Zuka and Football • ზუკა და ფეხბურთი

Zuka and Football • ზუკა და ფეხბურთი ⚽ ფეხბურთი ✍🏼 ჩემებური აქცენტით
📓 ბლოგი
📊 ანალიზი
📈 სტატისტიკა
✨ ისტორია

♦️ ჰმ, კაი თავხედი რამე ყოფილა ეს ხელოვნური ინტელექტი. წეღან ასეთი დავალება მივეცი: - თურქეთის საფეხბურთო ნაკრები რომ პი...
16/10/2025

♦️ ჰმ, კაი თავხედი რამე ყოფილა ეს ხელოვნური ინტელექტი.
წეღან ასეთი დავალება მივეცი:

- თურქეთის საფეხბურთო ნაკრები რომ პიროვნება იყოს, რა რჩევას მისცემდა საქართველოს ნაკრებს - მეთქი?

რაღაცეებს ჩამეკითხა, მეც ვუპასუხე და ნახეთ რას მწერს:

🇹🇷 თურქეთის ჩემპიონატი (სუპერლიგა) უეფას რეიტინგში 5️⃣5️⃣ - დან 9️⃣ ადგილზეა.
🇬🇪 საქართველოს ჩემპიონატი (ეროვნული ლიგა) 5️⃣2️⃣ - ზე.

🇹🇷 თურქული გუნდები ყოველ წელს თამაშობენ ევროტურნირებზე (ჩემპიონთა ლიგა, ევროპის ლიგა, კონფერენს ლიგა).
🇬🇪 საქართველოს გუნდები, ძირითადად პირველი საკვალიფიკაციო ეტაპიდან ეთიშებიან ასპარეზობას.

🇹🇷 თურქეთში კლუბებს ყველანაირი პირობა აქვთ შექმნილი.
ფეხბურთელები თავს იდეალურად გრძობენ: თანამედროვე ბაზები და სტადიონები, მატერიალური მხარე, გულშემატკივრების დამოკიდებულება...
ყველაფერი უმაღლეს დონეზე.
🇬🇪 საქართველოში საფეხბურთო ინფრასტრუქტურის პრობლემაა, ამიტომ, ათობით კლუბს, შეიძლება ერთ ბაზაზე მოუწიოს ვარჯიში.
მხოლოდ რამოდენიმე გუნდია, რომლებსაც საკუთარი ბაზა აქვს.
ხშირადაა მატერიალური პრობლემები და ამის გამო არაერთი გუნდი დაშლილა და გაუქმებულა კიდეც.

🇹🇷 თურქეთში ბავშთა ფეხბურთი მაღალკვალიფიციური პროფესიონალების ხელშია, რომლებიც მიყვებიან იმ თანამედროვე სტანდარტებს, რომელიც ევროპულ ფეხბურთშია დამკვიდრებული.
აქ, განსაკუთრებული ყურადღება ექცევა ბავშვების სწორ ფიზიკურ აღზრდას. უმრავლეს ბავშთა საფეხბურთო აკადემიებში ბუნებრივი ბალახის მოედნებია.
მნიშვნელოვანია ბავშვების გონებრივი განვითარება, ჯანსაღ კვება, დისციპლინა...

🇬🇪 საქართველოში, ბავშვთა საფეხბურთო სკოლებში - ხელოვნურ საფარიანი მოედნებია და თითქმის ყველგან უხარისხო.
პროფესიონალი მწვრთნელების პრობლემა თვალსაჩინოა. ბევრს არ აქვს იმის კომპეტენცია, რომ ბავშვებთან სწორი მიდგომით იმუშაოს.
არსებობს 2-3 აკადემია, რომელიც შედარებით უკეთ მუშაობს და გარკვეულწილად, საქართველოს ნაკრების ოდნავ სხვა სიმაღლეზე ასვლა ამ აკადემიების დამსახურებაა.

🇹🇷 ბოლო ევროპის ჩემპიონატის შემდეგ, თურქეთის ნაკრები პროგრესირდა და გაცილებით მძლავრ ნაკრებად ჩამოყალიბდა.
🇬🇪 საქართველოს ნაკრებმა კი რეგრესი განიცადა, იმის მაგივრად ეს გამოცდილება გამოეყენებინა და განვითარებულიყო - საკვირველია.

❗ როდესაც ჯგუფში მეტოქეების ვინაობა გაირკვა, საქართველოში კონკურენტად - თურქეთის ნაკრებს თვლიდნენ.
კარგად დავფიქრდეთ, ჩემს მიერ ჩამოთვლილის შემდეგ, შეიძლება ეს ორი ნაკრები - კონკურენტებად განვიხილოთ?

თუ იმას იტყვით, რომ საქართველოს ნაკრებში კარგი თაობა წამოვიდა და გამორჩეული ფეხბურთელები თამაშობენ - გიპასუხებთ, რომ თურქეთის ნაკრებშიც შესაშური თაობაა, ხოლო სისტემა საათივით აწყობილი.

❗თუ ჩვენი დონის ნაკრებთან კონკურენციაში შესვლა გსურთ, ჩემს მიერ, ზემოთ ჩამოთვლილ საკითხებზე სასწრაფოდ დასაწყებია მუშაობა და მხოლოდ მწვრთნელის შეცვლით, დროებით თუ გამოსწორდება სიტუაცია...

