რადიო პალიტრა FM 103.9 - Radio Palitra FM 103.9

24/01/2025

⭕ LIVE
➤ეთერშია გადაცემა "360 გრადუსი
➤ კიბერპროტესტი თბილისში
➤ ტრამპი და საქართველო
➤ რას გადაწყვეტს ევროსაბჭო?!
➤ მსახიობების პროტესტი
➤ რას გეგმავს ოპოზიცია

24/01/2025

24/01/2025

⭕ LIVE
➤ეთერშია გადაცემა "რეზიუმე"

24/01/2025

„პალიტრა L-ი“ აქციის ფარგლებში „გადაიხადე რამდენიც გინდა“ მიხეილ ჯავახიშვილის რომანს „ჯაყოს ხიზნებს“ გთავაზობთ. მიღებულ თანხას გამომცემლობა სინდისის პატიმრის, ვეფხია კასრაძის ოჯახს გადაურიცხავს. კამპანია 24 იანვარს დაიწყო.

აქციაში მონაწილეობის მისაღებად მსურველებს შესაძლებლობა აქვთ, „ბიბლუსის“ მაღაზიათა ქსელში სასურველ ფასად შეიძინონ მიხეილ ჯავახიშვილის რომანი „ჯაყოს ხიზნები“. თითოეული მოქალაქის მიერ გადახდილი 5 ლარამდე თანხის 10% გადაერიცხება პატიმრის ოჯახს, მეტის გადახდის შემთხვევაში კი - თანხა სრულად ბენეფიციარს მოხმარდება.

ცნობისთვის, ვე­ფხია კას­რა­ძე, ცხინ­ვა­ლის თე­ატ­რის მსა­ხი­ო­ბი და რუ­სეთ-სა­ქარ­თვე­ლოს ომის ვე­ტე­რა­ნია. ის 4 დე­კემ­ბერს ჯგუ­ფუ­რი ძა­ლა­დო­ბის ორ­გა­ნი­ზე­ბი­სა და ძა­ლა­დო­ბა­ში მონაწილეო­ბის ბრალ­დე­ბით და­ა­კა­ვეს, თუმ­ცა წარ­დგე­ნილ ბრალს არ აღი­ა­რებს და თავს რეჟიმის ტყვედ მიიჩნევს

24/01/2025

უკრაინაში არსებული ვითარება ნავთობის ფასზე არ არის დამოკიდებული, - ასე გამოეხმაურა რუსეთის პრეზიდენტის პრესსპიკერი, დიმიტრი პესკოვი აშშ-ის პრეზიდენტის დონალდ ტრამპის განცხადებას, რომელმაც უკრაინის წინააღმდეგ რუსეთის ომის დასასრულებლად საუდის არაბეთსა და OPEC-ის ქვეყნებს ნავთობის ფასების დაწევისკენ მოუწოდა.

„ეს კონფლიქტი ნავთობის ფასებზე არ არის დამოკიდებული“, - განაცხადა კრემლის პრესსპიკერმა.

აშშ-ის პრეზიდენტმა საუდის არაბეთსა და ნავთობის ექსპორტიორ ქვეყანათა ორგანიზაციას (OPEC) მოუწოდა, დაწიონ ნავთობზე მსოფლიო ფასები და აღნიშნა, რომ ამის ამას მსოფლიოს მასშტაბით ცენტრალური ბანკების მიერ საპროცენტო განაკვეთების “დაუყოვნებლივი” დაწევა მოჰყვება. “მოვუწოდებ საუდის არაბეთსა და OPEC-ს დაწიონ ნავთობის ფასი. უნდა დაწიოთ! სიმართლე გითხრათ, მიკვირს, რომ ეს არჩევნებამდე არ გააკეთეს. ახლა ფასი საკმარისად დიდია, რომ [უკრაინის წინააღმდეგ რუსეთის] ომი გაგრძელდეს… ნავთობის ფასი უნდა დაწიოთ, რათა ეს ომი დასრულდეს. შეგიძლიათ ამ ომის დამთავრება,” - განაცხადა ტრამპმა

