健康研究所 Very「骨」

27/12/2024

【 #肥胖傷膝？】肥胖人士患膝關節炎風險高4.5倍🦵🏻？

好多人都知道肥胖同心血管疾病、糖尿病有關，但你可能唔知，原來肥胖同膝關節炎都有關係🔥。一項研究發現，肥胖人士患膝關節炎嘅風險比正常體重人士高4.5倍，而超重亦會增加患病率2.5倍！

要簡單區分肥胖同超重，通常會用到身體質量指數（Body Mass Index，BMI）作為標準📝。根據BMI定義，BMI 25或以上為「超重」，BMI 30或以上為「肥胖」。研究亦指出，BMI每增加5 kg/m 2，患膝關節炎風險增加30% 📈！

不過要注意，BMI只考慮身高同體重嘅比例，並冇將肌肉量或脂肪量納入計算，所以BMI都有一定局限性。例如健美運動員因為肌肉量多而體重高💪，按BMI計算可能會被定義為肥胖。所以，BMI只適合用嚟對一般人士進行初步評估。如果想更詳細了解自己嘅身體狀況，最好都係交由醫生進行全面檢查啦🔎。

想預防膝關節炎，其中一個關鍵就係避免肥胖。保持正常體重，可以大大減低患膝關節炎嘅風險。平時注意健康飲食同適量運動🏃，唔單止可以防止肥胖，仲有助保護膝關節健康。不過，每個人情況都唔同，例如肥胖人士或者膝部本身有傷患嘅人士，建議先諮詢醫生，再制訂合適嘅治療方案🩺。

想睇更多豐富嘅骨科健康資訊，請大家Like同密切留意健康研究所 Very「骨」🙌！

#健康研究所 #骨科 #關節 #關節炎 #運動 #肥胖

29/11/2024

【 #行樓梯好處多】行樓梯膝頭痛🦵🏻？學識正確行樓梯姿勢

香港大廈林立🏢，日常生活總係離唔開行樓梯，不過好多人都會揀搭電梯或者𨋢，其實行樓梯對健康有莫大好處！

行樓梯可以鍛練下肢肌肉力量，因為行每一級樓梯都會將大部分嘅體重壓落其中一隻腳，所以行樓梯就好似做負重運動咁🏋️‍♂️，令雙腳需要承受比日常大嘅重量，對臀部同大腿肌肉係相當好嘅訓練。好多人都話腳係人體「第二個心臟」🫀，咁係因為血液由心臟流到下肢，好需要下肢嘅肌肉「泵」返血液到心臟，所以腿部肌肉強壯對血液循環都有幫助。

不過好多人行樓梯時會感到膝頭唔舒服甚至痛楚，呢個時候就可能要審視返自己行樓梯嘅姿勢。即刻睇吓以下3️⃣個行樓梯注意事項啦！

1️⃣ 上半身稍微向前傾，同時保持腰背挺直，唔可以彎腰駝背；
2️⃣ 應該成個腳掌踩上台階，腳跟唔應該懸掛台階邊緣；
3️⃣ 落樓梯時膝頭承受嘅壓力比上樓梯時大，更應注意節奏及姿勢。

不過每個人嘅情況都唔一樣，例如肥胖人士或者膝部本身有傷患嘅人士，建議先向醫生諮詢啦🩺。

想睇更多豐富嘅骨科健康資訊，請大家Like同密切留意健康研究所 Very「骨」🙌！

#健康研究所 #骨科 #關節 #關節炎 #運動 #行樓梯

25/10/2024

【 #天氣凍膝頭痛】天氣轉涼關節特別痛🥶？3招紓緩關節疼痛

最近天氣開始轉涼，關節炎患者更容易覺得關節痛😖，到底點解每逢秋冬季節總係覺得特別痛呢？當中可能同3️⃣個原因有關。

第1️⃣ 個原因同血管收縮有關。人體血管會隨住氣溫下降而收縮，從而減少體內熱量散失。雖然有助保暖，但亦會導致血液循環變差📉，特別係四肢嘅血液供應會減少。當肌肉同關節周圍嘅組織得唔到足夠血液供應，肌肉會變得僵硬，關節就會容易感到痛楚或不適。

