RealPolitika • რეალპოლიტიკა

08/10/2025

🇮🇱 ისრაელზე ჰამასის ტერორისტული თავდასხმიდან ორი წელი გავიდა - 2023 წლის 7 ოქტომბრის ტერაქტმა საფუძველი დაუდო არა მხოლოდ სასტიკ ომს ღაზაში, რომელიც დღემდე გრძელდება, არამედ ტრანსფორმაციულ პროცესებსაც, რომლებმაც ძირეულად შეცვალეს ძალთა ბალანსი ახლო აღმოსავლეთში.

🔷 დღევანდელ ვიდეოში ვისაუბრებთ ისრაელის უსაფრთხოების სამსახურების ისტორიული ჩავარდნის მიზეზებსა და შედეგებზე.

08/10/2025

👉 ევროკავშირი გეგმავს, რომ უკრაინისთვის 140 მილიარდი ევროს მოცულობის კრედიტზე დეკემბრისთვის შეთანხმდეს და პირველ ტრანშებს კიევი უკვე 2026 წლის მეორე კვარტლიდან მიიღებს

ევროკავშირი გეგმავს, რომ უკრაინისთვის 140 მილიარდი ევროს მოცულობის კრედიტზე დეკემბრისთვის შეთანხმდეს და პირველ ....

08/10/2025

🇫🇷 ულტრამემარჯვენე "ეროვნული გაერთიანების" ლიდერი, მარინ ლე პენი, მიიჩნევს, რომ საფრანგეთში არსებული პოლიტიკური კრიზისის პირობებში, პარლამენტის დათხოვნა "გარდაუვალია."

👉 "უკმაყოფილებამ და განხეთქილებამ მიაღწია ისეთ დონეს, რომ მხოლოდ ფრანგი ხალხის ხმას შეუძლია საფრანგეთს ტრაექტორიის განსაზღვრის საშუალება მისცეს," – განაცხადა მან.

📌 მარინ ლე პენმა გააკრიტიკა ის პოლიტიკოსები, ვისაც "ეშინია ამომრჩეველთა აზრის გაგება."

⚪ მან ასევე აღნიშნა, რომ მისი პოლიტიკური ძალა არ დაუჭერს მხარს არც ერთ ახალ მთავრობას, იმ შემთხვევაშიც კი, თუ ახალი პრემიერ-მინისტრი დათანხმდება არაპოპულარული საპენსიო რეფორმის გაუქმებას: "მე ველოდები დათხოვნას. ან (მაკრონის) გადადგომასაც, ესეც კარგი იქნებოდა."

👇 საფრანგეთის ახალმა პრემიერ-მინისტრმა სებასტიენ ლეკორნუმ თანამდებობიდან გადადგომის შესახებ განცხადება 6 ოქტომბერს, დილით, მისი ახალი მთავრობის ფორმირებიდან რამდენიმე საათში წარადგინა. გადადგომით ის საფრანგეთის უახლეს ისტორიაში ყველაზე ხანმოკლე პრემიერ-მინისტრი გახდა.

08/10/2025

🇨🇿 ჩეხეთის საპარლამენტო არჩევნებში გამარჯვებული პარტიის – ANO-ს ლიდერმა, ანდრეი ბაბიშმა, პირობა დადო, რომ თუ მისი პარტიის ხელმძღვანელობით მთავრობა ჩამოყალიბდება, ის უკრაინისთვის გადასაცემ იარაღზე ბიუჯეტის ფულს არ გამოყოფს.

📌 "თუ ჩვენ ვიქნებით მთავრობაში, ჩეხურ იარაღის ქარხნებს ვეტყვით: გსურთ უკრაინაში იარაღის ექსპორტი? ჩვენ პრობლემა არ გვაქვს," – თქვა მან. ANO-ს ლიდერის თქმით, ჩეხეთი "60 მილიარდს დებს ევროკავშირის ბიუჯეტში," რომელიც ეხმარება უკრაინას.

⚪ "ჩვენ არც ერთ კრონას არ დავხარჯავთ უკრაინის იარაღზე (ბიუჯეტიდან – რედ.). ფული არ გვაქვს ჩეხეთის რესპუბლიკისთვის. ვფიქრობ, ჩვენ ვეხმარებოდით უკრაინას პირდაპირ, ახლა კი დახმარება ევროკავშირის გავლით იქნება," – დაამატა მან.