ეს ურჩია ვირტუალურ ადამიანად გარდაქმნილმა თურქეთის ნაკრებმა - საქართველოს...

ბოლოს კი მკითხა - გინდა უფრო დეტალურად განვიხილოო?

არა მეთქი - ვუპასუხე...

♦️ ვიფიქრე, ცოტას დავმშვიდები და მეორე დღეს დავწერ რამეს - მეთქი, მაგრამ არ გამოდის.♦️ ასეთი უემოციო და მოწყენილი, საქა...
12/10/2025

♦️ ვიფიქრე, ცოტას დავმშვიდები და მეორე დღეს დავწერ რამეს - მეთქი, მაგრამ არ გამოდის.

♦️ ასეთი უემოციო და მოწყენილი, საქართველოს ნაკრების თამაშზე არასოდეს ვყოფილვარ. ალბათ ბევრი იყავით ასე.

❗ ზლატან იბრაჰიმოვიჩის გამონათქვამები გეცოდინებათ.
ერთხელ ჟურნალისტმა კითხვა დაუსვა
- თქვენ მართლა თვლით, რომ საუკეთესო ხართო?
- დიახ, რა თქმა უნდა!
მოედანზე რომ გავდივარ, ყველაზე მაგარი იქ მე ვარ, ყველას გავანადგურებ, წინ ვერავინ გადამეღობებაო.
- ეგ როგორ? იქნებ მესი, ან რონალდოა თქვენს მოწინააღმდეგეთა შორის, მათზე უკეთესად მიიჩნევთ საკუთარ თავსო?ჩაეკითხა ჟურნალისტი.
- ზოგადად, ისინი და კიდე ბევრი, ჩემზე მაღლა დგანან, მაგრამ მოედანზე - მე ამ განწყობით შევდივარ, მაქსიმუმს ვუწესებ ჩემს თავსო...
სიტყვა სიტყვით შეიძლება ვერ გავიმეორე მისი სიტყვები, მაგრამ აზრი ეს იყო.

❗ მეტს აღარ გავაგრძელებ, ვცდილობ დავივიწყო ის განცდა, არ მინდოდა მეთქვა, მაგრამ სხვა სახელს ვერ ვუძებნი - უსუსურობა.

❗ და მე არ ვარ აქ მთავარი, არც თქვენ! მთავარია და იმედია ბიჭებს უკვე აღარ ახსოვთ ის, თუ რა განცდით და რა ფსიქოლოგიით გავიდნენ ელჩეში, ესპანეთის მონსტრ ნაკრებთან სათამაშოდ.

მთავარი თამაში წინაა❗

❗ ილია თოფურია ესპანეთის ნაკრების შეკრებაზე მივიდა და ფეხბურთელებს - საქართველოს ნაკრებთან გამარჯვება უსურვა❓❗🤔 ს ე რ ი ...
11/10/2025

❗ ილია თოფურია ესპანეთის ნაკრების შეკრებაზე მივიდა და ფეხბურთელებს - საქართველოს ნაკრებთან გამარჯვება უსურვა❓❗

🤔 ს ე რ ი ო ზ უ ლ ა დ ❓

🤔 ეს ამბავი მართლა ასე გაიგეთ❓

ესპანეთის და საქართველოს ნაკრებები, წინასამატჩო მოსამზადებელ ეტაპს ალიკანტეში ატარებენ.

ალიკანტეში ცხოვრობს ილია თოფურია.

მივიდა და ესპანელ სპორტსმენებს წარმატება უსურვა მოახლოებულ შეხვედრებში.

დღეს საქართველოს ნაკრების ფეხბურთელებს მოინახულებს და იგივეს გააკეთებს.

ჰო, თანაბრად, კოლეგიალურად, როგორც დიდ სპორტსმენს ეკადრება.

მოგვწონს, თუ არა, საქართველო და ესპანეთი მისი ორი სამშობლოა.
ერთმა ქვეყანამ, თუ მის ეთნიკურ წარმოშობაზე იზრუნა - მეორემ დიდ ჩემპიონად აქცია!
ამიტომ, გამოკვეთილად ვერცერთის მხარეს გადაიხრება. ხომაა ლოგიკური?

დღეს 3️⃣0️⃣0️⃣ მატჩს ჩაატარებს საქართველოს ნაკრები.

იმის მაგივრად, ამაზე და სხვა რეალურ მოვლენებზე ვკონცერტრირდეთ, ისევ ქარის წისქვილები დავსდევთ, რომელიც არა და არ გამოჩნდა❗

🇿🇲 აღმასვლა და ტრაგედია 🇿🇲🔸 ზამბია 8️⃣0️⃣ იანი წლების მეორე ნახევარში კარგ ნაკრებად ჩამოყალიბდა.🔸აფრიკელებმა - სეულის 1️...
08/10/2025

🇿🇲 აღმასვლა და ტრაგედია 🇿🇲

🔸 ზამბია 8️⃣0️⃣ იანი წლების მეორე ნახევარში კარგ ნაკრებად ჩამოყალიბდა.