第2️⃣ 個原因同關節滑液有關。關節滑液就好似潤滑劑咁幫助關節順暢活動，但低氣溫可能會令滑液變得更加黏稠，從而降低關節活動嘅靈活度。當滑液失去應有嘅潤滑效果，關節自然會變得僵硬同時敏感度增加，就更加容易覺得痛。

第3️⃣ 個原因就係情緒嘅影響。研究發現，部分退化性關節炎患者會比較容易因天氣而影響情緒，而呢啲負面情緒就可能令痛感更加明顯，所以先會有「天氣凍就會關節痛」嘅感覺。

想預防天氣凍造成嘅關節痛，可以由以上3個原因入手。首先要做好保暖♨，特別係要注意四肢保暖。而且唔好因為天氣凍就唔郁，反而要保持身體活動，增加血液循環，身體更加暖之餘，仲可以保持肌肉彈性💪，減少關節痛楚。最後就係要飲多啲水💧，保持關節滑液嘅正常黏度，關節就冇咁易僵硬啦！不過每位患者嘅情況都唔一樣，建議先向醫生諮詢再決定合適嘅預防方法。

想睇更多豐富嘅骨科健康資訊，請大家Like同密切留意健康研究所 Very「骨」🙌！

#健康研究所 #骨科 #關節 #關節炎

27/09/2024

【 #跑步傷膝頭？】跑步會增加關節炎風險🏃？

跑步有益身心，但好多人都擔心跑得多會傷膝頭🦵🏻，仲驚唔知會唔會增加膝關節炎風險。而家就話你知，唔跑步患關節炎機會可能更大😱！

研究發現¹，有休閒跑步習慣嘅人當中，3.5%患上髖關節炎或膝關節炎，而長時間坐而冇跑步習慣嘅人入面，就有10.2%患髖關節炎或膝關節炎，可見冇跑步習慣比有休閒跑步習慣更易患膝關節炎！

而有高強度跑步練習嘅人當中，就有13.3%會患髖關節炎或膝關節炎🔥！聽落好似好危險喎，都係唔跑喇🫣？根據研究¹，高強度跑步定義為每星期跑92公里以上，通常係職業運動員先會有咁大訓練量。因此如果你只係輕鬆慢跑，訓練量唔屬於高強度，都唔需要太擔心👍。不過研究就未有將肥胖或傷患史等因素納入統計，假如你有肥胖問題或者腳部曾經受傷，建議先向醫生諮詢再決定訓練量🩺。

想睇更多豐富嘅骨科健康資訊，請大家Like同密切留意健康研究所 Very「骨」🙌！

#健康研究所 #骨科 #關節 #運動 #跑步 #關節炎

¹J Orthop Sports Phys Ther. 2017;47(6):391

23/08/2024

【 #退化性關節炎】得2成患者適合進行半膝關節置換手術🤔？

患上退化性關節炎，患者可能要接受手術治療，手術分為全膝或半膝關節置換手術，而無論係康復時間、切骨範圍、術後痛楚同腫脹程度，半膝關節置換都比全膝關節置換少✅。但唔講你唔知，原來只有2成退化性關節炎患者係適合進行半膝關節置換手術😯，原因係因為大部分患者符合唔到4大條件！

4大條件包括「只有部分關節退化」、「健全韌帶，特別係十字韌帶」、「膝頭活動幅度理想，即膝蓋可以伸直同彎曲近110°」、「體重唔可以過重」。可惜大部分患者求醫嘅時候病情都比較嚴重😰，只能夠選擇全膝關節置換。所以喺到提醒各位如果有膝頭痛嘅症狀，最好就盡快求醫，咁先可以增加治療方案嘅選擇💪！

仲有更多關於關節置換手術嘅資訊，立即睇片由骨科專科醫生繼續同大家講解，了解更多半膝關節置換手術嘅好處🙌！

#健康研究所 #骨科 #關節 #機械臂 #退化性膝關節炎 #膝關節置換手術 #半膝關節

以人工關節替代人體關節，於膝蓋屈曲時，植入物能否配合自然走動是不少退化性關節炎患者術前的憂慮，甚至以止痛藥紓緩痛楚後便得過且過。惟此做法並不能治療根本問題，更可令病情惡化。聖保祿醫院骨科專科余敬行醫生...

