Ochobooks

15/08/2022

მოგესალმებით, ჩვენო ძვირფასო ერთგულო მკითხველებო! ვიცით, მოგენატრათ ჩვენი ახალი გამოცემები, რაზეც თქვენი პირადი შეტყობინებები მეტყველებს, რისთვისაც დიდ მადლობას გიხდით. მთლად უსაქმოდ არ გეგონოთ, ამ მძიმე პერიოდშიც ვეწევით "იატაკქვეშა საქმიანობას", ვცდილობთ გადარჩენას და იმედი გვაქვს, მალე დაგიბრუნდებით ახალი საინტერესო გამოცემებით. მანამდე ერთი თხოვნა გვაქვს, გადადით ლინკზე და გამოიწერეთ ჩვენი იუთუბ არხი, რომელზეც შემოდგომიდან ასევე ძალიან საინტერესო რამე-რუმეებს შემოგთავაზებთ ^_^

Del dine videoer med venner, familie og verden

04/04/2021

ჩვენი წიგნების ყდების ავტორი, მხატვარი და დიზაინერი გიორგი ახუაშვილი, იგივე #მოდიგიო, ჟურნალ #ზეგავლენა-ში 🥰 Modi Gio Art Modi Gio

05/12/2020

https://www.facebook.com/BatumiMonodrama/posts/1069632023509870

დღეს, 21:30-ზე აჭარის ტელევიზიის არხზე, ბათუმის 2020 წლის მონოდრამის საერთაშორისო ფესტივალის ფარგლებში გენერალი გიორგი მაზნიაშვილის შესახებ დადგმული სპექტაკლი - "დაუმარცხებელი გენერალი" გავა. რეჟისორი: სოსო ბაკურაძე. იმედი გვაქვს, პანდემიის შემდეგ სცენაზეც იხილავს მაყურებელი

12/11/2020

‼️ საზაფხულო აქციის ფარგლებში, შეიძინეთ ფასდაკლებით 6.90 -ად 10.00 ლარის ნაცვლად 👇👇🤗🤗
🛑 ფრანც კაფკას „პროცესი“
🛑 ფასდაკლება მოქმედებს, როგორც მაღაზიაში ასევე საიტზეც 😊 👉👉 https://bit.ly/2Nrm9Gu

🔺 ფრანც კაფკა ის მწერალია, რომელმაც მიუხედავად ხანმოკლე სიცოცხლისა, მსოფლიო ლიტერატურაში უდიდესი კვალი დატოვა. კაფკას სიცოცხლეში აღიარება არ მოუპოვებია. მეტიც, რომ არა მწერალი მაქს ბროდი სიცოცხლის შემდეგაც უცნობი დარჩებოდა ფართო საზოგადოებისთვის, რადგანაც კაფკამ სიკვდილის წინ მაქს ბროდს თავისი ნაწარმოებების განადგურება სთხოვა. საბედნიეროდ, ბროდმა მეგობრის უკანასკნელი თხოვნა არ შეასრულა. ფაქტია, ამით მხოლოდ ლიტერატურამ გაიმარჯვა.

17/08/2020

ოჩოს გულს რომ ახარებენ

17/07/2020

‼️ საზაფხულო აქციის ფარგლებში, შეიძინეთ ფასდაკლებით 6.90 -ად 10.00 ლარის ნაცვლად 👇👇🤗🤗
🛑 „შიშის ველი“ - არტურ კონან დოილი

🔺 ართურ კონან დოილი… ეს სახელი ჩვენთვის, აბსოლუტური უმრავლესობისთვის ბავშვობიდან, წარუშლელ შთაბეჭდილებებთან, მძაფრ შეგრძნებებთან და რა თქმა უნდა, მის უმთავრეს გმირთან – შერლოკ ჰოლმსთან ასოცირდება.
✍️ მწერალი საკუთარმა შექმნილმა გმირმა ისე დაატყვევა, დიდი მცდელობების მიუხედავად მისგან თავის დაღწევა ვეღარ შეძლო. ერთგულმა მკითხველებმა და გამომცემლობებმა მას ამის ნება არ მისცეს. თუმცაღა, სიმართლე რომ ვთქვათ, ვერავის დაადანაშაულებ. მთავარი „დამნაშავე“, ალბათ, მაინც თავად არტურ კონან დოილი და მისი გენიალური შერლოკ ჰოლმსია.
✍️ საქართველოში ბევრს ჰგონია, რომ შერლოკ ჰოლმს კარგად იცნობს. ბავშვობიდან, და მისი ყველა ისტორიაც ზეპირად იცის, არადა, „შიშის ველი“ არტურ კონან დოილის ის რომანია, რომელიც პირველად ითარგმნა ქართულ ენაზე გამომცემლობა Ochobooks მიერ 🤗🤗

