28/05/2026
⭕ დაზიანებული საბავშვო გასართობი მოედნები, სკამები, დამწვარი ნაგვის ურნა - ახალციხის მერია სოციალურ ქსელში ავრცელებს ვიდეოს და წერს, რომ ქალაქის ტერიტორიაზე ვანდალიზმის ფაქტები დააფიქსირეს.
მერია მიუთითებს, რომ "მსგავსი შემთხვევები ხშირია."
ჩვენ ახალციხის მერს, ვარლამ წიკლაურს ვკითხეთ, თუ რამდენად ხდება ფაქტების ვიდეო კამერებში ასახვა და დაეკისრათ თუ არა სანქციები პირებს? - მერი გვპასუხობს: "სამწუხაროდ იმ მონაკვეთს არ აკონტროლებდა ვიდეო კამერა."
⭕ დაიწყო თუ არა მოკვლევა შსს-მ?- უწყებიდან ინფორმაციის მიღებას ველოდებით.
⭕ ოფიციალური ინფორმაციით, ახალციხის მუნიციპალიტეტის მერიამ, სკვერებში ვანდალური ფაქტების გამოვლენის და პრევენციის მოტივით, ვიდეო კამერები 2023 წელს დაამონტაჟა, რომლისთვისაც 650 000 ლარი დაიხარჯა.
