოცხლე, რომელსაც ალუდა ირჩევს. ალუდა, როგორც მთავარი ქართული პერსონაჟი ავთანდილთან ერთად, ჯერაც შორი და მიუღწეველი.

▪️ ფიქრის და წერის კაცი იყო. დიდი კაცი. ალბათ ლაპარაკისაც, მაგრამ ბევრი ამ ლაპარაკს ვერ იგებდა. ეს ლაპარაკი რომ გაგეგო, ჭეშმარიტი ზურაბ კიკნაძე უნდა გენეხა, ავტობუსის გაჩერებაზე მდგარი და მომლოდინე. აწი ვეღარ ნახავთ და თუ მაინცდამაინც მოგინდათ – „ამარგი“ წაიკითხეთ“, – გიორგი კეკელიძე.

📘 ზურაბ კიკნაძე, „ამარგი“ / „ალუდას ნახტომი“ | შეძენა შეგიძლიათ როგორც წიგნის მაღაზიებში, ისე ონლაინ, ბმულზე 👉 https://bit.ly/3AQKK0N

📚 Magnum Opus სერიის სხვა წიგნები შეგიძლიათ იხილოთ ბმულზე 👉 https://bit.ly/3X0or1D

#ინტელექტი #გიორგიკეკელიძე #ზურაბკიკნაძე #ამარგი #ალუდასნახტომი

04/08/2025

📺 გზამკვლევი ბავშვის შინაგან სამყაროში – ვაიოლეტ ოკლანდერის წიგნის შესახებ ფსიქოლოგი, ფსიქოთერაპევტი – მზიკო დალაქიშვილი „ფორმულას“ ეთერში, ზვიად კვარაცხელიას ლიტერატურულ რუბრიკაში საუბრობს.

📘 ვაიოლეტ ოკლანდერი, „დამალული განძი“ (გზამკვლევი ბავშვის შინაგან სამყაროში) | შეძენა შეგიძლიათ როგორც წიგნის მაღაზიებში, ისე ონლაინ, ბმულზე 👉 https://rb.gy/a456pa

📖 პროექტის ავტორი და რედაქტორი: მზიკო დალაქიშვილი

✍️ ინგლისურიდან თარგმნა: ნინო ქაჯაიამ

#ინტელექტი #ზვიადკვარაცხელია #მზიკოდალაქიშვილი #ვაიოლეტოკლანდერი #დამალულიგანძი

03/08/2025

💬 „ჩვენი საყვარელი ავტორი, ლიტერატურათმცოდნე, ძვირფასი ნონა კუპრეიშვილი ლიტერატურული პრემია „საბა“ 2024-ის გამარჯვებულ წიგნში „საშიში ინტერპრეტაციები“ აკაკი ბაქრაძეზე საუბრისას იხსენებს, თუ როგორ მოინდომეს საბჭოთა კულტურის იდეოლოგებმა ლიტერატურისა და ხელოვნების უკიდურესი პრაგმატიზება, მხატვრული აზროვნების სრული დემითოლოგიზება და შემოქმედებითი პროცესის გასაიდუმლოება, ლოზუნგით „ძირს მწერლები ზეკაცები!“, როგორ იქცა გაპრიმიტიულობისა და ფრუსტრაციის ერთ-ერთ საშუალებად.

▪️ ცოტა ხნის წინ წლევანდელი „საბას“ მოკლე სიაც გამოქვეყნდა და რატომღაც ეს ლოზუნგი გაგვახსენდა, ახლა ამაზე საუბარი და სიის განხილვა შორს წაგვიყვანს და მხოლოდ ერთ მნიშვნელოვან საკითხზე მივაპყრობთ ყურადღებას:

▪️ საქართველოში ჯერ კიდევ არ არსებობს ტრადიცია, რომ ლიტერატურული პრემიის ჟიურის მუშაობისას რაიმე წონა ჰქონდეს კრიტიკულ გამოხმაურებას, რეცენზიას, დისკუსიას კონკრეტულ წიგნზე.