🔸აფრიკელებმა - სეულის 1️⃣9️⃣8️⃣8️⃣ წლის ოლიმპიადაზე თამაშის უფლება მოიპოვეს. იქ კი, საფეხბურთო ტურნირების ისტორიაში ერთ-ერთი ყველაზე დიდი სენსაცია დააფიქსირეს - ჯგუფში იტალიის ნაკრები 4️⃣:0️⃣ გაანადგურეს და მეოთხედფინალში გავიდნენ.

🔸 ამავე წელს კალუშა ბვალია დაასახელეს აფრიკის წლის საუკეთესო ფეხბურთელად (მოგვიანებით, 1996 წლის ოქროს ბურთის დაჯილდოებაზე მან 14 ადგილი დაიკავა).

🔸 1️⃣9️⃣8️⃣6️⃣ და 1️⃣9️⃣9️⃣0️⃣ წლის მსოფლიოს ჩემპიონატებზე გასვლა ვერ მოახერხეს.

🔸ორივე შემთხვევაში ზამბიას ცოტა დააკლდა. მოგეხსენებათ, მაშინ აფრიკის კონტინენტიდან ორი ნაკრები გადიოდა მუნდიალზე. ეხლანდელი ფორმატი რომ ყოფილიყო, ზამბია ალბათ ითამაშებდა მსოფლიოს ჩემპიონატზე.

🔸 საინტერესო რამ მოხდა 1️⃣9️⃣8️⃣9️⃣ წელს.

🟥 საბჭოთა კავშირის ჩემპიონატის უმაღლეს ლიგაში - დუშანბეს პამირი დაწინაურდა.

🔸ამ წარმატებას - ტაჯიკურმა გუნდმა ძალზედ უცნაური ტრანსფერები მოაყოლა და გუნდში მოიწვია ზამბიის ნაკრების 3️⃣ წევრი - პერსონ მვანზა, უიზდომ ჩანსა და დერბი მაკინკა.

🔸 ისინი გახდნენ პირველი აფრიკელი ლეგიონერები - საბჭოთა კავშირის ჩემპიონატში.

🔸 ზამბიელებს გაუჭირდათ ადაპტაციის გავლა: ტაჯიკური ამინდი, საბჭოთა ვარჯიშები - ხშირად ცივ გარემოში კროსი და ა.შ...

🔸 მათ მხოლოდ სამ-სამი მატჩი ჩაატარეს პამირის შემადგენლობაში და შემდეგ სამშობლოში დაბრუნდნენ.

🔹 გადავამოწმე - იმ სეზონში თბილისის დინამო ოთხჯერ დაუპირისპირდა დუშანბეს პამირს. ორჯერ - ჩემპიონატში, ორჯერ - თასზე. ზამბიელებს არცერთ თამაშში არ მიუღიათ მონაწილეობა.

📷 ვეცადეთ - მე და ჩემი მეორე "ინტელექტი", რაიმე ფოტო მასალა გვეპოვნა ინტერნეტში, სადაც ზამბიელები - დუშანბეს პამირის ფორმით არიან, მაგრამ მსგავსს ვერაფერს მივაგენით, ალბათ გუნდის არქივში ექნებათ შენახული და ადრე თუ გვიან გამოაქვეყნებენ.

1️⃣9️⃣9️⃣3️⃣ წლის 2️⃣7️⃣ აპრილს, ზამბიის ნაკრები, დედაქალაქ ლუსაკადან - სენეგალის მიმართულებით გაფრინდა, ამხანაგური მატჩის ჩასატარებლად.
მოულოდნელად, თვითმფრინავს ცეცხლი გაუჩნდა და გაბონის ტერიტორიაზე ჩამოვარდა.
დაიღუპა ზამბიის ნაკრების 18 ფეხბურთელი, მათ შორის დუშანბეს პამირის ყოფილი ფეხბურთელებიც.

🔸 თვითმფრინავში არ იყვნენ
ნაკრების ლიდერები - კალუშა ბვალია, მისი ძმა - ჯონსონ ბვალია და ჩარლი მუსონდა, რადგან ისინი ევროპის კლუბებში თამაშობდნენ და კონტრაქტის მიხედვით, ნაკრების ამხანაგურ თამაშებში მონაწილეობის მიღება ეკრძალებოდათ.

🇿🇲 ზამბიის ნაკრებმა მთავარ წარმატებას 2️⃣0️⃣1️⃣2️⃣ წელს მიაღწია, როდესაც აფრიკის თასის ფინალში, პენალტების სერიაში კოტ დ'ივუარი დაამარცხა და კონტინენტის მთავარ სანაკრებო ჯილდოს დაეუფლა.

📷 ფოტოზე - ზამბიის ყველა დროის საუკეთესო ფეხბურთელი კალუშა ბვალია, ზამბიის ნაკრების და ანდერლეხტის ერთ-ერთი ლიდერი ჩარლი მუსონდა და დუშანბეს პამირის ყოფილი ფეხბურთელი, ავიაკატასტროფის დროს დაღუპული უიზდომ ჩანსა.

