29/09/2024
ძლიერი ქარია სამეგრელოში, რის გამოც მუნიციპალიტეტთა ნაწილს ამ წუთებშიც ელექტროენერგია არ მიეწოდება, ამასთანავე დაზიანებულია მუნიციპალური თუ მოქალაქეთა ინფრასტრუქტურა.
კერძოდ, წალენჯიხის მერის მოადგილის, თამარ ბელქანიას ინფორმაციით, სოფელ ობუჯში ძლიერმა ქალმა საცხოვრებელ სახლს სახურავი გადახადა.
ქალაქ ზუგდიდის მე-2 და მე-5 საჯარო სკოლებში ხე წაიქცა, დაზიანდა მეხუთე სკოლის სტადიონი. ზუგდიდის მერიის ინფორმაციით, ძლიერი ქარის შედეგად წაქცეულია ხეები, დაზიანებულია ელექტრო გადამცემი ბოძები, რამდენიმე ადმინისტრაციულ ერთეულს შეუწყდა ელექტრო ენერგიის მიწოდება, ასევე, ქალაქში აბონენტებს წყალმომარაგებაც შეუწყდათ. ამავე ინფორმაციით, შესაბამისი სამსახურები მუშაობენ პრობლემების აღმოსაფხვრელად.
ქარმა მსგავსი სახის პრობლემები შექმნა ჩხოროწყუს მუნიციპალიტეტშიც, მუნიციპალიტეტის მერიამ ცხელი ხაზიც აამოქმედა.
ჯერჯერობით უცნობია რა ზარალი მიადგა რეგიონს.
