Pishti-News

Home
Greece
Néa Smírni
Pishti-News

We had an idea to create a News website to write about the truth for Kurdistan Region and Midlle East.
(1)

We created our official website : www.pishti-news.com and we publish news about Kurdistan Region and Middle East and we write exactly the News as it is. There are a lots of News websites in Kurdistan Region, but they are manipulated by the political Parties. We decided to Create an independent News Website, to tell the truth as it is.

19/12/2025

پەنابەرێک لە بەریتانیا بێزارە و دەڵێت، ئەم وڵاتە وێرانە و ئیشی تێدا نیە و مافی مرۆڤیشی تێدا نیە...

19/12/2025

بەرەبەیانی ئەمڕ ڕۆژی هەینی 19/12/25 پۆلیسی دەریاوانی یۆنان لە باشوری دورگەی یۆنانی گاڤدۆس (Gavdos) 545 کۆچبەریان ڕزگار کرد کە ژیانیان لە مەترسیدا بوو. کۆچبەرەکان لە نێو باخیرەیەکی ماسی گردا بوون لە وڵاتی لیبیاوە بەڕێ کەوتوبوون بەرەو ئیتاڵیا، بەڵام لە نزیک یۆنان باخیرەکەیان لە کار کەوتوبوو، پۆلیسی دەریاوانی یۆنان توانی هەمووان ڕزگار بکات.

بەرپرسی ڕاگەیاندنی وەزارەتی دەریاوانی یۆنان لە پەیوەندیەکی تەلەفۆنیدا تایبەت بە Pishti-Newsی ڕاگەیاند کە کۆچبەرەکان خەڵکی بەنگلادیش و مسڕ و پاکستانن.

مانگی 6ی 2023 باخیرەیەکی هاوشێوە بە 750 کۆچبەرەوە لە لیبیاوە بەڕێ کەوت بەرەو ئیتاڵیا، ئەو باخیرەشیان لە ئاوی یۆناندا لە کار کەوت و دواجار ژێر ئاو کەوت، لە ڕووداوەکەدا تەنها 104 کۆچبەر ڕزگار کران و 646 کۆچبەر گیانیان لە دەستدا و تەرمی چەندین کۆچبەری دیکەیش تا ئەمڕۆ نادیارن. کۆچبەرەکان خەڵکی مسڕ و بەنگلادیش و پاکستان و عێراق و کوردشیان تێدا بوو.

17/12/2025

ڕۆژی ئاڵای پیرۆزی کوردستان لە هەموو تاکێکی کورد لە کوردستان و جیهان پیرۆز بێت. ئەمە ڕۆژێکی مێژووییە بۆ هەموو کوردێک کە ئەرکی هەموومانە هەمیشە ئاڵای پیرۆزی کوردستان بەرز ڕابگرین لە هەر شوێنێک بین.

وێنەکان هی ساڵی 2016، کاتێک بەو پەڕەی شانازییەوە بۆ ماوەی 2 ساڵ لە بەرەکانی جەنگدا بووین لە گەڵ برا پێشمەرگە قارەمانەکانمان، کە بەرگریان لە خاکی پیرۆزی کوردستان دەکرد لە ژێر ئاڵای کوردستان.
بۆ ئەوەی سەربەخۆ بین، ئەبێت سەر بە خۆمان بین! هەمیشە بەرز و شەکاوە بێت ئاڵای کوردستان

16/12/2025

بە پێی زانیاری پشتی-نیوز، مەلا کرێکار ئازاد دەکرێت ژیانیشی پارێزراو دەبێت...
کۆمێنتی تۆ چیە بۆ ئازاد کردنی مەلا کرێکار؟
゚viralシfypシ゚

12/12/2025

دوای لافاوەکەی هەرێمی کوردستان کە 2 کەس گیانیان لە دەستدا و چەند هاوڵاتیەکی دیکەیش بریندار بوون، ئەمڕۆ سەدان گەنجی خۆبەخش لە هەرێمی کوردستان هاوکاری لێقەوماوانی چەمچەماڵیان دەکرد و کۆمەکی هاوکاریان کۆ دەکردەوە بۆ هاوڵاتیان و دانیشتووانی چەمچەماڵ.

