26/02/2026
NORDISK RÅDS LITTERATURPRIS 2026
(Dansk længere nede)
Sarsuatitat Debora H. Kleistimit Nunat Avannarliit Siunnersuisoqatigiiffiata atuakkiortunut 2026-mi nersornaasiinissaanut innersuunneqarpoq! Tippu, PILLUANGAARIT, kissaatingaarpatsigit! Nersornaaserneqartussaq oktobarip 20-anni nalunaarutigineqartussaavoq. Siornatigut kalaaleq ataasiinnaq Nunat Avannarliit Siunnersuisoqatigiiffiata atuakkiortunut nersornaasiuttagaanik nersornaaserneqarnikuuvoq, tassaalluni Niviaq Korneliussen, 2021-mi atuakkiaminut Naasuliardarpi / Blomsterdalen-imut nersornaasigaasoq.
Sarsuatitat / Livets strøm Idap Nuummeersup, ilinniarnertuunngorniarfimmi ilinniareerami ukioq ataaseq ilinniarani inuunermini sunissaminik aalajangiiniartussap, inuuneranut tunngassuteqarpoq. Ingerlataqanngereerluni, festillattaartareerluni asanninninilu pillugu aliasuuteqartareerluni aalajangerpoq nunat tamalaat akornanni avataarsuanik ilisimatusartut akornanni sulilerusunnini anguniassallugu. Aqqusaagassaalu siulleq tassaavoq Københavnip Universitetia. Naatsorsuutigisaasulli pisut pinngillat, asasaminilli naapitsivoq.
Maanna inuunermini anguniakkani isumaliutigeqqittussanngorpai, inuunerminilu pisimasut ilaatigut puigortitersimasani puttallaallattaalerpai.
Ida Nuummut angerlarpoq angummini siornatigut qanimut atassuteqarfigisimanngisamini najugaqarallassalluni. Tassaniinnermini inuunerup sumik siunertaqarnera apeqqusersortalerpaa, aammalu oqarsinnaassuseqarneq unneqqarissuunissarlu ilinnialerlugit – imminullumi unneqqariffiginissaq ilinnialerlugu.
Nalitsinni pisunut tulluartuulluni takisuuliaavoq inuusuttumut ilinniarfissaminik ujarlersumut, festerajuttumut toqqissisimanngitsumullu tunngassuteqartoq.
Aamma inuiaqatigiit ileqqutoqaannik kingornuttaarneqartartunik inuusuttorpassuarnullu aserorsaataasartunik isornartorsiuinernik imaqarpoq. Nipangersimaannarneq qaqilerneqartariaqartoq oqallisigineqartariaqartorlu aammalu paqumigisat paquminarunnaarsarneqartariaqartut atuakkiortoq isumaqarpoq.
Debora Hansen Kleist geologitut ilinniarsimasuuvoq. Allataqartuartuuvoq, 2015-imilu Allatta!-mi 2040-mik taallugu unammisitsinermi siunersalersaarumminik Olieeventyret-imik ajugaasunut ilaanikuulluni. Atuakkiani una, Sarsuatitat, nammineerluni kalaallisut qallunaatullu allappaa.
******
Sarsuatitat / Livets strøm af Debora H. Kleist er nomineret til Nordisk Råds Litteraturpris 2026! Stort TILLYKKE til Tippu, vi krydser fingre! Vinderen offentliggøres den 20. oktober. Tidligere har én grønlandsk forfatter vundet Nordisk Råds Litteraturpris. Det var Niviaq Korneliussen i 2021 med romanen Naasuliardarpi / Blomsterdalen
Sarsuatitat / Livets strøm handler om Ida fra Nuuk, som holder sabbatår efter gymnasiet og skal til at beslutte sig for, hvad hun gerne vil med sit liv. Efter en periode med tomgang, festudskejelser og kærestesorger bestemmer hun sig for at forfølge sin drøm om en karriere indenfor international rumforskning. Første stop er fysikstudiet på Københavns Universitet. Det går ikke helt som ventet, men til gengæld møder hun kærligheden undervejs.
Livsdrømmen skal gentænkes, og halvfortrængte minder fra fortiden dukker op.
Ida tager hjem til Nuuk for at bo midlertidigt hos sin far, som hun aldrig har haft et tæt forhold til, og her begynder hun at sætte spørgsmålstegn ved livets mening og lære vigtigheden af at kunne sige fra og at kunne være hudløst ærlig – også overfor sig selv.
En samtidsroman om den unge, uddannelsessøgende, festende og rodløse generation. Om kulturchokket, når man kommer fra Grønland og skal studere i Danmark.
Samtidig er det en samfundskritik over de nedarvede mønstre, der ødelægger livet for mange unge. Tie-kulturen skal adresseres og debatteres og tabuer aftabuiseres, mener forfatteren.
Debora Hansen Kleist er uddannet geolog. Hun har altid skrevet, og i 2015 var hun en af vinderne i Allatta!-novellekonkurrencen 2040 med fremtidsnovellen Olieeventyret. Hun har selv skrevet Sarsuatitat på både grønlandsk og dansk.