24/01/2025

"არ უარვყოფ, ქაღალდის ჭიქით, დარჩენილი ყავით გავუმასპინძლდი [„ქართული ოცნების“ წარმომადგენლებს]. ამის შემდეგ ისინი თავს ჯგუფურად დამესხნენ, რის შემდეგაც, როგორც ექიმებმა მითხრეს, გონება დავკარგე და სანამ სასტუმროს თანამშრომლებმა დახმარება არ გამიწიეს, მე უბრალოდ გონზე ვერ მოვედი. მინდა მათ მადლობა გადავუხადო", - ამის შესახებ ოპოზიციის ერთ-ერთმა ლიდერმა, ყოფილმა პრემიერ-მინისტრმა გიორგი გახარიამ პარტიის ოფისში გამართულ ბრიფინგზე აღნიშნა, სადაც ბათუმში, სასტუმრო „შერატონში“ მომხდარ ინციდენტზე მედიასთან პირველად ისაუბრა.

როგორც მან აღნიშნა, მას საქმე არა შემსრულებლებთან, არამედ დამკვეთთან აქვს

24/01/2025

„ახლა დღის წესრიგში დგას სანქციების გახანგრძლივების საკითხი. მუხრუჭი ამოვწიე და ვთხოვე ევროკავშირის ლიდერებს გაეგოთ, რომ ამის გაგრძელება არ შეიძლება. არ არის კარგი, რომ ჩვენ ვიხდით უკრაინის დახმარების ფასს და ისინი გვიქმნიან პრობლემებს. ვთხოვთ მათ, დაარწმუნონ უკრაინა, განაახლონ გაზის ტრანზიტი“, - Reuters-ის ინფორმაციით, ამის შესახებ უნგრეთის პრემიერ-მინისტრმა, ვიქტორ ორბანმა განაცხადა

Reuters-ი წერს, რომ უნგრეთს ჯერ არ გადაუწყვეტია, დაუჭიროს თუ არა მიმდინარე თვის ბოლოს მხარი სანქციების გახანგრძლივებას. ევროკავშირი ყოველ ექვს თვეში ერთხელ აახლებს სანქციებს და ეს ბლოკის 27-ვე წევრი ქვეყნის ერთსულოვან გადაწყვეტილებას მოითხოვს

24/01/2025

"ე.წ. შემოქმედებითი სფეროს წარმომადგენლებისთვის ტარდებოდა რევოლუციური ტრენინგები და ამის შედეგებს ვხედავთ დღეს სახეზე. ფსევდო ელიტის წარმომადგენლები ცდილობენ გარკვეული რევოლუციური პროცესების ორგანიზებას, მაგრამ ესეც წარუმატებლობისთვისაა განწირული",- ასე გამოეხმაურა საქართველოს პრემიერ-მინისტრი ირაკლი კობახიძე, „ახალ თეატრთან“ მსახიობებისა და რეჟისორების გამართულ საპროტესტო მანიფესტს.

ირაკლი კობახიძის თქმით, „კანვასის“ რევოლუცია საქართველოში არ მოხდება და ყველას საკუთარი „პროფესიის მიხედვისკენ“ მოუწოდებს

24/01/2025

"მტკიცებულებები საქმეებში არ არის, არის მხოლოდ პოლიციელების ჩვენებები, ვიდეოჩანაწერები, სადაც ბუნდოვანია, არიან თუ არა ეს ადამიანები აღნიშნულ ვიდეოში. ასევე, გამოიკვეთა შემთხვევები, სადაც ადამიანები აქციას შეუერთდნენ მაშინ, როდესაც გზა უკვე გადაკეტილი იყო და ამ ადამიანებს ედავებიან, თუ რატომ დადგნენ გზის სავალ ნაწილზე", - ამის შესახებ „კანონის უზენაესობის ცენტრის“ ხელმძღვანელმა ლონდა თოლორაიამ, „პალიტრანიუსის“ გადაცემა „დღის ნიუსრუმში“ განაცხადა, რითაც შეაფასა ის ფაქტი, რომ აქციებში მონაწილე პირების მიმართ, გზის გადაკეტვის მოტივით, მაღალი ოდენობის ადმინისტრაციული ჯარიმების გამოწერა მასიურად ხდება.

