News Insight Hong Kong

News Insight Hong Kong Providing various insights and viewpoints regarding to the news and current affairs in Hong Kong.

30/5/2026香港插畫及文創展 創意品牌匯聚會展一年一度嘅香港插畫及文創展，日前喺灣仔會展舉行。參與今次展覽嘅500個本地及海外品牌，來自14個地區。當中除咗包括取材自本土特色元素嘅文創產品之外，亦有唔少為人熟悉嘅插畫作品系列。根據主辦...
29/05/2026

30/5/2026
香港插畫及文創展 創意品牌匯聚會展

一年一度嘅香港插畫及文創展，日前喺灣仔會展舉行。參與今次展覽嘅500個本地及海外品牌，來自14個地區。當中除咗包括取材自本土特色元素嘅文創產品之外，亦有唔少為人熟悉嘅插畫作品系列。

根據主辦單位公佈嘅數字，喺為期三日嘅展期裡面，入場人次大約有三萬人左右。


#香港插畫及文創展


#灣仔會展

29/5/2026中環善慶街舉行街頭麻雀藝術展以麻雀作為藝術媒介嘅本地藝術家 Mr. Mahjong，今個週末喺中環善慶街，舉行全港首個街頭麻雀藝術展覽。由超過 100 隻特別設計嘅麻雀，組成嘅超過 15 件藝術作品，主題都係圍繞住「善」同...
29/05/2026

29/5/2026
中環善慶街舉行街頭麻雀藝術展

以麻雀作為藝術媒介嘅本地藝術家 Mr. Mahjong，今個週末喺中環善慶街，舉行全港首個街頭麻雀藝術展覽。由超過 100 隻特別設計嘅麻雀，組成嘅超過 15 件藝術作品，主題都係圍繞住「善」同「慶」。

Mr. Mahjong 創作嘅靈感來源，往往源於本地各種文化元素。喺今次展覽，Mr. Mahjong特別為唔同嘅店舖，度身訂造獨特嘅藝術作品，藉此展現出麻雀設計嘅多樣性，以及每間參與店舖嘅個性特色。

今次展覽會喺中環善慶街，舉行到今個星期日。Mr. Mahjong會將展覽曝光形式，轉化成為實際捐款。例如每則 Instagram Story嘅分享，如果同時有標籤@mmj_hk嘅話，佢就會捐出港幣 $10。所有相關嘅捐款，將會用嚟支持香港本地嘅動物慈善組織。



#街頭麻雀藝術展
#中環
#善慶街

28/5/2026率領新加坡研學團期間向女保安爆粗 屯門新會商會中學校長李卓興今辭職日前率領34名學生去新加坡，參加「經濟及科技研學團」期間，因為向一名當地女保安爆粗，結果引發軒然大波嘅屯門新會商會中學校長李卓興，今日向校董會提出請辭。佢亦...
28/05/2026

28/5/2026
率領新加坡研學團期間向女保安爆粗 屯門新會商會中學校長李卓興今辭職

日前率領34名學生去新加坡，參加「經濟及科技研學團」期間，因為向一名當地女保安爆粗，結果引發軒然大波嘅屯門新會商會中學校長李卓興，今日向校董會提出請辭。佢亦同時辭任屯門區新景關愛隊成員，以及屯門區分區委員會（屯門西北）委員兩項地區職務。

李卓興今晚透過《點新聞》，發佈一段影片。佢喺片段裡面，曾經面向鏡頭鞠躬致歉。李卓興提到，身為校長嘅佢，應該要以身作則。無論遇到任何情況，都應該保持冷靜同克制。佢呼籲同學要以今次事件引以為戒。面對問題嘅時候，一定要盡力保持冷靜，用理性嘅方式去解決。千祈唔好因為一時衝動，講出一啲令自己日後會好後悔嘅說話。


#屯門新會商會中學
#李卓興
#新加坡
#經濟及科技研學團
#女保安
#爆粗
#點新聞
#引咎辭職
#以身作則
#保持冷靜
#保持克制
#引以為戒

28/5/2026《葬送的芙莉蓮》期間限定店 由聽日開始一連十日進駐圍方大圍圍方商場L2中庭，近日出現咗一座8米高嘅巨型芙莉蓮像。佢嘅出現正好提醒大家，全港第一間《葬送的芙莉蓮》期間限定店，將會由聽日開始一連十日，進駐圍方商場。鍾情於呢套日...
28/05/2026