27/10/2019

27/07/2019

1001 მიზეზი, პავიჩის ვარსკვლავთა მოსასხამის წასაკითხად:
1. თუ ყოველ ღამით ნახულობთ სიზმრებს
2. თუ ოდესმე მაინაც გინახავთ სიზმარი
3. თუ არასოდეს გინახავთ სიზმარი
4. თუ გჯერათ სიზმრების
5. თუ ოდესმე აგხდენიათ სიზმარი
6. თუ გიფრენიათ სიზმარში
7. თუ არ გიფრენიათ სიზმარში
8. თუ გყვარებიათ
9. თუ ოდესმე გქონიათ დეჟავუ
10. თუ გყვარებიათ სასოწარკვეთილებამდე
11. თუ გჯერათ, რომ ოდესმე შეგიყვარდებათ
12. თუ გტკენიათ
13. განსაკუთრებით, თუ სიყვარულის გამო გტკენიათ
14. თუ გიბრძოლიათ
15. განსაკუთრებით, თუ სიყვარულის გამო გიბრძოლიათ
16. თუ შესწრებიხართ, როგორ კვდება სიყვარული
17. თუ გიბრძოლიათ მომაკვდავი სიყვარულის გადასარჩენად
18. თუ სხვისთვის გიტკენიათ
19. განსაკურებით, თუ უსიყვარულობით გიტკენიათ
20. თუ ოდესმე წაგიკითხავთ საკუთარი ზოდიაქოს ნიშნის შესახებ
21. თუ არასოდეს წაგიკითხავთ საკუთარი ზოდიაქოს ნიშნის შესახებ
22. თუ გჯერათ ასტროლოგიის
23. თუ არ გჯერათ არც ასტროლოგიის და არც სიზმრების ახსნის
24. თუ გჯერათ რეალობის
25. თუ არ გჯერათ რეალობის
26. თუ გიომიათ
27. თუ შეგშინებიათ ომის
28. თუ შესწრებიხართ ომს
29. თუ ცხოვრობთ ქვეყანაში, სადაც ოდესმე ყოფილა ომი, რომელიც თქვენს სისხლს ახსოვს
30. თუ ცხოვრობთ ქვეყანაში, სადაც ოდესმე ყოფილა ომი, რომელიც თქვენ გახსოვთ
31. თუ გჯერათ დამთხვევების
32. თუ არ გჯერათ დამთხვევების
33. თუ გჯერათ სხვა ცხოვრების
34. თუ არ გჯერათ სხვა ცხოვრების
35. თუ გინდათ კარგი წიგნის წაკითხვა
36. თუ ერთხელ მაინც აგიხედიათ ვარსკვლავებიანი ცისკენ
37. თუ გენატრებათ
38. განსაკუთრებით, თუ გენატრებათ ის, ვინც შორსაა
39. თუ ცხოვრობთ სამყაროში, სადაც ოდესმე ყოფილა ომი, თუნდაც თქვენგან შორს
40. თუ თქვენ დაიბადეთ ზოდიაქოს რომელიმე ნიშნით
41. თუ ოდესმე გიფიქრიათ სიცოცხლეზე
42. თუ ოდესმე გიფიქრიათ სიკვდილზე
43. თუ თქვენ ცხოვრობთ ქვეყანაში, სადაც ოდესმე ვინმეს ვინმე ყვარებია, და სიყვარული თქვენს სისხლს ახსოვს
44. თუ ოდესმე მოგნდომებიათ, დახმარებოდით ვინმეს
45. თუ ოდესმე მოგნდომებიათ, დაგხმარებოდათ ვინმე
46. თუ გიზიდავთ მისტიკა
47. თუ მოგწონთ თავსატეხების ამოხსნა ...

დანარჩენი მიზეზების აღმოსაჩენად, წაიკითხეთ "ვარსკვლავთა მოსახამი" და მიამატეთ ჩამონათვალს ნაპოვნი მიზეზები

27/07/2019

დღის ფრაზა კაფკას გარდასახვის დასაწყისია ^_^

თქვენ რომელი ოჩო-წიგნის დასაწყისი გიყვართ?

