21/05/2026
80% 愛情觀？
sica 話呢啲係濕便…💩
————
早喺出道第一年，sica已經希望可以推出一首同「便利店」有關嘅作品。對佢而言，便利店唔單止係日常生活嘅一部分，更承載住唔少個人情感同記憶。佢習慣用手機記錄唔同城市嘅便利店，甚至去旅行都會特登走入去「朝聖」。一間二十四小時營運嘅便利店，就好似一個城市嘅縮影，見證住晝夜流轉；而對於喜歡散步嘅sica嚟講，無論係同朋友定crush食完飯後散步，便利店往往都成為情緒停靠嘅地方。
一向對情歌有所保留嘅sica，今次算係首次以愛情作為創作出發點。佢特別邀請女填詞人王樂儀參與，認為女性視角更能細膩描寫曖昧關係中嘅情感。作品最初靈感來自Threads上對愛情猶豫不決嘅討論，再轉化成喺便利店面對琳瑯滿目飲品時嘅選擇困難。雖然創作初期並非以Sica個人愛情觀為藍本，但最終呈現出「未有放棄，卻要讓對方失望」、因為在意而選擇保持距離嘅矛盾情緒，某程度上亦貼近佢所認同嘅感情狀態。
音樂上，改編自Rick Astley 於 1987 年推出嘅經典金曲《Never Gonna Give You Up》。原本團隊曾考慮以日文歌曲作為藍本，但監製周錫漢Randy提出不如大膽一試Rickroll。面對版權問題嘅不確定性，團隊一邊錄製、一邊等待回覆，sica笑言整個過程好似「返教會」，每個月都有進度更新。事實上，團隊對呢個企劃抱有相當大嘅決心，如果最終未能成功取得版權，歌曲甚至可能唔會以其他形式推出。
sica自上次完成音樂會後，已經積極向公司爭取再次舉辦。雖然時間仍未落實，但佢對未來嘅演出形式已有初步構想，甚至想嘗試喺非傳統場地進行表演，例如以P1X3L三位成員嘅住所作為三個不同場地，串連成一個三站式tour（我相信佢係講笑）。
完整20分鐘訪問可以去YouTube 睇！
🎙️
