TVB 娛樂新聞台 TVB Entertainment News

TVB 娛樂新聞台 TVB Entertainment News TVB娛樂新聞台 TVB Entertainment News Channel

TVB娛樂新聞台（英语：TVB Entertainment News）是香港無綫網絡電視擁有的一條以直播娛樂新聞為主的頻道，於2006年6月25日晚上7時啟播。該台宣傳口號為「娛樂圈嘅事，娛樂圈話事」，強調為娛樂圈發聲。馬來西亞Astro亦於2010年7月1日啟播此頻道。

02/01/2026

鄧麗欣相隔23年再獲獎感觸良多 林家謙宣布休息尋找創作靈感

一眾歌手元旦夜出席電台舉辦嘅樂壇頒獎禮， #陳奕迅 嘅囡囡 #康堤 以大熱姿態奪得「生力軍女歌手」金獎，而同樣事前被視為「我最喜愛的女歌手」大熱嘅 Stephy 鄧麗欣 ，亦順利獲獎。相隔23年再踏上呢個頒獎禮台上，Stephy相當感觸，佢話感覺好似發咗場夢，並覺得只要堅持唔好放棄，就會去到想去嘅目的地。

林家謙 Terence Lam 第四度榮獲「唱作人金獎」，不過喺台上致謝詞時，佢就話自己需要休息吓，慶功宴上，家謙解釋開始發現自己創作嘅旋律有啲重覆，好想休息下去尋找創作靈感同來源，不過就冇限定要休息幾耐。

馮允謙 Jay Fung 同 Gin Lee 李幸倪 分別奪得男女歌手金獎，而奪得歌曲獎嘅陳柏宇，就話今次上台前準備好致謝詞，但係因為太緊張而忘記咗約定大家七月喺紅館見。Gin Lee好感恩再次奪金，佢話而家作為歌手要懂得百般武藝，但有時又會遇到成果不似預期，所以要不斷努力。Jay就話七年前加盟新公司時，完全冇諗過自己可以開騷兩次紅館演唱會，直至今日再成為金奬得主，呢啲事係以往諗都冇諗過。

#叱咤樂壇頒獎禮 #鄧麗欣 #我最喜愛的女歌手 #相隔23年 #堅持 #不放棄 #發夢 #林家謙 #唱作人金奬 #慶功宴 #創作靈感 #陳奕迅 #陳康堤 #生力軍女歌手 #馮允謙 #李幸倪 #陳柏宇

尋歡作樂的姐姐｜何沛珈分手後大解放騷美人魚身材 享受與猛男共聚玩樂何沛珈 Roxanne 近日傳出同 阮浩棕 Nicholas 嘅兩年情玩完，而Roxanne日前現身活動時公開承認現時感情狀況單身，直接交代分手之說。甩拖嘅Roxanne專心...
02/01/2026

尋歡作樂的姐姐｜何沛珈分手後大解放騷美人魚身材 享受與猛男共聚玩樂

何沛珈 Roxanne 近日傳出同 阮浩棕 Nicholas 嘅兩年情玩完，而Roxanne日前現身活動時公開承認現時感情狀況單身，直接交代分手之說。甩拖嘅Roxanne專心工作，落力為即場推出嘅新節目《 尋歡作樂的姐姐 》宣傳，亦好好準備1月4號《 萬千星輝頒獎典禮2025 》擔任司儀做好準備。

Roxanne釋出一條拍攝花絮曬身材，穿上粉色閃閃Bra Top嘅佢不經意谷出豐滿身材，喺池邊擺動上身，發送多個不同表情包冧人，上水後見Roxanne一身美人魚裝扮大曬長腿兼小纖腰身材。Roxanne喺片段留言指海底逐浪，人間作樂，2026第一個新嘅綜藝節目《尋歡作樂的姐姐》1月5號就會同大家見面，希望大家多多支持，希望大家2026年「魚」樂無窮，尋歡不斷，作樂不歇。

Roxanne喺節目中會聯同何依婷Regina、游嘉欣Kayan、戴祖儀Joey、林凱恩Iris等到內地尋歡作樂，帶觀眾認識新興嘅打卡蒲點及吃喝玩樂。Roxanne之前Po嘅另一條片，就見佢哋去咗食猛男烤肉、又去帥哥居酒屋、仲享受小鮮肉按摩等，最重要係全部猛男都高大又靚仔，真係睇見都覺得好吸引呀。