28/5/2026
《葬送的芙莉蓮》期間限定店 由聽日開始一連十日進駐圍方

大圍圍方商場L2中庭，近日出現咗一座8米高嘅巨型芙莉蓮像。佢嘅出現正好提醒大家，全港第一間《葬送的芙莉蓮》期間限定店，將會由聽日開始一連十日，進駐圍方商場。

鍾情於呢套日本動漫作品嘅朋友，睇怕好大機會要大破慳囊喇！因為喺呢間期間限定店，將會有超過200款精選主題產品，畀大家任揀。當中香港限定嘅美食系列，相信會成為唔少本地愛好者嘅收藏之選。同場亦設有多個打卡位，等緊大家去影靚相。當大家為巨型芙莉蓮像，尋覓最佳拍攝角度嘅同時，千祈唔好遺忘同樣等緊大家嘅實體版「寶箱怪」呀！


#葬送的芙莉蓮
#葬送のフリーレン
#期間限定店
#圍方
#大圍
#香港限定
#美食系列
#寶箱怪

27/5/2026電影《走出人質事件》香港首映 導演梁鴻華表明非消費事件內容取材自2010年8月23號，菲律賓人質事件生還者易小玲自身經歷嘅電影《走出人質事件》，噚晚喺尖沙咀舉行首映。由於呢套電影嘅題材，觸及唔少香港人嘅心理關口，因此當宣傳...
27/05/2026

27/5/2026
電影《走出人質事件》香港首映 導演梁鴻華表明非消費事件

內容取材自2010年8月23號，菲律賓人質事件生還者易小玲自身經歷嘅電影《走出人質事件》，噚晚喺尖沙咀舉行首映。由於呢套電影嘅題材，觸及唔少香港人嘅心理關口，因此當宣傳片一面世，就已經引發大批網民嘅質疑。而喺呢套電影裡面，戲份佔有一定比重嘅廖子妤，噚晚並無現身。不過，曾經積極協助人質事件遇害香港人家屬，向菲律賓政府展開民事索償，以及追究責任嘅前立法會議員涂謹申，噚晚就獲邀出席，並且同易小玲再次重聚。

導演梁鴻華接受傳媒訪問嘅時候，就強調佢決定拍攝呢套電影嘅目的，並唔係想消費呢次事件，或者刻意突顯出涉事旅行團團友所遇嘅不幸，而係希望透過易小玲由事發當日開始，接連遇到嘅崎嶇經歷，展現出人性以一股勇氣，面對生命嘅一面。對於來自網民嘅質疑，同埋批判聲音，梁鴻華就強調，言論自由固然寶貴，不過如果各界可以喺睇過套戲之後，先至作出評論嘅話，觀眾自然會了解到，相關嘅質疑同批判聲音，其實係點樣嘅一回事。

梁鴻華又透露，喺人質事件當中遇害嘅領隊謝廷駿，佢嘅哥哥謝志堅，曾經喺呢套電影拍攝時間，多次同導演接觸。可惜只有49歲嘅謝志堅，已經喺舊年離世。梁鴻華對謝志堅最終未能夠親眼見證呢套電影面世，感到相當可惜。


#走出人質事件
#電影首映
#823菲律賓人質事件
#易小玲
#涂謹申
#梁鴻華
#謝廷駿
#謝志堅

27/5/2026新加坡交流團期間向保安爆粗 屯門新會商會中學校長被停職本身係屯門區新景關愛隊成員，同時亦係屯門區分區委員會（屯門西北）委員嘅屯門新會商會中學校長李卓興，上星期五喺新加坡率領34位中一至中五學生，參加「經濟及科技研學團」期間...
26/05/2026

27/5/2026
新加坡交流團期間向保安爆粗 屯門新會商會中學校長被停職

本身係屯門區新景關愛隊成員，同時亦係屯門區分區委員會（屯門西北）委員嘅屯門新會商會中學校長李卓興，上星期五喺新加坡率領34位中一至中五學生，參加「經濟及科技研學團」期間，喺當地裕廊區（Jurong）因為旅遊巴落客位置問題，同一位講英文嘅女保安發生衝突。期間李卓興曾經公然向該名女保安爆粗，涉嫌違反新加坡「2014年防止騷擾法案」。新加坡保安協會會長吳靖華，接受當地傳媒訪問嘅時候就形容，身為校長嘅李卓興，當日嘅行為令人震驚。

