Fisherman Kwok mok tai 本地養魚戶郭木泰

01/09/2018

雨一直下
終於停雨了! 忙了幾天，魚塘水位差不多滿瀉，又要放水，幾天都忙著搬泵，接駁電線，泵水等工作。係29/8晚大約十點，魚塘嘅沿路低位已開始水浸，十分鐘後突然升高咗半米多， 仲差少少就升到塘壆頂，好彩最後冇再升高。到凌晨兩點，深圳排洪，又再擔心過， 已準備定少量沙包，整晚巡視魚塘，睇住魚塘水位升到仲差大约4~5吋就入水， 那一刻嘅心情， 突然諗起二十幾年前嘅一次水浸啲魚走晒! (所以之後加高咗所有塘壆)…唉！

總結今次損失， 一個魚苗塘啱啱過咗水，年初捉嘅烏頭苗走咗超過一半，其他就無事，明年我諗要再加高塘壆啦…
#排洪
#雨一直下
#張宇

01/08/2018

鐵探@泰叔魚塘
早兩日，鐵探劇組嚟魚塘拍外景，有幸見識到劇集嘅拍攝過程， 34度高溫下工作，每個人都大汗疊細汗 ，幕後工作人員，臨時演員，藝人，導演等等，佢哋專業及敬業樂業嘅精神，對劇集嘅認真，螢幕只播出嘅幾分鐘，背後所付出嘅努力，真係難以言喻。令我學會了珍惜别人嘅努力成果，以後睇戲睇劇，相信另有一番滋味😁
#姜皓文
#林敬剛
#吳廷燁
#羅浩銘
#何佩珉
#一班專業嘅幕後工作人員
#一個好有號召力嘅導演
#泰叔魚塘

21/07/2018

風調雨順!?
早兩日還在落雨，今日酷熱天氣警告，真係變幻莫測。今年颱風及雨量好像比去年多，好彩山神，安比都吹唔中香港。早前降低咗魚塘嘅水位又再升回警界線，看來又要再次降低水位，迎接颱風嘅來臨。
因落雨沒有割草餵鯇魚，佢哋好似話比我知好肚餓，睇嚟要馬上開工割草了。🤔😁

12/07/2018

直得一試嘅煮魚方法

21/05/2018

今年萬眾同心公益金將於26/5，晚上8:30翡翠台播映，今年鼎爺會煮盆菜宴(下攸田柴火盆菜 x 鼎爺厨房。)，佢仲叫咗幾位熱心慈善嘅總理，都市閒情嘅靚女主持彭慧中，入嚟魚塘捉魚做盆菜。大家到時記得留意，唔好錯過呀。
#萬眾同心公益金
#鼎爺盆菜宴
#元朗黃油烏頭
#鼎爺厨房
#彭慧中
#泰叔魚塘

09/05/2018

天后寶誕酬謝神恩，漁會花炮會晚宴慶祝及投花炮活動今晚完結。
祈求神明保佑、風調雨順、身體健康、大家平安。
#天后寶誕
#風調雨順

03/05/2018

非常榮幸今年再次得到優秀農民獎。感謝評委 、 業界對我嘅肯定。
從事養魚業已經四十多年，雖然工作辛苦，但從中搵到唔少樂趣同滿足感，令我堅持養魚到現在。呢一代既人對食物質素好有要求，唔單止追求食品冇濃藥，無添加，更追求食物嘅原味道，所以我多年黎都堅持傳統嘅方法養魚，自己捉魚苗。我雖然養魚四十多年，但仍然覺得要做到老學到老。過去一年我接受咗好幾間傳某嘅採訪，希望外間都會多啲了解我哋養漁業嘅情況，了解優質魚，亦希望更多嘅香港市民支持本地魚。
漁農界既朋友工作都好辛苦，希望大家繼續堅持，為香港人提供優質嘅食材。
#支持本地魚
#優秀農民獎
#優質魚

26/04/2018

海洋污染問題

綠色和平本月初分別解剖13條來自本地街市的野生烏頭以及30條魚腸，發現樣本內含有膠粒。報導刊登後市民對食烏頭魚嘅信心有一定影響。

本地魚塘養殖嘅烏頭，養魚户對水質有一定要求，魚塘養嘅魚何來會有微膠粒，難道魚户會餵飼膠粒嗎？？ 在漁農自然護理署嘅優質魚場計劃下，會定期檢驗魚場嘅魚及水質，希望大家安心食用本地魚場養殖嘅烏頭。

為何要開檔賣自己嘅魚，就是想供應到100%本地飼養嘅魚。市場賣緊嘅烏頭魚，究竟有幾多係真正本地養殖嘅烏頭魚呢？少之又少! (過去如2006年嘅孔雀石綠事件之後，市場個個都話自己賣嘅都係本地養殖嘅，有多少魚檔會話賣緊嘅係大陸進口烏頭!？)

這次事件，真係直得大家去思考一吓，海洋污染問題，魚檔賣魚嘅誠信問題......