#何沛珈 #阮浩棕 #尋歡作樂的姐姐 #何依婷 #游嘉欣 #戴祖儀 #林凱恩 #分手 #萬千星輝頒獎典禮2025

02/01/2026

葉蒨文爆被GM改名「老女人」 羅毓儀扮聖誕樹為男友送驚喜

《女神配對計劃》5位女神 葉蒨文 Sophie Yip Yuki Law 羅毓儀 Maggie Leung 梁敏巧 Carman Kwan 關嘉敏 同 Stephanie Lee 李芷晴 ，呢日同佢哋嘅另一半一齊宣傳新節目《女神玩轉嘉年華》，喺節目中佢哋接受唔同嘅遊戲挑戰，過程浪漫又爆笑。而呢日喺記招上，佢哋亦嚟個默契大考驗，配對成功嘅 同 Sophie，果然唔會令人失望，主持叫佢哋隔住塊板，各自做出「拍拖」嘅動作，兩人盡顯默契，更獲得大家嘅呼歡聲。

GM同Sophie呢對CP，今年認真大豐收，除咗吸金力強勁外，兩位更加係人氣急升，如果嚟緊佢哋可以齊齊攞埋「飛躍進步男女藝人」嘅話，就真係好完美喇。不過Sophie話當自己已經贏咗：「首先入到十強，大家都好支持，另外新一年第一日就收到好消息，就係我哋流量嘅TOP2，同埋我哋而家出到街，都有好多朋友仔支持。」至於2026年有咩想嘗試？GM就話想拍劇，好似咩《霸總愛上老奶奶》嗰啲，Sophie就自爆GM幫佢改咗個花名叫「老奶奶」，在旁嘅GM即刻澄清，解釋係「腦筋好靈活」嘅女人，認真搞笑。

放閃光彈呢樣嘢，Yuki同 都一樣好犀利，呢日佢哋就分享喺啱啱過去嘅聖誕節，一齊去咗拍《女神配對計劃》嘅定情之地愉景灣拍拖，兩人舊地重遊夠晒浪漫，Yuki仲駛開Kris一個鐘，走咗去扮聖誕樹畀男友一個驚喜，真係sweet到爆呀。

至於配對唔成功嘅Karman同 ，似乎未能因為呢個嘉年華而增進感情，反而仲令Karman對Matthew好不滿，事關Karman投訴男方好勝心太強，反而佢自己就享受過程多於結果，所以兩人一觸即發，完全顯露男女大不同嘅矛盾。

Karman 同Matthew呢pair就充滿火藥味，相反同樣配對唔成功嘅 李芷晴 同 就感情大躍進，芷晴仲因為呢個嘉年華，對Jacob加咗少少分添。至於Maggie同 呢對，一直都被睇好有望進一步發展，不過，呢日問到兩位感情狀況，佢哋就異口同聲話唔講得，真係好神秘喎。

#女神配對計劃 #葉蒨文 #羅毓儀 #梁敏巧 #關嘉敏 #李芷晴 #曾展望 #林俊其 #劉啟進 #黃家俊 #林焌堯 #飛躍進步男女藝人 #人氣 #流量 #拍劇 #霸總愛上老奶奶 #老女人 #腦女人 #聖誕節 #重遊舊地 #聖誕樹 #驚喜 #不滿 #好勝心 #神秘

劉嘉玲曬新年第一份禮物 手持加價「牛肉乾」盡顯幽默踏入元旦（1月1號）起調高違例泊車及19項與道路安全相關違例事項嘅定額罰款，違例泊車定額罰款（俗稱「牛肉乾」）從320元增至400元，調整幅度為25%，「牛肉乾」加價後，警方近日嚴正執法， ...
02/01/2026

劉嘉玲曬新年第一份禮物 手持加價「牛肉乾」盡顯幽默

踏入元旦（1月1號）起調高違例泊車及19項與道路安全相關違例事項嘅定額罰款，違例泊車定額罰款（俗稱「牛肉乾」）從320元增至400元，調整幅度為25%，「牛肉乾」加價後，警方近日嚴正執法， 劉嘉玲 Carina Lau 亦獲得呢份「新年第一份禮物」！

