29/09/2024
სად ცხოვრობს ბედნიერება?
ბედნიერებას ხშირად მომავალში ვეძებთ, ბედნიერებისკენ ხშირად მივილტვით,
ბედნიერებას ხშირად მომავლის ამარა ვტოვებთ.
მაგრამ რომ დავფიქრდეთ, ემოციები უშუალოდ როდის მოქმედებენ ჩვენზე? ანუ სამეცნიერო ენაზე - როდის არის ემოციების აქტუალგენეზი?
⬆️მომავალში?
⬇️წარსულში? (მოგონებებს არ ვგულისხმობ)
რა თქმა უნდა, არა!
▶️ჩვენ ვარსებობთ ახლა და აქ!
დანარჩენი ყველაფერი = x
რასაკვირველია, უნდა გავაგრძელოთ მომავლის ინტეგრირება ჩვენს ფიქრებსა თუ გეგმებში, მაგრამ არა აწმყოს შეწირვის, გაბათილების ფასად.
ეს არ არის ფილოსოფიური, არამედ სუფთა წყლის ფსიქოლოგიური პოსტი.
აწმყოდან გაქცევას თავისი დანიშნულება აქვს ექსტრემალურ შემთხვევებში - ტრავმირება ბავშვობაში, ომში, კატასტროფებისას, ძალადობისას…
დანარჩენი, ადამიანი მისი ბუნებით აწმყოშია ყველაზე ცოცხალი, ეფექტური და ცნობიერი.
შევეცადოთ, არ გამოგვრჩეს ერთი შეხედვით პატარა გამაბედნიერებელი რაღაცეები აწმყოში, მაგალითად:
☀️ცის სილამაზე
☀️ტკივილის არ შეგრძნება
☀️გემრიელი ყავა თუ წყალი
☀️სარკეში მოწონებული საკუთარი თავი
☀️მეგობრის სითბო
☀️ოჯახის ალერსი
☀️გემრიელი ყველი თუ ყურძენი
☀️ლამაზი კადრი, პეიზაჟი, მუსიკა
☀️სასიამოვნო კომპლიმენტი
☀️საამური შხაპი
☀️რაღაცის ბოლომდე მიყვანა
☀️ნანატრი ადგილის ნახვა
☀️სიურპრიზი
ეს სია შეგვიძლია გავხადოთ უსასრული და ეს სია არის მერე ბედნიერება!
ბედნიერება არ არის ბუნდოვანი, რომანტიკული “ლურჯი ყვავილი” (die blaue Blume), რომელიც ვერასდროს გექნება.
არა! ბედნიერება არის შენი უნარი და გადაწყვეტილება, ბედნიერება აღიქვა, იგრძნო და შემოუშვა, როცა ის შენთან არის.
ჯანმრთელობას, სულიერ სიმშვიდეს და გახსნილ გონებას გისურვებთ!
თქვენი ჰაუსი