▪️ ასეთი მიდგომა ჯერ კიდევ საბჭოთა დროიდან მოსდევს ჩვენს ლიტერატურულ გარემოს, როცა გადაწყვეტილებას ან ერთი ადამიანი იღებდა, ან ვიწრო წრე – უმეტესწილად პირადი დამოკიდებულებების, გემოვნების ან კონკრეტულ ავტორთან ურთიერთობის შედეგიც ასეთია: მუდმივად ჩნდება კითხვები ჟიურის კომპეტენციის, მიუკერძოებლობის, და საერთოდ, ლიტერატურული პრემიის სანდოობის მიმართ. და ეს უნდობლობა სისტემურია, არა კონკრეტულ ადამიანებზე, არამედ იმ წესებსა და მექანიზმებზე, რომლებიც საერთოდ არ არსებობს.

▪️ თუ პრემიის ორგანიზატორები და ჟიური მუშაობის პროცესში რეალურად ჩართავდნენ გამოხმაურებებს, რეცენზიებს, კრიტიკულ წერილებს, სხვადასხვა პროფესიულ პოზიციას, თუნდაც წაიკითხავდნენ ნონა კუპრეიშვილის კრიტიკულ წერილებს თანამედროვე ქართველი მწერლების ნაწარმოებებზე, ეს არა მხოლოდ გაზრდიდა კონკურსის გამჭვირვალობას, არამედ წაახალისებდა კრიტიკის როლს თანამედროვე საზოგადოებრივ და ლიტერატურულ პროცესებში.

▪️ დასავლეთში ეს მექანიზმი უკვე დიდი ხანია მუშაობს, სერიოზულ კონკურსებზე წიგნის შეფასებისას აუცილებლად ითვალისწინებენ მნიშვნელოვან გამოხმაურებებს.

▪️ მეტიც, ხშირად სწორედ ავტორიტეტული გამოცემების შეფასებები განსაზღვრავს, როგორ იქნება აღქმული წიგნი და ზოგჯერ სწორედ ეს ციტატებია გამომცემლის მიერ ყდაზე გამოტანილი.

▪️ კარგი იქნებოდა, თუ ჩვენც ასე მივუდგებოდით, პრემიაც გახდებოდა უფრო სანდო და ლიტერატურული კრიტიკაც დაიბრუნებდა თავის უმნიშვნელოვანესს ადგილს. დარწმუნებული ვართ, რომ ჩვენს ჟურნალშიც ასეთი წერილების გამოქვეყნების მსურველი მეტი ლიტერატორი გამოჩნდებოდა.

▪️ „ძირს მწერლები ზეკაცები!“ – ლოზუნგად არ გაჰყვირის დღევანდელი ხელისუფალიც, მაგრამ მისი პოლიტიკა და რეპრესიული სისტემა სწორედ ამ საბჭოთა მიზანს მიჰყვება, ამიტომაა, რომ მწერლები ჩამოგვაშორეს ყველა სივრცეს და ყველა საქმეს, ეწევიან ჩვენს მორალურ და ფიზიკურ განადგურებას, ისევ დაპატიმრებულია ზვიად რატიანი!

▪️ ამიტომ ჩვენ ჯიუტად ვაგრძელებთ ჟურნალ „ქართული მწერლობის“ ბეჭდვას, ანუ ვაგრძელებთ ბრძოლას და სიცოცხლეს ყველა ქართველი მწერლისა, რომელიც საქართველოს დასაბამიდან საქართველოსთვის შრომობდა, იღვწოდა და იბრძოდა!“, – რედაქტორებისგან.