هەر ئەمڕۆ 12/12/2025 دەیان گەنج کورد لە لەندەنی پایتەختی بەریتانیا، خۆپیشاندانیان ئەنجام دا بۆ پاڵپشتی کردن لە مەلا کرێکار کە لە لایەن حکومەتی ئیتاڵیاوە خراوتە زیندانەوە بە تاوانی کاری تیرۆرستی...

کۆمێنتی ئێوە چیە بۆ ئەم دوو وێنەیە؟

10/12/2025

لە ڕاپۆرتێکی ڕۆژنامەی BiLd -ی ئەڵمانی باسی ئاشکراکردنی پلانێکی ئەڵمانیا دەکات بۆ ناردنی ئەو کۆچبەرانەی کە داواکاری مافی بەنابەرییان ڕەتکراوەتەوە تاوەکو بیاننێرن بۆ وڵاتی سێیەم.

لە ڕاپۆرتە ڕۆژنامەوانیەکەی بیڵد-ی ئەڵمانیدا هاتووە، هەرێمی کوردستانی - عێراق بژاردەیەکی بەهێزە کە وەکو ناوچەیەکی ئارام هەژمار بکرێت بۆ کۆچبەرانی عێراقی و ئەڤغانستانی تێدا جێگیر بکرێن کە لە ئەڵمانیا داوای مافی پەنابەریەکەیان ڕەتکراوەتەوە. ئەمەش دەکرێت لەسەر بنەمای ڕێککەوتنێک بێت کە لە نێوان حکومەتی هەرێم و ئەڵمانیادا بێتە ئاراوە.

باسکردنی هەرێمی کوردستان - عێراق وەکو ناوچەیەکەی ئارام بۆ جێگرکردنی کۆچبەرانی ئەفغانستانی و ناوچەکانی دیکەی عێراق کاریگەری ڕاستەوخۆی دەبێت لەسەر کەیسی کۆچبەرانی کوردی هەرێمی کوردستان لە ئەووروپا. کاری پەناخوازانی خەڵکی هەرێمی کوردستان بۆ داوای مافی پەنابەری لە یەکێتیی ئەوروپا دەکەوێتە بەر بەربەستێکی جەقبەستوو، بەجۆرێک نیشاندانی وێنەی هەرێمی کوردستان وەکو ناوچەیەکی ئارام بەبێ لەبەرچاوگرتنی بارودۆخی پڕۆسەی دیموکراسی، مەترسی ئەمنی سەر ژیانی خەڵکانێک کە لەبەر هۆکاری سیاسیی، بیڕوو ڕای جیاوازی سیاسیی، یان کێشەی خێڵەکی کۆمەڵایەتی ژیانیان، یان ئازادییان، دەکەوێتە مەترسیەوە و لە وڵاتانی ئەوروپا داوای مافی پاراستنی نێودەوڵەتی بکەن.

ڕۆژنامەی Bildی ئەڵمانیا باس لەوەش دەکات کە پلانی سەرەکەییان ئەوەیە بە هەماهەنگی لە گەڵ وڵاتی هۆڵەندا دوو کەمپ دروست بکەن لە وڵاتانی تونس و ئوگاندای ئەفریقا بۆ ئەوەی کۆچبەرانی مەغریبی و جەزاییری دیپۆرتی وڵاتی تونس بکەنەوە، چونکە ئەو دوو وڵاتە ڕەزامەند نین بۆ وەرگرتنی هاوڵاتیانی وڵاتەکانی خۆیان، هەروەها دیپۆرتی کردنی کۆچبەرانی وڵاتانی دیکەی ئەفریقا بۆ ئوگاندا.

کۆمێنتی ئەوە چیە لە سەر ئەم پلانە، ئایە ڕازین کەمپ لە هەرێمی کوردستان دروست بکرێت بۆ کۆچبەرانی عێراقی و ئەفغانی وڵاتی ئەڵمانیا؟

゚viralシfypシ゚

09/12/2025

پەنابەرێکی عێراقی دوای دەستگیر کردنی وەک تیرۆرست لە ئیتاڵیا، کاتێک دەگاتە بەریتانیا دووبارە دەستگیر دەکرێتەوە. لای هەندێک کەس وایە، لە ئەوروپا جگە لە بەریتانیا وڵاتی دیکە بوونی نیە... کۆمێنتی ئێوە چیە لە سەر ئەم ڕووداوە؟
゚viralシfypシ゚

