27/04/2020
《觀察 - 公共設施③ 九如坊兒童遊樂場》
由3月28日開始，香港政府關閉咗全港公園、球場等等嘅公共設施去 「減少人群聚集嘅機會」。
29日過後， #中環 #九如坊兒童遊樂場 依加變成點？
九如坊兒童遊樂場毗鄰傳統港式茶樓 蓮香樓，貴為城中稀有嘅休憩用地，公園面積唔細，有千秋、滑梯同石春路比市民使用。
比起早前介紹過嘅封條防守之外，九如坊係喺觀察之下首個會用外物配合欄封設施嘅公園。整體防禦力算高，千秋被紮到一圈又一圈，而係石春路度更加見得到喺梅樹坑類似嘅萬國旗式封鎖。整體嚟講，公園封條完整，無任何破壞嘅痕跡。
九如坊公園入面有棵大樹，即使係炎夏嘅天氣下，坐喺樹底都有涼浸浸，咕菇固 係身邊飛嚟飛去。安靜、涼爽 係一個唔錯嘅休息之地。
外觀：★★☆☆☆
防守性：★★★★★
#香港 #公園 #公園系列
#禁聚令 #專做多舊魚嘅事