✨ ივო - 7️⃣9️⃣ ♦️ Lotto - ს სრულიად განსხვავებული დიზაინის კუბოკრული ფორმა, დავორ შუკერი, ზვონიმირ ბობანი, რობერტ პროსი...
06/10/2025

✨ ივო - 7️⃣9️⃣

♦️ Lotto - ს სრულიად განსხვავებული დიზაინის კუბოკრული ფორმა,
დავორ შუკერი, ზვონიმირ ბობანი, რობერტ პროსინეჩკი და მესამე ადგილი მსოფლიოს ჩემპიონატზე.

♦️ არ მეგულება ჩემი თაობის გულშემატკივარი, ვისაც ხორვატიის ნაკრების მიმართ განსაკუთრებული დამოკიდებულება არ აქვს.

♦️ ჩვენთვის, პირველი მსოფლიოს ჩემპიონატი, რომელიც თავიდან - ბოლომდე ცოცხლად ვნახეთ - 1️⃣9️⃣9️⃣8️⃣ წლის საფრანგეთის მუნდიალია.

♦️ აქიდან იღებს სათავეს ჩვენი პატივისცემა ხორვატების მიმართ, რაც გასაკვირი არ არის.

♦️ სწორედ იმ ნაკრების ერთ-ერთი წევრი იყო ივო შუშაკი. კერძოდ, მთავარი მწვრთნელის - გორან ბლაჟევიჩის თანაშემწე გახლდათ.

🔷 ივო თბილისის დინამოში

🔷 დამოუკიდებლობის მოპოვების შემდეგ, წარმატებული დინამო პერიოდებად რომ დავყოთ, ალბათ ასე გამოვა - პირველი პერიოდი, პირველი თაობა: არველაძეები, ქინქლაძე, ჯამარაული, ნემსაძე და ა.შ...
მეორე პერიოდი, მეორე თაობა: იაშვილი, ცქიტიშვილი, კობიაშვილი, მუჯირი და ა.შ...
შემდეგ იყო ჩავარდნა, სხვადასხვა მიზეზთა გამო.

🔷 საუკუნის დასაწყისში კი იღებს სათავეს დინამოს "მესამე პერიოდი" და 2️⃣0️⃣0️⃣2️⃣ წლის გაზაფხულზე, გუნდში სამუშაოდ ჩამოდის ხორვატი სპეციალისტი.

🔷 იმ წლებში, დინამოს სტადიონის გვერდით ვცხოვრობდი და გუნდის საშინაო თამაშები თითქმის არ გამიცდენია. ის კი არა, დინამოს გასვლით თამაშებზეც დავყვებოდი, როცა ამის საშუალება მეძლეოდა.
ამიტომ, შუშაკის - თბილისის დინამო კარგად მახსოვს და ეს იყო ერთ-ერთი საუკეთესო ქართული კლუბი დამოუკიდებელი საქართველოს ისტორიაში.

🔷 გულდასაწყვეტია, რომ ივო შუშაკის გაწვრთნილი დინამო ევროტურნირებზე ვერ გავიდა.

🏆 თუმცა, ერთი მნიშვნელოვანი ტრიუმფი მაინც გვაჩუქა გულშემატკივარს,
მოსკოვში აღმართული დსთ - ს თასი❗

♦️ ივო საქართველოს ნაკრებში

🇬🇪 ხორვატი - საქართველოს ნაკრებში, დროებით მწვრთნელად 2️⃣0️⃣0️⃣4️⃣ წლის ევროპის ჩემპიონატის შესარჩევ ეტაპზე დაინიშნა.
შუშაკმა - გუნდს ორ შეხვედრაში უხელმძღვანელა.
სწორედ ის გახლდათ რუსეთთან, ისტორიულ შეხვედრაში ნაკრების მთავარი მწვრთნელი.

♦️ ივო შუშაკი ყოველთვის იქნება ქართული ფეხბურთის ისტორიის ნაწილი.

✨ დღეს 7️⃣9️⃣ წელი შეუსრულდა

ვ უ ლ ო ც ა ვ ❤️

♦️ ჯონ ვან სხიპი იცით ხომ❓აი ის მწვრთნელი, ჟორჟს რომ აიაქსში ნორმალურად თამაშის საშუალება არ მისცა❗🇦🇲 შემდეგ, სომხეთის ნ...
05/10/2025

♦️ ჯონ ვან სხიპი იცით ხომ❓
აი ის მწვრთნელი, ჟორჟს რომ აიაქსში ნორმალურად თამაშის საშუალება არ მისცა❗

🇦🇲 შემდეგ, სომხეთის ნაკრებს წვრთნიდა.

🎙️ გაზაფხულზე, ერევანში, მატჩისწინა პრესკონფერენციაზე ქართველმა ჟურნალისტმა ჰკითხა, თუ რატომ ვერ/არ ათამაშა ჟორჟი აიაქსში.

🎙️ მის პოზიციაზე იყვნენ ფეხბურთელები და სხვანაირად ვერ მოხერხდაო - უპასუხა ვან სხიპმა.

ამ ფეხბურთელებში - ბრობი და აკპომი იგულისხმა.

⚽ ჟორჟმა - ყოფილ მწვრთნელს, ჯერ კიდევ ევროპის ჩემპიონატზე თამაშით დაანახა, რომ ის უფრო დიდი გაქანების კაცია, ვიდრე ბრობი და აკპომი.