⚫ პოპულისტური პარტია ANO-ს ლიდერი ანდრეი ბაბიში მანამდე პირობას დებდა, რომ გააუქმებდა "ჭურვების ინიციატივას," რომელიც ხელს უწყობს უკრაინისთვის საარტილერიო საბრძოლო მასალის მიწოდებას.

08/10/2025

👉 "ზალუჟნი დუმს ნებისმიერ სამომავლო პოლიტიკურ გეგმასთან დაკავშირებით, ხოლო მისი გუნდი მკაცრად აკონტროლებს მის საჯარო გამოსვლებს ლონდონში," – აღნიშნავს გამოცემა.

📌 სოციოლოგიური ჯგუფის, "რეიტინგის" მიერ ჩატარებული ბოლო კვლევის მონაცემებით, უკრაინის მოქალაქეთა 31% უახლოეს საპრეზიდენტო არჩევნებზე ხმას მისცემდა ვოლოდიმირ ზელენსკის მიცემდა, 25% - ვალერი ზალუჟნის, 6% - პეტრო პოროშენკოს და 5% - კირილო ბუდანოვს.

ზალუჟნის თქმით, ეს საკითხი აქტუალური გახდება იმ პირობით, როდესაც უკრაინის სახელმწიფოებრიობას არაფერი დაემუქრე....

08/10/2025

🇺🇸 აშშ-ის პრეზიდენტ დონალდ ტრამპის სპეციალური წარმომადგენელი სტივ უიტკოფი და სიძე ჯარედ კუშნერი ეგვიპტეში, შარმ ელ შეიხში ჩავიდნენ, რათა ისრაელი-ჰამასის არაპირდაპირ მოლაპარაკებებს შეუერთდნენ.

👉 Axios-ის ცნობით, უიტკოფი და კუშნერი ტრამპის 20-პუნქტიანი გეგმის არქიტექტორები იყვნენ, რომელიც ითვალისწინებს ისრაელის ეტაპობრივ გასვლას ღაზას სექტორიდან და ცეცხლის შეწყვეტის დაწყებიდან 72 საათის განმავლობაში ყველა დარჩენილი მძევლის გათავისუფლებას.

⚫ სამშაბათს, ისრაელის პრემიერ-მინისტრის ოფისმა განაცხადა, რომ პროგრესი შეინიშნება დონალდ ტრამპის წინადადებაზე მიმდინარე მოლაპარაკებებში, ხოლო ეგვიპტის საგარეო საქმეთა მინისტრმა თქვა, რომ მოლაპარაკებებს მალე თეთრი სახლის სპეციალური წარმომადგენლის, სტივ უიტკოფის ხელმძღვანელობით ამერიკული დელეგაცია შეუერთდება.

⚪ გეგმის თანახმად, ჰამასი ღაზის მართვაში მონაწილეობას არ მიიღებს. ჯერ უცნობია, ჰამასი რამდენად დაეთანხმება განიარაღებას და ღაზას მართვიდან ჩამოშორებას.

08/10/2025

🇺🇦🇷🇺 რუსეთის პრეზიდენტმა ვლადიმირ პუტინმა უკრაინაში წარმოებული ომის შესახებ თათბირი გამართა, რომელსაც თავდაცვის სამინისტროს, გენერალური შტაბის, ფედერალური უშიშროების სამსახურისა და სხვადასხვა უწყების ხელმძღვანელები ესწრებოდნენ.

🔘 პუტინის მტკიცებით, მხოლოდ წელს უკრაინაში „გაათავისუფლეს“ 212 დასახლებული პუნქტი - 4,900 კმ² ტერიტორია.

⭕ უკრაინის OSINT-ანალიტიკური პროექტის „დიფ სთეიტის“ მონაცემებით, რუსეთის საოკუპაციო არმიამ 2022 წლის 12 ნოემბრიდან - 2025 წლის 17 აგვისტოს ჩათვლით 5,842 კმ² მიიტაცა, რაც უკრაინის ტერიტორიის 0.96781%-ს შეადგენს.