嘉玲近年被發哥周潤發帶動，愛上行山跑步，今日嘉玲喺社交平台貼出一張手持「牛肉乾」嘅相，估計係嘉玲朝早跑步時收到，佢幽默寫道：「新年第一份禮物：來自交警的愛心紅包😅」唔少網民大讚嘉玲心態樂觀，又笑稱證明嘉玲成日跑步嘅地方有警察巡邏好安全。

#元旦 #違例泊車 #罰款 #牛肉乾 #加價 #2026新年 #第一份禮物 #交警 #愛心紅包

02/01/2026

周深啟德跨年騷圓滿結束 精選粵語串燒歌限定獻唱

周深一連兩晚喺啟德主場館舉行嘅演唱會，於元旦夜圓滿結束，身為首位內地歌手踏上主場館舞台，兼且係該場館首位跨年騷嘅歌手，周深全程施展渾身解數，佢喺台上以廣東話跟觀眾打招呼，感激大家一直嘅支持，令佢去到好多重未踏足嘅地方開騷。

首次喺香港開騷，周深感受到觀眾嘅震撼熱情，因為跨年騷於室內場館舉行，佢亦係首次喺室內環境聽到幾萬人叫吶自己名字，佢覺得非常幸福。為咗今次啟德嘅演出，會場特別加添裝置，例如巨型屏幕及旋轉延伸舞台。

粵語歌曲一直陪伴住周深成長，難得首次來港開騷，周深特別為觀眾送上經典粵語金曲以表誠意，佢話揀歌時一直考慮會否兩晚獻唱唔同嘅歌粵語歌，但經過長時間嘅揀選後，佢發現最終三首歌曲都難以取捨，因為每首歌都好有歷練，又畀到大家滿滿嘅力量，尤其係《海闊天空》。

#周深 #啟德主場館 #跨年騷 #渾身解數 #感激 #觀眾 #震撼熱情 #巨型屏幕 #旋轉延伸舞台 #粵語金曲 #難以取捨

方力申晒囡囡主題照 何穗分享囝囝與陳偉霆赤膊相 新手父母都有一個共同嘅愛好，就係無時無刻都想將自己可愛嘅BB同大家分享。去年榮升爸爸嘅 Alex Fong 方力申 ，自從愛女Isla出世後，不時就會同大家分享囡囡嘅照片，繼早前分享咗以聖誕...
02/01/2026

方力申晒囡囡主題照 何穗分享囝囝與陳偉霆赤膊相

新手父母都有一個共同嘅愛好，就係無時無刻都想將自己可愛嘅BB同大家分享。去年榮升爸爸嘅 Alex Fong 方力申 ，自從愛女Isla出世後，不時就會同大家分享囡囡嘅照片，繼早前分享咗以聖誕作主題嘅BB相後，小方呢日再分享咗另一輯主題嘅BB相。

相中Isla着上泳衣戴上泳帽同泳鏡，而身邊就擺放住奧運火炬、世錦賽金牌等物品；而另一輯相Isla就化身小小畫家，戴上紅色畫家帽，手握羊毛氈製作而成嘅畫筆，後方則擺有小方嘅畫像。方力申喺帖文中為大家解構呢兩輯相嘅主題：「之前講嘅兩個造型真係有人估中晒，就係Isla媽媽嘅嗜好畫畫，同埋我最擅長嘅游水。兩張相最特別嘅地方就係畫家旁邊條蛇真係阿媽畫嘅；而港隊代表旁邊嗰啲物件都係佢爸爸嘅，有奧運火炬、世錦賽金牌、同埋佢當年參加悉尼奧運嘅選手證添。 」而方力申太太 #葉萱，則分享自己與囡囡Isla對望嘅照片，並以韓文寫道：「新的一年，新的目的，新身份，新歡。」

另外， #杜德偉 早前亦有去探望Isla，佢仲送咗一頂綉咗「NEW DAD」嘅棒球帽畀新手爸爸方力申。

陳偉霆 William Chan 與女友 #何穗 亦於2025年榮升爸爸媽媽，何穗於2號就分享咗三張佢哋同BB嘅照片，其中一張BB瞓喺赤膊嘅陳偉霆後背上，而另一張則係何穗手握BB嘅雙腳，最後一張係兩人輕按於BB手上。