⚽ შემდეგ, პირად დაპირისპირებაში - ორჯერ დუბლი რომ "აგემა" - ერევანსა და თბილისში.

⚽ ეხლა კი, ჟორჟის თითოეული გატანილი გოლი მსოფლიო ფეხბურთის გრანდების კარში, ის "საკონტროლო გასროლაა", რომელიც პირადად ვან სხიპისკენ, ასევე - ყველა მისი კრიტიკოსის, თუ მისდამი სკეპტიკურად განწყობილი პირისკენაა მიმართული❗

4 დღის ინტერვალით 👇🏼

გოლი იუვენტუსის კარში, ჩემპიონთა ლიგაზე.

გოლი რეალის კარში, სანტიაგო ბერნაბეუზე.

ჟორჟ ❤️⚽👏🏼

⚽ დინამო - ჟრინსკი 3️⃣ : 0️⃣ (1:1)უეფას ახალგაზრდულ ლიგაზე (U19) თბილისის დინამომ - მოსტარის ჟრინსკი დაამარცხა.პირველი მ...
02/10/2025

⚽ დინამო - ჟრინსკი 3️⃣ : 0️⃣ (1:1)

უეფას ახალგაზრდულ ლიგაზე (U19) თბილისის დინამომ - მოსტარის ჟრინსკი დაამარცხა.

პირველი მატჩი ბოსნიაში 1:1 დასრულდა, ხოლო გუშინ, "ბორის პაიჭაზეზე" - დინამომ 3:0 მოიგო.

გუნდმა ორგანიზებული ფეხბურთი ითამაშა და მეტოქეს შანსი არ დაუტოვა. შთაბეჭდილება დამრჩა, U19 დინამო გაცილებით გამართულია, ვიდრე დიდების დინამო 🙂

თბილისელების შემდეგი მეტოქე - აეკ ლარნაკა იქნება.

ფოტოზე ჰალიდ დოლტმურზიევია - ინგუში ფეხბურთელი, რომელმაც რუსეთის ნაკრებში თამაშზე უარი თქვა. ის საქართველოს U19 ნაკრების ღირსებას იცავს.
მანამდე, U17 ნაკრებში 8 თამაში ჩაატარა.

ჰალიდმა ბელგიური სკოლა გაიარა.
ჯერ სერკლ ბრიუგეს აკადემიაში იყო, შემდეგ ბრიუგეს აკადემიას შეუერთდა.
სწორედ ბრიუგედან გადმოვიდა თბილისის დინამოში.

დოლტმურზიევმა - ჟრინსკის 2 გოლი გაუტანა და მესამე გოლშიც მიიღო მონაწილეობა - საგოლე გადაცემის სახით.

საინტერესო, ნიჭიერი და პროგრესირებადი ცენტრ ფორვარდია.
თუ ასე განაგრძო ზრდა, ეროვნულ ნაკრებშიც მალე უნდა ველოდოთ 🇬🇪

🏆 ორი ტურის შემდეგ, ჩემპიონთა ლიგის ჯგუფური ეტაპის ცხრილი ასე გამოიყურება. 6️⃣ გუნდს აქვს 100% შედეგი, ორი თამაშიდან - ო...
02/10/2025

🏆 ორი ტურის შემდეგ, ჩემპიონთა ლიგის ჯგუფური ეტაპის ცხრილი ასე გამოიყურება.

6️⃣ გუნდს აქვს 100% შედეგი, ორი თამაშიდან - ორი მოგება.

🇦🇿 ხედავთ, რომ ამ გუნდებს შორისაა ბაქოს ყარაბახი, რომელმაც პირველ ტურში, "და ლუჟზე" - ბენფიკას მოუგო და გუშინ, სახლში, ტოფიკ ბახრამოვის სახელობის სტადიონზე - კოპენჰაგენი დაამარცხა.

🇦🇿 ყარაბახი შემდეგ ტურში ბილბაოში ჩავა და "სან მამესზე" ითამაშებს. ამის შემდეგ, საკუთარ მოედანზე ლონდონის ჩელსის მიიღებს. შემდეგ ნაპოლის დაუპირისპირდება - "დიეგო მარადონაზე" და ა.შ...

🤷🏼 აქ კი, ერთ - ერთი მერობის კანდიდატია, გვარს არ დავასახელებ და იმიჯი აქვს ისეთი - ქართულ ფეხბურთზე ფიქრი არ ასვენებს.
ამიერკავკასიის ჩემპიონატის ჩატარების გეგმა აქვს, სადაც - ქართული, სომხური და აზერბაიჯანული გუნდები საერთო ჩემპიონატს ითამაშებენ.
ხოლო, ამ საქმის დალაგებას უეფაში, მაღალჩინოსნების მოქრთამვით აპირებს.