屯門新會商會中學嘅校董會，噚日就今次事件舉行會議。會後校董會就以「言行未能合符公眾期望」為由，決定即時停止李卓興嘅校長職務。教育局喺回覆傳媒查詢嗰陣，就指當局十分關注今次事件。佢哋已經即時聯絡學校以及辦學團體，要求校方嚴肅跟進，並且以書面詳細交代今次事件。當局會繼續同學校保持緊密聯絡，提供適切嘅意見同埋支援。


#李卓興
#屯門新會商會中學
#新加坡
#經濟及科技研學團
#裕廊

#保安
#爆粗
#2014年防止騷擾法案

#吳靖華
#新加坡保安協會會長
#屯門新會商會中學校董會
#言行未能合符公眾期望
#即時停職
#教育局

26/5/2026機場二號客運大樓 午夜過後正式啟用日前舉行咗開幕典禮嘅機場二號客運大樓，今晚午夜過後就會正式啟用。運輸署呼籲市民同埋旅客，要提早計劃行程，並且預留時間適應現場新嘅交通安排。目前港鐵機場快綫機場站，連接二號客運大樓嘅月台，已...
26/05/2026

26/5/2026
機場二號客運大樓 午夜過後正式啟用

日前舉行咗開幕典禮嘅機場二號客運大樓，今晚午夜過後就會正式啟用。運輸署呼籲市民同埋旅客，要提早計劃行程，並且預留時間適應現場新嘅交通安排。

目前港鐵機場快綫機場站，連接二號客運大樓嘅月台，已經投入運作。列車停站嘅時候，會同時開啟左右兩邊嘅車門，方便乘客上落。而連接二號客運大樓落客區嘅翔天路，會由今晚凌晨零時開始，正式對外開放。有關路段已經加設適當嘅交通標誌，以及道路標記，提醒駕車人士。

喺巴士服務方面，29條分別由城巴同埋龍運巴士營運嘅「A」字頭機場巴士路線，以及另外17條「NA」字頭通宵機場巴士路線，將會由聽日頭班車開始，加停機場二號客運大樓落客站。至於機場巴士往巿區方向，位於機場地面運輸中心嘅上客站，以及位於一號客運大樓接機大堂外面嘅的士站，就會維持原有嘅上客安排。



#香港國際機場
#二號客運大樓
#機場快綫
#翔天路
#落客區

26/5/2026維園舉行佛誕嘉年華 會場設多個素食攤位一年一度嘅佛誕嘉年華，前日喺維園舉行。入場嘅巿民，唔單止可以參加公衆浴佛，敲鐘許願等等嘅儀式，更加設有過百個攤位。當中有唔少款式嘅素食，都可以喺度品嚐到。喺指定嘅時段，部份素食攤位仲即...
25/05/2026

26/5/2026
維園舉行佛誕嘉年華 會場設多個素食攤位

一年一度嘅佛誕嘉年華，前日喺維園舉行。入場嘅巿民，唔單止可以參加公衆浴佛，敲鐘許願等等嘅儀式，更加設有過百個攤位。當中有唔少款式嘅素食，都可以喺度品嚐到。喺指定嘅時段，部份素食攤位仲即場安排咗烹飪示範，畀市民一睹素食菜式嘅製作過程。對於一眾追求健康飲食嘅朋友嚟講，相信會獲益唔少。

今屆佛誕嘉年華嘅活動主題，係「和諧共生，馬到成功」。主辦單位希望透過今次活動，能夠令大眾學識以尊重、包容，以及同理心，促進社會和諧共生。


#佛誕嘉年華2026
#維多利亞公園
#公衆浴佛
#敲鐘許願
#素食攤位
#烹飪示範
#和諧共生
#尊重
#包容
#同理心

25/5/2026Idol Girls慶祝成軍一週年 二期練習生六月起招募由25位美少女組成嘅Idol Girls偶像女生一期練習生，成軍至今已經一週年。除咗兩位已經完約退隊嘅成員之外，其餘23人噚日就齊集喺觀塘apm商場，聯同21位「Id...
25/05/2026