何穗以英文於帖文中寫道：「隨着2025年完結，它以最美好的方式改變了我的世界。與你共度的每一天，都像是從未預料到的珍貴禮物。感謝你以我無法想像的方式填滿我的心。願未來所有的新年都有你相伴。❤️祝願大家擁有溫暖美好的2026年。願我們都能珍惜與摯愛共度的每個時刻。💗💗💗」

#方力申 #葉萱 #陳偉霆 #何穗 #奧運火炬 #世錦賽金牌 #新手父母 #爸爸 #媽媽 #珍貴禮物

02/01/2026

TVB大寶藏丨歌神張學友趣劇分演多角 一氣呵成講對白精準無誤

歌神張學友紅館個唱舉行得如火如荼，喺舞台又唱又跳，完全冇難度，演技亦毋庸置疑，無論係草根小人物，定係搞笑角色演出均入木三分，試過一人分演多角，短時間挑戰唔同場口嘅趣劇，竟然記得晒對白，夠晒厲害！

#歌神 #張學友 #搞笑角色 #對白

資深武術指導袁祥仁元旦離世 曾演《功夫》賣秘笈予周星馳掀回憶殺著名武術指導「七哥」袁祥仁於今年元旦因病離世，享壽69歲。影迷與圈內好友深感哀痛，其妻子發布訃聞，喪禮將於2月1號在世界殯儀館明德堂設靈。袁祥仁出生於武術世家，為著名武術指導袁小...
02/01/2026

資深武術指導袁祥仁元旦離世 曾演《功夫》賣秘笈予周星馳掀回憶殺

著名武術指導「七哥」袁祥仁於今年元旦因病離世，享壽69歲。影迷與圈內好友深感哀痛，其妻子發布訃聞，喪禮將於2月1號在世界殯儀館明德堂設靈。

袁祥仁出生於武術世家，為著名武術指導袁小田之子，其兄長為國際知名動作指導袁和平。袁祥仁自細習武，後來投身電影圈，生前曾參與多部經典動作片，包括《黃飛鴻》系列、《太極張三豐》，於1991年憑《黃飛鴻》榮獲第11屆香港電影金像獎最佳動作指導，曾跟隨哥哥袁和平遠赴荷李活發展，為《22世紀殺人網絡》、《標殺令》、《夜魔俠》（Daredevil）及《神探俏嬌娃》（Charlie’s Angels）等大片擔任武術指導工作。

袁祥仁於幕前客串演出嘅經典角色，同樣令觀眾留下深刻印象，他曾與周星馳多次合作，於《大內密探零零發》反串飾演無相王之妻、《武狀元蘇乞兒》飾演丐幫長老洪日新，向「蘇燦」傳授睡夢羅漢拳，後嚟於《功夫》飾演神秘乞丐，將「如來神掌」秘笈賣給童年版周星馳，一句經典對白「我睇你骨骼驚奇，簡直係萬中無一嘅練武奇才」，再次勾起觀眾集體回憶。

#武術指導 #七哥 #袁祥仁 #兄長 #袁和平 #太極張三豐 #大內密探零零發 #武狀元蘇乞兒 #丐幫長老 #功夫 #神秘乞丐 #如來神掌 #秘笈 #去世 #電影 #病逝

02/01/2026

電影泉攻略丨陳湛文與童星對戲零難度 梁詠琪投訴愛女長氣丨EP188

今個星期嘅《電影泉攻略》 王鎮泉 Jeoffrey 請到新戲《逆轉上半場》嘅兩位主角 梁詠琪 Gigi Leung Wing Kei 同 陳湛文 Peter Chan 作客，分享戲裡戲外嘅有趣小故事。

Gigi同Peter今次演出新戲，最大嘅考驗可能唔係角色本身，而係要同一班小演員對戲，Gigi話好彩有Peter喺度，因為佢好擅長同小朋友溝通，Peter就話自己都係男仔，所以好清楚男仔會對咩話題感興趣。Gigi戲中就會同唯一一位女童星關係緊密，佢話相處上嚟就好似湊女，有時需要氹吓，有時又需要有啲威嚴。