🙂 ვუსმენ და წარმოვიდგენ - ყარაბახი ერთ თამაშს "და ლუჟზე" რომ ატარებს, მეორეს კი - ეროსი მანჯგალაძეზე, სამტრედიაში.
შემდეგ, "ბერნაბეუზე" რეალთან და რამოდენიმე დღეში რაგბის სტადიონზე - თელავთან ☺️

🤦🏼 მოკლედ, "აქ ისევ ის ცირკია", ამის თქმა მინდოდა 🙂

C O S M O S - 1️⃣9️⃣8️⃣0️⃣📕 პერიოდულად ვათვალიერებ ხოლმე საბჭოთა - სოციალისტურ ეპოქაში გამოცემულ ჟურნალ - გაზეთებს.განს...
28/09/2025

C O S M O S - 1️⃣9️⃣8️⃣0️⃣

📕 პერიოდულად ვათვალიერებ ხოლმე საბჭოთა - სოციალისტურ ეპოქაში გამოცემულ ჟურნალ - გაზეთებს.
განსაკუთრებით მომწონს ჩეხოსლოვაკური "სტადიონი" - ს და უნგრული "კეპეშ სპორტი" - ს ეკრანზე "ფურცვლა".
ორიგინალი ვერსიები არ მაქვს, მხოლოდ PDF ფაილები, რაც ჩემთვის სრულიად საკმარისია.

ვიცნობ ადამიანებს, რომლებიც აგროვებენ იმ დროინდელ ნომრებს და სერიოზული კოლექციაც აქვთ.

📕 ხოდა, დღეს დილით - "სტადიონი" - ს 1️⃣9️⃣8️⃣0️⃣ წლის ერთ - ერთ ნომერს "ვფურცლავდი", სადაც ნიუ იორკ კოსმოსის პლაკატს გადავაწყდი.

ვინც არ იცის, ვეტყვი - სხვა ბევრ ღირსებასთან ერთად, ეს ჟურნალი იმითაც გამოირჩეოდა, რომ ყველა ნომერში დაბეჭდილი იყო, რომელიმე გუნდის, ან ნაკრების თითო პლაკატი.

თბილისში ბევრი აგროვებდა პლაკატებს, ზოგი სად შოულობდა, ზოგი სად.
მერე მიდიოდა გაცვლა, მაზიანი და ა.შ... მსმენია არაერთი ისტორია...

ეს სხვა დროს იყოს.

🚀 კოსმოსში დავბრუნდეთ.

არ მახსოვდა, ამ ფეხბურთელებს ერთ პერიოდში რომ მოუწიათ ნიუ იორკში თამაში.

გავხსენი გუგლი და ჩავუჯექი.

საინტერესო სეზონი აღმოჩნდა.

💫 ფოტოზე, პირველ რიგში სხედან მსოფლიო ფეხბურთის სამი დიდი ვარსკვლავი - 29 წლის იოჰან ნეესკენსი, 36 წლის კარლოს ალბერტო და 35 წლის "კაიზერ ფრანცი".
ასევე, რომის ლაციოს ლეგენდა ჯორჯო კინალია და ჰოლანდიის ნაკრების კიდევ ერთი წევრი - ვიმ რაისბერგენი.

გუნდში იყვნენ - პარაგვაის ნაკრების წევრები - რომერიტო და რობერტო კაბანასი.

ბრაზილიის ნაკრების წევრი - ოსკარი.

ერთ - ერთი გამორჩეული პერსონაჟი, სომხური ფესვების ირანელი - ანდრანიკ ესკანდარიანი, რომელიც ირანის ისლამური რევოლუციის შემდეგ ა.შ.შ. - ში დარჩა და მოგვიანებით ამ ქვეყნის მოქალაქეობა მიიღო...

გუნდმა სეზონი ტრიუმფით დაასრულა, რეგულარულ ჩემპიონატში 2️⃣1️⃣3️⃣ ქულა დააგროვა და პირველი ადგილი დაიკავა.

ხოლო, სოკერ ბოულის ფინალში 3️⃣:0️⃣ დაამარცხა ფორტ ლოდერდილის - სტრაიკერსი.

3️⃣5️⃣ თამაშში 2️⃣1️⃣3️⃣ ქულა რა კაია? 😀

მაშინ ამერიკის ჩემპიონატში ქულათა სისტემა ასეთი იყო:

მოგება + 6️⃣ ქულა.

ფრის შემთხვევაში ბულიტები ინიშნებოდა.
გექნებათ ნანახი "მოძრავი" პენალტების სერია.
ზუსტად ისეთი, როგორც ჰოკეიშია.

ბულიტებში გამარჯვება + 1️⃣ ქულა.

გატანილი გოლი + 1️⃣ ქულა.

ერთადერთი, ადამიანური ქულა წაგებაზე იყო - 0️⃣ 😀

1️⃣9️⃣8️⃣0️⃣ წლის გაზაფხულზე, გუნდმა ამხანაგური მატჩების სერია გამართა.
კოსმოსმა ისეთ გუნდებს მოუგო, როგორებიცაა - რომა, კიოლნი, ნაპოლი, ჰაიდუკი, მანჩესტერ სიტი..
ასევე, 2️⃣:1️⃣ დაამარცხა - არგენტინოს ხუნიორსი, სადაც დიეგო მარადონა თამაშობდა და ის ერთადერთი გოლიც სწორედ დიეგომ გაიტანა.
იძებნება იუთუბზე, შესანიშნავი გოლია.
ხოლო, ჟან ტიგანას და საქართველოს ნაკრების ყოფილი მწვრთნელის - ალენ ჟირესის ბორდოსთან, კარგად წააგეს - 1️⃣:4️⃣

მოკლედ, ბევრი საინტერესო ხდებოდა იმ ეპოქაში და ნაღდად ღირს ძველი ჟურნალ - გაზეთების გადახედვა.