📖 ჟურნალ „ქართული მწერლობის“ ივლის-აგვისტოს ნომერში წაიკითხავთ:

➖ „მკითხველი მანამდე უნდა მოკლა, სანამ წერას შეუდგები“ – ინტერვიუ ლაშა მილორავასთან | ესაუბრა გვანცა შუბითიძე

➖ ალექსანდრე ლორთქიფანიძე, ახალი ლექსები

➖ ბელა ჩეკურიშვილი, ლექსები

➖ გიორგი კეკელიძე, ახალი ლექსები

➖ გოგა ქობალია, საიდანღაც მოსული უცნაური კაცი

➖ ირაკლი ლომოური, შემთხვევა 40 წლის შემდეგ

➖ გაგა ნახუცრიშვილი, ნახევრად ნამდვილი ქალაქი

➖ დათო ტურაშვილი, ტაფი

➖ თამარ არდიშვილი, უბრალო ამბები

➖ იზუმი შიკიბუ | ონო ნო კომაჩი | თარგმნილი პოეზია | ინგლისურიდან თარგმნა ზაალ ჩხეიძემ

➖ ჯონ აპდაიკი, ახალგანქორწინებული მეიპლები | ინგლისურიდან თარგმნა თამარ სუბელიანმა

➖ მაშო სამადაშვილი, შხამიანი თეთრი მაგნოლია (რეცენზია თამარ ერაძის წიგნზე – „თეთრი მაგნოლია“)

➖ ანა მაწკეპლაძე, მიდიან და ბრუნდებიან (ფოტომოთხრობა)

➖ გიორგი ხარაიშვილი, ANGST

➖ „ესაა ლიტერატურის მთავარი თვისება: არავის ავალდებულებს და ყველას აფიქრებს“ – ინტერვიუ ნოდარ ლადარიასთან | ესაუბრა გვანცა შუბითიძე

➖ გიორგი კაკაბაძე, „სამარცხვინოა პოეტისთვის სხვა კარიერა“…

➖ ალეკო ცქიტიშვილი, „ბორიაყიდან“ „ლაზერშოუმდე“ – ოთარ ჩხეიძის გზა მკითხველისკენ

➖ ზურა პაპიაშვილი, ჩემნაირები არ კვდებიან (პიესა)

➖ თამარ მღებრიშვილი, მისტერიად ქცეული წინააღმდეგობა. ადამ მიცკევიჩის „ჯიადი“

➖ ციკო ინაური, Creeping people VS „იმაგო დეი“

➖ ანა ლომთაძე, Happy Day

➖ ხათუნა ცხადაძე, „ბუნკერი“ – წიგნი სიყვარულზე

➖ ნუკა ღამბაშიძე, Триматися в Києві ანუ გამძლეობა უკრაინულად

➖ გარეკანის ბოლო გვერდზე: მარი ბექაურის რეცენზია შოთა იათაშვილის „ბედნიერების“ შესახებ

📷 გარეკანზე: ალექსანდრე ლორთქიფანიძე / ლაშა ლორთქიფანიძის ფოტო

✍️ რედაქტორები: ირაკლი კაკაბაძე, ზვიად კვარაცხელია

◼️ კორექტორი: ნატო გორდელაძე

🖌 დიზაინერი: თეონა ჭანიშვილი

#ინტელექტი #ქართულიმწერლობა

02/08/2025

📖 კითხვის რუტინაც ინდივიდუალურია – ზოგი როდის კითხულობს და ზოგი როდის. თუმცა, ცხელ ზაფხულს, როცა თვალს ძილი რთულად ეკარება, ღამის საკითხავი მშვენიერი თანამგზავრი იქნება.

📣 სპეციალურად შენთვის, ზაფხულის ღამის საკითხავი საგულდაგულოდ შევარჩიეთ. წიგნები შეგიძლია შეიძინო როგორც კომპლექტებად, ასევე, ცალკეული წიგნების სახით. კომპლექტში შემავალი წიგნები ცალკე არ იყიდება! გახსენი ფაილი ბმულზე 👉 https://rb.gy/g4ptcf დაათვალიერე წიგნები, გაიარე რეგისტრაცია, ან მოგვწერე ტელეფონის ნომერი, თავად დაგიკავშირდებით და წიგნებსაც ადგილზე მოგიტანთ. აქცია გრძელდება 11 აგვისტოს ჩათვლით!