電影中對於親子關係都有深入描述，對於本身都為人父母嘅Gigi同Peter嚟講，更加能感同身受。Gigi話自己鼓勵女兒多方面發展興趣，唔會為佢嘅將來設限。Peter嘅囡囡因為得四歲，所以佢只關心阿女日日返幼稚園做咗啲乜嘢，不過佢就投訴阿女唔太多講幼稚園生活，聽到Peter咁講，Gigi即刻以過來人身份傳授心得，佢話等Peter嘅囡囡再大啲，就會好似開籠雀咁講到你煩為止。

今個星期嘅新片速遞包括
《逆轉上半場》，人生勝利組希文靠自己努力打敗99.9%香港人，但因誤信朋友面臨破產邊緣。由深水灣搬到深水埗，為咗極速還債，機緣巧合底下佢需要帶領五個基層小朋友追逐足球夢而參加比賽，到底希文同五個小孩又會點樣踢出精彩嘅一局呢？

《尋秦記》，Ken當年因項少龍穿越失蹤一事而蒙受冤獄，於是搶奪時光機，並帶上能夠複製臉孔嘅儀器穿越返去秦朝，希望以假秦王嘅身份一嘗皇帝夢，Ken 返到秦朝後好快就遇上秦王一伙並施以特襲，不過秦王成功逃脫，仲前去搵已經隱居嘅項少龍一家求助，兩人二十年後再次碰面，兩師徒最終究竟是敵是友呢？

《未來的未來》，鍾意依賴撒嬌嘅4歲小孩小君同啱啱出世嘅妹妹相見，因為第一次體驗雙親嘅寵愛都被妹妹奪去而感到十分困惑同不安。就喺呢個時候，佢喺花園遇上一個身穿高中校服嘅女仔竟然稱呼佢做哥哥，並自稱係嚟自未來嘅妹妹「未來」，於是佢哋展開咗一場「穿越時空家族故事」嘅大冒險。

至於今個星期嘅票房龍虎榜，截至31號中午為止，第一位《優獸大都會２》、第二位《狂蟒之災》、第三位《海綿寶寶：深海巡「寶」》。

#電影泉攻略 #梁詠琪 #陳湛文 #新片速遞 #逆轉上半場 #足球隊 #熱血追夢 #育兒心得 #尋秦記 #未來的未來 #票房龍虎榜 #優獸大都會２ #狂蟒之災 #海綿寶寶深海巡寶 #王鎮泉

黃宗澤蔡少芬《風華背後》除夕開工迎新年 競逐視帝呼聲高有望迎喜訊 黃宗澤Bosco近日正忙於與劇組一齊開拍新劇《風華背後》，劇中演姜大衞及汪明荃嘅兒子，有幸同兩位前輩合作，Bosco對呢對父母極為尊敬，而劇集亦集合咗唔少久未在港拍劇嘅前輩級...
02/01/2026

黃宗澤蔡少芬《風華背後》除夕開工迎新年 競逐視帝呼聲高有望迎喜訊

黃宗澤Bosco近日正忙於與劇組一齊開拍新劇《風華背後》，劇中演姜大衞及汪明荃嘅兒子，有幸同兩位前輩合作，Bosco對呢對父母極為尊敬，而劇集亦集合咗唔少久未在港拍劇嘅前輩級嘅演員朱茵、蔡少芬Ada等。

踏入2026年，Bosco喺社交平台展示一輯劇組移師香港拍攝嘅大合照，祝賀大家2026年平安快樂。見Bocso同另一位主角Ada都收到一束鮮花，估計佢哋喺除夕夜要開工度過兼煞科，同一眾工作人員打成一片，有網民已急不及待Bosco下一套劇集嘅新角色。《風華背後》經過三個多月拍攝，日前汪明荃亦上載喺社交平台表示已煞科。

另外，Bosco今年憑《新聞女王2》演Kingston一角入圍競逐視帝，雖然其他對手好強勁，但Bosco獲獎呼聲頗高，之前佢傾力落區拉票，希望喺新一年迎嚟喜訊。

#黃宗澤 #風華背後 #姜大衞 #汪明荃 #朱茵 #蔡少芬

02/01/2026

葉蒨文帶病拍節目不忘放閃光彈 關嘉敏被黃家俊激到嬲豬

阿Bob林盛斌呢日帶領《女神配對計劃》五位女神 葉蒨文(Sohpie)、梁敏巧(Maggie) 、羅毓儀(Yuki) 、關嘉敏(Carman) 、李芷晴(Stephanie) 同佢哋嘅另一半 曾展望(GM)、劉啟進(Matt)、林俊其(Kris)、 黃家俊(Matthew) 以及 林焌堯(Jacob) ，齊齊嚟到嘉年華拍節目，並挑戰唔同嘅遊戲比併，可以寓工作於拍拖，Sophie病住都話要同GM嚟玩，GM話佢咩都敢玩，Sophie即刻插嘴：「佢連我都敢挑戰，佢有咩唔夠膽挑戰，我咁恐怖﹗」GM仲作狀話自己好驚，Sophie即刻扮肉緊攬住GM話「過嚟姐姐到」。

