11/06/2025
https://www.bbc.com/russian/articles/czr8z15pv3jo
სტატიის თარგმანი - „ყველანი სიებში დავიხრჩვით“ – როგორ ქრება აკრძალული წიგნები რუსეთში
ავტორები: სვეტლანა რეიტერი, ნატალია ზოტოვა
BBC-ის რუსული სამსახური
მას შემდეგ, რაც გამომცემლობა Individuum-ის თანამშრომლები დააკავეს, რუსეთის წიგნის მაღაზიებმა დაიწყეს მიღება იმ წიგნების სიებისა, რომელთა ამოღებასაც მოითხოვენ გამომცემლობები. წიგნის გამავრცელებლებს აჯარიმებენ ლგბტ პროპაგანდისთვის, ხოლო წიგნის მაღაზიებში ეშინიათ რაიმე ისეთის შეკვეთა, რაც შესაძლოა, თუნდაც ირიბად ეხებოდეს ამ საკითხს. „საქონლის ყოველი მიმღები კითხულობს თითოეულ წიგნს“ და „ამოწმებს, ხომ არ არის, ვთქვათ, 125-ე გვერდზე დაუშვებელი კოცნა“ – მიუხედავად იმისა, რომ რუსეთში არ არსებობს ლგბტ თემაზე აკრძალული წიგნების ოფიციალური სია.
BBC-იმ სცადა გაერკვია, როგორ ქმნიან გამომცემლები, ბიბლიოთეკები და წიგნის გამავრცელებლები თავიანთ „შავ სიებს“, სად ქრება აკრძალული წიგნები და აქვთ თუ არა წიგნის ბაზრის მონაწილეებს რეალური მექანიზმები ძალოვანი სტრუქტურებისგან თავის დასაცავად.
ბოლო ერთი თვის განმავლობაში, სულ ცოტა, სამმა გამომცემლობამ – Самокат-მა, Рипол-მა და Эксмо-მ – წიგნის მაღაზიებს გაუგზავნა იმ წიგნების სია, რომლებიც სასწრაფოდ უნდა ამოეღოთ სასაქონლო ბრუნვიდან. ეს წიგნები ან უკან უნდა დაებრუნებინათ მომწოდებლისთვის, ან გაენადგურებინათ და ამაზე წერილობითი მტკიცებულება წარმოედგინათ.
როგორც BBC-ის ორ წყაროს წიგნის ბაზარზე განუცხადეს, ამ სიებს გამომცემლობები დამოუკიდებლად ადგენენ, თავიანთი პროდუქციიდან ირჩევენ წიგნებს, რომელთაც შეიძლება შეეხოს კანონი ლგბტ პროპაგანდის შესახებ. „არავითარი ინსტრუქცია არ არსებობს, ყველა თავად, საკუთარი შეხედულებისამებრ ადგენს სიებს“, – ამბობს რუსეთის ერთ-ერთი გამომცემლობის თანამშრომელი.
მისივე თქმით, ეს სია ეფუძნება მათ „საკუთარ წარმოდგენებს მშვენიერების შესახებ“. „ლგბტ-პროპაგანდისა და ექსტრემიზმის ამოცნობის ტვირთი [კანონის მიხედვით] ყველას აკისრია, რადგან ყველას მიაკითხავენ. გამომცემელმა გამოსცა – დანაშაულია. გამავრცელებელმა გაყიდა – დანაშაულია. ყველაფერი ერთმანეთშია აზელილი, ყველა შოკშია და არ არსებობს რაიმე მისამართი, სადაც შეიძლება მიხვიდე და იკითხო, კონკრეტულად რა მიიჩნევა პროპაგანდად“, – ამბობს BBC-ის წყარო.
После ареста сотрудников книжного издательства Individuum российские книжные магазины стали получать списки книг, которые издательства просят изъять из оборота. Мага....