26/07/2024

【防止膝痛惡化】4個保護膝關節嘅簡單運動🤸🏻‍♀️

膝關節係最重要嘅關節之一🦵🏻，但同時亦都係好易受損嘅關節，原因係膝頭嘅「使用率」高之餘，而且承受住絕大部分嘅體重，假如日常生活或者運動時姿勢唔好，又或者膝關節過勞或者退化等，膝頭就可能會受傷同出現痛楚⚡。

當出現膝頭痛，大部分人都會休息，盡量唔活動。但其實如果身體情況許可，做適量運動可以強化膝關節附近嘅肌肉，增加膝關節穩定性，對改善膝頭痛有一定幫助。以下就分享4個運動，適合有膝頭痛問題嘅朋友一齊試吓💪！

1️⃣ 游水：受惠於水嘅浮力，膝關節唔需要承受體重，可以好好鍛煉下肢肌肉。
2️⃣ 瑜伽：瑜伽可以訓練全身肌肉力量，對改善關節穩定性有好大幫助。
3️⃣ 橢圓機(太空漫步機)：橢圓機免除咗下肢同地面嘅撞擊，對關節嘅保護性比跑步更高。
4️⃣ 負重訓練：可以透過腿屈伸同腿彎舉兩個動作，強化大腿整體肌肉，同樣可以改善膝關節穩定度。

不過緊記進行運動前，最好先諮詢醫生或專業人士意見🩺，評估邊種運動先最適合你。同埋記得要量力而為，如果運動途中有不適，就要停低休息喇！

想睇更多豐富嘅骨科健康資訊，請大家Like同密切留意健康研究所 Very「骨」🙌！

#健康研究所 #骨科 #關節 #運動 #姿勢

28/06/2024

【退化性膝關節炎 】半膝關節使用期長達15年 患者可重拾生活樂趣

遇到關節痛、膝蓋痛🦴，好多人都只會簡單按摩、休息或者食止痛藥。但如果係退化性膝關節炎的話，唔通仲係長期依賴止痛藥💊？事實上長期依賴止痛藥可能會導致胃部不適，甚至影響肝臟同腎臟功能，係治標唔治本嘅方法🙅🏻！

膝關節曾受到創傷、從事體力勞動或體重過重人士等都屬於退化性膝關節炎嘅高危人士🚨。如果有膝關節內側疼痛，而且長時間行路或者站立後情況惡化的話，就好大機會係退化性膝關節炎⚠️。如果經檢查後確診係退化性膝關節炎，患者就可以考慮進行關節置換手術。

唔少人都擔心換人工關節會影響生活，其實關節置換手術先係對付退化性膝關節炎嘅治本方法。醫生分享一位61歲退休男患者，手術後2個月就可以正常步行，之後仲可以開始行返山🏞️。而且最新統計顯示，9成以上嘅半膝關節置換可以用到15年📅，患者毋須過分擔憂要再做手術「換零件」。

仲有更多關於關節置換手術嘅資訊，立即睇片由骨科專科醫生繼續同大家講解，了解更多膝關節置換手術嘅好處🙌！

#健康研究所 #骨科 #關節 #機械臂 #退化性膝關節炎 #膝關節置換手術

關節痛、膝蓋痛、肌肉痛等痛症時有發生，而大部分人只會進行簡單按摩、休息或服用止痛藥紓緩痛楚便了事，這實為治標不治本之法。香港浸信會醫院骨科專科陳鍵仁醫生以本港常見的膝關節炎為例：「如膝關節疼痛的位置為...

05/06/2024

【 #減少關節壓力】5️⃣ 個你要知嘅關節護理小貼士💡

人體關節有好多種🦴，有活動性較高嘅球窩關節，亦有限制單一活動方向嘅樞紐關節等，但無論係邊種關節，都係身體至關重要嘅部份。但關節其實比想像中更脆弱，日常生活中嘅各種動作或姿勢，都可能會導致關節受到損傷。想要維持生活質素，就要學識保護我哋嘅關節，一齊嚟睇吓5個有助減少關節壓力同磨損嘅小貼士啦👀！