GM同Sophie呢對人肉閃光彈，每次出嚟都誓要閃盲大家，不過另一廂嘅Yuki同Kris一樣唔弱，鍚女友鍚到燶嘅Kris，即使好驚玩機動遊戲，但為咗Yuki 都頂硬上，雖然玩水槍時射到Yuki濕晒，但Kris解釋係因為怕佢凍親，所以特登表現差啲，等佢熱血沸騰無咁凍，冧晒嘅Yuki仲即刻作狀除咗Kris件外套保暖，認真搞笑。

至於關嘉敏同Matthew呢邊就備受考驗，佢哋之所以配對唔成功，可能都係因為Matthew對女方唔夠細心，搞到Carmen嬲嬲豬呀。

而一向畀人感覺內斂又怕醜嘅Jacob同Matt，估唔到嚟到嘉年華，當堂由I人變咗E人，Bob都覺得有啲意外呀。

#林盛斌 #女神配對計劃 #葉蒨文 #梁敏巧 #羅毓儀 #關嘉敏 #李芷晴 #曾展望 #劉啟進 #林俊其 #黃家俊 #林焌堯

譚耀文跨年春晚喜遇麗花皇宮四花 藝人歌手互相集郵拍照留念場面溫馨譚耀文於2025年非常忙碌，舉行入行多年以嚟首個個唱，又以導師身份指導多位參加《聲秀》選秀比賽嘅學員，完成個唱後，阿譚立即回劇組趕拍，日前拍畢煞科戲便馬不停蹄，去上海參加一個...
02/01/2026

譚耀文跨年春晚喜遇麗花皇宮四花 藝人歌手互相集郵拍照留念場面溫馨

譚耀文於2025年非常忙碌，舉行入行多年以嚟首個個唱，又以導師身份指導多位參加《聲秀》選秀比賽嘅學員，完成個唱後，阿譚立即回劇組趕拍，日前拍畢煞科戲便馬不停蹄，去上海參加一個內地電視台舉辦嘅跨年春晚特備節目，當晚與多位藝員及歌手合唱，以歌聲歡送2025，迎接2026到臨。

呢晚「麗花皇宮」四位靈魂人物「姚小蝶」鄧萃雯、「藍鳳萍」萬綺雯、「洪蓮茜」商天娥及「金露露」蔡曉儀世紀重聚，時隔近30年首度喺舞台上合體，瞬間引爆「回憶殺」，阿譚就喺社交平台留言表示非常感恩：「2025年可以忙到最後一秒鐘，真的非常感恩，此外在晚會上更難得喜遇《我和春天有個約會》四位主角包括商天娥、鄧萃雯、萬綺雯和蔡曉儀，我們立即互相集郵拍照留念，場面溫馨。」

林子祥與葉蒨文亦係當晚表演嘉賓，阿譚特別搵佢哋影合照：「我終於等到了，之前看他們香港演唱會時錯過了合照機會，今晚反而巧遇，也終於夢想成真、看來來年有運行！阿Lam和Sally真的好Nice，而我這個小粉絲開心到癲咗。」

踏入2026年後，阿譚將集中時間去預備1月25日嘅廣州個唱，亦要出席「拼命三郎」重映場，以及「今天應該很高興」兩部電影嘅謝票活動。

#譚耀文 #跨年 #春晚 #麗花 #皇宮四花 #商天娥 #鄧萃雯 #萬綺雯 #蔡曉儀 #林子祥 #葉蒨文

Address

Hong Kong

Website

Alerts

Be the first to know and let us send you an email when TVB 娛樂新聞台 TVB Entertainment News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TVB 娛樂新聞台 TVB Entertainment News:

Shortcuts

Share