06/12/2025

حکومەتی بەریتانیا بە نیازە ئەو کۆچبەرانەی کە بە چووپ روو لە بەریتانیا دەکەن و مافی پەنابەرییان ڕەت دەکرێتەوە، ڕاستەوخۆ دیپۆرتی وڵاتی ماکەدۆنیای باکوریان بکات و لەوێ بژین.
بە پێی ڕۆژنامە و میدیاکانی ئەو وڵاتە، بەریتانیا زۆر جدیە لەوەی ئەو کۆچبەرانەی مافی مانەوە وەر ناگرن لە شانشینی بەریتانیا، ڕاستەوخۆ دیپۆرتی باکوری مەکەدۆنیان بکاتەوە ئیدی لەوێ دەتوانن بژین و کار بکەن و لەوێش داوای مافی پەنابەری بکەن. بە پێی زانیاریەکان، ئەگەر دیپۆرتی مەکەدۆنیا بکرێنەوە، ناخرێنە ناو کەمپ و ڕێگریان لێ ناکەن لە سەر هاتووچۆ کردن، بەڵکو ئازاد دەبن بە دڵی خۆیان لە وڵاتەکەدا هاتووچۆ بکەن.

ماوەیەکی زۆرە بەریتانیا هەوڵی داوە لە گەڵ وڵاتانی باڵکان وەک ئەلبانیا، بۆسنا, کۆسۆڤۆ و باکوری مەکەدۆنیا ڕێک بکەوێت، بەڵام دواجار حکومەتی باکوری مەکەدۆنیا ڕازییە کۆچبەری بەریتانیا وەربگرێت لە بەرامبەریشدا بۆ هەر کۆچبەرێک کە وەر دەگرێت برە پارەیەکیش بە حکومەت دەدرێت. لە هەمان کاتدا وڵاتی کۆسۆڤۆ ڕەزامەندی خۆی داوە بەڵام گوتوویەتی کە ناتوانێت ڕێژەیەکی زۆر وەربگرێت، بۆ پاراستنی دۆخی ئەمنی وڵاتەکەی.

حکومەتی بەریتانیا بە نیازە، ئەم پلانە جێ بەجێ بکات بۆ ئەوەی وا لە کۆچبەران بکات چی دیکە بە نایاسایی و بە چووپ لە نۆکەندی ئینگلیزەوە ڕوو لەو وڵاتە نەکەن.

ئەگەر بەریتانیا پەنابەران دیپۆرتی باکوری مەکەدۆنیا بکاتەوە، هێشتا ئامادەیت ڕوو لە بەریتانیا بکەیت؟

04/12/2025

گروپێکی تووندڕەو لە ئیرلەندای بەریتانیا هەڕەشە لە کۆچبەران دەکات...
کۆمێنتی تۆ چیە لە سەر قسەکانیان؟

🍀 🇬🇧

02/12/2025

ڤلادیمیر پوتین، سەرۆکی ڕووسیا سەرکردەکانی ئەوروپای تۆمەتبار کرد بەوەی "بەربەست" لە پێشنیازەکانی ئەمەریکا دروست دەکەن و هیچ ئەجێندایەکی ئاشتیانەیان نییە وە ئەوروپا ڕێگری لە ئیدارەی ئەمریکا دەکات بۆ بەدیهێنانی ئاشتی بۆ ئۆکرانیا.
گوتیشی، ڕووسیا بەنیازی ئەوە نییە لەگەڵ وڵاتانی ئەوروپا بچێتە جەنگەوە، بەڵام ئەگەر ئەوروپا جەنگی بوێت ڕووسیا لە ئێستاوە ئامادەیە...

کۆمێنتی تۆ چیە؟ ئایە ڕووسیا ئەتوانێت ڕووبەڕووی وڵاتانی ئەوروپا بجەنگێت؟

28/11/2025

ئەم کچە سورییە تەمەن 18 ساڵ لە وڵاتی هۆڵەندا لە ڕێکەوتی 28/5/2024 لە لایەن باوک و هەردوو براکەی کوژرا، تەنها لە بەر ئەوەی کچەکە پەیوەندی خۆشەویستی هەبووە لە گەڵ کورێکی دیکەدا و ئەوەش عەیبار بووە بۆ خێزانەکەیان، هەر بۆیە باوکی کچەکە کە تەمەنی 53 ساڵە، فەرمانی داوە بە هەردوو کوڕەکانی کە تەمەنای 23 ساڵ و 25 ساڵە، بیخنکێنن و بیکوژن.
دوای ئەوەی ئەم تاوانە ئەنجام دراوە، باوکی کچەکە لە هۆڵەندا هەڵهاتووە و گەڕاوەتەوە بۆ وڵاتی سوریا.
لە ئێستادا هەردوو براکەی بە تاوانی کوشتنی خوشکەکەیان دەستگیر کراون و داواکاری گشتی وڵاتی هۆڵەنداش داوا دەکات بە 25 ساڵ زیندانی هەردوو براکەی سزا بدرێن.