📕📙📗 განსაკუთრებული შეთავაზებით სარგებლობისთვის შეავსეთ განაცხადის ფორმა 👉 https://shorturl.at/oO8zv

📞 აღნიშნული პროცედურის გავლის შემდეგ, ჩვენი თანამშრომელი თავად დაგიკავშირდებათ და წიგნებს მთელი საქართველოს მასშტაბით, სასურველ მისამართზე გამოგიგზავნით. 50 ლარისა და მეტის შენაძენზე მიწოდება უფასოა. სხვა შემთხვევაში, თბილისში საკურიერო მომსახურების ფასი – 5 ₾, რეგიონებში – 8 ₾.

#ინტელექტი #ზაფხულისღამისსაკითხავი

01/08/2025

📖 ამბავი იმით დაიწყო, ერთ მშვენიერ დღეს, მკითხველთა ნაწილმა გაბრიელ გარსია მარკესის მემკვიდრეები კრიტიკის ქარცეცხლში გაახვიეს – რატომ წავიდნენ მამის სურვილის წინააღმდეგ და გამოსცეს წიგნი, რომელიც, როგორც თავად გაბოს მიაჩნდა, არაფრად ვარგოდა და უნდა განადგურებულიყო.

▪️ ასე თუ ისე, რომანი მაინც გამოიცა და მილიონობით მკითხველი შეხვდა აგვისტოში ანა მაგდალენა ბახს, ქალს, რომელიც „ბოლო სიტყვის უფლებას თუ იტოვებს, მის ნებას უნდა დაჰყვე“.

💬 „მარკესის ამ უკანასკნელ რომანთან დაკავშირებით, ერთგულ მკითხველს არ უნდა გამოჰპაროდა ერთი მნიშვნელოვანი ამბავი, რომელიც 1999 წელს, მადრიდში, იბერო-ამერიკული ხელოვნების სიმპოზიუმზე მოხდა, სადაც სწორედ მაშინ, როდესაც მსმენელი ელოდა, თუ როდის წარდგებოდა მწერალი მათ წინაშე სიტყვით, გაბრიელ გარსია მარკესი გამოვიდა და მოულოდნელად, „შევხვდებით აგვისტოში“-ს პირველი თავი წაიკითხა, რითაც გააოცა აუდიტორია.

▪️ რამდენიმე დღეში გაზეთმა „EL PAÍS“-მა გამოაქვეყნა ინტერვიუ მარკესთან. ინტერვიუში მწერალი აღნიშნავს, რომ თითქმის დასრულებული აქვს მუშაობა რომანზე ანა მაგდალენა ბახის შესახებ, რომელიც 4 თავს მოიცავს, მაგრამ სურვილი აქვს დაამატოს კიდევ ერთი, მეხუთე თავი, რადგან კარგი იდეა მოუვიდა... თუკი კარგად დააკვირდებით, ამ რომანის თითოეული თავი შეგიძლიათ წაიკითხოთ ისე, როგორც ცალკე, დამოუკიდებელი მოთხრობა“, – ქეთევან ხუსკივაძე.

📗 გაბრიელ გარსია მარკესი, „შევხვდებით აგვისტოში“ | შეძენა შეგიძლიათ როგორც წიგნის მაღაზიებში, ისე ონლაინ, ბმულზე 👉 https://rb.gy/q0at3s

✍️ ესპანურიდან თარგმნა ქეთევან ხუსკივაძემ

#ინტელექტი #გაბრიელგარსიამარკესი #შევხვდებითაგვისტოში

31/07/2025

საქართველოს წიგნის ასოციაცია ამ ეტაპზე 22 წევრს – თქვენთვის ყველასთვის ნაცნობ პატარა თუ დიდ გამომცემლობებს და წიგნის მაღაზიებს აერთიანებს. ასოციაციის უკეთ გასაცნობად და ჩვენ შესახებ საზოგადოებაში ცნობიერების ამაღლების მიზნით ვიწყებთ ჩვენი წევრების თქვენთვის წარდგენას: 🤗❤️

გამომცემლობა ინტელექტი • Intelekti Publishing 1994 წელს დაარსდა და უკვე 30 წელზე მეტია თანამედროვე ქართველ ავტორებს, მსოფლიო ბესტსელერებს, საბავშვო და საყმაწვილო ლიტერატურას, სასკოლო სახელმძღვანელოებს გამოსცემს. გამომცემლობა ინტელექტი • Intelekti Publishing ყოველწლიურად 300-ზე მეტი დასახელების წიგნს ბეჭდავს. რომელთაგან აღსანიშნავია მხატვრული ლიტერატურის საუკეთესო ნიმუშები, რომლებსაც გამომცემლობა სხვადასხვა სერიაში აერთიანებს.

