05/03/2024
- ფასი VS ხარისხი
🔍,,ძვირია ანუ კარგია?
როგორ ფიქრობთ, კომპანიის მიერ მაღალი ხარისხის შთაბეჭდილების შესაქმნელად მაღალი ფასის დაწესება რამდენად მართებულია?
გაგვიზიარეთ თქვენი მოსაზრება და გამოცდილება კომენტარებში.
თეორია, რომ მომხმარებელთა უმეტესობა პროდუქტის ხარისხს ფასით განსაზღვრავს, შეიძლება, განსხვავებულად გამოიხატოს მაღალი და დაბალი კონკურენციის პირობებში, ასევე, მაღალგანვითარებულ და ნაკლებადგანვითარებულ საზოგადოებებში. მოდი, ეს ფაქტორები უფრო დეტალურად განვიხილოთ:
მაღალი კონკურენტული გარემო:
მაღალმა კონკურენციამ შეიძლება, გაზარდოს მომხმარებელზე ფასის გავლენა, რადგან, როდესაც ბაზარზე ბევრი ალტერნატიული პროდუქტია, მომხმარებლისთვის ფასი შეიძლება იქცეს არჩევნის, გადაწყვეტილების მიღების მნიშვნელოვან ფაქტორად. ასეთ დროს ფასი შეიძლება გახდეს მთავარი განმასხვავებელი ნიშანი.
მაღალკონკურენტულ გარემოში მოქმედი ბიზნესები ხშირად იყენებენ ფასების სტრატეგიებს მომხმარებელთა ყურადღების მისაპყრობად, კონკურენტებისაგან განსხვავების საშუალებად.
დაბალი კონკურენციის პირობები:
დაბალი კონკურენციის სფეროებში შეიძლება, ხარისხი უფრო მნიშვნელოვანი გახდეს. ალტერნატიული პროდუქტების არარსებობისას მომხმარებელმა შეიძლება, მეტი ყურადღება მიაქციოს ხარისხს, რადგან მას არ უწევს არჩევნის გაკეთება მრავალ ვარიანტს შორის.
როდესაც მომხმარებელი შეზღუდულია არჩევანში, ფასი შედარებით კარგავს მნიშვნელოვნებას და წინა პლანზე წამოიწევს პროდუქტის ისეთი მახასიათებლები, როგორიცაა: მოთხოვნილების დაკმაყოფილება ან პროდუქტის უნიკალურობა.
საზოგადოების განვითარების დონეები:
მაღალგანვითარებულ საზოგადოებებში მომხმარებლების ინფორმირებულობა საგრძნობლად მაღალია. განვითარებული საინფორმაციო ტექნოლოგიებისა და, შესაბამისად, ინფორმაციის ხელმისაწვდომობის წყალობით, მომხმარებლებს შესაძლებლობა აქვთ, უფრო საფუძვლიანად შეისწავლონ პროდუქტი - მათი მახასიათებლები თუ რეპუტაცია.
ნაკლებად განვითარებულ საზოგადოებებში ფასი იძენს მეტ მნიშვნელოვნებას. მწირი ინფორმაციისა და შეზღუდული არჩევნის გამო, შესაძლოა, ფასმა ითამაშოს გადამწყვეტი როლი პროდუქტის შესყიდვისას.
მარკეტინგული სტრატეგიები უნდა ითვალისწინებდეს ამ განსხვავებებს და ნებისმიერმა კომპანიამ უნდა მოარგოს საკუთარი მიდგომები ბაზრის კონტექსტს კონკურენციის დონისა და მომხმარებელთა მახასიათებლების მიხედვით.
მნიშვნელოვანია, ასევე, მომხმარებელთა ქცევის ცვლილებების გათვალისწინება სწრაფად ცვალებად ეკონომიკურ და სოციალურ გარემოში.
ჩვენ ვქმნით კონტენტს, რომელიც ასახავს თქვენს ხედვას!
გაგვიზიარეთ, როგორ ფიქრობთ, რამდენად კეთილსინდისიერად ადგენენ ფასებს კომპანიები?
თქვენი გამოხმაურება ღია დიალოგის პრეცედენტს ქმნის მარკეტინგის სამყაროში.