#დღისციტატა

👇 10 ყველაზე შთამბეჭდავი წიგნის დასაწყისი 👇
https://bit.ly/2IQMXxh

11/06/2019

ჩაგძინებიათ წიგნთან?
თუ ათენებთ ხოლმე ბოლომდე? 📚📚🤔

08/06/2019

სისწრაფის ტესტი:
რამდენ წამში იპოვით ფოტოზე ოჩოს ;)

მკითხველის ფოტო ^_^

08/06/2019

კაფკა პლაჟზე.
მკითხველის ფოტო ოჩოს არქივიდან ^_^

08/06/2019

ხომ იცით, ოჩოს როგორ უყვარს მკითხველების გულში და ფოტოკამერის ფოკუსში აღმოჩენა ^_^
ხოდა, აი ასეთი ლამაზი კადრი მივიღეთ მეგობარი მკითხველისგან და აბა, როგორ შეგვეძლო, თქვენთვისაც არ გვეჩვენებინა

04/06/2019

მას შემდეგ, რაც გავიგე, რომ სამსახურში გადაღლილობა ოფიციალურად შევიდა დაავადებათა ნუსხაში და თანაც ამინდებმა ზაფხული მომაგონა, ზაფხული კი წიგნებთან ასოცირდება უხსოვარი წარსულიდან, ჩემში მცხოვრები მკითხველი განსაკუთრებულად განიცდის შვებულების დღეების არარსებობის პერსპექტივას.
წიგნდამოკიდებულებს კარგად მოეხსენებათ ე.წ. "წიგნის ლომკა".
წარმოვიდგენ, რომ გვერდით დავიწყვე ოჩოწიგნები და დავიწყე კითხვა.
პინგვინთა კუნძულს წავიკითხავდი და ზამიატინის ჩვენს მივაყოლებდი ამოსუნთქვის გარეშე.
მერე შარმას ოჯახურ ცხოვრებას.
ბოლო ლუკმად კი პავიჩის ახალთახალ თარგმანს. აი, ამ ბოლო წიგნის გამოსვლის დღიდან დავკარგე მოსვენება თუ დავკარგე.
იქნებ ოდესმე ორიოდე თავისუფალი წუთი ჩავიგდო ხელში და მოგიყვეთ, რატომ ეს წიგნები და რატომ ამ ზაფხულს.
და იქნებ ერთი დღე მაინც მოვპარო რუტინას, ჩავუჯდე ოჩოწიგნებს და ზაფხულობანა გავითამაშო.

თქვენ რა გეგმები გაქვთ ამ ზაფხულს?

04/06/2019

ვიღაც სერბ მწერალზე ჩამომიგდო სიტყვა, გვარად მგონი პავიჩზე. ახალი ავტორების მონაა, რაც თავი მახსოვს, სულ ეგეთი იყო. პირველად მაგისგან გავიგე კერუაკი და ბეროუზი, თან როდის, სამოციანი წლების ბოლოს, ბიტნიკებს კი არა, საკუთარ კლასიკოსებს რომ გვიმალავდნენ, მაშინ. ბოლო რომანი აქო იმ სერბის: „ვარსკვლავთა მანტია", თუ „ვარსკვლავებიანი მოსასხამი". რაზეა-მეთქი, რომ ვკითხე, მაგრად გახალისდა...
..
რამ გადამარჩინა... ძვლების სიმაგრემ?.. არა... იყო, რაღაც უფრო მნიშვნელოვანი, რამაც დამიფარა... ეს „რაღაც უფრო მნიშვნელოვანი» სერბი მწერლის, პავიჩის დავალება გახლდათ... მისი ბოლო რომანი მკითხველისადმი აღვლენილი თხოვნით მთავრდება... გასაჭირში ჩავარდნილი პერსონაჟების გადარჩენას ითხოვს ავტორი, ხუთი ასოსგან შემდგარი ქალის სახელის ამოცნობას... არ მქონდა ეს დავალება შესრულებული... ასე მგონია, „ვარსკვლავთა მანტიის» კალთა მაქვს გადაფარებული, ვიდრე შევასრულებ... „ვარსკვლავთა მანტია" რომანს ჰქვია... ვიცი გაგეცინებათ, მაგრამ არა უშავს, ტვინის შერყევას მიაწერეთ ეს დაუსაბუთებელი, უცნაური მოსაზრება...

http://www.bu.org.ge/x3271?lang=geo

02/06/2019

თუ თქვენ ვერძის ნიშნით ხართ დაბადებული და თუ ცხადში ნახეთ
"ციხესიმაგრე – ძველი სწავლების მიხედვით, თუკი
ციხესიმაგრესთან მიმავალ ხიდს გადაივლით, სიზმარში თქვენ
გაიგებთ, როგორ ჩაგჩურჩულებთ ვიღაც რაღაც
სახელს. ის ვიღაც თქვენივე ხმით ჩაგჩურჩულებთ,
თუმცაღა ეს სახელი არ გეცნობათ. ყურადღებით
იყავით და დაიმახსოვრეთ ეს, რადგან თქვენი საკუთარი ხმა გეტყვით, რა ჰქვია თქვენს საბედოს". 🥰🥰🥰