25/5/2026
Idol Girls慶祝成軍一週年 二期練習生六月起招募

由25位美少女組成嘅Idol Girls偶像女生一期練習生，成軍至今已經一週年。除咗兩位已經完約退隊嘅成員之外，其餘23人噚日就齊集喺觀塘apm商場，聯同21位「IdG合唱團」成員，一齊出席成軍一週年嘅慶祝活動。由於有多達44位練習生出席，大批攝影發燒友早在活動舉行之前一晚，就已經喺商場門外排隊，情況相當誇張。

喺目前仍然留隊嘅23位Idol Girls偶像女生一期練習生，其中7人喺舊年9月，已經以「IdG Bubbles」嘅名義出道。另外6位成員，亦已經喺今年3月，組成「IdG Sundae」進軍樂壇。至於其餘10位一期練習生，到底有無機會正式出道，現階段仍然係一個謎。話雖如此，全數23位Idol Girls一期生，都會喺7月4號，出席喺西九文化區舉行嘅《偶像女生 IdG The 1st》音樂會，作為佢哋成軍一週年嘅重點慶祝活動。

另外，Idol Girls偶像女生第二期練習生嘅招募工作，將會喺6月1號正式展開。總製作人「亞拔」特別將今次招募嘅年齡限制，定喺13至25歲，務求令更多年輕人，可以有機會親身體驗偶像訓練嘅過程。



#偶像女生





#二期練習生招募

25/5/2026長洲搶包山比賽 郭嘉明龔子珊「冧莊」奪冠凌晨喺長洲舉行嘅搶包山比賽，上屆「包山王」郭嘉明，以及「包山后」龔子珊，分別以999分同埋760分嘅成績，雙雙「冧莊」奪得冠軍。而搶到177個平安包嘅選手馬學銘，就奪得「袋袋平安奬」...
24/05/2026

25/5/2026
長洲搶包山比賽 郭嘉明龔子珊「冧莊」奪冠

凌晨喺長洲舉行嘅搶包山比賽，上屆「包山王」郭嘉明，以及「包山后」龔子珊，分別以999分同埋760分嘅成績，雙雙「冧莊」奪得冠軍。而搶到177個平安包嘅選手馬學銘，就奪得「袋袋平安奬」。今次係郭嘉明第11次登上「包山王」嘅寶座。至於「包山后」龔子珊，亦已經係第四次奪冠。

緊接舉行嘅搶包山接力邀請賽，就有10隊分別來自本港、澳門、深圳，以及珠海嘅隊伍參加。當中長洲東堤新村二隊其中一位隊員，由於喺比賽結束之後，無法重返地面，結果需要勞煩在場工作人員提供協助。最終呢場邀請賽嘅冠軍得主，係深圳巿登山戶外運動協會。


#搶包山比賽
#長洲太平清醮
#包山王
#包山后
#郭嘉明
#龔子珊
#袋袋平安奬
#馬學銘
#搶包山接力邀請賽
#澳門
#深圳
#珠海
#長洲東堤新村二隊
#深圳巿登山戶外運動協會

24/5/2026長洲太平清醮飄色巡遊 烈日當空不減觀眾興致一年一度嘅長洲太平清醮飄色巡遊，今日下晝喺長洲北帝廟起步。雖然今日下晝嘅氣溫，高達30度以上，不過由於今日同埋聽日都係公眾假期，所以酷熱嘅天氣，並未有減退專程去長洲嘅一眾市民同埋遊...
24/05/2026

24/5/2026
長洲太平清醮飄色巡遊 烈日當空不減觀眾興致

一年一度嘅長洲太平清醮飄色巡遊，今日下晝喺長洲北帝廟起步。雖然今日下晝嘅氣溫，高達30度以上，不過由於今日同埋聽日都係公眾假期，所以酷熱嘅天氣，並未有減退專程去長洲嘅一眾市民同埋遊客，觀賞飄色巡遊嘅興致。

一如以往，唔少有份參與飄色巡遊活動嘅團體，都會將一啲熱門嘅社會話題，滲入飄色設計元素當中。當中一組以香港單車代表隊成員造型亮相嘅飄色，唔少現場觀眾親眼見到之後，都感到嘆為觀止。


#長洲太平清醮
#飄色巡遊
#北帝廟
#酷熱天氣
#社會熱話
#香港單車代表隊

Address

Hong Kong

Website

Alerts

Be the first to know and let us send you an email when News Insight Hong Kong posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News Insight Hong Kong:

Shortcuts

Share

Category