Fantazia - "Maroc"

11/07/2025

التفاتة محمودة من الشركة الملكية لتشجيع الفرس في حق باتهامي لنجدد عليه الرحمات

تتقدّم الشركة الملكية لتشجيع الفرس بأحرّ التعازي وأصدق مشاعر المواساة إلى أسرة الفقيد "با تهامي"، سائلين الله العلي القدير أن يتغمده بواسع رحمته، ويسكنه فسيح جناته.

09/07/2025

إنا لله وإنا إليه راجعون

بقلوب حزينة تلقينا خبر وفاة با تهامي مول الكلة، الرجل اللي ماشي غير كان حاضر فالمحارك، بل كان روح من أرواح التبوريدة، بصيحاتو، بطريقتو الخاصة، وبذاك الكلة اللي كان كيرفعها بفخر بعد كل طلقة موفقة.

كان فرحنا فالميدان، وكان علامة فارقة فكل دورة وطلقة. ماشي ساهل نفرطو فواحد بحالو، لكن الأكيد أن الذاكرة ما كتنساش الناس اللي بصماتهم باقية فالعين والقلب.

رحمك الله با ثامي، وأسكنك فسيح جناته.
وسيبقى اسمك حي بيننا، كلما دوّى البارود، وكلما تعالت الزغاريد ❤️🤲

#التبوريدة

24/06/2025

سعيد بالحمونية يحقق نتائج مهمة فـ مباراة الخيول العربية البربرية بالحريسة الجهوية بمراكش، فئة الفرسات غير المتبوعات – 9 سنوات فما فوق.

احتل المرتبة الأولى والثانية في نفس الفئة، وبهذا كيتصدر الترتيب فهذ الشطر من المنافسات.

#النتائج #الفرسات

24/06/2025

من الجدعات الملاح اللي حضرو فـ مباراة جمالية الخيول العربية البربرية بالحريسة الجهوية بمراكش، جدعة من إقليم أحمر، جماعة الخوالقة، تبارك الله الوقفة، الترصيف، وحتى التمشيطة، كلشي تيقول الزين راه كاين 😍👏

وتحية خالصة لناس أحمر، معروفين بخيولهم المزيانة، وجدعاتهم اللي ديما تفرّح الخاطر فكل ساحة وميدان 🐴✨

#أحمر #الخوالقة

07/06/2025

🎉 عيد أضحى مبارك سعيد
بمناسبة حلول عيد الأضحى المبارك، نتقدم إليكم بأحر التهاني وأطيب الأماني، سائلين الله أن يعيده علينا وعليكم بالخير واليمن والبركات.

🐴 تحية خاصة لعشاق البارود والتبوريدة في كل ربوع المملكة
وتحية خالصة للمقدمين والفرسان وجميع متابعينا الأوفياء ❤️

كل عام وأنتم بألف خير
#التبوريدة

04/06/2025

🥉 دحمان الحسناوي... العود المزيان كيبان فالعقبة

ماشي أول مرة كيسمعو الجمهور اسم دحمان الحسناوي، لكن فـ نهائيات دار السلام 2025، بصم على مشاركة من الطراز الرفيع، خلاتو يعتلي البوديوم عن جدارة، ويبرهن أن فارس الشرق باقي حاضر بقوة، وأن التبوريدة راه ماشي غير بارود، راه صنعة وفن وهوية.

💥 أداء متوازن من أول يوم، قرصات فيها النظام والتوقيت، لبسة تقليدية محافظة، وخيل من المستوى العالي، زادو عطاو سربة دحمان ذاك البريق اللي رجعها حديث الجمهور.

📍 الحضور الجماهيري تفاعل، والتتويج ماكانش مفاجأة، بل نتيجة خدمة هادئة وتراكم تجربة على مرّ السنين.

🎖️ المقدم دحمان من الناس اللي خدمو فصمت، ماشي ديال الأضواء ولا الكلام الكثير، لكن البارود كيهدّر عليه.

هنيئاً له، وهنيئاً لجهة الشرق بسفيرها ديال العام، وكل الاحترام لسربة اشتغلت على التفاصيل وبنت الثقة شويا بشويا حتى وصلت للمنصة.

#التبوريدة

03/06/2025

🥈 المهدي أنجار... صوت البارود اللي ما كيتخونش

رغم أنو ما طلعش لمنصة الذهب، إلا أن الأداء ديالو فـ دار السلام 2025 كان بطولي بكل المقاييس، واستحق عن جدارة الميدالية الفضية.