მილორად პავიჩი "ვარსკვლავთა მოსასხამი"
საფესტივალო ფასი: 6 ლარი

მილორად პავიჩის "ვარსკვლავთა მოსასხამი". მალე... წიგნი გამოიცემა ქართული წიგნის ეროვნული ცენტრი Georgian National Book Center-ის მხარდაჭერით ^_^
Modi Gio

01/06/2019

საფესტივალო ფასი: 6 ლარი
👀 მოგვძებნეთ აგორას სტენდთან

მალე! ევგენი ზამიატინის "ჩვენ". წიგნი, რომელსაც დიდი ხანია ელოდებით.
რუსულიდან თარგმნა ტატა ნიკოლაძემ
ყდის დიზაინერი გიორგი ახუაშვილი Tata Nikoladze Modi Gio

31/05/2019

საფესტივალო ფასი: 6 ლარი
👀 მოგვძებნეთ აგორას სტენდთან

ახილ შარმას ოჯახური ცხოვრება პირველად 2014 წელს დაიბეჭდა. წიგნის გამოსვლასთან დაკავშირებით ავტორმა შემდეგი განაცხადი გააკეთა: „თორმეტნახევარი წლის მანძილზე შვიდი ათასი გვერდი დავწერე, რის შედეგადაც ამ კვირაში გამოვეცი წიგნი, რომელიც 224 გვერდისგან შედგება“. წერის თითქმის 13 წლიანი პროცესი მან ქვების ღეჭვას შეადარა. თუმცა ავტორის შრომა დაუფასებელი არ დარჩენილა. ოჯახური ცხოვრება იმავე წელს დასახელდა წლის საუკეთესო 10 წიგნს შორის New York Times Book Review და New York Magazine-ს მიერ.
2015 წელს წიგნმა გაიმარჯვა და მიიღო Folio Prize for Fiction (2015).
2016 წელს გახდა ნომინანტი DSC Prize for South Asian Literature 2016-ის შორთლისტში და ამავე წელს მოიპოვა ყველაზე პრესტიჟული ლიტერატურული ჯილდო International Dublin Literary Award 2016.
უნდა აღინიშნოს, რომ ოჯახური ცხოვრება International Dublin Literary Award-ის ჟიურიმ 43 ქვეყნის 118 ქალაქის ბიბლიოთეკების მიერ წარდგენილ 160 კანდიდატს შორის აარჩია. ახილ შარმა International Dublin Literary Award-ის 21-წლიანი ისტორიის მანძილზე მესამე ამერიკელი ავტორი გახდა, რომელსაც ეს ჯილდო ერგო.
რომანი ავტობიოგრაფიულია. ავტორი იმდენად გულახდილად ყვება საკუთარი ოჯახის ამბავს, რომ წიგნის გამოსვლამდე ცოტა ხნით ადრე მიცემულ ინტერვიუში აღნიშნა, რომ ერჩივნა, მის მშობლებს ეს ნაწარმოები არ წაეკითხათ.
რომანი გვიყვება ერთი ინდური ოჯახის ამბავს, რომელიც უკეთესი ცხოვრების ძიებაში ამერიკაში გადასახლდა. თხრობა პირველ პირში მიმდინარეობს და ოჯახის უმცროსი ვაჟი, აჯაი ყვება საკუთარი ოჯახის სევდიან თავგადასავალს.
ბავშვის თვალით დანახული და აღქმული გადასახლება, ახალ გარემოსთან და უცხო ქვეყანასთან ადაპტაცია, მოზარდის ზრდისა და სამყაროს შეცნობა-აღქმის საინტერესო პროცესი, რასაც თან ერთვის უფროსი ძმის, განსაკუთრებულად ნიჭიერი 14 წლის ბიჭის უბედური შემთხვევა, რის შედეგადაც ბრწყინვალე გონების პატრონი ტვინის დაზიანებს ღებულობს და სამუდამოდ კარგავს ლაპარაკის და სიარულის უნარს. მასზე ზრუნვისა და თავსდატეხილი ტრაგედიის სიმძიმე ოჯახს წელში წყვეტს.
რომანის მთავარი თემა ოჯახის სიყვარული, ერთმანეთის გვერდში დგომაა. ავტორმა წიგნი საკუთარი ოჯახის უკვდავყოფას, განსაკუთრებით კი თავის ძმას მიუძღვნა.
ავტორი ინტერვიუებში აღნიშნავს იმ ტექნიკურ სირთულეებს, რასაც წერის პროცესში გადააწყდა. თუმცა საბოლოოდ შეძლო, რომ მძიმე ამბავი მსუბუქი, ბავშვური ენით მოეთხრო და დაიმსახურა კიდეც როგორც მკითხველების, ასევე კრიტიკოსების მოწონება და აღიარება.