07/10/2025

🇦🇲 6 ოქტომბერს, სომხეთის ყოფილმა პრეზიდენტმა რობერტ ქოჩარიანმა განაცხადა, რომ 2026 წლის საპარლამენტო არჩევნებში მონაწილეობას გეგმავს.

📌 ქოჩარიანმა, რომელიც სომხეთის პრეზიდენტის პოსტს 1998-2008 წლებში იკავებდა, თქვა, რომ მისი გუნდი არჩევნებში მონაწილეობის ფორმატის დაგეგმვას 2026 წლის იანვარ-თებერვალში დაიწყებს.

👉 პრესკონფერენციის დროს ქოჩარიანმა ამჟამინდელი მთავრობა გააკრიტიკა აზერბაიჯანთან მოლაპარაკებებისა და ბოლოდროინდელი სამშვიდობო შეთანხმების, სიღარიბისა და კორუფციის პრობლემის მოუგვარებლობის გამო და თქვა, რომ სომხეთის ევროკავშირში ინტეგრაცია მხოლოდ "იმიტაციაა."

⚪ ქოჩარიანი ფაშინიანის მთავარი კონკურენტი იყო 2021 წლის საპარლამენტო არჩევნებშიც, რომელიც ნიკოლ ფაშინიანის "სამოქალაქო კონტრაქტის" პარტიამ დიდი უპირატესობით მოიგო. ქოჩარიანმა უარი თქვა პარლამენტში თავის მანდატზე, თუმცა მისი "სომხეთის ალიანსი" ახლა პარლამენტში სიდიდით მეორე ფრაქციაა.

07/10/2025

🇫🇷 საფრანგეთის ყოფილმა პრემიერ-მინისტრმა ედუარ ფილიპმა სამშაბათს განაცხადა, რომ პრეზიდენტი ემანუელ მაკრონი ქვეყანაში პოლიტიკური კრიზისის გაღრმავების გამო, თავისი ვადის ამოწურვამდე უნდა გადადგეს.

⚪ ფილიპი მაკრონის მთავრობას 2017-2020 წლებში ხელმძღვანელობდა. ახლა მან განაცხადა, რომ მაკრონმა "ვადამდელი საპრეზიდენტო არჩევნების ჩატარების შესახებ უნდა განაცხადოს," როგორც კი საფრანგეთი მომავალი წლის ბიუჯეტს მიიღებს.

👉 "მე არ მოვუწოდებ დაუყოვნებლივ გადადგომისკენ... მაგრამ პრეზიდენტმა ინიციატივა უნდა გამოიჩინოს," – თქვა ფილიპმა ფრანგული რადიო RTL-ის ეთერში.

📌 ფილიპმა ადრე განაცხადა, რომ მომავალ საპრეზიდენტო არჩევნებში კენჭისყრას აპირებს და ზოგიერთი კვლევის თანახმად, მას შეუძლია მეორე ტურში გავიდეს და იქ ულტრამემარჯვენე "ეროვნული გაერთიანების" კანდიდატს - მარინ ლე პენს ან ჯორდან ბარდელას დაუპირისპირდეს.

⚫ თუ მაკრონი ახლა გადადგება, ახალი საპრეზიდენტო არჩევნები 20-35 დღის განმავლობაში უნდა ჩატარდეს. მისი მოქმედი ვადა 2027 წლის პირველ ნახევარში სრულდება.

👇 მაკრონის მეორე ყოფილმა პრემიერმა, გაბრიელ ატალმა – საპრეზიდენტო პარტიის ამჟამინდელმა ლიდერმა – განაცხადა, რომ მას "აღარ ესმის" მაკრონის გადაწყვეტილებებს და ის "ხელისუფლებაში დარჩენის" სურვილში დაადანაშაულა. Elabe-ს მიერ ორშაბათს გამოქვეყნებული კვლევის თანახმად, ფრანგების 51% მიიჩნევს, რომ მაკრონის გადადგომა შეამცირებს პოლიტიკურ დაძაბულობას ქვეყანაში, 26% კი თვლის, რომ ეს მხოლოდ გააუარესებს სიტუაციას, ხოლო 23%-ს არ აქვს ჩამოყალიბებული აზრი.

