19/04/2022
დიდი ოთხშაბათი ეს არის უმადურობის, ღალატის, ვერცხლისმოყვარეობის დღე!
დღე როდესაც მოძღვარი გაყიდეს.
დღე, როდესაც უარი უთხრეს სიყვარულს.
დღე, როდესაც სიკეთის წილ ბოროტება მიაგეს.
დღეს ყველა ჩვენთაგანი იუდაა.
ჩვენც, ჩვენი ქმედებებით ხშირად იუდას ვემსგავსებით..
თითოეული ჩვენგანის ყველაზე დიდი ცოდვა ეს არის - უმადურობა და ვერცხლისმოყვარეობა.
წმინდა მამები ამბობენ - იუდას რომ ერთხელ მაინც გადაეხადა მადლობა ქრისტესთვის, ის ასეთ საშინელებას ვეღარ გააკეთებდაო.
აი, რამხელა მნიშვნელობა აქვს მადლიერებას.
ჩვენ მადლიერნი უნდა ვიყოთ თითოეული ადამიანის, რომელიც არის ან იყო ჩვენს ცხოვრებაში.
მადლიერნი უნდა ვიყოთ სხვისგან გაღებული თუნდაც ერთი ღიმილისთვის.
მადლიერება სულს აკეთილშობილებს.
მადლიერება ეს არის ღვთის დიდი წყალობა ადამიანში.
