22/05/2025
✝️წმიდა გიორგის სკოლა-გიმნაზიის ლიტერატურულ-შემეცნებითი წრის წევრებმა წარმოადგინეს პროექტი თემაზე: ძველი იდეალები დღევანდელობაში- ღმერთი, სამყარო, ადამიანი. (პროექტის ავტორები: მზია დარასელია და მაკარ ლაგვილავა )
🎤მოსწავლეებმა ისაუბრეს გვიანანტიკური და შუასაუკნეების ქრისტიანული მოაზროვნეების მსოფმხედველობაზე,განიხილეს პლატონის დიალოგებთან საეკლესიო მწერლობისა და საერო ლიტერატურის თანმხვედრი საკითხები... წარმოაჩინეს რწმენისა და ცოდნის სინთეზის უაღრესად მნიშვნელოვანი იდეა, როგორც ქრისტიანული აზროვნების მრავალსაუკუნოვანი ქართული ტრადიციისა და მიმართულების გამოხატულება.
ზუგდიდის შოთა მესხიას სახელობის სახელმწიფო უნივერსიტეტის პროფესორმა,ფილოლოგიის მეცნიერებათა დოქტორმა ქნ-მა ხათუნა გოგიამ მოწვეულ სტუმრებთან ერთად მადლობა გადაუხადა სკოლა-გიმნაზიის დირექტორს,ქალბატონ მანანა ნაჭყებიას, ღონისძიების ორგანიზატორებს და მოსწავლეებს საჩუქრად გადასცა სამეცნიერო ნაშრომები, ისტორიულ-ლიტერატურული ნარკვევები.
შეხვედრას ესწრებოდნენ გიმნაზიის მოძღვრები: ნიკოლოზ ლატარია და იოანე აკობია; ზუგდიდ-ცაიშის ეპარქიის ახალგაზრდობის, განათლებისა და კულტურის ცენტრის დირექტორი, ბ-ნი გიორგი ფიფია,ცენტრის წარმომადგენელი დავით ჯანაშია, მწერალი და რედაქტორი ნანა ეხვაია, ფილოლოგები: ლალი ქანთარია და ნინო ციმინტია.