1️⃣ 所有疼痛都唔應該忽視
當身體出現疼痛，大多都係出現異常情況，尤其關節疼痛就要更加小心。例如大家都知道關節出現「喀喀」聲係關節腔內滑液氣泡破裂嘅聲響🫧，本身並唔係風險因素，但假如聲響伴隨疼痛，就有機會係關節內組織互相磨擦而形成。因此日常要留意身體情況，如果關節無故出現疼痛💥，就要考慮求醫診斷。

2️⃣ 分擔重量
關節受損嘅其中一個原因係關節過度受壓或負重🏋️‍♂️，所以就要識得善用身體各部分，例如搬運重物時，盡量用雙手分擔重量，腰背挺直，重心亦要平均分配俾雙腳，咁就可以大大減少單一關節所承受嘅壓力，防止損傷。

3️⃣ 避免長時間緊握動作
長時間進行緊握動作✊🏻，例如打字或使用手機，會對關節帶嚟過度壓力。建議定時休息，俾關節得到充分放鬆🖐🏻。

4️⃣ 善用工具
使用適當嘅工具可以減少關節壓力。例如遠足行山時使用行山杖，輔助上落梯級，都係分擔膝關節壓力嘅好方法🦵🏻。

5️⃣ 注意姿勢
不良姿勢會對關節造成慢性傷害，無論係站立、行路、跑步等任何動作🏃，都應該保持正確姿勢，俾關節喺安全嘅情況下「工作」，例如需注意站立時膝關節有冇過度伸直（超伸）、跑步或跳躍時有冇微彎膝蓋作緩衝、搬運重物時腰背有冇挺直等。只要做好日常姿勢，就可以大大減低受傷風險。

保護關節，由日常做起。唔想因為關節受損而影響生活質素，就要識得建立保護關節嘅良好習慣，從細節做起，維持關節健康🙌！

想睇更多豐富嘅骨科健康資訊，請大家Like同密切留意健康研究所 Very「骨」🙌！

#健康研究所 #骨科 #關節 #運動 #姿勢

15/04/2024

【退化性膝關節炎🦵🏻】以機械臂輔助做膝關節置換手術 即日就可以落床走動？

年紀大或者膝關節曾經受過傷，都有機會令膝關節提早退化，繼而演變成退化性膝關節炎🔥，更可能需要進行膝關節置換手術🦴，先可以回復正常行動能力。

以往做膝關節置換手術，主要係靠醫生肉眼同經驗嚟判斷切骨位置同範圍👀，難免會出現誤差。近年就發展出利用機械臂輔助進行膝關節置換手術嘅技術🦾，術前透過電腦分析膝關節資料，以及手術期間利用機械臂嘅高解像度相機拍攝骨頭，可以有助準確決定切骨嘅位置，大幅降低誤差至1毫米或1度📉，從而減低對附近軟組織嘅損傷，保護健康組織。患者甚至手術當日就可以落床走動，三日後就可以出院👏。

仲有更多關於機械臂膝關節置換手術嘅資訊，例如術後駛唔駛避免運動？關節駛唔駛定期維修？立即睇片交由骨科專科醫生同大家分享，釋除你對膝關節置換手術嘅疑慮🙌！

#健康研究所 #骨科 #關節 #機械臂 #退化性關節炎 #退化性膝關節炎 #膝關節置換手術

膝關節是人體最大及最複雜的關節，在承受人體重量之下維持下肢活動能力。當它飽經年月的磨蝕，便會開始衰退，因此退化性膝關節炎是本港長者常見的疾病之一，嚴重地削弱患者活動能力。

05/03/2024

有好消息宣布🎉！

健康研究所有新嘅研究專題啦📚！健康研究所Very「骨」即將面世！

呢個全新專頁，會專門分享有關骨科嘅健康資訊🦴，例如邊啲人士屬於關節炎嘅高危一族？長期食止痛藥止關節痛會唔會有問題💊？膝關節置換手術係咩嚟？成個膝頭換成人工關節又會唔會影響活動等等嘅問題，除咗會有有趣易明嘅骨科知識之外，仲會有醫生同大家作詳細講解🩺，務求令廣大讀者可以獲得最準確嘅知識✅！

唔想錯過咁豐富嘅資訊，就請大家Like同密切留意健康研究所 Very「骨」🙌！

#健康研究所 #骨科 #關節