აგერ, გადავხედე და ცოტა მოგიყევით.

დროებით 🙂❤️

ტ რ ა ვ მ ა ❗❗❗ხვიჩა ისევ ტრავმირებულია❗რამდენად სერიოზულადაა საქმე, ამას დღეს შევიტყობთ.არადა, 3 დღეში ბარსელონასთან მნ...
28/09/2025

ტ რ ა ვ მ ა ❗❗❗

ხვიჩა ისევ ტრავმირებულია❗

რამდენად სერიოზულადაა საქმე, ამას დღეს შევიტყობთ.

არადა, 3 დღეში ბარსელონასთან მნიშვნელოვანი მატჩია და სულ მალე, კიდევ უფრო მნიშვნელოვანი - ესპანეთთან და თურქეთთან.

ოსერთან ტრავმა ვიტინიამაც მიიღო.

გუშინდელი მატჩის განაცხადში, ასევე ტრავმის გამო არ იყვნენ - დეზირე დუე, უსმან დემბელე, ჟოაო ნევეში, მარკინიოსი და ფაბიან რუისი...

ძალიან გადატვირთულია სეზონი❗
მგონი იქ, სადღაც, ავიწყდებათ, რომ ფეხბურთელები - ადამიანები არიან❗

კ ლ ა ს ე ლ ე ბ ი📕 6️⃣ წელი რომელ სკოლაშიც ვისწავლე, იქ - ჩემი და მასწავლებლების ურთიერთობები ვერ აეწყო - ძალიან რბილად ...
24/09/2025

კ ლ ა ს ე ლ ე ბ ი

📕 6️⃣ წელი რომელ სკოლაშიც ვისწავლე, იქ - ჩემი და მასწავლებლების ურთიერთობები ვერ აეწყო - ძალიან რბილად რომ ვთქვა.

სკოლის შეცვლის დრო დადგა.

ისე დაემთხვა, სადაც ფეხბურთზე დავდიოდი, იქაც რაღაცეები აირია და თან ახალი გუნდის ძიებაში ვიყავი.

2️⃣0️⃣0️⃣1️⃣ წელი იყო.

ერთ დროს, 3️⃣5️⃣ - ე საფეხბურთო სკოლის სასწავლო ნაწილი დედაჩემი გახლდათ. ამიტომ, მშობლებს ბევრი არ უფიქრიათ იმის თაობაზე, თუ სად უნდა გამეგრძელებინა სწავლა და შესაბამისად - ფეხბურთის თამაში.

📕 დედას ყოფილი თანამშრომლების წყალობით - საბუთების მიღება, დარეგისტრირება, გუნდის შერჩევა და ა.შ. ადვილად მოხერხდა.

პირველი დღე 3️⃣5️⃣ - ე სკოლაში ყველაზე კარგად მახსოვს.

- სწავლა 10:30 საათზე იწყებოდა. დილაობით, რამდენიმე გუნდი ვარჯიშობდა და შესაბამისად, სკოლის გრაფიკი ამაზე იყო მორგებული.

ეს უკვე ჩემთვის ძალზედ სასიხარულო ამბავი გახლდათ.
სად - დილის 9 ზე რომ უნდა იყო სკოლაში და სად - 11 ის ნახევარზე?
დღესაც რომ მკითხოთ, იდეალური დროა სწავლის დასაწყებად, მითუმეტეს - ოთხშაბათს და ხუთშაბათს (უკვე პარასკევსაც), როცა ჩემპიონთა ლიგის გამო, ღამე ნახევრად გაქვს გატეხილი 😀

თქმა დამავიწყდა -
ისე აღმოჩნდა, მთელს ჩემს კლასს სხვა მწვრთნელი წვრთნიდა. მე კი - სხვა.
იმათ, დილით ვარჯიში უწევდათ.
მე - არა.

- ხოდა, პირველი დღეა.
ვზივარ საკლასო ოთახში, მარტო.
ველოდები კლასელებს, რომლებსაც ჯერ კიდევ არ ვიცნობ.
უცებ, დერეფანში ისმის ყიჟინა...
ერთმანეთში არეული ღადავი და ღლაბუცი...
ვხედავ, ოთახში შემოდიან ნავარჯიშები, გაოფლილი, ფეხბურთის ფორმაში გამოწყობილი ბიჭები.

იმ სკოლაში, სადაც მანამდე დავდიოდი, ფეხბურთის ფორმა კი არა, ფეხბურთელის პლაკატი, საფეხბურთო რვეული, ამ ნებისმიერი ატრიბუტი რომ მიგეტანა - "ანათემას იყავი გადაცემული" და ამ ნივთებს ვერასოდეს ვეღარ იხილავდი.

აქ კიდევ, ზოგს რეალის ფორმა ეცვა, ზოგს - იუვენტუსის...
ბიჭები, ძირითადად, საფეხბურთო ხუმრობებით ურთიერთობდნენ, აი ისეთი ხუმრობებით, მარტო ფეხბურთელებმა რომ იციან და ამის გამო, არავინ - არავის ზღუდავდა.