მისი თქმით, ხელისუფლება აკეთებს ყველაფერს, რომ საპროტესტო აქციები შეწყდეს და ამისთვის მიიღო ისეთი კანონები, რომელიც სამართალდამცავ უწყებას აძლევს შესაძლებლობას, ადამიანები სრულიად უკანონოდ დააკავოს

24/01/2025

თბილისის მერია საზოგადოებრივ ტრანსპორტში (ავტობუსი და მიკროავტობუსი) ჩართულ სხვადასხვა შინაარსის ხმოვან შეტყობინებასთან დაკავშირებით განცხადებას ავრცელებს.

როგორც მერიის განცხადებაშია აღნიშნული, სავარაუდო კიბერშეტევის გამო, საზოგადოებრივ ტრანსპორტში სამგზავრო გადახდის სისტემა დროებით გაითიშება.

მათი განმარტებით, აპარატები უახლოეს პერიოდში, ხარვეზის გამოსწორებისთანავე ჩაირთვება.

აღნიშნული პერიოდის განმავლობაში კი, ტრანსპორტი მგზავრებს გადახდის გარეშე მოემსახურება

23/01/2025

⭕ LIVE
➤ ეთერშია გადაცემა "თავისუფალი სტუდია"

23/01/2025

ცესკო უსაფუძვლოსა და არაარგუმენტირებულს უწოდებს „სამართლიანი არჩევნების“ ხელმძღვანელის განცხადებას, რომ „ცესკო-ში რეორგანიზაცია ფორმალურ ხასიათს ატარებდა და კანონით დადგენილ სტანდარტებს არ აკმაყოფილებდა“.

საარჩევნო ადმინისტრაცია განმარტავს, რომ უწყებაში მიმდინარე რეორგანიზაცია არსებული საჭიროებებიდან და გამოწვევებიდან გამომდინარეობდა და დაინტერესებულ მხარეებს მოუწოდებს, „ნუ შეიყვანენ საზოგადოებას შეცდომაში და პირადი თუ პოლიტიკური მოტივებიდან გამომდინარე, ნუ შეუწყობენ ხელს საარჩევნო ადმინისტრაციის დისკრედიტაციას“

23/01/2025

ნარკოდანაშაულის ბრალდებით დაკავებული ჟურნალისტი ნიკუშა კაცია კვლავ პატიმრობაში რჩება. აღნიშნული გადაწყვეტილება მოსამართლე ნინო თარაშვილმა მიიღო.

მისი განმარტებით, საქმეში რაიმე ახალი გარემოება, რაც აღკვეთის ღონისძიების შეცვლის ან გაუქმების საფუძველი იქნებოდა, არ არის წარმოდგენილი.

დღევანდელ სასამართლო პროცესზე მტკიცებულებების დასაშვებობაზე იმსჯელეს და მოსამართლემ ყველა მათგანი საქმეს დაურთო. ამასთან, გადაისინჯა დაკავებულისთვის შეფარდებული აღკვეთის ღონისძიება პატიმრობა და ის ძალაში დარჩა.

ამასთან, საქმე არსებითად განსახილველად სასამართლოს გადაეცა.

დღევანდელ პროცესზე დაცვის მხარემ პროკურორ ნუგზარ ჭიტაძის აცილება მოითხოვა, თუმცა, მოსამართლემ ეს შუამდგომლობა არ დააკმაყოფილა

23/01/2025

მდიდარი დეპუტატებისა და ღარიბი პენსიონერების ქვეყანა
ტელ: 2 37 10 39; 2 38 10 39
სტუმარი: რომან გოცირიძე - ოპოზიციონერი პოლიტიკოსი, ეკონომისტი