რადიო თბილისი / FM 93.5 / Radio Tbilisi

მედია ჰოლდინგი „ჰერეთი“ – 27 წლიანი დამოუკიდებლობისა და ნდობის ისტორია
ჰერეთი – ეს არის დამოუკიდებელი მედია ჯგუფი, რომელიც 1998 წლიდან საქართველოში მიუკერძოებელი, ობიექტური და პროაქტიული ჟურნალისტიკის ფლაგმანია.

ჩვენ ვფლობთ ოთხ დამოუკიდებელ რადიოსადგურს – ჰერეთი, თბილისი, ციტრუსი და Relaxwebradio, აგრეთვე ვებგვერდებს, აპლიკაციებსა და სოციალურ პლატფორმებს.

ჩვენი მთავარი ღირებულებებია სანდოობა, ხა

რისხი და თავისუფლება.
ჩვენ ვართ ნარინჯისფერები – სიმბოლო სიახლის, შეუპოვრობის, მზის ენერგიისა და განვითარებისა.

გაფართოება და ციფრული მედიის მდგრადობა ჩვენი სტრატეგიული მიზნებია.

დღეს ჰერეთი ოპერირებს კახეთში, თბილისში, აჭარასა და საქართველოს სხვა რეგიონებში, რაც გვაძლევს საშუალებას, მაქსიმალურად გავზარდოთ ჩვენი მსმენელის დაფარვის ზონა.

რადიო „თბილისი“ FM 93.5 მოიცავს მთელ თბილისს, რუსთავს, მცხეთას, მარნეულს, გარდაბანს, თეთრიწყაროსა და კახეთის მნიშვნელოვან ნაწილს.

ჩვენი რადიოს მოსმენა შესაძლებელია ინტერნეტითა და მსოფლიო წამყვან რადიოაპლიკაციებზე – Radio Garden, World Radio და MyVideo

ჩვენი სეგმენტი ფართოა:

გვისმენენ მძღოლები, სტუდენტები, ბიზნესსექტორი, ფერმერები, რეგიონების მოსახლეობა და ყველა, ვისთვისაც ხარისხი, დამოუკიდებლობა და სანდოობა პრიორიტეტია.

ჩვენი მიღწევები:

📌 საერთაშორისო სტანდარტებით აღიარებული მედია, რომელსაც მსმენელის მაღალი ნდობა აქვს.

📌 TNS-ის, გაეროსა და ევროკავშირის კვლევებში – ერთ-ერთი ყველაზე სანდო მედია პლატფორმა.

📌 თანამშრომლების მრავალწლიანი გამოცდილება საერთაშორისო მედია-პროგრამებსა და ტრენინგებში.

„ჰერეთი“ – 27 წელია, თქვენთან ერთად!

🎙🔴 ჩვენი მუშაობის სტანდარტი 👇

რადიო „თბილისი“ და მისი ჟურნალისტები ერთგულნი არიან უმაღლესი პროფესიული და ეთიკური სტანდარტების. ჩვენი მაუწყებლობა და ყველა პუბლიკაცია, მათ შორის ონლაინ მასალები, ეფუძნება მხოლოდ გადამოწმებულ და სანდო ფაქტებს.

🔹 დამოწმებული ინფორმაცია – ყველა ჩვენს მიერ გავრცელებული ცნობა ემყარება მინიმუმ ორ დამოუკიდებელ წყაროს.
🔹 ჭორებისა და დაუდასტურებელი ცნობებისგან თავისუფალი ჟურნალისტიკა – ჩვენ არ ვიყენებთ მასალას, რომელიც ეფუძნება მითქმა-მოთქმას ან დაუსაბუთებელ ინფორმაციას.
🔹 სისწორისა და სანდოობის პრინციპი – ფაქტობრივი შეცდომების შემთხვევაში, მათ დაუყოვნებლივ ვასწორებთ.

📡 ობიექტურობა და მიუკერძოებლობა
ჩვენი რადიოსადგურები – „ჰერეთი“, „ციტრუსი“ და „რადიო თბილისი“ – წარმოგიდგენთ ფაქტებზე დაფუძნებულ და მიუკერძოებელ ჟურნალისტიკას, რომელიც მსმენელს სიღრმისეულად გააცნობს მოვლენების კონტექსტს.

🔹 დამოუკიდებლობა – საინფორმაციო სამსახური თავისუფალია პოლიტიკური, კომერციული, რელიგიური და კერძო ინტერესებისგან.
🔹 უპარტიო და დაბალანსებული გაშუქება – ჩვენ არ ვეწევით პროპაგანდას, არ ვუჭერთ მხარს არც პოლიტიკურ, არც ეკონომიკურ და არც რელიგიურ შეხედულებებს.
🔹 ინფორმაციის გასაგებად მიწოდება – ახალ ამბებს თან ახლავს ზოგადი ინფორმაცია და განმარტებები, რათა მსმენელმა უკეთ გაიგოს მათი მნიშვნელობა და შესაძლო შედეგები.

🗣 პროფესიონალიზმი და ეთიკა
🔹 ობიექტური გაშუქება – ჟურნალისტები არ აერთიანებენ ფაქტებს პირად მოსაზრებებთან, კომენტარებთან ან შეფასებებთან.
🔹 ცივილიზებული და გაწონასწორებული ტონი – ჩვენი მაუწყებლობა დაფუძნებულია ზომიერებულ მსჯელობაზე, რომელიც გამოხატავს ყველა ადამიანის უფლებათა პატივისცემას.
🔹 დამოუკიდებლობა ინტერესთა კონფლიქტებისგან – რადიო „თბილისის“ თანამშრომლები და მოწვეული ექსპერტები იცავენ უმაღლეს ეთიკურ სტანდარტებს და არ იყენებენ პლატფორმას პირადი ინტერესებისთვის.

🚫 დაუსაბუთებელი და მავნე ინფორმაციისგან თავისუფალი სივრცე
🔹 ჩვენ არ ვავრცელებთ დისკრიმინაციულ, შეურაცხმყოფელ ან ძალადობის წამქეზებელ მასალას.
🔹 გაწონასწორებული გაშუქება კრიზისულ ვითარებაში – ჩვენ ვაშუქებთ საზოგადოებრივ მღელვარებას ფაქტებზე დაფუძნებულად და მიუკერძოებლად.

🙏 მადლობა, რომ გვკითხულობთ და გვისმენთ! ❤️