07/10/2025

🇦🇿🇷🇺 აზერბაიჯანის პრეზიდენტმა, ილამ ალიევმა, სამშაბათს, რუსეთის პრეზიდენტს დაბადების დღის მისალოცად დაურეკა. ორ პრეზიდენტს შორის უკანასკნელი საუაბარი 15 მარტს შედგა.

▶ ინფორმაციას რუსეთის პრეზიდენტის პრეს-მდივანი, დმიტრი პესკოვი ავცრელებს.

⭕ ივნისის ბოლოს, ეკატერინბურგში, აზერბაიჯანელების საცხოვრებელ და სამუშაო ადგილებში სამართალდამცავთა მასშტაბური რეიდი ჩატარდა, რომლის შედეგადაც ორი ეთნიკური აზერბაიჯანელი დაიღუპა.

⭕ ამის შემდეგ პუტინსა და ალიევს ერთმანეთთან კომუნიკაცია არ ჰქონიათ. მათ არ უსაუბრიათ არც შანხაის თანამშრომლობის ორგანიზაციის სამიტსა და არც ჩინეთში გამართულ სამხედრო აღლუმზე უსაუბრიათ.

⭕ ამას გარდა, აზერბაიჯანსა და რუსეთს შორის დაძაბულობის ერთ-ერთი მთავარი წყარო არის კრემლის უარი, აიღოს პასუხისმგებლობა დეკემბერში მომხდარ AzAl-ის სამგზავრო თვითმფრინავის კატასტროფაზე, რომელიც, წინასწარი გამოძიების მიხედვით, 2024 წლის ბოლოს გროზნოს თავზე რუსეთის საჰაერო თავდაცვის სისტემის მიერ მიყენებული დაზიანების შემდეგ ჩამოვარდა.

07/10/2025

🇲🇩🇪🇺 მოლდოვის ეროვნულმა ბანკმა განაცხადა, რომ მოლდოვა ევროს გადახდების ერთიანი ზონის (SEPA) ნაწილი გახდა, რომლის ფარგლებშიც ამ ვალუტაში ფინანსური ტრანზაქციები გამარტივდება.

👉 SEPA-ს მექანიზმი აერთიანებს 41 ევროპულ ქვეყანას და იძლევა ევროში გადარიცხვების განხორციელების საშუალებას იმავე ღირებულებით, უსაფრთხოებითა და სიჩქარით, როგორც ევროკავშირში.

📌 2024 წელს მოლდოვასა და SEPA-ს ქვეყნებს შორის დაახლოებით 830 ათასი გადარიცხვა განხორციელდა ევროში, საერთო ჯამში 11.8 მილიარდი ევროს ოდენობით. მაკროეკონომიკურ დონეზე, ევროს გადახდების ერთიან ზონაში ინტეგრაცია მოლდოვას წელიწადში დაახლოებით 20 მილიონ ევროს დაუზოგავს.

⚪ თუ ადრე მოლდოვის მოქალაქეებისთვის საერთაშორისო გადარიცხვის ღირებულება შესაძლოა 20-დან 200 ევრომდე ყოფილიყო, SEPA-ში გაწევრიანების შემდეგ ის რამდენიმე ევროდ ან თუნდაც უფასოდ დამუშავდება – თითოეული ბანკის პოლიტიკიდან გამომდინარე.

⚫ ამ დროისთვის SEPA-ს წევრის სტატუსი მოლდოვის რვა კომერციულმა ბანკმა მიიღო; მათ უკვე შეუძლიათ ევროში გადახდების დამუშავება ევროპული გადახდის სისტემის წესების შესაბამისად.

07/10/2025

"5 ოქტომბრის ღამეს უკრაინაზე მასიური კომბინირებული დარტყმის დროს, რუსეთმა გამოიყენა 549 დამრტყმელი საშუალება, რომელიც შეიცავდა 102 ათას უცხოური წარმოების კომპონენტს – აშშ-ის, ჩინეთის, ტაივანის, ბრიტანეთის, გერმანიის, შვეიცარიის, იაპონიის, კორეის რესპუბლიკისა და ნიდერლანდების კომპანიებისგან," – აღნიშნა მან.

მისი თქმით, რუსული ფრთოსანი რაკეტების ოპტოიზოლატორები იაპონიაშია დამზადებული, ხოლო საკომუტაციო კონექტორები – ....