გამომცემლობის სერიებიდან ლიტერატურის მოყვარულ საზოგადოებას განსაკუთრებით აინტერესებს: „აკრძალული წიგნების თარო", „ნობელის პრემიის ლაურეატები", „ინტელექტი.კლასიკა", „Magnum Opus", „გაკვეთილების შემდეგ საკითხავი", „ინტელექტი სკოლას" და ახალი სერია, რომელიც “ინტელექტმა” 2025 წელს შესთავაზა მკითხველს - „XXI საუკუნის პრემირებული წიგნები". ამ სერიის პირველ წიგნად ბუკერის პრემიის მფლობელი ავტორის, პოლ ლინჩის „მისნის სიმღერა" შეირჩა. დისტოპიური რომანი, რომელმაც ავტორს მთელი მსოფლიოს მასშტაბით დიდი აღიარება მოუტანა.

გამომცემლობა ინტელექტი • Intelekti Publishing ყოველწლიურად მონაწილეობს საერთაშორისო წიგნის ბაზრობებზე და აქტიურად უწევს პოპულარიზაციას თანამედროვე ქართულ ლიტერატურას.

#აკრძალულიწიგნები #პოეზია #ჰორორი #ბესტსელერიწიგნები #თარგმნილილიტერატურა #საყმაწვილოსაკითხავი #ინტელექტისკოლას #გაკვეთილებისშემდეგსაკითხავი #სასკოლოსახელმძღვანელოები #დამხარესასკოლოლიტერატურა #ილუსტრირებულიწიგნები #ფენტეზი #სასკოლო #პოლიტიკურირომანი

Address

ილია ჭავჭავაძის გამზირი 5
Tbilisi
0179

Opening Hours

Monday	10:00 - 19:00
Tuesday	10:00 - 19:00
Wednesday	10:00 - 19:00
Thursday	10:00 - 19:00
Friday	10:00 - 19:00

Telephone

(+995 32) 2 25 05 22

Website

http://www.intelekti.ge/

Alerts

Be the first to know and let us send you an email when გამომცემლობა ინტელექტი • Intelekti Publishing posts news and promotions. Your email address will not be used for any other purpose, and you can unsubscribe at any time.

Contact The Business

Send a message to გამომცემლობა ინტელექტი • Intelekti Publishing:

Shortcuts

Address
Telephone
Opening Hours
Alerts
Contact The Business
Claim ownership or report listing

Want your business to be the top-listed Media Company in Tbilisi?

Our Story

გამომცემლობა „ინტელექტი“ დაარსდა 1994 წელს. მას შემდეგ გამომცემლობა გამოსცემს სახელმძღვანელოებს ქართულენოვანი და არაქართულენოვანი სკოლებისთვის, თანამედროვე და კლასიკურ პოეზიასა და პროზას. გამომცემლობა „ინტელექტს“ აქვს რამდენიმე საავტორო სერია, რომელიც განსაკუთრებულად პოპულარულია: „ნობელის პრემიის ლაურეატები“, „100 ლექსი“, „ჩანაწერები“, „ერთი შედევრის ყველა ქართული თარგმანი“ და ა.შ. Intelekti Publishers was founded in 1994. Since then our publishing house has been publishing text-books for schools and Universities for Georgian and non Georgian schools, poetry and prose in the original. Besides that our publishing house has several authoring series which is very popular, among them there is series "The Nobel Prize Winners", "100 verses", "Nonpublished Notes" and etc.