本人深信本地優質養殖嘅烏頭魚味道不比海烏頭魚差，在海洋污染問題下，養殖魚甚至比海魚優勝。

特此為 元朗黃油烏頭發聲(純屬個人意見)

https://news.now.com/mobile/local/player?newsId=303335

#海洋污染問題
#元朗黃油烏頭
#優質養魚場計劃
#李天命的思考藝術
#本地魚塘養魚户

25/04/2018

雨季來臨，天文台預計今年颱風比去年多，為避免水浸，魚塘已降低水位，準備迎接颱風來臨。

15/04/2018

商報訪問嘅影片，道盡淡水魚養魚業面對嘅困難。
至於足烏頭苗，真係要靠眼力，腦力，勤力。當年眼力好，試過一次一網捉到百幾斤烏頭苖(十幾二十萬條)，成張綱滿晒，諗番起都覺得超誇張😊 ，往事只能回味了。 遙想公瑾當年，小喬初嫁了........人生如夢，一尊還酹江月。
#商報
#淡水魚
#烏頭苗

09/04/2018

新一期商報嘅訪問，辛苦晒記者們長途跋涉來魚塘做訪問。養烏頭嘅秘芨就唔敢講，都係幾十年累積嘅經驗。
近年養魚業揾食係難咗，希望訪問能讓市民認識本地魚塘及對食本地魚有信心。(優質養魚埸嘅魚，漁護署會定期檢驗魚場嘅魚和水，品質有保證。)
雖然揾食艱難，辛勞嘅另一面就是滿足感，每當收成好，親友街坊又讚美我啲魚好美味，就算批發價錢不好，仍然都會好開心，點形容好呢......好似個世界屬於我咁......咁嘅感覺😅
#商報
#烏頭
#優質養魚埸
#漁護署
#本地魚

http://www.hkcd.com/content/2018-04/08/content_1084506.html

06/04/2018

魚塘近況
鯇魚苗只食草最幼嫩部分，所以要清除塘中食剩草嘅莖部，否則會影響水質。BB魚真係要服侍周到!
#鯇魚
#魚苗

30/03/2018

今晚係新界養魚業協進會春節聯歡晚會，筵開百席，場面熱鬧非常。見到好多已退休嘅漁友仍然出席，當作是朋友聚舊，每年一度嘅聚餐，希望年年都咁多人出席啦。祝各位漁友身體健康，萬事如意，明年再聚。

27/03/2018

昨日去了中環參觀展覽，果然係城中盛事👍

Central

#城市閘誌

02/03/2018

香港原味道 第二集，輪到我哋出場啦! 非常期待，今個星期日，晚上7:30翡翠台播出，大家萬勿錯過呀！
#香港原味道

25/02/2018

我哋接受TVB節目 “香港原味道” 第二集嘅訪問。將於下個星期日(3月4日) 晚上7:30於翡翠台播出， 大家切勿錯過。
介紹一吓該節目: 香港原味道2月25日晚上7:30首播，由譚玉瑛、吳幸美、黃庭鋒帶大家走進偏僻角落，發掘香港本土食材的源頭。追味尋源，尋回失傳的味道與手藝，將被遺忘的本地飲食智慧，呈現於觀眾跟前。深入本地鮮菜園、黑毛豬養殖場及魚塘等，細說每一個《香港原味道》的故事！
其實香港仲有好多漁夫，農夫，仍然堅持傳統或天然方法，生產出健康美味嘅食物。希望大家多啲支持本地嘢。
#黄油烏頭
#本地魚

#香港原味道
#譚玉瑛
#吳幸美
#黃庭鋒

電視廣播有限公司(簡稱無綫電視)於一九六七年十一月十九日正式啟播，是全港首間商營無線電視台。成立初期只有員工約二百名，經多年發展，集團至今共僱有約四千五百名全職僱員，其中包括合約藝員及海外附屬公司員工。

18/02/2018

之前我哋一個英文版本嘅訪問，講有關元朗黃油烏頭，本港養魚嘅傳統，面對嘅困難，漁民嘅生活等...🖒
TING YUNG
Cheung
specialising in food, identity and cultural heritage at the Chinese University of Hong Kong
#元朗黃油烏頭
#郭木泰
City Magazine

Hong Kong fish farmers are trying to rehabilitate grey mullet, a succulent fish that suffered from poor farming techniques.

15/02/2018

恭喜發財！祝大家新一年身體健康，萬事如意！
小店新春期間，營業時間有所變動：
17/2 - 18/2 年初二及年初三：休息
24/2 年初九啟市！
#年年有魚