თავი ნირვანაში მეგონა.

სწავლა?
როგორც ყველგან.
ოღონდ - ნაკლები იმიჯით.

დაახლოებით 4 წლის შემდეგ, კიდევ ერთხელ მომიწია სკოლის შეცვლა.

მაგრამ, იმ დროს, ჩემი 3️⃣5️⃣ - ე სკოლის კლასი თითქმის დაშლილი იყო.
ზოგი - ფეხბურთის ვარჯიშების გამო ვეღარ დადიოდა და ერთგვარი "აკადემიური" ჰქონდა აღებული.
ზოგი სად წავიდა, ზოგი სად...

ფოტოზე ჩემი 4 კლასელია.

ალექსი ბენაშვილი

ბუბა დაუშვილი

ფრენკ რიბერი არადა - დათო თარგამაძე (თაგვი)

ბექა ტუღუში

ფეხბურთის გულშემატკივრებმა - ბიჭები იციან, მაგრამ ერთი ძალიან საინტერესო ამბავი, არამგონია ბევრმა იცოდეს - ოთხივე მათგანს მორგებული აქვს საქართველოს ეროვნული ნაკრების მაისური.

ბენაშვილს - კლაუს ტოპმიოლერის დროს ჰქონდა დებიუტი.

ბუბა და თაგვი გემახსოვრებათ, განსაკუთრებით თემურ ქეცბაიას მწვრთნელობის პერიოდში.

ბექა ტუღუში კი - ვლადიმერ ვაისმა ათამაშა, ორ ამხანაგურ შეხვედრაში.

საინტერესო ფაქტია არა?

4 კლასელი ეროვნულ ნაკრებში.
არამგონია მსოფლიოში ბევრი იყოს მსგავსი შემთხვევა.

"დიდ მინდორზე" ფეხი ოთხივემ დადგა.
მაგრამ, რომ მახსენდება მათი თამაშები, სკოლის პერიოდში, ვფიქრობ - ოთხივეს უფრო სერიოზული კარიერა უნდა ჰქონოდა - ისეთი მაგრები იყვნენ.
თუმცა, იმასაც რომ ვიხსენებ, რა პერიოდში მოუწიათ ბავშთა ფეხბურთის გავლა - მათ წარმატებას ორმაგად ვაფასებ!

სკოლის შემდეგ, არცერთთან კონტაქტი აღარ მქონია. მხოლოდ, შორიდან ვგულშემატკივრობდი.

ეხლა კი აქიდან მოვიკითხავ.
ამ წერილს თუ წააწყდებიან სადმე, ალბათ გაუხარდებათ 🙂❤️

🎙️პაბლო აიმარი: "არ არსებობს იმაზე დიდი იმედგაცრუება, როდესაც გესმის ვიღაცის ნათქვამი - კრეატიული ფეხბურთელები აღარ არსე...
23/09/2025

🎙️პაბლო აიმარი:
"არ არსებობს იმაზე დიდი იმედგაცრუება, როდესაც გესმის ვიღაცის ნათქვამი - კრეატიული ფეხბურთელები აღარ არსებობენ.
განსაკუთრებით მას შემდეგ, რაც 800 ერთნაირ, მექანიკურ ვარჯიშს იმეორებ. სად ჯანდაბიდან უნდა მოვიდეს კრეატიულობა, თუ ყველაფერი ავტომატურ, განმეორებად მოქმედებად იქცევა?
თუ 15 წლის ბავშვს, რომელსაც დრიბლინგის მცდელობა უნდა, ვეტყვით, რომ აღარ გააკეთოს, რადგან ბურთი ორჯერ ან სამჯერ დაკარგა, მაშინ რას უნდა ველოდოთ, რომ მოხდება?... ამ ასაკში ის ბურთს ოცჯერ დაკარგავს და ეს ნორმალურია!
რადგან სწორედ ამ ოც მარცხში იბადება სიმამაცე, იხვეწება ხედვა და ინთება ის ნაპერწკალი — რომლის გამეორებაც შეუძლებელია".

ვეტერანი არგენტინელის ამ სიტყვებს - გუშინდელი ოქროს ბურთის დაჯილდოება გამოეხმაურა და კიდევ ერთხელ დაადასტურა, რომ ფეხბურთი - მხოლოდ ციფრებშია კონვერტირებული.

თუ ასე არაა, ყველა სხვას რომ თავი დავანებოთ, როგორ მოხერხდა პედრის 11 ადგილზე გაყვანა?

რას უყურებენ, როგორ უყურებენ, რითი აფასებენ ფეხბურთს...აღარ მესმის!

და კიდევ.

მსოფლიოს საკლუბო ჩემპიონატს რომ უფრო დიდ სტატუსს მიანიჭებ, ვიდრე ჩემპიონთა ლიგას - კი, არის ამაში რაღაც, ხელოვნური.

Address

Tbilisi

Telephone

+995551042313

Website

Alerts

Be the first to know and let us send you an email when Zuka and Football • ზუკა და ფეხბურთი posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zuka and Football • ზუკა და ფეხბურთი:

Shortcuts

Share

Category