براکانی ئەم کچە بە ناوی موهەنەد و خالید لە دادگای هۆڵەندا ڕەتیان کردۆتەوە کە تاوانەکەیان ئەنجام دابێت، بەرپرسیارێتی تاوانەکەیان خستۆتە سەر ئەستۆی باوکیان. باوکیشیان لە نامەیەکدا بۆ دادگای هۆڵەندا، دانی بە تاوانەکەدا داناوە، بۆ ئەوەی کوڕەکانی بێ تاوان دەرچن.

دادگای هۆڵەندا باوەڕ بە باوکیان ناکات و پێیان وایە کە ئەم تاوانە قیزەونە بە هاوبەشی باوک و هەردوو کوڕەکان ئەنجام دراوە.

کۆمێنتی ئێوە چیە بۆ ئەم جۆرە تاوانە؟ ئایە مافی نیە ئەو کچە پەیوەندی خۆشەویستی هەبێت لە گەڵ کەسێکدا؟

28/11/2025

بە هاوکاری تیمی پشتی-نیوز ڕۆژی دووشەممە و سێشەممە تەرمی ئەم دوو گەنجە کوردە کە لە 15/11/2025 لە باکوری یۆناندا لە ڕووداوێکی هاتووچۆدا گیانیان لە دەستدا، لە ئەسینای پایتەختی یۆنانەوە ڕەوانەی هەولێری پایتەختی هەرێمی کوردستان دەکرێنەوە.

بە پێی زانیاریەکانی Pishti-News ، تەرمی هەڤاڵ کەمال جەوهەر ڕۆژی یەکشەممە 30/11/2025 فرۆکەکەی لە ئەسیناوە بەڕێ دەکەوێت و ڕۆژی دووشەممە 1/12/2025 کاتژمێڕ 03:00 بەرەبەیانی دەگاتەوە فرۆکەخانەی هەولێر

تەرمی سەردار حەتەم ساڵەح ڕۆژی دووشەممە 01/12/2025 لە ئەسیناوە بەڕێ دەکەوێت و ڕۆژی سێشەممە 2/12/2025 کاتژمێڕ 9:30 بەیانی دەگاتە فرۆکەخانەی هەولێر.

هەولێکی زۆرمان دا بتوانین هەردوو تەرمەکە پێکەوە ڕەوانەی هەرێمی کوردستان بکەینەوە، بەڵام ئەوە نەکرا،
وە کۆنسوڵخانەی عێراقیش لە ئەسینا بەهۆی داوا کردنی ئەوراقی دیکە، کاتەکە درەنگی خەیاند، ئەگەرنا زوتریش تەرمی هەردووکیان پێکەوە ڕەوانەی هەرێمی کوردستان دەکرانەوە.
ئێمە وەک پشتی-نیوز لە یەکەم ساتەوە هاوکار و هاوخەمیان بووین وە زۆر هەوڵمان دا بۆ ئەوەی هەموو کارە یاساییەکانیان بە خێرایی و ئاسان جێ بەجێ بکرێت واشمان کرد، سوپاس بۆ پۆلیس و پزیشکی دادوەری باکوری یۆنان کە لە ماوەی 2 ڕۆژدا هەموو کارەکانیان بۆ جێ بەجێ کردین.

جێگەیان بەهەشتی بەرین بێت، هیوادارین هیچ کوردێک لە ئایندەدا تووشی ڕووداوی وا ناخۆش و تراژیادیا نەبێت و جەرگی هیچ دایک و باوکێک چی دیکە نەسوتێت.

تیمی Pishti-News

Address

Marnis 56 , Metaxourgeio
Néa Smírni
10437

Website

http://www.pishti-news.com/

Alerts

Be the first to know and let us send you an email when Pishti-News posts news and promotions. Your email address will not be used for any other purpose, and you can unsubscribe at any time.