من أول يوم، كانت رسالتو واضحة:
اللعب نظيف، اللباس منظم، والهَدة مدروسة.
ومع كل قرصة، كيخلّي بصمة ديالو اللي ما كتشبه حتى حد، وماشي صدفة كيتكرر اسم المهدي فكل موسم من مواسم المجد.

💪 وبالرغم من كل الظروف، بما فيها الإصابة اللي كيعرفها الجميع، بقا صامد، وكيكافح، وكيعلّي الراية ديال جهة مراكش آسفي بكل فخر.

🔸 الناس فالميدان كيعرفو المهدي مزيان:
خدّام، ساكت، ماشي ديال الصداع، ولكن فاش كيسمع صوت البارود… كيتحوّل لفارس من نوع خاص.

👏 تهانينا للمقدم المهدي أنجار، فارس الكاريزما والقرصة النظيفة، ولي كيستاهل كل الاحترام والتقدير على هذا الإنجاز الكبير.

#التبوريدة

03/06/2025

🏆 الذهب للذهب… للمرة الثانية على التوالي!
المقدم رشيد سيكاس يعود ليكتب اسمه من ذهب فكتاب التبوريدة المغربية، ويتوج للمرة الثانية على التوالي بالميدالية الذهبية فنهائيات جائزة الحسن الثاني للتبوريدة بدار السلام.

🔹 من بالوما، لتامنصورت، لبني ملال، لبوزنيقة...
سنين من المشاركات، فيها النجاحات وفيها العثرات، ولكن السي رشيد خلى الإصرار والمثابرة هوما السلاح ديالو، بلا ما يبدل الطريق ولا يساوم على الأصل.

🔸 الخياطية ماشي سهلة اليوم، ولكن رشيد سيكاس، يركّز على خدمته وكيعطي لكل تفصيلة حقها… من الانضباط الجماعي، لجمالية اللباس، لانسجام الخيول، للطريقة الحقيقية فاللعب.

🎯 2024... ذهب
🎯 2025... ذهب
وهادشي ماشي صدفة، هادشي نتيجة شغل ديال أعوام، واستمرارية بلا ملل.

🎖️ تحية كبيرة لسي رشيد ولسربته الكاملة اللي مثلوا جهة الدار البيضاء - سطات أحسن تمثيل، ورفعو راية “الخياطية” عالية، وسط منافسة قوية وشرسة.

📍 هنيئًا لهم، وهنيئًا لكل من آمن بأن الاستمرارية كتجيب النتائج.

---

#الخياطية #التبوريدة

01/06/2025

مرضي الوالدين معمرو مايخيب ...سيكاس يستحق ...ألف مبروووك لسربة رشيد سيكاس للفوز بالميدالية الذهبية للمرة الثانية على التوالي 🎉🎊

01/06/2025

تتابعون النقل المباشر للنهائي المرتقب للفروسية التقليدية بدار السلام ابتداءا من الساعة 16:15 على القناتين الأولى و الرياضية فكونوا في الموعد

31/05/2025

🥉 المقدم المهدي أنجار
ممثل جهة مراكش آسفي يُمتع، يُبهر، ويقترب بثبات من منصة التتويج فنهائي جائزة الحسن الثاني للتبوريدة – دار السلام 2025 🏆🐎

✨ ما شاء الله، رغم مشكل اليد اللي كيعرفو الجميع، أنجار كيكافح بصمت ورجولة باش يصنع المجد ويحقق ميدالية غالية.

🔥 البوديوم ماشي بعيد… والتبوريدة فيها العزيمة قبل كل شيء.

📹 تفرج على المرور الكامل وخلي كلمة فحق هاد الفارس الأصيل.

#التبوريدة

31/05/2025

🥈 المقدم شرف البحراوي
أمتع الجمهور وأحسن تمثيل جهة مراكش آسفي فـ اليوم الأول من نهائي جائزة الحسن الثاني للتبوريدة – دار السلام 2025 🐎

بداية قوية وقرصات فيها البصمة ديال ولد العبدة، خلاّت اسمو يطلع فمقدمة الترتيب المؤقت 🔥
البوديوم باقي ما تحسمش، ولكن شرف حطّ أول خطوة فيه بكل جدارة.

📹 تفرجو على المرور الكامل وخليو تعاليقكم على الأداء.

#التبوريدة